Search Results: 東涌

再買新樓定係加按買債? #1540

諗Sir你好, 看過你很多案列分析, 覺得十分中肯有用, 好希望聽取你的建議。本人已經報讀收息101, 希望可以學習及應用。  本人兩夫婦年齡40多, 育一子7歲. 薪金約12萬一個月 (我: $50,000, 先生: $70,000), 供養雙方父母, 有一個工人姐姐。每月儲蓄約$40,000。 因小孩愈大, 須要空間愈多, 好想改善居住環境。 樓價太貴及重稅的因素, 現況有點膠著。   本人希望增加穩定收入, 3-5年內可以轉全職主婦, 抽多點時間照顧小朋友功課。因為年紀不少, 負擔亦大, 我希望用一些較穩陣的投資組合, 謝謝諗Sir指教。   以下是本人及先生的資產狀況; 新界東三房+車位 (本人名): 自住及自用, 現銀行估價約840萬及170萬, 按揭共270萬, 月供共14,000. 沙田三房(先生名): 出租, 現銀行估價約690萬, 按揭170萬, 月供7,500, 租金16,000 屯門兩房(先生名): 出租, 現銀行估價約420萬, 按揭80萬, 月供4,000, 租金9,500 東涌三房新樓(朋友名): 同朋友合購(33%), 估價約850萬 (未有銀行估價), 按揭490萬, 月供18,000, 租金16,000 (已過SSD) 股票約100萬

Read More

四樓在手為何隱憂? #1533

諗 Sir你好, 之前已讀完諗 Sir的理論. 夫婦二人 現年40歲，月入8萬 覺單靠雙手搵錢是不足夠，的確需要好好理財才能做好退休安排。   因此，想請教諗 Sir如何優化整體資產配置，為退休生活打好基礎。現時資產情況如下：   物業1） 現自住東涌樓，先生名下，市價估計約800萬(已過SDD)，400萬貸款，月供1.4萬。   物業2） 未補地價屯門居屋，15年樓齡，我的名下，估值305萬，135萬貸款，月供6千，現給媽媽住。   物業3) 屯門A私樓 25年樓齡，我的名下，估值450萬，140萬貸款，月供6千，收租8500   物業4) 屯門B私樓 25年樓齡，我的名下，估值450萬，130萬貸款，月供6千，收租8500   4）現金儲蓄50 萬（大部分放在兩個mortgage link戶口收2.1% p.a.） 5) 純儲蓄基金 保險100萬，保證回報3.2%p.a., 3-4年後取回。   問題： 1）現媽媽有一公樓, 我想用此公屋再買居屋, 是否可行 2) 我想賣了 屯門A私樓, 轉現金作其他投資,  是否可行 3）或一動不如一靜，暫時什麼都不做，靜候樓市回調才考慮添置多一個物業。 謝謝   ANSWER: 讀者需留意過往的成功，不表示未來此法行得通。讀者理財主要靠樓，然而現今把投資過份側重買樓，退休生活易因樓市波動而打破。先請看倌勿斷章取義，筆者不是不看好樓市，惟對於一些借貸力不高，而手持三間樓或之上的人，現市況不宜再加碼買樓。主因是借盡買樓遇上樓市回調，槓得太盡者往往捱唔過樓市低點。筆者亦無預測樓市之能力，雖觀察2月28日金管出的數據後，結論樓市升勢仍屬健康，惟看倌應將個人財產保存得不受估錯升跌影響，才屬萬年之策。本blog的理念不合一些過份拚博的人，有緣找到好教師或許會開些教年輕人理財的課程，或此刻主為薄有資本者服務。   讀者家庭收入為8萬，借貸力為80k/10000*50%*2.59 = 1036萬。現時已借400+135+140+130 = 805萬，而物業市值為2005萬。可見借貸力已用805/1036~80%，而手上物業跌12.5%已等於讀者手上現金加一年人工次總和(約250萬)，此情下斷定讀者不應再買樓，雖交出母親公屋可綠表九成半上大省再買樓首期，但再借仍屬不應。反而賣走物業三可以考慮，因賣走樓套回300萬，應已大致等於讀者10年所儲。計讀者夫婦人工8萬而月儲3萬，10年只可儲360萬，因此讀者可把握樓市現況而先賺一套，同時補充現金水平。留意手上100萬係放於保險，幾年後先可用，萬一跌市真到而手上只50萬現金而hold足2000萬市值樓，只可以祈禱個市生性同銀行唔好搵你。  

