為樓傷感情賣樓要醒定(答)

諗樣兄你好: 本人於2010年睇錯市賣了荃灣2房自住樓,當時未知問題嚴重性仲諗住跌市再買翻,點知一等就3年,樓價越貴就越唔敢買。太太亦因未能擁有自己單位,要租樓而唔開心,時不時為此引發爭執。眼見2013年樓市都唔覺有回落跡象,實在感到迷失,到底應該保留實力等跌市再入一個甚至兩個單位,定係唔好再等再忍,耗盡所有彈藥去買翻2010年250萬,而家要500萬嘅3房單位呢?   唔買,太太又成日埋怨好難頂落去。買,又好似立即蝕咗250萬咁。現提供資料如下,希望諗樣兄能提點一下,等本人唔駛再為樓而影響家庭感情,冇晒生活樂趣。   本人與太太均為40歲,月入各$35,000,合共$70,000。因兩人皆要供養父母,每月七除八扣只可儲$20,000左右。本人為文職市場銷售,太太任職保險。育有二兒分別為4歲及2歲。賣了自住樓後加埋積蓄約有200萬,當中有約50萬做人民幣定期,其他資金因怕萬一樓市下跌時機到未能靈活取回唔敢投資,放在銀行收港元定期好低息。現時以$12,000租住深井一3房單位,業主今年好有機會加到$14,000但同區及荃灣想買普通3房已叫價過500萬,仲要冇盤睇。500萬樓下有盤都係質素頗差的。   太太好希望大仔升小學前買入自住樓安居樂業,不用擔驚受怕要搬來搬去,但我根本講唔到俾佢聽嚟緊兩年係咪真會跌市可買。我身邊都有唔少朋友賣咗自住樓有類似情況,男人四十,同聲一哭。相信我嘅困境並唔係個別情況,請諗樣兄幫手度一度,睇吓本人有冇生路可以翻身? 千萬個唔該晒!   唔想為樓傷感情的人上   ANSWER: 既然太太咁想買樓,不如你比首期佢負責借錢,大不了之後供樓共同負責,佢做業主加借款人,你做擔保人。咁做係為左令太太認真考慮現時買樓風險,因層樓跌左你們是要一齊上身的。另外用太太名可令你於將來樓市下跌時自行買樓,及做九成按揭上會,係新辣招下此乃靈活走位之策。   男人四十,同聲一哭。試圖估市升跌而不做對沖,無論係股市或樓市都要受嚴懲。你們的最大借貸力為3.5*(2.65mil)=9.2mil,現時買入三百餘萬之大兩房只消耗購買力之30%-40%,條數仲計得掂。請你去海濱花園或深井睇一睇,近四百萬仲有交易。有些不實用之三房如荃灣華都花園或麗城花園大兩房你考慮過沒有?大兩房如冇工人應該夠住。至於你想係荃灣買樓齡新之三房,冇五百萬是沒有可能的。   現時買入三房打算長住實在消耗你們太大購買力,萬一下跌即會好傷。請和太太商量下列方案: 1.先買兩房而搬入去自住,唔使再被逼遷,當將之前贏左既錢買間「細細地」樓房快手供完佢。2. 買入兩房收租而自己租住荃灣三房,以租養租為求減低加租及樓市再升對你們之壓力,更解決住屋大細問題。   用方法一可以做到九成上會,更可只做八成按揭慳返些少按證公司保費,八成上會年期廿年還款應不會得出勁貴之保費。如選方法二只可做七成按揭或更低,搵個有錢業主希望佢唔好租你一年後又趕走你賣樓。   無講方法一或二,都可令你淨低過百萬現金係戶口,閒放戶口太浪費,可買入之前筆者提過的債券基金,又或中電股票收息,保守派年息收約4%,一年上下波幅避多為10%之內,算是穩健投資,此舉令你月入平均多$4000,減低供樓壓力。如你還未放心,可同銀行開立靈活按揭戶口,你借3.50mil最多可放入借款之一半,存款可收回等同你按揭息率之利息,即如你按揭銀行收你年息2.1%,你可以放入3.5mil/2=1.75mil,收2.1%息。近乎零風險。   在此勸喻各位,如果賣樓所賺金錢少於你工作十年儲到之金額,而你又只得一間自住樓,在「博」之前請諗清楚。  

