Search Results: 一拆二

千萬富翁開始學投資 #1913

諗SIR:   本人一向只作低風險投資，買外幣收息，做定期，買保險等等，從沒入手股票或基金。   最近有幸看到諗SIR的網站，對正現金流才有所認識，馬上重溫你解答的個案，以及看了你數本書。為怕一求甚解，作出錯誤決定，決電郵請教。   本人44歲，工程師，月薪7萬。轉職公務員1個月，比起之前在商業公司月薪10萬，減了3萬人工，過去約每月儲3萬，現時沒能力儲蓄。現金流約有200萬，另有一些儲蓄保、定期、外幣約80萬。   太太37歲，快樂家庭主婦，沒有小孩，婚後9年也沒有打工，只負責管理租客。本人婚後一直把租金收入送給太太當家用，在租客大約每2年走一次，要空置約2個月翻新間屋及給佣金招租，太太沒有任何儲蓄。   現時我倆住在早年外父送給太太的北角單位，太太單名擁有，每月供款約$15000，由外父負責供，外父保證在退休前會full pay層樓，不用我們擔心。雖然市值約900萬，並只剩下貸款約140萬，但不方便加按吐現。   本人單名擁有一九龍大型屋苑，市值超千萬，尚欠330萬貸款，每月供款約$23000，現時放租$25500。   外父59歲，有一新界自住物業，已供滿，市值約600萬。外父當裝修工人，沒有報稅，半退休狀態。   看到諗SIR建議的一生三宅目標，心生一念頭，請外父把自住物業轉讓給太太，再用外父名義，在我家附近買一個2房單位放租，假如外父年紀老邁，也可收回讓外父自住，以方便獨女太太照顧。   最近在留意物業市況，好租好賣的健威花園及富雅花園入場費800萬，超出了預算。只能投資北角樓齡3x年的單幢樓，可幸北角許多單幢樓都已經進行了大翻新，入場費418-588萬，租金約$13800-$18800，應可cover每月供款。   鑑於只能做5成按揭以符合放租條件，需加按物業吐出170萬，連同現金約百萬買新居，再要擔保外父做按揭，未知是否太大膽，還是用現有現金流買直債，待過了公務員3年試用期，當上鐵飯碗才買入第三宅，可是又怕年紀太大了。   本人打算上收息101，另外，我現在打算一拆二，是否該上買樓003而不是買樓001?   現在行年44才學投資，希望不會太晚。期待能得到你的回覆。   希望快過試用期的公務員上 … answer: 讀者做公務員是正確的，因為佢打工多年累得之財富主靠樓市升值被動而來，自己既儲蓄能力低下，若不是當年政府出辣招令樓市供應大減，樓價就唔會谷到咁高令讀者兩樓(九龍自住樓+北角)賺價達1700以上。假設讀者仍在私人機構服務可月儲3萬，儲1700萬都成566個月，即47年，由佢出世打工撈到而家都唔掂。分析只望讀者明白: 而家佢搵七萬洗足七萬，究竟是那樣東西承接著佢? 