Read More

兩個公屋L, 究竟點結婚? #1445

你好，諗sir,偶然係書局買左你本書，讀左一半啟發左我唔小，謝謝，由於每個人既情況都唔同，我想請教你一些我的問題   本人29歲，月入平均4萬，有75萬玩金無投資，幾年前買下買下既股票玩值25萬(蝕左一半)，我每月可儲2.5萬至3萬。 女友27歲，月入1.4萬，應該儲到5千，女友最近想搬出黎住，因為我同佢屋企其實都係勉強住到，唔太方便 ，我又好想等到樓價跌先買，現在買好像很不值，睇完你既書 ,覺得自住都可以買一些小單位 。   究竟我依家應唔應該上車? 如果可以，我想買返深水埗，大角咀，長沙灣， 因我上班時間12小時(她上班也10~12小時)，想住近d 返工。   定係買元朗，東涌，屯門?(遠d 但平d ，有升值能力)，如果買樓我唔夠首期，建議將我的股票放晒嗎?(放左幾年都沒起息) 定係等機會? 如果唔買樓，我的現金可如何投資?   眼見通漲日增，錢放在銀行都是蝕緊，玩股票又蝕，不敢再沾手。睇過一d 書介紹買reits,但都不太明白，望諗sir 可指點迷津。   希望得到你的回覆，感激萬份，謝謝。   兩個同父母住公屋 又唔夠住的人   ANSWER: 首先，筆者用作起題的”L”字母係”Leader”咁解，沒有不敬意思。讀者29歲仔搵4萬都算叻仔，其文筆亦與提案人工資較高一事相符。明白有人話:「叻唔叻唔可以用人工決定!」此點當然同意，有些人對世間錢財事不愛理，不作比，躲在一角為社會貢獻而不求名利，筆者樂見社會多此類人。可惜眼見是95%既人都愛利名而終人奔波，而工作者得到幾錢就是社會對其最客觀之認同，所以用過去數年的平均收入水平去量化一個人有幾「叻仔」? 屬無方法之中既可接受方法。用數年之平均主因是作奸犯科者，呃得一時而難呃幾年。壞事一做大而無法理依據，自有人眼紅而將其踢爆。故長為鉅富者，必有其德能。你話佢一是你看不穿，二係咩你自己諗。   一些基本觀念想提出:「分清想要同需要。」女友係想搬出黎住，但兩位未建立家庭而儲蓄不多，係咪有需要負擔一層樓呢? 加上雙方父母都住公屋，應該無父幹。此情下先檢視讀者手上籌碼: 75萬現金+ 蝕淨25萬的股票 較高工資在4萬 未有樓，有九成上會呢張皇牌 父母有公屋，如交出可考慮錄置居或免地價買居  如果讀者有兄弟姊妹，其實第日會幫到佢   定立目標: 利用買樓去增加資產金額而按月還按揭，利用長時間去為自己搞掂樓一間。 打好份工令工資再高點，他人用父母名交出公屋轉居屋，自己擔保父母住公屋。他日父母離世，如自己撈搞唔掂做居屋自己住私樓租比人，衰到極起碼兩層樓揸手只消供滿退休唔使太憂。如撈得掂咁將居屋當迷你倉用，或予兄弟自住，從而又可利用兄弟的名額為自己低稅再買第三間樓。   讀者個人借貸力為40000/10000*50%*2.59 = 5.2百萬。在九成可上會下其實可負擔400-450萬的樓。不過筆者看法是讀者就算而家買都要租出去，請勿在婚前就買樓自住增加居住成本，尤其考慮到讀者買樓後便「一闊三大」，擔心顧得買傢俱就唔夠錢擺酒，所以咪係後生「開大個頭」。有些同學如夫婦工資皆高的，計過後或可提早搬出黎住，但讀者情況應不可。   至於買邊? 佢提過一些有升值的區份，其實都唔係好。這些要在買樓001堂再講解，數據化理順方法。至於讀者趁後生輸下股票係好事，可防止日後大輸。緊記打工升職，容易過做股神賺錢。當然唔貪心係股票市場賺些少，在學好策略後是可取的，但不要胡塗相信免費資訊。香港人一向以冷漠見稱，為何一些人突然熱心向你介紹投資呢?   若投資比作醫病，你寧願睇個免費但拖你成世症既醫生，定係比些少錢一次過搵好個病呢? 就好似筆者自己，時常搬書，但搬屋就唔可以自己做梗要比錢搵人黎。一些免費或低收費的搬屋公司，很多時都引賊入屋的。