Read more

為樓傷感情賣樓要醒定

諗樣兄你好: 本人於2010年睇錯市賣了荃灣2房自住樓,當時未知問題嚴重性仲諗住跌市再買翻,點知一等就3年,樓價越貴就越唔敢買。太太亦因未能擁有自己單位,要租樓而唔開心,時不時為此引發爭執。眼見2013年樓市都唔覺有回落跡象,實在感到迷失,到底應該保留實力等跌市再入一個甚至兩個單位,定係唔好再等再忍,耗盡所有彈藥去買翻2010年250萬,而家要500萬嘅3房單位呢?   唔買,太太又成日埋怨好難頂落去。買,又好似立即蝕咗250萬咁。現提供資料如下,希望諗樣兄能提點一下,等本人唔駛再為樓而影響家庭感情,冇晒生活樂趣。   本人與太太均為40歲,月入各$35,000,合共$70,000。因兩人皆要供養父母,每月七除八扣只可儲$20,000左右。本人為文職市場銷售,太太任職保險。育有二兒分別為4歲及2歲。賣了自住樓後加埋積蓄約有200萬,當中有約50萬做人民幣定期,其他資金因怕萬一樓市下跌時機到未能靈活取回唔敢投資,放在銀行收港元定期好低息。現時以$12,000租住深井一3房單位,業主今年好有機會加到$14,000但同區及荃灣想買普通3房已叫價過500萬,仲要冇盤睇。500萬樓下有盤都係質素頗差的。   太太好希望大仔升小學前買入自住樓安居樂業,不用擔驚受怕要搬來搬去,但我根本講唔到俾佢聽嚟緊兩年係咪真會跌市可買。我身邊都有唔少朋友賣咗自住樓有類似情況,男人四十,同聲一哭。相信我嘅困境並唔係個別情況,請諗樣兄幫手度一度,睇吓本人有冇生路可以翻身? 千萬個唔該晒!   唔想為樓傷感情的人上 ANSWER: 既然太太咁想買樓,不如你比首期佢負責借錢,大不了之後供樓共同負責,佢做業主加借款人,你做擔保人。咁做係為左令太太認真考慮現時買樓風險,因層樓跌左你們是要一齊上身的。另外用太太名可令你於將來樓市下跌時自行買樓,及做九成按揭上會,係新辣招下此乃靈活走位之策。   男人四十,同聲一哭。試圖估市升跌而不做對沖,無論係股市或樓市都要受嚴懲。你們的最大借貸力為3.5*(2.65mil)=9.2mil,現時買入三百餘萬之大兩房只消耗購買力之30%-40%,條數仲計得掂。請你去海濱花園或深井睇一睇,近四百萬仲有交易。有些不實用之三房如荃灣華都花園或麗城花園大兩房你考慮過沒有?大兩房如冇工人應該夠住。至於你想係荃灣買樓齡新之三房,冇五百萬是沒有可能的。   現時買入三房打算長住實在消耗你們太大購買力,萬一下跌即會好傷。請和太太商量下列方案: 1.先買兩房而搬入去自住,唔使再被逼遷,當將之前贏左既錢買間「細細地」樓房快手供完佢。2. 買入兩房收租而自己租住荃灣三房,以租養租為求減低加租及樓市再升對你們之壓力,更解決住屋大細問題。   用方法一可以做到九成上會,更可只做八成按揭慳返些少按證公司保費,八成上會年期廿年還款應不會得出勁貴之保費。如選方法二只可做七成按揭或更低,搵個有錢業主希望佢唔好租你一年後又趕走你賣樓。   無講方法一或二,都可令你淨低過百萬現金係戶口,閒放戶口太浪費,可買入之前筆者提過的債券基金,又或中電股票收息,保守派年息收約4%,一年上下波幅避多為10%之內,算是穩健投資,此舉令你月入平均多$4000,減低供樓壓力。如你還未放心,可同銀行開立靈活按揭戶口,你借3.50mil最多可放入借款之一半,存款可收回等同你按揭息率之利息,即如你按揭銀行收你年息2.1%,你可以放入3.5mil/2=1.75mil,收2.1%息。近乎零風險。   在此勸喻各位,如果賣樓所賺金錢少於你工作十年儲到之金額,而你又只得一間自住樓,在「博」之前請諗清楚。