好好評估樓市一旦「縮水」，對比下佢是否較受影響。   返工未夠半年批唔到按揭，就當有渠道遇上銀行熱批潮都要返夠三個月，讀者現還是等2020年頭加按樓，加按前可利用收息工具試買20-50萬，由於月月派息，故債基派息能否達10-20%年息用2-3個月就試到。試好後才利用加按到既錢加碼。至於買住宅，筆者認為讀者及太太控有兩樓市值達1900萬，而年收入預期只84萬(未計交稅要扣)，再買第三間屬於過份投進樓市，除非筆者轉行撈經紀，否則都唔會叫讀者再買(樓)。   當然如樓市下調至離高位20%或更多，及1-2年後讀者對試用期能否過有更大把握，到時再買樓可以。3年後讀者47歲，最大按揭年期估計仍可批28年，只比30年細些少，不應為借貸力掉失而急在45歲前買樓。另外建議買樓買易租出及租值高的，怎實行? 易租出需要大屋苑及交通好，原價10-25K租的三房，呢類樓最短空租期。由於租10-25K樓的租客多要為口奔馳，故近地鐵站一定有利。   至於租值高點做到? 靠老婆。不妨在修畢收息101後，上埋買樓003學好點做學生宿舍。其實宿舍唔一定租比學生，筆者上星期四租左個房收$5200/月比香港男護，單位共用廁所的。同區如果舊洋樓獨立廁的大約租5.2K-5.5K，但筆者呢間係屋苑樓新裝修，所以共用廁都租到5.2K。留意筆者呢間屋係三房，而廁都改埋有兩個房，由於廁所廚房是共用唔使改，改裝費好平加上沒違例，五間房收26K，同類單位就咁租出位只收15K。呢間屋區份差客源少些，故叫5千幾。若買樓003同學去選些好區的，一間叫6.5K-7K了。所以先講學生宿舍改裝費少，而租金可DOUBLE(由約15-17K加到28-35K)。至於管理? 靠老婆。不少學生是一年過交哂租，又或入到屋跟本唔難搵佢傾。   近日網上哂5900租青衣租酒店包早餐，然而筆者親手與同事幫學生搵租客，觀市場，可告知你部份酒店已加番價，故不少內地學生已棄酒店轉返黎學生宿舍，下圖見筆者之wechat，就某一單位於8月尾開始無人問津後，9月中開始一連幾個查詢(下圖)。所以今年做內地學生條水係差些少，不過要租的還是要租，客慢慢已由酒店出番黎。再重申除了內地學生，香港客對分租房也很有需求，而萬一經濟下行，分租房更盛行。未來內地會派更多人黎工幹，更多歌頌紅書本的老師，佢地都要個住幾年既方案。讀者他日買樓，700萬樓三房收成35k租而只供18k，投入200萬左右首期差出+17k月現金流，今日好去部署。 北角樓不建議買黎收租，佢上完堂再走去其他的區份睇睇，筆者評什麼叫好租好賣，其一就是看個盤放左上網會爆幾多陌生人查詢，而唔係只憑自己觀感。當然讀者亦要學習怎叫人做些少裝修及找客源的點子，請不要停留在自己熟悉的行業，或熟悉的地區了。你要不一樣的生活，就要有新的知識及不同的習慣。

