買泰國樓做按揭被拒,急需140萬現金Full Pay #1822

諗sir您好, 本人近月受人勸說買了泰國樓,由於地段在曼谷,基於價錢便宜下就買入作價190萬。未幾發現當地銀行不提供海外業主按揭,又或不會借足,究竟我應撻訂50萬還是照買?下星期就要決定了   本人47歲月入六萬幾,老婆是家庭主婦。兒女已近成人。 同老婆聯名有幢香港樓,市值880萬,尚欠100萬按揭未供完 股票蟹貨現值50萬,手頭尚有現金20萬   希望諗sir提點,本人想透過在港或海外置業去部署香港收租泰國養老,還望您指教!謝謝!   ANSWER: 綜合讀者問題有3大方向需要協助,分別係資金需求較大、時間倉促同埋唔想輸股票。   由於資金需求較大但手頭現金唔多,好彩讀者手頭尚有一幢物業在手,可以考慮貸款額較大的業主私人貸款,此類貸款的貸款額在批核時會同時考慮物業估值,因此比一般私人貸款借得更多。以此個案物業尚欠140萬,但手頭有現金20萬,即還需120萬,而一般私人貸款只能借50到60萬,但假如申請業主私人貸款,讀者只要提供所持物業地址,財務機構便會就物業進行估價,以讀者的情況,物業市值扣除按揭供款尚餘780萬,即使是聯名物業,只要信貸狀況良好,一般都可以借到120萬。此外,業主私人貸款的另一好處是供款期可長達72個月,以讀者月入及尚有少數按揭的狀況下,還款也不會太吃力。   基於下星期就要決定,而銀行一般加按或借私人貸款都需超過一星期作批核,如讀者寢食難安,何不向以創新金融科技而設的網上貸款平台申請業主私人貸款。此類型公司例如WeLend 的好處就是「快」,只需網上申請,三十分鐘即知道批核結果,而且其母公司Welab 剛獲香港金融管理局頒發虛擬銀行牌照,也是信心保證。及早獲批貸款的話,咁就唔使每晚再訓唔著!   第三,讀者有幢聯名物業如想搵銀行加按就需兩人簽名。WeLend業主私人貸款可以做到聯名物業一人申請,申請就簡單得多,而且審批時間亦更快。   除左以上三個重點,讀者都需要分析下市面的業主私人貸款其他特質,例如手續費律師費是否全免、過程是否需要樓契。慳返不必要收費之外,財務機構不定期會推出現金獎優惠,只要成功申請及提取業主私人貸款並達指定金額及期數,即可獲享數千元港幣現金獎。小數怕長計,能夠豁免收費之餘又有現金獎就可以慳好多。優惠詳情可參閲申請網頁,比較不同私人貸款或業主私人貸款方案,可詳閱文末的圖表。   至於泰國治安相對尚算安全,當然你要在世界找個地方治安同香港相比,亞洲區大概日本同新加坡可相比。點都好,究竟香港人如何出走到外地退休?買海外樓好多時只予少量時間作決定,一因時差問題,二因消息需當地經紀轉達始終要等,故將香港樓按錢去買等得到盤已被「搶」。靈活性高的業主私人貸款對在港有樓既人,可以是好的選擇。   另外讀者將進入退休年齡,不應再將彈藥投入股市。你話買幾萬蚊就確實無妨,但50萬股票蟹貨可將其放出轉做債基,債基疊增後能派10-18%年息,將蟹貨轉入債基收番幾年息就有望把蝕去的本金追回,基於過去7年由筆者寫BLOG至今息率都穩定,用此法追回本金勝算較高。   比較不同私人貸款/業主私人貸款方案:   *只供參考,有關實際年利率及還款期以該銀行/財務機構為準  

Read more

灣仔唐樓可以賣、30歲擁有兩房有何策?(答)