Read more

你的人工正每月遞減? 公屋少年篇

  小弟為八十後庸才一名,現年25歲,剛畢業,月入約一萬,有見打工搵埋雞碎咁多,所以想膽粗粗創業,係低成本門檻低之行業,預計初期可以搵約一萬仲未辭職,因為有買樓打算,同埋創業計畫亦在計畫中,仲15,16   家姊月入約25K,現年28, 父母近退休年齡,現月入共20K左右而現時全家住緊一所現值約1.6M之公屋,可惜未補地價,為早年買落小弟有約750K 股票加現金,家姊約有200K 現金而小弟已入紙免補地價大抽獎,亦準備再抽居屋貨尾但正在諗後備計畫,同家母商討完, 認為即使抽唔中,以屯門一帶輕鐵沿站居屋為目標,補地價買入的話,入場價約1.7-1.8 M,同免補地價都係差幾十萬,亦算係小弟能力之內所以諗左2個PLAN1 買約1.8M 之居屋,與家姊同住,父母繼續住舊有之公屋2 買約2.3-2.5M 之居屋,舉家搬入屯門,舊有公屋放租幫補供樓     以上2個方法供款應該差唔多   唔好意思,講得比較亂, 希望諗 SIR 可以指點一下唔該晒諗SIR! 公屋少年譚仔上   答案 譚仔年少儲落75萬,已經非常不錯。香港社會上大把譚仔呢類年青人,入息唔算高只係萬餘元,可能與現時教育制度不合,當然加上自己都有少少懶,致學歷不高亦算不上專才。雖然人生「開步」唔係靚,但仍懷著少許資本、躊躇滿志地為自己人生之正場鋪路。人生正場是三十! 係投身社會近十年後處事和人脈已累積了一點,是時候為自己往後要決定安穩地打工或承擔更多。作老闆要緊貼時事、寧活走位、生意做得大更要養活不少員工,其實跑數壓力唔細過電話美容保險SALES。     譚仔問題不在於諗買唔買樓、或點去買樓。反而應問自己人生如何策劃,讓買樓安排配合自己生人路向。先要去思考既問題為放身一博去攪生意否? 與及買樓是為家人同住或未來成家立室所用? 仲有你舊有公屋如出租比人,係要補地價的。補地價係用factor*現價計,點都要幾十萬而你要預筆錢。請勿挺而走險做非法出租。     首先諗樣認為你現時有生意諗法,不妨一試。做生意當然要識計數,而放棄現有工作走去全職攪生意係涉及機會成本之計算。年青人未有家庭壓力加上人工唔算高,應該放手一博。最好利用呢年一邊做生意,一邊等政府有冇年青人房屋資助計劃。你講之低成本門檻低之行業,即係冇技術含量要靠勤力搵錢啦,請你務必與客戶關係深化,否則做得起都好快比人搶左去做。     如果你有諗過之後再買多一間樓,即一人擁有兩間樓,你當然可以買樓邀請姊姊,或家人一起同住。但日後你成家立室會否難開口趕屋企人走呢? 除非你肯定姊姊會係某時間結婚搬走,否則你日後只會得黎更大麻煩。 在港之年青人,有幾個意見: 1.        唔好用咁多電話,開下口去識人,識人好過識字是真的 2.        試下諗你而家份工有幾好,每個月autopay有錢袋落你口袋係幾暢快 3.        係港元掛美金下,如果你老闆仲肯每年加你5%人工,你份人工實在都係逐個月遞減,因5%係名義上既上升,但在通賬下實質人工月月縮。平民消費品通賬一年不只升5%(你食包腸仔都加左幾蚊啦)。相反高消費品跌緊,阿爺而家唔比送禮唔比抽獎,冇人買咁多錶送比人。 4. […]

Read more

如何賣樓大賺六百萬?