及早買債、回頭是岸 #1893

諗Sir你好,    本人是101收息班的畢業生, 穫益良多, 並巳報讀了103收息班。想請教住公屋基層市民, 抽不到居屋, 又不想在高位購入私樓做樓奴，資產應如何分配才合適。   本人雖有置業需要但未算急切，而且熊市氣氛炒得熱烈，因此計劃與女友在碩士畢業或熊市後才置業結婚，亦計劃生育，正考慮如何滾大首期及改善現金流，增加未來選擇，好好計劃下半生。近年一直學習不同投資方法，上完諗sir課後此知債基及置業的強大之處。   本人29歲，女友27歲均大學畢業，月入分別是27及28K。股票320K，現金520K，女友股票400K，現金100K，家有未補地價居屋，市值約4000K，已供完，由女友父母持有。二人9月開始修讀碩士，學費每人約10萬（已扣減政府資助）。家用合共13K，每月消費約10K，二人均未買醫保，另為家人供醫保一年28K，每年遞增，暫無其他支出。   股票方面，二人於2018年5月入市，小弟不才，交了學費，不甘心於是上堂學好股票，現在二人已賺回學費，正等候入市時機。   目標： 四年內置業結婚，如果可以一人一間更好，計劃生育 女友父親一年內退休，之後兩老便沒有收入，saving只有20-30K，又無買任何保險，強積金現時約值1000K，想收息改善現金流，幫補家人支出   想問：  現打算以 50%股票/期貨/商品，30%債基，20%現金方向分配資產。估計股票將是首期來源，想用股票增大首期，試將來有沒有機會一人一層樓。這樣安排是否太進取？是否需要減少股市，增加債市百份比？ 根據上述分配，二人合共可投入債基約400K，未知夠不夠做PLAN E，同時因怕熊市被call-loan，蝕價又蝕息，正在考慮現時做不做槓桿，還是等熊市過後風險會低一些？該如何判斷應否做槓桿？ 女友想用居屋做按揭約2000K買直債收息以幫補兩老支出，未知是否合適？ 1000K的強積金可用來實行PLAN E 或 103 的 PLAN A/B，或做保險融資，未知如何選擇？ 另一個方案是，拿居屋按揭2000K加強積金1000K，用女友弟弟（將移民）名上會，運用買樓103方案收租？   求指點迷津，萬分感激！ 祝身體健康，心想事成。     ANSWER: 戒除猜度後市的習慣，將令你人生升值，故第一戒是自行斷定往後是熊市。   建議可將樓市分為大升、唔郁、小跌、大跌四個選項，才評估一下自己能否準備面對。如樓市大升，今時今日悲觀情緒主導，或你認為無咩可能。然而錢最後只集中在小撮人身上，那你認為站在主流思想一邊究竟可以賺多少? 若果你起碼有幾千萬，跟主流可以，因只需要「人贏你贏、人輸你輸」對於初步上岸者已足夠。但對於讀者唔可以，兩萬幾人工加幾十萬儲蓄，必先求不敗，再把握人輸而自己獨贏機會。   若往後樓市再升，讀者及女朋友可共借(27K+28K)/10000*50%*2.59 = 712萬，計出讀者有能力買一間樓，但兩間根就好勉強，答左讀者「有否機會一人一間之問題」。讀者應在中原樓市指數若再破頂(約190點)之時，起碼留起60萬予自己九成上會夠錢買細兩房、另外要學好買入領展期權去為自己對沖樓市再升風險。領展同樓市相關系數較高，你可靠期權去槓大領展升幅，賺返部份樓價。樓價升亦表示讀者家人的樓都可再升些少，份工亦可保住，其實唔係最差結局。   若樓市高位持平，之後唔上唔落，物價相信唔會平及居住成本昂貴。讀者一旦工資唔加，股市處於上落市，此情下洗費高，投資賺錢唔易，樓亦唔升未能令一拆二再買樓，筆者認為咁對讀者不利。對一眾半上岸者就有少利啦。咁既情況出現就要用股票突圍，可以除現金外，股票及債券各買一半。   若樓市少跌，讀者工又有得返，普遍人都不會大減薪，樓價亦平些少。咁對讀者最有利。此情下多債少股做好準備，有樓市跌離頂達20%時出手買住宅，九成上會。   若樓市大跌，恐怕今時已唔想批按揭的銀行，到時會更唔想批比你。用逆向ETF去捕捉大市大跌、或黃金升值是可取的。下(圖)列一隻同黃金有關係之ETF，一天升了15%，5月至今由$35升至$89，一季double有多，更比起黃金升2%足足升多了7倍。留意此升幅不用槓桿戶口去取得，只不過到收息104課明解「一旦金價升，仲帶動了不少產物升的。」我們不買金、買其他。當然，肯定同bitcoin騙局無關。 買金者留意，揸實金如遇上大跌市或局部戰事，拎金有問題。二戰德軍佔領法國之後，指令全人民交出黃金，否則打耙。現時中國限制黃金入口，防止人邊過人幣轉金而加速資本外流。黃金就是「名氣」太大，反被「名氣」所累。反而美國國債大家知道係虛、但美國無原因會叫美國債作廢，最多只叫中國手上的美國債作廢，故美國國債為現時持盈保泰之選。比大家睇睇，由年初至今提的其中一隻債基，過去一星期有跌嗎? 沒有，下圖見8月23日計一星期升了0.36%。一個月仲升了1.88% 希望讀者多作評估，看自己會否因一些事而令自己「無棋」，咁做比估計後市更有為。若擔心市跌被call