如何保障自己不要錯買兇宅 #1420

  近日收到友人查詢，他在東涌的單位，因早前同層另一單位有人跳樓，究竟係咪應趁早賣而換三房?   意見是唔係趁早賣，而係要即賣。因為俗稱的兇宅同層單位，一樣係估唔到價。若你下家買樓因估唔到價而做唔成按揭，一定大把買家打退堂鼓…   可能你諗:「到買家要上會做按揭時我樓都已賣左，或已簽左臨約，佢撻訂我有錢收! 我間樓又無死過人，扮唔知有冇人跳過樓有咩問題?」   問題係經紀若知道單位有不能承造按揭之條件，需要披露予買家。當然如法官/地監局信服該條件極難得知、或如同行中不是流通資訊，經紀有可能「甩到身」。不過買樓係開心事，唔係想打官司，買家點可以自己做些查證保障自己?   查兇宅網唔係一個point，因為兇宅網來源是「行情」，不屬於可依賴的資料。更何況法例上對「兇宅」其實是無定義的。故買家問經紀「呢間屋係咪兇宅」? 其實已露餡比人知你認識有限。另外亦需留意引致兇宅賣價低，不因為佢內裡有鬼。不少人買樓求收租，唔關心間屋有冇鬼。低價主因是估價行話比銀行知呢間屋佢地估唔到價，引致該屋不能承造按揭，從而令上車首期大增(首期=樓價)，令賣價要調低。兇宅一事亦體現了住宅的借貸力，因兇宅無得借貸，而其低售價就量化了失去借貸力的當時應價扣多少。   一個可依賴的資料是自己做查冊，好似一對夫婦飛落4樓兩個單位平台的案件，不時差人都會扣押4樓兩個單位作查案之用，而查冊就會見到有police的ORDER。另外如屬屋苑單位，準買家可用網上估值為單位評估，很多時單位會估唔到價既。至於決定單位是否兇宅係估價行，佢地會用派員或剪報方式，去將一些單位列為兇宅。但佢地係無一個「單位是否兇宅」的基準。   明白有時屋苑會將些墜樓案件收得好埋，例如菲傭睇唔開跳樓，真係無報紙報導過，亦無咩人會知。究竟咁算唔算兇宅? 那就要看個間銀行用的估價行，究竟知唔知呢單野。同意將單case「收埋」令業主得益，只要冇咩報紙報導過，估價行難知。但若你入手此等單位，而有一日有人咁PK或因某些原因將呢單野揚番出黎(例如菲傭既媽媽過左黎申冤搞大件事)，你就會「中彈」，係中途被加入「兇宅list」。所以買樓時如有懷疑，要識問及問到底。   故除了查些Material fact，買家其實在買賣過程中可主動做一些步驟去保障自己唔好錯買入兇宅、或鋪定路去追究萬一錯信Agent買左而自己應得之賠償、或踼契。 這在買樓001課程再談。買樓很多人一生只一次，不免要從他人經歷去學習。