Lum sir: 我們兩夫婦見樓價上升不少,三房單位只有兩人居住,剛賣了20幾年樓但新裝的三房單位(未交吉).因接近供滿所以Net Profit扣俑金後接近有600萬Net profit, 想計劃一下之後投資. 我們現有資產如下: 1) 現金 : 600萬 + 96萬(40萬為人仔定期) = 696萬 2) 基金+保險 : 63萬 3) 股票 : 23萬 4) 物業 : 308萬 (實用300呎單位兩房現由家人居住, 五年後或收回) 我們現有欠款如下: 1) 按揭 : 130萬 (實用300呎單位兩房現由家人居住) 2) 其他貨款 :10萬 淨結餘: 950萬 MPF結餘:30萬(丈夫)+25萬(本人)= 55萬 我們月入5萬, 丈夫50歲,本人33歲沒有子女亦不計劃生育,所以丈夫和我決定今年內提早退休(出外玩1至2年之後可能找些partime唔想太大壓力). 現單位交吉後暫會先租屋,預算每月1.7-2萬(連車位). 想有以下問題: 1) 我們計劃都會買返間兩房自住, 現在樓價是否太高呢(看過有盤質素都不太好)?應否等樓價回落先再買? 2) 有什麼投資組合可以保持購買力,幫補租金,等樓價回落再買(e.g.我們計劃把部份現金轉成人民幣放回內地賺4厘)? 3) 如我們決定提早退休,由家人居住的兩房單位是否應於收回後出租提供穩定收入? 煩惱人上   答案 […]

Read more

專科醫生 買樓疑難

諗樣你好, >         拜讀閣下blog多時,見閣下熱心解答大眾問題,我亦希望得到指點。 >         本人31歲,已婚,有2名小孩(3歲及0歲)。我與太太是公立醫院專科醫生,家庭月入$185000,每月其他開支$86400 及供樓開支如下: > > 供樓(全部聯名): > 1. 自住1200呎3房: 2010經HKMC 9成上車,H+0.7 plan 分30年還,現月供$38300 (還本約29000),欠款約$11.25mil,現網上估值$16.75m-18.5mil,差管$5000 > 2. 收租樓 x 2: 2012 入舊版ssd,p-2.85 分30年mortgage link戶口,現月供$9000 及$7000 (本息各一半),欠款$2.38mil 及1.86mil,現網上估值$3.75-4.19mil 及 $3.28-3.47mil, 差管$2000,(收租$13000及$8700) > > 沒有其他欠債及供款,銀行存款$300000,鎖死aviva基金$250000 > 因工作關係及早年於股票損失什巨,現對股票什為抗拒 > 而基金因鎖死關係及意識到管理費的不平等,亦什為抗拒 > > 本人現欠樓按$15.5mil, 根據閣下之前2.65法則,本人尚有2.65×5.9=$15.6mil借貸額,剛好旺市持貨一半。有感自己相對後生及現金流非常穩定,收租等債項貶值為上策。本人估計美國將會迷失多年,2018都未能大大加息,低息及世紀通脹將會持續支持樓市,樓市唯一後腿是政府亂出招。因此我想在政府未出更多招(限購/限按)前,再入市買細價樓(2-4mil)鎖定計劃慢慢供。 > > 因自住樓有MC/世紀H plan/大價限按, […]