Read More

究竟做劏房定學生宿舍去double租金? #1862

  諗sir你好我已經報左今個月的101同003，就黎同你見到面但因為有一些急切問題想先問，希望回覆 本人有意買劏房收租增加現金流，近排見到有個大角咀低層有平台劏左3個收到22000租，45年樓但有orders可能做唔足8成，售價傾到460請問值唔值得買?估價494萬   如果做得6成要拎200萬出黎做好似唔值得加上怕難脫手 做8成的話有按揭轉介公司說可能只做25年，計埋管理費月供都要15000，只有22000租金只有7000現金流值得買嗎?   如果現金只有250萬的情況下應該買劏房還是學諗sir做發做一個學校宿舍? 祝諗sir同所有同事身體健康生意興隆 我留位編號TELY57TELY58，電話66xx-xxxx   ANSWER: 劏左既樓有些係過唔到銀行驗樓，上唔到會既。有些就好有機會避到驗樓，值得一博既。另外有些銀行內的人，勤做驗樓既。亦有些銀行既人，懶做驗樓既。大家咁醒，當然明白搵間有機會避到加懶既銀行黎做按揭，最對投資人有利啦。當然這些知識擺到明唔係免費，你要知可抽時間黎筆者買樓班、亦可以大熱天時自己去每間銀行試下問。   上星期六完左買樓班，竟然落堂有位女仕黎問保險。好啦筆者一向好很nice，照答。佢話驚自己死左份按揭無人還會累左仔女，問呢類保險應該點買。筆者求其搵個app整個網上定期壽險報價比佢睇，入埋佢年齡同保額，佢睇完個價先知而家年供50000保險，簡直係貴到不能形容%y&*!#@…臨尾都補返句:「上你諗sir堂確實學到野，有價值。」   買樓咪買到坐監 當然我地要尊重唔同人既諗法，筆者唔會亦唔需要逼你認同。反正你想免費理財，匯豐、中原同友邦都歡迎你。答完女仕，又有位哥哥仔買樓時，被某人呃左食「假交吉」。呢個「桔」既食法，係買樓臨約寫交吉，同時哥哥他要另簽協議說明已知內有租客，可能要收樓後3-4個月先搬走，交唔到吉都唔會追究業主咁話。聽到呢度，筆者就知唔可唔救，夠鐘前去唔切車場，唯有叫同事拎車先。   我地先唔好討論此agent是否專業失德。就當同學係諗sir面前指住經紀張卡片，就當地監局既panel汪總下次同筆者錄野時問起，筆者呢d衰人係無著數之下係唔會舉報既。只好怪哥哥仔「技不如人」。最大問題是業主係此個案獲了制高點可隨時開炮，隊佢作虛假陳述，嚴重既要坐監，亦先講不少人有近同情況最尾和平同業主成功交易。那究竟仲go唔go? 筆者已向哥哥仔分析。總之咪搞到新樓買左，監又判埋，到時去邊面住先有選擇困難…   有order既樓未必表示成交唔到，但有order與否好少影響按揭成數，而是影響能否批出此基本問題。例如有屋宇署的order，若然小僭建銀行有可能在客應承「要拆會即拆、而家先唔拆」的條件下比你批到。但如果order係嚴重到業主生意失敗被人告緊，法庭落charge凍結佢資產個類，你就九成唔使諗。但冇charge高成數一些而有charge就做唔到八成，這些創意野筆者未聽過，或者本人見識少。要更準可付款請教律師。     其實係平台既劏，一般唔會博。總之係路邊望上去都觀察到既僭建，還是不要攪上身。至於一旦攪到你，先會由屋宇署委託的承辦商貼你問口紙仔，叫你回應話佢想入屋睇。那下步應如何? 梗係下回分解。   學生宿舍 最後如有250萬，又或不論任何budget，你要知大兩房、三房或四房有些開則做學生宿舍都很合。先講一房唔使諗、將軍澳或者啟德又或港島東那些都唔好諗。學生宿舍其實是木間房，亦唔一定係學生住，不少女生想搬出黎住亦會同朋友左邊右邊各租一間。例如一間三房單位，佢只要將廳一開二，連埋房三間就已做到一屋5房，每間房收7千，那你知三房租金可提升至35k/月了。當然有些屋苑的單位可間上下隔，每床位5千，即一間房成1萬，會令租金更能提升。另外有些屋苑更受歡迎，我們在買樓003會講原因。如有興趣，可自行做或003學生可跟買樓易公司由搵樓到裝修至搵租客都可助你完成。木間屋等於在屋內起櫃，不涉及建築物條例。 至於劏房，如用磚間房，又無向屋宇署入則，很大機會違反建築物條例，被發現會被訂契。誠然而家同學都係做學生宿舍多，因為學生宿舍之裝修費便宜很多，有機會五位數字都搵掂，但收租double!   筆者除按揭同買樓、還對債券收息、資產調配海外、基金買賣及私人銀行操作都有些淺薄見解，大家可在本BLOG其他文章找到。 我們講學生宿舍的買樓003在7月尾之星期六班已滿(TELY58)，要報只有星期一晚班(TELY60)仲有些少位。003還有講租務管理、如何寫好租約，一拆二、借貸力由無變有各種事項。