>>按此看問題 首先,真的反對你賣掉家父的唐樓,除非家父自己提出賣掉舊樓,自己取回全數錢再作另項投資。原因是錢可以係第度搵,他朝如你飛黃騰達,可能內心對賣掉父親家當仍有歉疚。城中亦有不少富豪不時被人番舊賬,指他靠老婆靠外父發達,到今日腰纏萬貫仍不能將污名去除。   當然筆者不知你家事,但你自己都很有想法,懂得將樓房加按。想你兩兄弟想必是首次置業,根據你自己報稱之收入應買入市區二手兩房,價值二百餘萬較易負擔。如無外力幫助以此收入試供四百萬以上之樓宇,實在太難。唐樓能加按一半已屬萬幸、利益會貴些少,你真的想加按才電郵HOMEBLOGGER或請教按揭顧問,看能否辦到。   至於你問二萬元月入的你如何達到30歲「買到」兩間樓之目標,最大阻力在於自身借貸力不足。假設你買入兩間二百萬之樓房,用埋老婆或老豆名借九成上會,每月淨還款都要兩萬多元。其實25歲年青人最好都是投資自己,看你的潛能不至於此,邊搵錢邊看HOMEBLOGGER多學財務投巧,才是快速達成目標之好方法。 講返兩兄弟,條數是咁計的: 將舊樓市值一半加按出來,最盡一百五十萬。但由於唐樓要有保守估計,又此其他屋苑樓收更貴息,如用年息3.5%借一百五十萬計落都好重「皮費」。先假設借到一百萬,年息3.5%,看來只能作15年較短年期之攤還,每月$7000。如可借到20年,每月$5800。一百萬兩兄弟分,每人五十萬。你用三十萬作首期買入居所自住,借九成上會,即借1.70mil,分30年還用年息2.15%計每月都要$6400。如用壓力測試+3%計更要$9200。由於你擔保了唐樓按揭之一半,又自行買入新居所,兩債入計$12100,已超出你入息之一半,所以此方法要你加人工才行得通。   將唐樓收租加碼 當然你加按唐樓後兩兄弟搬出,可將唐樓出租。收回租金可計作入息,減輕你在擔保債項上的負擔。首先要搞清楚唐樓業主及借款人都是父親,再由父親和新租客簽租約,收番幾個月租有哂銀行入數證明加租約,先可將全數租金當作收入看待。如純以差餉物業估價處之估價來計唐樓之租值,再衡量當中租值幾成計作父親租金入息,恐怕會打個七折或五折。而最大問題係,你兩兄弟係唐樓按按未批出,手上未有錢之時,就要搬出唐樓或再與家人同住。   買入較小樓房再自己加碼 當然你自己手上有現金,可將唐樓先加按每入得五十萬,再自己動用二十萬即七十萬首期買入較偏遠地區之兩房自住。成交2.0MIL分30年清還每月$4500,唐樓未租出先套錢令你負上$2900債項。兩債共加為$7400,就當有埋壓力測試你月入是夠支付的。此一方法已近用盡你所有錢,未計裝修雜費,最弊就係好難搵到二百萬樓盤比你。買樓確是不客易,在港擁有自己天地更要付出,當初老父亦是同一經歷。今次透過PRE-CASE希望令你心中有數,向自己不足之處加力,才有望三十歲擁有兩間樓。

Read more

我的投資秘笈(答)

>>回問題及上部份答案   但在投資方面,筆者是保守派的。睇數據、計機率,希望用贏多輸少之方法倍大自己辛勞所得、盡快達成財務自由最令人「爽快」。你是音樂發燒友嗎? 筆者認識一位uncle早年開廠努力淘金、將早年賺到金錢合理地分配、創造被動收入。現時在觀塘開設試音室,得閒請筆者上去飲杯咖啡。坐在大梳化聽著一首又一首試碟歌,真正認識何謂高音甜中音準,而uncle將改善喇叭效能變成自己工作、開設廠房及零售店出售不同檔次之玩樂套件,真正將興趣融入了工作,亦不需要為退休冇糧出而煩惱。   需然uncle之事和讀者暫時是風長牛不相及,但萬丈高樓由地起,在年青時先擁有正確之理財觀念,實可令你早日完成不同之財務目標。理財第一步,就是先要有資本,儲錢除可令你早日有錢作投資外,亦令自己習慣去規則自己生活、從而規劃人生。有人話人生不需要規劃,但筆者認同適量之規劃,是「預期控制」之一種。你先對未來有個諗法而控制了自己和父母之預期,到時少失預算便少些波動情緒吧!   讀者應該都知自己係收入上有咩弊病,仲咁落去難同銀行借錢。想比廿萬首期而借九成按揭上會,如果保持住無糧單又無每月出糧之銀行記錄,相信財務公司先會借出錢。至於佢講30歲前買落二百萬付物業出租及投資是講買一間樓定兩間樓呢? 暫昤未明。筆者建議他們做月供股票投資,沒有年期限制但手繽費會比你一筆過買入一手股票貴。當中之原因為股票在港是一大熱門投資物品,十分方便買入,又十分多人於股票中輸錢。輸錢之於因大多源於自身的貪婪與恐懼。大多數人於輸錢時的痛苦感受遠比贏錢時之快樂強烈,所以「寧願贏小一蚊,都唔想輸一蚊」。因此出現不少股壇阿嬸贏錢就急急放、輸錢就死磨難磨的現象。筆者敢肯定用人頭計,香港大部份股票「投資者」都是輸錢的!   但為何筆者叫讀者以身犯險,月供股票呢? 因為在港股票投資者眾,「還掂都比人呃、不如趁早來個教訓」。當然筆者滿心希望讀者買股票賺錢的,但如不幸蝕本,在廿幾歲之齡不算是壞事。筆者最怕係四十幾歲人走去第一次學人買股票,工作多年當然累有資本,但對於股場又不為熟悉,一輸就金額以百萬計,係餘下人生未必能把虧本追趕回來。   雖然在homebloggerhk筆者大談買樓之道,但不代表筆者不推薦股票。其實外幣樓房股票黃金各有各好處、就像是家中之鏍絲批、較剪、鋸同刀。你的做法便是因應時機找對工具去完成工作,好像你找牛肉刀去剪紙,劈左成朝都做好,寅係疚由自取。但凡有讀者問邊種投資工具最好,我都會copy & paste,將筆者之諗法同佢再度分享。   至於投資當中之收費,實在要留意的。坊間中很多投資工具,其實都由幾種基本之投資工具演變出來。產品發行商在演變之中「抽水」多少,便是你需留意之地方。投資最好是簡單易明、低收費,筆是是認同的。