Read more

居屋疑難解答

本人同太太都是35歲,和媽媽一起住黃大仙公屋,月租$五千 本人收入$兩萬一,太太接近$兩萬,媽媽$一萬,兩三年後會退休 兩公婆有5張信用卡,但沒有欠卡數 於2015年本人有十年儲蓄完結,可約$廿二萬 手頭可用儲蓄$30萬 每月$5000家用,外家$4000,兩公婆儲$13000 另外本人有十年保險儲蓄$160015年完結 $600保險退休儲蓄 已入紙抽置安心 如抽中會問外家借$廿萬做首期 即預備有$五十萬 想買$三百三十萬樓下兩房單位 供25年 想請教風險大嗎? 還是買私樓風險低? 請給予意見,謝謝 答案 以筆者所見家庭收入近四萬而借二百八十萬之按揭令你負擔驟增。因330萬樓宇買入後減去50萬首期要借280萬。以你咁講,你買完樓後將會冇CASH係手。而每月供款要拉到30年才可將月供款減低至10000完,25年供會年供款增至$12000,都可上會有餘但令你儲唔到$落袋。換言之到時層樓升跌會主宰你黎緊多年命運,層樓升一成可等於你(3.30mil * 10% / 13000)=要25個月先儲到既錢。跌一成都一樣。係如此升浪唔到頂都到尾之時候,為何以身試市呢? (因為你睇錯市每跌些少你都要賣兩年身)   諗樣相信白表居屋較適合你。黃大仙附近之慈雲山仲有不少二百萬之選擇(未補地價)。私樓風險亦唔係細,勝在可隨時加按但而家買間私樓少都要2.60mil(例:荃灣中心404呎)。居屋推出就係要幫你慳返個地價,用平價解決自身住屋問題。既然你合規申請就唔好浪費,除非你好有把握間樓可以幫你賺到錢,否則唔應該用伺自己大份金錢去買(投資)一項目。   買樓雖然可以係滿足自己居住需求,但要理會當中投資風險。唔可以因自己要住就咩都唔理走去買。買居屋可以唔比地價慳返約三成樓價,但要當作投資品賣出或套現時有一定難度。私樓質素參差及要比地價,但用作套現及賣出可不受限制。在此重申一次兩者之分別。至於實用率一般居屋較好,管理費都係居屋平。要知道而家私樓管理費已升至2000一個月不為奇。慳返留比仔女讀書更適當。   趁機重提一次,你要唔補地價咁買居屋主要有幾個途徑:1. 你係公屋戶主,只要你肯放棄公屋就可以用綠表免補地價買居屋。但留意你父母係公屋戶主唔代表你可以走去申請綠表上居屋。以筆者所記除非你係間細公屋住六個人或更多先有條件用擠迫戶提出拆戶,即分配多一間公屋比你,咁咪兩個都可以一齊申請。要攪擠迫戶或有病調遷,請找社工。   另一方法係一個人或一家人先上公屋,要低收入配合。一個人約$8700月入而一家人不超$16000。按此看房署關於收入之解說。上到公屋每月要比錢交租,之後可比錢再買居屋。第三方法係最近熱討既白表免補地價買居屋或置安心,形式近似都係要一人月入不過$2100,家庭不過$40000,可入表而抽中會叫你去睇樓,睇中比錢。比乃三個最主要途徑「上樓」。   讀者打得成篇文上homebloggerhk問相信係心思熟慮之輩。亦知結左婚一排仲同母親住難免想搬出享受二人世界,但如想提前搬出享受二人世界是有代價的,凡是有因必有果,希望筆者幫到你。

Read more

搬出黎自己一個人住有法?

