半世人的理財回望 勿被一拆二誤一生 #2383
早~ 你們好!本人年齡已54。女今年才剛畢業工作! 因最上網查下(投資)~退休財務自由資料~發現了諗 SIR~收息買債頻道。 先知道自己原來太遲(其實係因為工作忙,無時間去睇及學) 每日收工返屋企仍然上網工作 但其實一早已想~把現在住宅一拆二。但因為只有我一人收入,攪來攪去都拆唔開資產分為2屋。 今年女開始投身社會。免強可以諗下,見諗 sir有 呢個平台,好希望能夠幫手 我而家放緊盤~屯門大興花園?????????靚裝實呎419~ 叫緊570萬~欠貸150萬。有現金35萬。 收入: 月薪17500。 稅單年薪30-32萬 (因公司每年年中會派花紅+特別金。)它會保持全年薪金高過/保持總數(比上年)。 所以之前銀行計幾都唔可以買多一間300萬(早2年屯門有D新細位開放式不足300萬就有) 女收入只有12000/月 因為想一開二(最好)一間住一間收租。一間女名一間我名。 否則換一間樓齡新D~自己名。 如果按唔到/想借盡便加女名做30年。(其實想女抽居屋~平又有政府担保唔使計收入,但抽左2年居白都抽唔到) 留多D現金做其他~收息,收債,希望最跟諗SIR個D投資班~入 50/120萬倉。 保持長期有收入,做定退休生活。 我睇左諗sir 一D片,自己覺得其實遲左 但唯有盡量做! answer: 希望用54歲讀者心跡建議大家:做事不只靠勤力,時刻要檢討前行的方向及廣納意見。難聽的,多數是有益,至少助你三思再前行。好聽的,九成係賣野,損你而利他。 先生有野做太太主婦,想一拆二變兩間屋搵多個租客幫你供樓,其實唔難。 1.太太如兄弟姊妹有工返,可找佢幫太太上會。最緊要係你識計比人睇點解上到,你亦有咩方法例如2年後幫到佢甩擔保。例如擔保團共6萬月入,就當自己有3至4百萬債係身,應仲有能力擔保另一個3至4百萬。 2.未有收入者可開立公司做好自僱或打工出糧證明。最好問好先做,太多人同買樓Powerteam傾完先知自己做錯,浪費之前時間。最慘係做遲左要追更貴既樓。 3.當然賣左間樓出現金,先生上一間然後太太再買第二間,咁可避哂兩邊15%高印花稅又唔使麻煩人。不過先生擔保太太個條數借貸力要打大約八折的。你落銀行問話得最後買左樓簽埋約先知唔得,你都無銀行符。 4.當然,用太太名買新樓,用呼吸plan上會只要有15%首期,唔使計按揭都可。發展商係山旯𨳊起極細size新樓都有人接,就係因為有人「想買樓」,但佢無諗過呼吸plan完左佢夠唔夠錢去補比財務公司,然後將欠債轉去低息銀行度。 5.轉唔到,成個loan balance用5%供,例如欠600萬一年還息都30萬,所以有錢佬最基本都開間財仔傍下身。 至於讀者提新樓有些細單位三百幾萬就買到,就係發展商想捉呢批人既心理。一批唔識或懶計又認為有間樓就當「買左樓」。咁確實唔排除有世上有女仕係求其搵個異性當嫁左人的,正因此,錯嫁被誤一生既情況大把,買錯樓被誤半世既亦大有人在。 有花紅就做唔到九成上會,要九成就唔可以計花紅個邊糧在內。至於居屋,先甜後苦。甜在買入時免地價,苦在第時萬一間樓升左想加按買第二間,加按唔到,亦即係連而家佢加按大興條路都冇埋。你想個女個買樓名額點用?定係肯定佢將嫁得好第時點變都唔怕?父母決定。當然唔係諗sir決定的。 至於我的800萬收息倉,可參與收息Powerteam服務做。用自己錢證明埋啦,點去不槓桿收10.4%利息,更利用直債保本之特性。助教助你執行,就係時間約見傾,錢照係返你戶口。至於買樓Powerteam,先同你執清返借貸力攪好按揭,避免上唔到會既慘劇。好似買完綠置居之後,係置業有咩限制? 係呢篇文既facebook