一間公屋，如何破局? #1845

諗sir你好, 本人剛與太太結婚，現與家人同住，想好好利用手上資產，想看有否機會1-2年內再置物業。   先講講我們的背景資料 丈夫： 現職註冊社工，月入$37000，現時月儲$19000，沒有負債，現金連股票約$17萬 老婆： Teaching Assistant, 月入$17000, 現月儲$0 現金有$10 萬，   名下有一間已補地價公屋（購入時$360萬），現估價約$500萬 樓宇按揭：向銀行借貸了$240萬，月供約$12000 左右   —————————————————   之前曾向銀行加按，至明年2月才可鬆綁 現有兩個想法 賣出公屋，套出資金作首期買間500-600萬的私樓自住，以丈夫名義。買樓後，兩夫婦仍可月儲$5000，作其他投資。 2.保留公屋自住，然後兩夫婦月儲$19000，現時手持現金約27萬，下年2月，加父親作擔保人（月入$18000，手持一間供滿未補地價公屋），轉按到其他銀行，借貸300萬（原有銀行只借了240萬），套出60萬資金，期望購買多一間470-500 萬的私樓投資。   *現時由於太太已負債$240 萬，人工只有$18000，必須加擔保人才可轉按及套出更多現金及回贈。 諗sir有何建議？     answer: 由於公屋未補價，唔可以按爆八成，所以成日話有能力或將來想發圍既，用私樓而唔好免地價公居屋。至於公屋唔按爆，按六成咪得? 你見讀者手上資金少，500萬公屋按六成，得個幾十萬幫到佢咩? 但點都好，買左公屋總好過租，而政府的房屋政府絕對幫到讀者累積財富，令佢用低成本就享受到升市下財富效應，間公屋賺到既錢比佢什麼月儲5千，是百倍計的。至於讀者話佢而家月儲19K，都係聽住先。所以都係個句:「窮人先更需要買樓。」我們沒動機去歧視窮人，我們只想在處處充滿歧視的香港停止再產出更多窮人。   賣走公屋再用夫婦名一拆二，就係佢地出路。反正公屋已買係自己野，再享受唔到千幾蚊租間屋既樂趣，那不如賣樓求榮。老豆間供滿公屋就係佢地底氣，未到破產前都唔好諗老豆間屋，賣自己公屋套500-240 = 260萬，其中130萬比自己或太太單名一人上會買550-600萬私樓。最好等樓市回些少買好一點，但唔好大貪想撈底買。想撈底者一是不自知、二是過份貪，誠哥係四十歲就問到匯豐銀行借幾億比佢買黃埔船塢之前，付出很多雞同鼓油，故想大贏就要投放得更大。讀者想小贏就等樓市指數由高位回落至少15%時出10-15%首期買樓，既合情亦有一定防守力。至於老婆人工低借唔到錢，可老公擔保，但老公唔做業主慳稅。   夫婦借貸力為(37000+17000)/10000*50%*2.59 = 699萬。買530萬樓8成上借~420萬，用掉借貸力75%，勉強可以。買樓後留260-110 = 約150萬現金在手，當然是行債基再疊增收息。因讀者150萬未夠直債入場門檻，買股票如果佢輸左冇下一注，買保險雖保證但起碼困佢3-5年對資金少者不可。諗完都係101的債基出隨時出入較好，至於104的嬰債可以但波幅始終比債基高些少，所以一般學生執行都由債基收息先，才下步用嬰債去息本皆賺。