->>按此看答案 你好, 本人單身三十歲,月入二萬三,儲蓄約有六十萬,家人居住青衣, 所以想於青衣置業.看過青怡花園,翠怡花園, 樓齡廿年以上, 全部300萬以上,盤少,多低層, 銀行估價差10-15%. 首期不是問題,但樓齡大,唔到價, 心理上都係覺得買唔過. 有朋友居住馬灣,環境不錯,樓齡十年到,一房單位大約330-350萬, 青衣有穿梭巴士,可以放工先回青衣阿媽到食飯,再返馬灣. 究竟買青衣定馬灣好呢?可否解答我以下的問題: 1)青衣樓好明顯因為置安心令樓價升溫了, 依家買的話,估價不足,先貼10%值得嗎? 還是等佢回落才買? 2)如果買馬灣,以我的月入買一個350單位是否太冒險? 打過去銀行問大約借到300萬, 扣除首期35萬, 自己要貼15萬, 即是要50萬, 加埋雜費約60萬, 應該可以應付得來. 但之後每月用一半人工供樓, 到時有樓,但儲不了錢…  個人原因,好想自己住, 但下不了決定,請LUMYEUNG提供意見   答案   先作個人評估,假設息口不變讀者月入23000,可用盡11500供樓,攤長30年可借三百萬,加上自己60萬首期確實可買入3.50mil之珀麗灣。惟必須自己冇其他借貸及借貸力會消耗盡。給予解答前先重溫下2012年7月之貼文「認識自己是庸才」。   專才運用特有知識提供服務去提取你口袋既錢,例如醫生、通渠。但係醫生有法律例文保障入行資格,知識不會太濫而造成與通渠之大差異。通才利用頭腦靈活,找出世界需和求去賺錢。專才可是有人走上門比生意佢做的,通才者有如老闆、政客、政府官員,都係靠自己代表雙方利益而從中搵食的! 筆者建議讀者在踏入社會後先為自己找份銷售工作,試下自己係咪一個通才。因香港十幾年既教育係「零考核」你是否一個通才的,故你要自己去摸索一下。另外你要搵錢,即係錢係人地手上啦! 如果你連做sales講句野都唔掂,人地又點會乖乖將錢交比你呢?   九成人係庸才。包括今次問問題讀者都係。做庸才不打緊,要識搵人幫你。庸才翻身第一可靠銀行借錢,有個有錢親戚除外。讀者要攪好「自己盤數」不過現時睇情況一般。另外一個可依靠既人都未出現: 即婚後之伴侶。所以計極盤數都好緊絀。如果佢真係想享受一個人搬出黎住,就要交出可觀既人工升幅先可在此時做到。唔想人工加而又完成此心願,就要交出耐性等。總之呢個香港係no free lunch,必須付出再有收獲,仲要比十蚊買到八蚊個隻!   係前幾段前設下,讀者不應用盡銀彈係旺市買入珀麗灣,何況太偏遠又冇24小時交通未必適合後生一輩。青怡翠怡係上車好選擇,不過諗樣都同意現價過高,置安心效力已現。如果有錢又一家要係兩者選一,不如購入馬灣。因為青衣將來有既交通改善,馬灣一樣有(同屬港珠澳及離島效應)。但係你要改善自己能力,先可以應付得黎。有時買棲呢樣野,急不得。至衰你單身人工剛過政府申請居屋之入息上限,其實只不過想要個單身安樂窩,居屋又平又正啦(不過有居屋都可以五六百萬)。   總結後生仔可以自己搬出黎住加埋做業主有幾個因素: 人工夠低可以買居屋,係新界區百餘萬可成。唔知煩請其他讀者提供 父母比首期。有父母確實會的,當逼仔女儲錢。如果你知阿爸有米而關係不太好,可用此作selling point令大家和諧一下 你屋企人根本有間屋比你 你(扮)有病,可極快上到公屋變相隔離 中左馬又唔冇輸返哂比馬會,淨係做到上一句已抵你做業主!   係香港,想自己一個人住,係幾奢侈的。 至少對後生仔確實是。努力!

Read more

三房定兩房?