Read more

為樓傷感情賣樓要醒定(答)

諗樣兄你好: 本人於2010年睇錯市賣了荃灣2房自住樓,當時未知問題嚴重性仲諗住跌市再買翻,點知一等就3年,樓價越貴就越唔敢買。太太亦因未能擁有自己單位,要租樓而唔開心,時不時為此引發爭執。眼見2013年樓市都唔覺有回落跡象,實在感到迷失,到底應該保留實力等跌市再入一個甚至兩個單位,定係唔好再等再忍,耗盡所有彈藥去買翻2010年250萬,而家要500萬嘅3房單位呢?   唔買,太太又成日埋怨好難頂落去。買,又好似立即蝕咗250萬咁。現提供資料如下,希望諗樣兄能提點一下,等本人唔駛再為樓而影響家庭感情,冇晒生活樂趣。   本人與太太均為40歲,月入各$35,000,合共$70,000。因兩人皆要供養父母,每月七除八扣只可儲$20,000左右。本人為文職市場銷售,太太任職保險。育有二兒分別為4歲及2歲。賣了自住樓後加埋積蓄約有200萬,當中有約50萬做人民幣定期,其他資金因怕萬一樓市下跌時機到未能靈活取回唔敢投資,放在銀行收港元定期好低息。現時以$12,000租住深井一3房單位,業主今年好有機會加到$14,000但同區及荃灣想買普通3房已叫價過500萬,仲要冇盤睇。500萬樓下有盤都係質素頗差的。   太太好希望大仔升小學前買入自住樓安居樂業,不用擔驚受怕要搬來搬去,但我根本講唔到俾佢聽嚟緊兩年係咪真會跌市可買。我身邊都有唔少朋友賣咗自住樓有類似情況,男人四十,同聲一哭。相信我嘅困境並唔係個別情況,請諗樣兄幫手度一度,睇吓本人有冇生路可以翻身? 千萬個唔該晒!   唔想為樓傷感情的人上   ANSWER: 既然太太咁想買樓,不如你比首期佢負責借錢,大不了之後供樓共同負責,佢做業主加借款人,你做擔保人。咁做係為左令太太認真考慮現時買樓風險,因層樓跌左你們是要一齊上身的。另外用太太名可令你於將來樓市下跌時自行買樓,及做九成按揭上會,係新辣招下此乃靈活走位之策。   男人四十,同聲一哭。試圖估市升跌而不做對沖,無論係股市或樓市都要受嚴懲。你們的最大借貸力為3.5*(2.65mil)=9.2mil,現時買入三百餘萬之大兩房只消耗購買力之30%-40%,條數仲計得掂。請你去海濱花園或深井睇一睇,近四百萬仲有交易。有些不實用之三房如荃灣華都花園或麗城花園大兩房你考慮過沒有?大兩房如冇工人應該夠住。至於你想係荃灣買樓齡新之三房,冇五百萬是沒有可能的。   現時買入三房打算長住實在消耗你們太大購買力,萬一下跌即會好傷。請和太太商量下列方案: 1.先買兩房而搬入去自住,唔使再被逼遷,當將之前贏左既錢買間「細細地」樓房快手供完佢。2. 買入兩房收租而自己租住荃灣三房,以租養租為求減低加租及樓市再升對你們之壓力,更解決住屋大細問題。   用方法一可以做到九成上會,更可只做八成按揭慳返些少按證公司保費,八成上會年期廿年還款應不會得出勁貴之保費。如選方法二只可做七成按揭或更低,搵個有錢業主希望佢唔好租你一年後又趕走你賣樓。   無講方法一或二,都可令你淨低過百萬現金係戶口,閒放戶口太浪費,可買入之前筆者提過的債券基金,又或中電股票收息,保守派年息收約4%,一年上下波幅避多為10%之內,算是穩健投資,此舉令你月入平均多$4000,減低供樓壓力。如你還未放心,可同銀行開立靈活按揭戶口,你借3.50mil最多可放入借款之一半,存款可收回等同你按揭息率之利息,即如你按揭銀行收你年息2.1%,你可以放入3.5mil/2=1.75mil,收2.1%息。近乎零風險。   在此勸喻各位,如果賣樓所賺金錢少於你工作十年儲到之金額,而你又只得一間自住樓,在「博」之前請諗清楚。  