一批「贏左」的香港人 #1409

  諗Sir, 你好！聽完你今日的課程 “買樓003”，收獲豐富。我想請你指教下我的情況： 本人為公務員，太太為教師，同為36歲。人工收入共約10萬。本年初賣出原有物業，並買入1個市區物業收租2.5萬 (太太名下)，供30年，每月供款1萬。 另每月家庭支出(包新界租樓自住，子女學費，保險，工人等)5萬，現有現金450萬，自己名下無物業。是否應該再多買一個單位收租投資，還是其他投資？     ANSWER: 估計讀者是及時出世的香港人，結婚就買樓，坐定等市升，咁就450萬現金袋袋平安。今時樓價已升上去，年青人面對結婚、裝修、生仔洗費，要買埋樓再儲到450萬確實難。5-7年前結婚既香港仔面對200-300萬一間樓，只要唔貧心咪諗「等跌賺盡」呢D衰野，今日已像讀者安在家中諗熨下間樓。那一房業主究竟點決定是否再買?   一是工資，此因素決定借貸力。而投資人不應在旺市運用超70%之借貸。讀者夫婦借貸力為(100K)/10000*50%*2.59 = 1300萬。現已換樓月供10000。借貸力估計用掉2.59*10000 = 259萬。即用了(259/1300) = 20%。用60%更保守為限，讀者可再買第二房，但不可借超1300萬*(60%-20%) = 520萬。一些新界西區的三房就在此價碼。   二當然是現金水平。若讀者付10%首期入手550萬樓借500萬，手上現金跌至400萬。由於市區物業市值不詳，不過收得25K的物業市值應至少900萬(除非劏房)，咁計讀者手上物業市值550+900 = 1450萬，而現金有400萬，借貸有(500+259) = 759萬。萬一樓市跌50%，即1450萬物業跌剩725萬，讀者才成為負資產，而手上仲有現金400個。證明安全系數好足。讀者可用500萬樓做預算。   咁點解係新界三房?原因? 好似屯門市中心興建時遇上跌市，發展商將單位改細令新樓更易賣出，造成屯門有大量1-2房供應而少三房，令三房在該區擁稀有性。現時新界西不少居民都有經濟能力，加上屯門與東涌連接橋一到，住屯門去機場返工或去珠海都好方便。讀者利用單名慳稅在該區尋寶，趁後生擁兩樓而利用時間去貶抑債務，此為慢做而穩贏而策。   當然要快，炒股、炒輪、炒金都得。諗sir個blog唔識呢d野。其實唔係反對，不過投入資金不要多。   讀者賣樓後淨低3-4百萬，利用債基疊增收息，可更進取一行就套餐B或A收20-25%。原因是讀者儲蓄力都強加上份工穩陣，相反一般人只可行12-15%C餐先做。那400萬記住分段投入，亦可堂上學師兄用5粒豆做指標，400萬收80至100萬息唔難。你可能諗真係有咁跨? 只可說你可由10-50萬去實行做起。10月上堂於11月10日已有息收，你睇下50萬係咪派到7-8千蚊息? 再決定是否加碼未遲。   睇片:屯門市中心興建規劃

[諗sir]結婚要生仔，買樓籌錢點樣辦? #1367

  諗SIR你好, 小弟最近才拜讀了閣下的雙租族, 樓換樓, (因為收息輪賣到冇貨了, 要訂!), 自覺虛秏太多光陰&機會, 真有相逢恨晚之感.   小弟今年36, 女友32, 現正在一小村屋同居, 打算明年結婚, 手上有少許資金, 但不知道是否要先買樓, 還是再做投資, 等樓價回落少少再買 (因為眼看銀行已經開始加息, 同埋諗SIR話過應該在樓價高位回落10%才入市增加防守力), 煩請諗SIR指教:   小弟月薪25000, 女友月薪35000, 流動現金約50萬, 股票120萬, 由於我們住一起, 所有屋租, 水電費, 飲食生活各樣消費小弟全包, 儲錢是女友在儲, 每月最少儲25000, 另小弟有一層與已退休母親聯名的舊洋樓 (在屯門), 35年樓齡, 買入價215萬, 借65%, 供了4年, 供25年, 息口唔記得, 月供5100多, 現應該還欠127萬, 女友沒有物業, 我們也沒有另外的借貸   小弟&女友借貸力, 計算為(35000+25000) / 10000 X 50% X259萬= 777萬, 再減127萬= 650萬, 由於小弟與母親聯名的物業不能賣,

Read More

[諗sir]高薪低儲蓄投資初哥個案 #1366

諗Sir，感謝你的網上分享，拜讀你的文章深感受用。本人27歲，和女友打算置業自住，並積極學習投資，已報讀將開課的DV44，希望你可解答我倆一些疑難，感激！   現況：   本人 女友 月入 60K 45K 月入升幅 12-15% p.a 數年後升職約 40% 通脹比率 每月儲蓄 30K 20K 每月開支 (家用+日常開支) 30K 25K 資產 現金 150K 父母打算加按已供滿之自住樓，父幹有4M (需每月還款約20K，由我倆承擔，但不損借貸力) 股票 200K 置業計劃： 樓按 約6M東涌私樓，8成按，單名買入 首期連雜費 約1.6M 裝修費 約400K 結婚開支 約350K 投資： 1) 餘下的現金 (4.15M – 1.6M – 400K – 350K = 1.8M) 打算修畢DV44 後，以約1.5M投資債基，希望產生約每月最少15K被動收入，並保留300K流動現金以對沖債基風險。 2) 本人明白我倆尚未用盡借貸力，所以將繼續儲蓄以準備購入第二層樓，或作股票/ETF投資。供樓後如債基表現良好，每月可維持儲蓄約30K(現時水平)，並按月入升幅遞增。當然打算繼續報讀諗Sir課程才擬定具體計劃！ 所以想請教：

