邁向遞辭職信嘅一天 #2021
諗Sir你好! 報讀咗你全套收息及買樓課,而家仲有買樓003未上哂同收息104未上,真是獲益良多,很感謝你分享你的智慧,令我呢張理財白紙可以喺短時間內吸收到咁多實用知識,嚟緊要靠自己執行,希望你可以再指點吓。 背景資料: 我35歲(份工月入7萬),先生43歲(份工月入3萬),有一小朋友3歲,月儲1萬。我倆從未置業,無負債,現金50萬,先生幾個月後另外可從一投資項目取回現金50萬。我情況係現金少加儲錢力低,所以我諗我係點都要上車買層樓先。我份工係非常難頂,我好希望盡快踏出建立資產的第一步,俾自己見到少少署光,等我可以較好嘅精神狀態一步步走向可以遞辭職信嘅一天。 我同助教傾過同睇過吓樓,有啲計劃,請諗Sir俾啲意見: 計劃1: 以手上現金50萬九成上會買400萬馬鞍山studio, 月供$14000,管理費$1000,收租$11000,每月負現金流$4000 幾個月後再有50萬可用 – 計劃2: 做多一次計劃1,夫婦一人一間 (知道你極不建議studio 及一房,但而家得50萬,連一房都上唔到呀,同埋馬鞍山有屯馬線嘅方便,出租易,會唔會都可以接受?) 計劃3: 夾埋共100萬,九成上會買600萬粉嶺3房分租,月供$21000,管理費$2000,分租收租$27500,每月正現金流$4500 計劃4: 夾埋共100萬,九成上會買600萬東涌2房,月供$21000,管理費$2000,收租$16000,每月負現金流$7000。因見東涌某大屋苑近排呎價回落了不少,所以有此諗法。 希望日後可從樓房吐出升幅買債基收息,要有150萬先有得玩。 再次感謝你!希望你繼續分享你的智慧,幫到更多人! 學生上 ANSWER: 不少港人就當無肺炎生活都難捱,好似讀者話要增大每月收入,得以有較好精神狀態一步步走向可以遞辭職信嘅一天,真係聽到心酸。誠然有果總有因,一個三人家庭就當佢請埋菲傭,係咪要月搵十萬洗足九萬呢? 大家心裡有答案吧 建立資產就唔可以慳,好似筆者見到有才能既人而又肯屈就係我公司,絕對要豪爽去請,有用既器材更要提價去搶。只要你建立的是資產而唔係花費,他日就可助你賺回更多。投資同理,每月有租收既住宅絕對得來不易。你係香港出世唔代表一定有間樓比你住,既然住宅有租值,這不是說係香港出世就一定月月有至少萬餘元租收? 諗落都唔對路。 難對洗費控制的讀者,買樓為佢提供上流出路。加上筆者有感讀者執行力都差,500萬買樓預算你話只可買到馬鞍山一房studio? 大把大埔翠屏同荃景花園既兩房業主想搵你,佢地只係放緊400幾至500幾萬。另外新聞已有講,荃灣中心某些單位跌破了400萬,睇樓人多過郊遊。不過荃灣中心已過42年樓,讀者睇本BLOG多了,定必明白為何42年樓剛好是開始不是選擇的原故。因為筆者都幾肯定讀者只係坐在冷氣房謀天下,睇樓就少去少諗。如果肺炎真係一個藉後,那就等多兩個月才去行盤吧。 東涌明白汪總係同我既YOUTUBE節目於CHANNEL ID: HOMEBLOGGER HK睇好過,然而筆者唔同意。汪總同本人的意見不必要一致的,正因如此才更有火花,引發更多討論吧。東涌空置率升至雙位數,大幅領先其他區。加上東環提供唔少新盤難消化,現時市跌最弱盤先跌,讀者仲用跌多就最抵買的思考去選取? 再係咁就幫不上。 買樓已提邊處好至於選取時機在買樓003已授。至於手上50萬做槓桿債基真係少錢一點,既然只符最低要求,那不如轉投美股幾千港紙都可入場,美股有不少REITs及ETN都派息10%-20%年息,幾千港幣都買得。