Read more

印花稅辣招 頭痛食胃藥

政府出招令樓市降溫,降低小市民風險,招數能否到位呢? 係「剛性需求」下,物業樓房成為搶手貨,需求一係自住需求,另一個係投資需求。政府係上任後已不斷著墨增加供應,由需求正是治本之法,可惜要解難費時,因屋是要時間建成的。亦冇任何快手取得空置房予有需要人仕之建議,遂令樓市一升再升。   用SSD禁售已令炒家在住宅市場絕跡,現時無厘頭將藥石投向印花稅,例如你買三百幾萬樓,如你已擁有一物業就要繳付double印花稅,由3%升到6%。此招面頭係恫嚇投資買家唔好再買第二間樓,最好全香港人「一人一間樓」,但此「願景」能否做到嗎?   加印花稅係頭痛食胃藥 有睇開homebloggerhk既讀者都知,呢幾年樓價節節上升係因為市場冇盤,冇盤係因為冇業主肯放盤。出面利息低而股票又唔係點生性,你要我賣樓就要跳價買入,好等彌補套現後筆錢放係銀行收唔到咩利息之「損失」,此等「損失」可用再投資風險黎形容。到現時又再加買房之印花稅,業主們唯有將此成本加埋落去,樓價因此再升2-8%不等。   印花稅有得閃 至於印花稅措施適用於商鋪,如果有一個人真係用個人名義買第二間鋪既,佢就要比double印花稅,仲要即比! 但行家都知買得第二間商用物業多數用公司名,開間公司黎買間寫子樓就可以避開印花稅。私人樓一樣,你可以開間空殼公司注入間樓,no problem! 仲要而家因私穩唔比查公司董市身份號全數號碼,咁又如何得知一個自然人(董事)分別用個人及手上公司名義hold左幾多間住宅同鋪加埋寫字樓呢?   最影響有心置業者可是收緊按揭,按證公司接受最高9成按揭之物業,由原來價值600萬元或以下,降至400萬元或以下。唉,班官真係唔知而家班窮人買樓4-5百萬好常見,三房更不時要六百萬。可能佢原意係你冇咁好實力就唔好買四百萬以上既樓,但市場上有按證公司以外之二按選擇。普通市民睇中間五百萬樓,按證公司借到360萬,比原先500萬按九成450萬少左90萬,係經紀力sell下佢可會搵財務借埋淨低呢90萬佢,咁就真係置市民於苦海,6厘息還息都死。   筆者唔係不斷同政府唱反調之人,亦支持政府興建居屋,為不斷下沉既中產社群及難以自力上車者幫一把手。但此記給長實的answer ball,實在醫乜都醫唔到。倒不如佢係記者會出下口術,攪下按揭利息稅做吹風,加推遠期樓花可能比2/22既2招好。筆者之前都係blog講過些少建議,可參考 政府房策之短評及建議(2/3)

Read more

樓宇出租知風險(答)