Read More

香港樓價未跌的四個原因#1357

第一個因素上星期已述，到前文: http://homebloggerhk.com/?p=78179   上文交待了香港太多錢在銀行，令硬資產(如樓)的價格大升。今日睇睇香港有人住的單位數目: 見上表知道香港從2011至2016，增長了14.4萬個有人住的單位。我地唔計無人住的單位，因為不少係東涌起左既公屋，根本起左都無人住，唔計呢類屋更貼切。政府不時公佈新落成公居屋之數目，要留意如地點是在很偏遠地區，屋起左都可以無用。另一個有趣是，2011年比2006年有人住單位多15萬個，仲高過11-16年增幅。   另一邊香港每日有150個新移民，加上新婚男女都令居住需求上升。下圖展示了香港每月約6萬對男女結婚，當初有約34000對屬(雙方)初婚，假設佢地當中有一半有能力買樓，對住宅之需求都有成17000個。 香港2012-2016年，見下表私人單位落成量為(10149, 8254, 15719, 11280, 14595)個。每日150個新移民，一年都成54000人，係供應同需求失衝下，你見到不時有D內地人連要比30%印花稅都唔怕要買樓。近年樓市已很少投資者，惟樓價仍升，可見需求問題仍未解決。 SOURCE: 香港物業報告 最後睇睇香港人自己，2016年個人入息中位數（主要職業、不包括外籍家庭傭工）為$15500，比2011年的12000升了約30%。睇落條數好靚，不過若扣除物價升幅，工資5年間實質增為值僅為9.6%，這加幅夠香港人應付被外來人入住而搶高了的各項物價嗎? 看法: 一: 要知政府不時將數據選擇性公佈，我們細心整理資料令同學看得更闊，走得更遠。 二: 政府要壓死樓價係有辦法。不過同意政府係無「打壓樓市」的主張。報紙寫「政府打擊樓市」只係應讀者所求 三: 各位再唔需要用香港平均人工去量度樓市升幅。1840年，太平天國作亂令不少中國南方富人逃難至香港，令三千人漁村的物價暴漲。漁村漁民的購買能力係難同廣州府的市民比較的。1940年，日本侵華令上海人逃難至香港，香港人的購買力係唔可以同上海比喻。如今只是將歷史再一次重演。正因德國，位處歐洲中心的兵家必爭之地，德國人叻同好技術係逼出黎既，兩次世界大戰都有佢份，而家東西德合併返，德國人又走出黎想話事，又比法國聯合俄國斯去制衡佢，同80年前大致循環。有時一個人或國家所行的路，很難違逆。  