諗SIR 你好, 自從半年前讀了你的BLOG 後,  獲益良多。本人今年25 歲, 與男朋友合共月入十萬, 收入穩定, 儲了約200 萬,PLAN 了下年年頭結婚請 問以現時情況,買德福/黃埔兩房, 等5/6 年後加按 買TKO三房(然後舊的那層放租)還是調轉,現在買三房,  將來有機會時才買多一間兩房收租?謝謝! (P.S.我們現在每月可SAVE 5 萬, 想將來買將軍澳因為 希望近父母, thanks thanks!   ANSWER: 如購買力許可,買三房是較好選擇。惟現時樓價偏高,建議買入較舊或較遠及實用率高的三房有助你間樓跑贏大市。黎緊政府落實興建大量細單位,比類住宅對國內人或較有米之人都嫌太細,將來細單位會估計同現時情況反過來,跑輸大市比三房及更大單位。   當然你第一會問:「乜唔係於旺市保留實力,於旺市先求蝸居暫住,到市低全力出擊咩!?」需知每人借貸力不同,如買入三房後你還可以「留有一手」,不妨將你原有目標降低一格買入樓宇暫住,但留意一些樓齡近30年而又未維護過既樓宇,政府會強制要求你地夾錢維修。   以讀者實力可以每月用五萬元供樓,假設冇任何負債,即購買力用盡可買入2.65*5=一千二萬萬之住宅亦冇問題。係九龍東可選社區將會改變之屋苑如德福,麗港城,鑽石山。麗港城係九七到零七都跑輸大市,係呢幾年越戰越勇,升幅跑嬴其他大型屋苑。該屋苑鄰近觀塘工業區,係麗港城既對街有一間酒店起緊,三幢工廈正活化中,到街上一行不難留意個度越黎越多開倉,好多真人舉紙牌SELL野。睇黎越黎越多野賣,不難由工廠區轉做高級商貿區。向海一望亦有郵輪碼頭,將來潛力不少。而麗港城就係步行距離之屋苑,呎價7000餘,兩房四百幾萬。   反而德福未夠麗港城咁大改變,不過區內人流將增加已是不爭之事實,作為龍頭屋苑肯定受惠。但樓齡比黃埔仲舊係其一缺點。黃埔好多種積(單位),呎價可以因庭向同靚積與否好大分別。總之有能力住係三房,第時唔使煩換屋而再浪費裝修錢,係一個正確既選擇。如果你而家有心諗住係樓市投資既,何不用一人名先買一幢,第時再用另一名再買,不少讀者已知此法和聯名買入有何分別。請留意諗樣網。下章再談。

Read more

退休買落三層樓格局

->>按此到討論區發問     泰利: 諗樣兄,小弟三十五歲,現與女友租樓住,租金12000。女友於2012年購2M樓七成上會供30年,現升值二成及放租八千五。   母親現居供完的居屋約值二百五十萬(未補地價價錢)。現打算與女友聯名另購二百四十萬(9成上會)以下樓宇(需於居屋附近,母親不會居住女友物業)讓母親居住,自己與女友住居屋。   現只有200000及母親借款200000(要分期還給母親)。本人與女友收入為25000 及32000。請問與母親換樓住是否好方法?現是否買樓時機?或應租幾年樓等跌巿?本人名下並未持有過物業。請賜教   答案    相信你搬去居屋最大要點係想慳返$12000月租,用同樣錢去供樓仲可以還本變相「儲錢」。比做法正確! 資助房屋最好用黎住,投資價值稍低。你同女友既負債比率確實偏低,有能力買多一或二間三百萬左近既樓。由於泰利年到35仲未有樓係手,不如細細地開始供番間。他日(總之十幾年後)父母百年歸老,你同女友(太太)夾埋有三間樓係手供滿,一間自住兩間出租,起碼生活唔會太大壓力。   至於租樓定買樓好,諗樣係前文講過,可以咁睇: 一般香港人租樓支出約為樓價的5%,如果你睇樓價黎緊兩年跌超過一成(5% x 2),咁都係租樓好。如果睇持平或升,咁就要買樓係手啦。   因為以泰利情況,似係腳踏實地形(當然係靠估! 泰利如果係進取型可在blog中澄清),唔會出現中額流動現金去等終極大跌,咁情況下不如乖乖地買多間,減省租金支出,同時間做朋友,更可早日供滿樓享受生活。   乜x野「同時間做朋友」? 你估星爺d戲咩? 其實睇開本blog既朋友可能都知,筆者提過時間可幫你搵埋通賬去減省你攤還月供按揭所需成本,即係隨時間一過,你開頭買落間樓最終都可用好平代價咁還。再唔明搵一個有樓而要供既uncle問一下。當然你會話通賬唔一定出現,你唔比通縮咩? 學特首咁講: 「係美元同港幣續掛勾既前設下,諗樣睇唔到通縮取代通賬此肯定發生可能的未預見性。」希望學得似啦,佢個double-negative真係用得好熟架。   另外時間都可以幫你消除部份投資風險,雖然樓唔可以有效去平均投資,但時間一耐自己知樓股債邊樣投資物最適合你!   至於現時是否時機? 應該今個月不是,施政報告已出,樓又癲。當然係報紙猛吹,賣定例牌反價而出現零星高價成交而矣。因諸家都對今年樓市頗為睇好,加上連街市阿姐都講緊銀行水浸,筆者估計今年樓市會有一個反高潮,微微向下調整。資深投資者已將大部份錢移離住宅市場。諗樣給予讀者既係理財方法,唔係同你估升跌。泰利如緊守穩當理財方法,合女友之力,先攪好退休買落三層樓格局,應可輕鬆生活。     相反如有讀者不先審閱自己財政而妄自出擊,樓市一跌就抵擋不住。係樓市一輸,就要輸十年!