>按此看問題 首先回答讀者問題(1+2),如果現時(2013年)將按到七成既樓出租,而又被銀行發現,後果多為兩個。一係就銀行即刻加你(大約)3%利息,直至你轉去第間銀行為止。另一可能係即時call-loan,風險為樓市下跌時係原先借左銀行200萬,而到call-loan時尚欠160萬,間樓當時市值之五成又唔到呢個價既,你就要補水(即補差價)。趕走租客當自住到市值七成已穩陣。現時市況大升,冇咩人有此情況。但風險先要明白。 至於刑事責任,除非銀行職員問你點解報出租時,你同佢講你係存心虛報既,或銀行唔想收你貴息,而報警搵商業罪案調查科查下你,咁先有機會招惹官非。當然你要請教律師啦,我係諗樣而唔係大狀。話唔埋政府他日真係整招刑事化以推低樓市。 另外租約滿左去加按當然好些少,到時咪又多個藉口扮唔知。但分別就不是十分大。經過劏房、僭建、地下皇宮事件後,真係唔知咩先至為嚴重房屋問題。9 但有樣野要留意,你同銀行做按揭時,借款人同擔保人都承受一個ALL-MONIES-OBLIGATION,即佢一叫你還錢可能連該行所有結欠都一齊清還,此條文對於擔保人亦一樣,擔保人成日以為淨係幫借款人擔保間樓條LOAN,其實借款人在該行之信用卡、私人貸款,都需要為他承擔的! 不少香港大銀行都有此條文,小心為上。   不少打工仔都用加按方法由一層變兩層,夠膽可以二變四。但在信貸資料庫資料全公開後此做法已收斂。你去銀行申請按揭時佢都要你簽份同意書,等該行去信貸資料庫查閱你個人之信貸資料,如果唔簽要捱貴息,更可能唔批。資料庫資料會同你申請表上所報稱之借貸款項作比較,如所報與查到既信貸資料有所不同,又要再解釋。咁樣做係為左將實力較差既投資者拒諸門外,大跌時減少粉身碎骨。   係租客方面,佢亦有權要求你出示出租同意書先租樓的,但如你未得銀行批准而將樓租出,補救辦法為叫租客簽署同意未睇銀行同意書既情況下租入單位,以防租霸用此為由欠租,當然最好既做好梗係只借五成,講明係投資按揭啦!

Read more

雍澄軒酒店被長實拆售現場報導

昨天長實將葵涌雍澄軒65伙拆售,三百幾萬有個兩房而五百萬有一房,平過附近之私樓雍雅軒一成,即低市價一成。另由於物業為商業酒店契,不受BSD及SSD稅項所限(SSD只限住宅契)。咁究竟買呢D酒店樓,同你買住宅有咩分別呢?   首先係按揭上很大分別。如供款能力許可,住宅樓可以按到九成上會又或七成多數可以。但商業酒店契只可按到五成。加上如你用個人名義買商業酒店樓,未必間間銀行都承造。改善辦法係開間公司自己做股東,去買呢間樓,攪咁大輪野都只可做到五成上會。   另外利息會比住宅按揭稍貴,可能要貼近三厘批出。筆者朋友昨天入票,今日去雍澄軒睇樓,知間樓係要當連租約成交的! 由於玩法新穎,做法應係你買左個連租約之酒店單位,你同酒店係合作模式,而酒店續搵客租出單位。每月管理費高達$2.9/呎。   尚乘可提供二按至九成,不過利息貴…   當然你可以自住,不過留意你只係買左間酒店當中之一UNIT,用途報稱商業。如果有需要,消防員可以半夜入你屋檢查消防裝置的!  呢個「服務」唔使收費。   酒店當然會續RUN落去,但係你法律上之身份只係一個租客,萬一酒店承辦商唔再RUN落去,你第時點算呢? 未有人試過,當真唔知。   請務必留意HOMEBLOGGERHK,希望朋友睇完樓返黎有像本篇比報紙更多之講解貼出。當然呢個買賣係投資上冇咩大問題,你當買左個RIGHTS(權利),一段時間後再沽出博有錢賺。但只適合資金充裕人仕,初心者不宜沾手。

Read more

買樓四大諗法:怕!太危險、是否值得?無乜選擇…(答)