唔想成世同層樓打工#1342

諗sir您好:   較早前已修畢收息101, 準備修讀買樓101和103. 我和太太已經45歲，同是在政府工作，毎月收入共10萬，有兩名6歲的孩子。為了兩個孩子升上好的小學，我們在2015年賣掉了自住的東涌物業，並租住校網12的地方, 租金每月4萬。   以下是我一家的財政狀況：   1.無任何物業 2.現金HK$150萬 3.定期HK$200萬 4.股票HK$150萬 5.金飾HK$60萬 6.每月儲蓄不超過2萬 7.沒有任何債務   我們的目標係買入大過1000呎的市區樓。現時一般市區的三房千呎物業也需要過千萬。如果我要買舊樓，一定 唔夠首期。如我買新樓可用發展商提供的財務安排以降低首期，但極可能成世同層樓打工。物業代理建議我買入一個一房或兩房的單位來收租。   現有兩個問題想請教諗Sir： 請問我應否繼續租住，並買入一個兩房單位來收租? 如何能達成買入逾千呎的市區樓?   請指教！感激不盡！ 你的學生   ANSWER: 應否再買樓，要計家庭總借貸力。夫婦人工共10萬，借貸力為(100K*50%*2.59MIL) = 1300萬。可能由於政府有津貼，所以讀者至中年都無買樓，導至陷入只會人搵錢的惡果。45歲無樓而擁500-600萬流動資產，有感人工是超卓，但資金水平好一般。一對30歲5-10年前結婚置業買左「四小龍」既教師，其實佢地放左間樓都有400-500萬係手，同呢對廿萬夫婦相約。原因係資產膨漲，快過用人手搵錢。咁究竟係咪鼓勵緊炒賣呢? 首先係香港投資物業如賺錢(尤其是短線)有稅務責任，本BLOG很多方法都係叫人放長線。例如趁後生買樓而定額供款，利用銀紙長貶而租金隨通賬上升之原理令大家越供越輕鬆。當然選區有技巧，物業亦可轉名慳稅或按爆令你套多一筆，不過中軸線是簡單不過，就係睇淡銀紙內含值者可以參考本BLOG方法。   由於讀者借貸力較好，所以應該買樓，不過唔係1000呎個種。應該參考之前筆者研究文章，已有交待例如港島細單位是樓價跑輸而租金升得慢之類型。那究竟邊區同咩單位類型看俏? 讀者有心搵自可找到。買1000呎樓亦表示交稅近100萬，雖然夫婦無樓可免交15%的貴價稅階，但在購入物業過千萬從價印花稅在6-8%之原則下(更正: 呢位讀者無樓在手，應只是3.75%)，讀者要預備買一千萬樓交近100 50萬稅。回望係香港比3-4萬/月已可租到質素不錯之樓宇(至少筆者咁認為)，讀者不如買細樓慳稅而將省回銀碼去租住1000呎市區單位。   買的單位市值在400-500萬左右適宜，今時都係呢類樓個價跑得快，市場無教錯你的。其中一個觀察，是用100萬首期去買400萬樓假如又升了40%，即價至560萬，可按爆八成而套120萬。若買1000萬樓，首期已經係400-500萬，而基於1000萬樓只可按至50%之關係，樓價就算再升都好難加按，引政該價位單位於市場無咁受歡迎。亦因如此，讀者應持有1-2兩間較細價樓收租，去津貼自己租大屋的租金。萬一市場下行，兩間細自可選擇「放一。留一」，比成世同一間大屋供樓更具彈性。賣加上自住樓呢件事好被動，淨係搬屋都好煩人。   當然你心諗:「買新樓只需比15%首期，咁咪唔使咁多首期?」先講新樓可以用少首期是同意，但要留意萬一樓市下行會令業主很快成負資產。加上首兩年免息後二按之利率頗貴，要做足心理準備先好上。   若一定要買千呎市區樓，計1500萬市值，五成上會首期750萬，月供約750/259 ~ $28000/月。讀者手上金額唔夠比首期，不過可以去財務借二按，例如15%樓價，可令首期限至約$550萬，而750萬的一按照$28000/月去還，但200萬的二按應要用4-6%年息去消還，計200萬攤20年(財務公司較少比業主攤30年去還)，月供約$12000。一按與二按共計月供$40000。計及將現金用盡加上負責四萬蚊的月供按揭，買大屋自住不太划算。

18區樓市供應量少評 #1341

九龍城: 18區供應之首，今時期價已呈超買之象。啟德發展令該區供應暴增，若沙中線(經九龍城)如期2020通車，將影響麗港城、譽·港灣之獨特性。估計淘大是招呼另一類客，所以銀碼上跌價應不大。   西貢: 即將軍澳，由2012年寫BLOG至今，應未曾予好評，今年將供應之首的位置交捧比左九龍城，但都係第二。當然單位本身稀有性行先，區份為次。若你在將軍澳找到個單位是稀有加上價格平，那絕有購買之理由   元朗: 未來供應高，今時暫列季軍。上年曾經減少過，不過歇息一年後供應又黎料。   大埔: 應將天賦海灣的供應消化掉。平水   沙田: 曾經好，而家一般般。因為有另外一些數字正反映此現象   北區: 新口岸落成加上供應少，中性偏好   中西區: 港島區近幾年一向落後。只好說中西區暫時不過不失吧   灣仔: 不太看好。除供應亦有其他數宇反映只一般。   東區: 看好。供應量在適宜水平。   深水涉: 細單位供應量多，總供應數唔係少。只能小心購入，亦不應買當地的單幢樓細單位   油尖: 供應一般，前景看俏。但對不少人而言入手價很貴。若你在油尖夾硬買爛樓，不如去差少少既區份買「好樓」   荃灣: 原本以為三個新盤之供應量會壓死荃灣。但現在荃灣是18區最低空置率之一區。你真係吹佢唔漲，盤出極都仲有人買   屯門: 由寫BLOG至今5年，從未放棄看好。數字已說明一切   黃大仙: 老人太多。不予置評   觀塘: 由於裕民坊重建，加上有工業區，該處是有居住需求但無置業階梯。長年留在觀塘住既人主要在「觀塘半山」，當地冇咩貴樓，留唔住貴客   離島: 即大致東涌。之前提過係好，而家要修改此想法   葵青: 唔好諗。總之唔好諗呢處   南區: 唔識睇，未夠銀兩。南區有些單位類型成交是一年少過10宗，故要熟知該區，一定要撈當地agent。至於香港仔中心，中性。海怡，小量落後如新界或九龍中屋苑。