求理財改進: 三十有一，比上不足，比下有餘 #1838

諗sir： 您好，小弟由2013年頭起拜讀您的文章，曾於2015年暑假報讀收息101(Batch23)。感恩當年剛出來社會做事讀到諗SIR文章，逼自己無論如何要趕快上車。惟當年薪金不高又剛買樓，加上怕被上司看低而走去進修碩士課程，無多餘資金買任何收息投資物。回想起來，諗SIR當時不鼓勵讀者買新盤、再進修，我都做齊了。現在三十有一，事業平穩，其他方面比上不足，比下有餘，但自覺財務方面有很大的進步空間，再不努力打理就會後悔莫及。   本人及家庭背景： 本人31歲，公務員，月薪67K，2020年尾可取為期十年房屋津貼每月為18K，2021年尾達頂薪點73K。有一同齡女友，剛由私人公司轉到公務員差不多一年，月薪20K。考慮到現時的環境，兩人不打算結婚及生育。 其他家人： 爸爸，56歲，退休紀律部隊公務員，每月有退休金15K，退休後再找到一份合約工，月薪30K。 媽媽，快55歲，現於社福機構工作，月薪25K。 父母現住在政府宿舍，並輪候公務員公屋特別配額，預計2021年獲派公屋。 妹妹，23歲，學生，現於加拿大讀Final year，本人負責所有學費及生活費。妹妹希望畢業後留在當地取得居留權及入籍。我們全家都贊成。 財政狀況   現自住元朗私樓大一房單位450呎，2013年以350萬購入，銀行按揭欠280萬，每月還款13K。現最高估價630萬。持有現金500K及100K藍籌公用股股票。有一私人貸款，借200K作進修用途，每月還8.3K，到2020年10月還清。不計按揭還款，每月可儲17K。（如下年領取房津，會努力儲約50K：原本儲的17K + 房津18K + 原本每月私貸還款8.3K + 人工升幅(73K-67K) =6K）   人生目標 1) 希望幫父母用綠表買居屋，之後我供; 2) 撇除父母居屋，希望40歲前擁有三宅; 3) 45歲前可達財務自由，看到時有甚麼適合計劃，移居英國或加拿大。 由於罰息期將於2019年9月份到期，想諗SIR幫我把脈醫病，請教如何好好部署一生三宅及達到財務自由。以下為我所想的方案，望諗SIR賜教。   方案一： 自住物業按6成，可得630 x 60%-280 = 98萬，連銀行現金回贈可得約100萬。將加按所得一半，即50萬放入mortgage link戶口。後將100萬（加按所得一半加上儲蓄50萬)投入債基A餐及B餐，月收息2萬。收息約3年後加上mortgage link戶口現金，望35歲前再買多一宅。望以此方法40歲前擁有3宅。本人認為此方案較為穩陣。 方案二： 自住物業按爆8成，600 x 80% – 280 = 200萬（聽說有些銀行可估低樓價少許）。加按所得的一半，即100萬放入mortgage link戶口。剩下100萬加上儲蓄50萬，即150萬投入債基A餐及B餐，預月收3萬。收息約1年後加上戶口現金，用女友名再買多一宅，預樓價400至500萬，八成上會，租給朋友。 方案三： 明白諗SIR對元朗區不太看好（但本人對自己單位有點不捨，因鳳凰樓及景觀開揚），但若忍痛賣掉搬回跟父母住可取回630-280 = 350萬。賣樓後立即購買一間兩房，5成上會做分租（心水為屯門或粉嶺，預樓價550萬，5成首期及其他雜費花去300萬），每月收租5K x 4個租客= 2萬，扣去按揭後預計有正現金流1萬。之後將100萬（賣樓餘下50萬及儲蓄50萬）全數投入B餐，每月收息15K。此方法可換入一間易出租的樓，但兩年後本人要再找地方搬。

Read More

10點為零儲蓄男殺出血路 #1826

諗SIR 你好，本人拜讀你的文章多時，已閱收息論、樓換樓二書，亦是你收息101的學生 (TEDV64)，獲益良多。   本人今年36 歲，月入53K，每年加約4K遞增至70K。太太教琴，月入不穩。近年剛生了兩歲孩子，因而太太月入更少。   自住四小龍兩房，07年購入，市值9M，欠銀行1.4M，是本人及父母三人聯名。另有一層青衣海欣，由父母居住，08年購入，市值6.8M，欠銀行1.5M，本人單名。另有約1.4M 基金，分別是 GLOBAL HIGH YIELD FUND = 300K ASIAN ASSET INCOME FUND = 400K CHINA INCOME = 200K BOND INCOME FUND E (HKD) (M CASH DIS) = 300K CHINA HIGH YIELD = 200K 未做槓桿，收息每月6K。 支出： 每月供樓16K、父母家用10K，加上兒子學費工人等，又要交全家保險(每月約6K)，基本上薪金用盡，只靠基金收的息作為儲蓄，現存有80K。 理財目標： 因父親患病，希望留有現金數十萬作醫藥費，短期希望增加基金收息、解壓舒困；長期希望能換三房、購入小型商廈(3M 左右)讓太太教琴，再等時機成熟再生一個小朋友。 請問諗SIR，我應如何才能殺出一條血路﹖   answer: 讀者一要學好如何取捨基金選擇、二是加按為自己增加現金。原因是讀者所選基金不少為股債混合，已在課上解釋此選擇之「險處」為何。另外讀者單靠債基派的息當儲錢是不健康的，雖讀者過去幾年收息應十分穩定才會把「買債基當儲錢」，可是筆者一向鼓勵人提升理財記律性，莫因有債基派息而將洗費不斷增大，最尾一個金融海嘯再襲呢類投資人最易沒頂。   好明顯將樓加按得錢是讀者最佳出路，但加按的錢絕對只可做定期、或美國債為主的B餐加小槓桿、又或保本直債，絕不要將加按的錢買海外樓或股票。四小龍可按至六成得900*60%-140 = 400萬。青衣海欣按至680*60%-150 =

Read More