->>按此看問題 Andy, 多謝你的來文,看見你followup question用字有(太危險、是否值得?怕! 無乜選擇)。簡直就道出左時下買家的四大諗法。雖然筆者未同你見過面,不過似係腳踏實地形,在上篇回信筆者建議你買樓,因如你收入不向上出現突破(在35之齡發生機會比前10年低,請勿見怪),即唔會出現大額流動現金去等終極大跌,咁情況下不如乖乖地買多間,減省租金支出,又可同時間做朋友,用時間將債務貶抑,早日供滿樓享受生活(同女友聯名一間,女友單名一間,第時阿媽可能留落一間),實現退休淨落三層樓之格局。   ……….已隱其餘內容 (內容已放入出版新書「樓換樓」,請在2013年7月19日後到各大書局購買) 或網上和筆者認購請email: [email protected]

Read more

買樓四大諗法:怕!太危險、是否值得?無乜選擇…(問)

Andy: 諗樣兄,小弟三十五歲,現與女友租樓住,租金12000。女友於2012年購2M樓七成上會供30年,現升值二成及放租八千五。母親現居供完的居屋約值二百五十萬(未補地價價錢)。現打算與女友聯名另購二百四十萬(9成上會)以下樓宇(需於居屋附近,母親不會居住女友物業)讓母親居住,自己與女友住居屋。現只有200000及母親借款200000(要分期還給母親)。本人與女友收入為25000 及32000。請問與母親換樓住是否好方法?現是否買樓時機?或應租幾年樓等跌巿?本人名下並未持有過物業。請賜教(在一月中已答, 再follow up)   多謝諗樣兄解答。小弟還有些問題諗唔通,想求教 1)因本人與女友只有廿萬現金,現時咁高樓價借咁多入巿是否太危險?雖然母親願意不收息借廿萬給我,但都要還的。另新購的單位及居屋的裝修都是由本人與女友負責,二間屋簡單裝修都要十幾廿萬 2)九成上會按揭保險要七萬多,是否值得? 3)居屋附近的私樓,二百幾呎實用,三十八九年樓要二百至二百二十萬。同size 約廿八九年樓大約貴五十萬。(270萬樓兩人也能負擔到首期及供樓,最多居屋吾裝修or 借personal loan裝修)請問應該買平d 舊d, 定貴d新d 好? 4)現二人每月能儲共10000〜12000。諗緊買舊d 的樓,可於五六年後跌巿買間新d大d的樓給母親住(到時應儲到600000〜800000入巿,而舊d那間,銀碼細d,跌巿時都無咁傷),但又怕跌巿時四十幾年樓好難賣得出,租又租唔到好價。真係諗吾通好無俾多五十萬買後生十年的樓。請俾意見 5)依諗樣兄建議,係咪CNY 後可入巿?其實施政報告後之前睇的樓又加價了,而家搞到我好似要盲目追價甘,越遲買越貴,同市場真係無乜選擇 6)女友有七成按揭物業,我跟她合名能否上九成會 萬分感激   ->>按此看答案

Read more

我想將樓價估高d點辦? 估唔到價點算?

經常有朋友打比筆者,問佢間樓估唔到價點辦。其實建議買入該單位或想把現物業加按前,先到中銀匯豐的網上估價「估一估佢」,但不少行內人都知其網上估價是保守的,及有時不準確的,其實有辦法將該估價或銀行分行之結果再估高5-10%。   高5-10%有咩用? 有時都可以「救到命」,例如你買入單位A成交4.60mil,但去返銀行上會只比到4.4mil你,如你自住借九成上會,銀行只會依估價的九成借錢比你,即4.4mil*90%=3.96mil,你自己要比4.60mil-3.96mil=64萬出黎。比起你原定比一成首期,即46萬,足足多出64-46=18萬。   現時買家已將條數「計得好盡」,耗盡一生積蓄買樓。如果再要補18萬差價,都有機令佢買唔成樓!!! 買唔成而撻訂少則賠十幾萬,重則可以百萬計,死人都似!!   有見及此,homebloggerhk提供一功能,就係你先比物業地址及成交價我地,請留埋回覆方法。通常真係成交左後有份臨時合約會令間樓「成功估高」既機率增高。或有想套現之人仕,想知佢間樓套盡可有幾多都可以幫你試做,希望幫大家成功解圍。此功能將會植入在2013年2月將發佈之新介面,向直接電郵到[email protected]都可以。   新買樓宇最好準備臨約係手,村屋麻煩搵下有冇樓房平面圖,及DD/LOT number,咩都未有而又想估下價請寫多點你現時之情況,畢竟筆者是用人手幫你去估價才有望將你的估值「去盡」,等你借得一蚊得一蚊,ha~ 呢篇文章都會幫到你: >>買樓之前的幾個準備<<按此到

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室