Read more

五至八年內有兩間樓收​租

    大雄: 你好! 小弟今年24現在同父母在街市開舖…父早在有強積金開始就開始用供$800 (報自僱)母報家庭主婦 (沒有收入)小弟在街市幫手沒有正式支人工…(打算報自僱,做數…不過唔知怎樣報比較好…)   – 我同父母 每月淨儲6M另外還有一位姐姐27歲做SALES月入平均14000   沒有儲蓄-.-現有 47年唐樓A(~200M) 自住 沒有欠債剛剛買了 240萬連租約樓B 收租 可收$8000 按5成 分30年 2.15 姐姐供 爸爸名另外有70萬HKD 和 30萬人民幣定存到2013 年中   – 因為父母年紀唔少,想係5~8年內有兩間以上收租之用….小弟想47年唐樓買給姐姐,套現100M 作5成按,再租給父親8000,可以增加姐的借貸能力套現100M——>先轉人民幣定存半年 半年後有父親交租給姐姐的紀錄 可以增加姐的借貸能力14000+8000(0.7) 作收入…再用100M人民幣+70M HKD 買C   – 現在只能用姐姐去借錢…小弟就不用借原因一 現在樓價覺得高,所以只用姐姐,留小弟的能力下跌之用原因二 小弟還沒有想到支多少人工給自己比較好…以上是大約的想法可以嗎…??另外我自己的收入可以怎樣做數??小弟同父母是保守之人,股票有買,不過都係覺得買樓儲錢比較好~麻煩你…..謝謝你… 答案   對不起遲覆了,諗樣同大家一樣,希望盡用每一天,休息時盡情休息。大雄既工作及財政狀況,係想運用借貸力時都唔想見到既,情況包有自僱冇入息證明、抵押品(樓宇)年歲高、樓宇業主高、姐姐的負債比率亦因剛買入2.40mil樓而加高了,係呢個三高一低情況下點攪呢? – 首先如將唐樓賣比姐姐,先要考慮如家姐再供多一間樓能否承擔,即將47年唐樓賣比家姐,假設借一百萬,每月都要還近5000蚊,恐怕加埋上一間會令個人負擔比率超過50%,即個人總債項超過總收入的50%。 – 你賣左間樓比姐姐,就當租金係八千,冇番半年租金收入記錄銀行係唔會將該租金當作入息証明的! 就當你連約成交,係做按揭時提供租約,但係個租客又係賣樓業主本人(即你父親),諗樣真係諗唔到銀行會唔會接受。如用差餉估值計租金,個租值可以同市場價差好遠,所以你諗既「 14000+8000(0.7)」二穿一,未必可行。 – 另一點要注意,係47年樓齡用作按揭好難做到廿年供款以上。連十五至廿年都已難批。對症下藥應該要換樓,47年既自住樓有兩個諗法,一係趁高售出,但新買入既樓可以要細些少。一係搵人幫你攪「多間隔用途房」,谷高回報。除非你間樓有機被人收購,或有可能整做樓上鋪,否則你要諗諗趁高出貨。 – 或者唔駛諗得咁複雜,其實手上約一百萬港元現金可等時機,過幾年再買入樓房收租。現47年自住樓可能父母住慣左,賣唔成就算。不過為長遠計,你自己一定要整番d收入,用現稅階計報約兩萬月入實適宜。因為你自己有免稅額約11萬,如父母超60歲更可埋父母免稅額,有祖父母免稅額亦可報埋上去,計及稅階你都係交一萬幾千稅。你當資助下政府,睇下佢有冇建房福利惠及你啦,請你自己暫不要做業主,看政府有何「梁策」!

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室