【期權教室】莫家強期權短評 (2016/11/24)

【#期權短評】 今日講長線少少,俾多一個唔同嘅view大家。 我對港股嘅睇法,8個字,「低唔怕買,高無謂追」。 附圖係3個指數過去5年嘅比較。做得最好嘅係杜指,升61.77%;其次係恒指,升21.69%;最差係國指,跌3.74。 三個指數最大既分別係,杜指有長線增長既條件。恒指、國指都無。 恒指仲有得升,因為有 #騰訊(0700)。國指,5年過去都仲要跌。 我對於港股嘅長線部署,最主要有呢幾樣。 一,買騰訊。 二,做Short Put。 三,等調整趁機買其他大股或者揸期指。 四,升到高位,個市無力就部署做淡。 之前講過,個市多咗人入返貨,會chok返好多。但係我估,短期仲有得升。等多兩個星期,如果深港通落實到,就睇恒指上返23500點左右,再部署淡倉。 相反,深港通如果到12月初都無消息,港交所未必會即刻宣布今年唔開。情況合適的話,我會趁呢個空檔博下Long Put,等到12月中,大家都肯定深港通要再推遲嘅時候,可能有斬獲。 當然,諗就係咁諗,但係到時仲要睇下個市夾唔夾。實際策略或者會有變,到時再喺FB update大家。     【期權教室】莫家強期權短評 (2016/11/24) 智取期權 – Alex Mok

Read more

【期權短評】莫家強期權短評 (2016/11/24)

今日講長線少少,俾多一個唔同嘅view大家。 我對港股嘅睇法,8個字,「低唔怕買,高無謂追」。 附圖係3個指數過去5年嘅比較。做得最好嘅係杜指,升61.77%;其次係恒指,升21.69%;最差係國指,跌3.74。 三個指數最大既分別係,杜指有長線增長既條件。恒指、國指都無。 恒指仲有得升,因為有 #騰訊(0700)。國指,5年過去都仲要跌。 我對於港股嘅長線部署,最主要有呢幾樣。 一,買騰訊。 二,做Short Put。 三,等調整趁機買其他大股或者揸期指。 四,升到高位,個市無力就部署做淡。 之前講過,個市多咗人入返貨,會chok返好多。但係我估,短期仲有得升。等多兩個星期,如果深港通落實到,就睇恒指上返23500點左右,再部署淡倉。 相反,深港通如果到12月初都無消息,港交所未必會即刻宣布今年唔開。情況合適的話,我會趁呢個空檔博下Long Put,等到12月中,大家都肯定深港通要再推遲嘅時候,可能有斬獲。 當然,諗就係咁諗,但係到時仲要睇下個市夾唔夾。實際策略或者會有變,到時再喺FB update大家。

Read more

【期權教室】莫家強期權短評 (2016/11/23)

  【#期權短評】 做Long Call,你要知道咩叫做啱時候做,咩叫做唔啱時候做。 啱時候做,個效果會好好。 好似昨日講既23000 Call,個價已經升左5成。如果大家睇返個期指,其實只係升左百幾點。升咁少都賺到呢個幅度,就叫啱時候做。 Long Call就係咁,識睇時機,估中方向,錢就會賺得好快。如果期指唔係升百幾點咁少,而係升幾百點,張Call已經可以賺幾倍。但係,最多只係會輸100%。呢個就係做Long Call既最大優勢。 上完堂,去多幾次舊生聚會,我再同大家計多啲數,咁各位自然就會掌握到咩時候應該做Long Call,咩時候唔應該做。 最後,我既心得係,做得Long Call就唔好定止蝕。有止蝕位,你就會有機會俾人chok走,大幅減低贏錢既機會。竅門係,輸得起幾多,唔心痛既就買幾多。記住,Long Call要賺大錢唔係靠大大注,係靠「過關」。一鋪3倍;兩鋪9倍;3鋪27倍。 細細注開始玩,靠技術賺上去,咁樣就可以低風險,長玩長有。 P.S. 今日已經見多左人買貨,暫時唔使over-react。但係,好技術既朋友,睇位調轉做都無妨。   【期權教室】莫家強期權短評 (2016/11/23) 智取期權 – Alex Mok

Read more

【期權文集】莫家強:短評深港通 (2016/11/22)

連結為2016年11月16日新聞。 http://hk.apple.nextmedia.com/financeestate/art/20161116/19835217   睇返上星期既啲舊聞,有啲有感而發,想寫篇文純粹估下深港通既發展。 首先,我地要有定心理準備,深港通隨時要拖到下年先開到。 如果大家有睇過之前既訪問,李小加講過,臨近聖誕節不宜開通。呢一點唔難理解。大家都holiday mood,諗去邊度玩好過啦,仲會理你深港通咩。況且,就算佢唔理市場反應夾硬開,始終我地既假期同內地唔同,變成深港通一出就要開下停下,會令參與既人更加無所適從,各個層面出錯既機會都會增加。呢樣野,就算內地肯俾佢開,我估港交所都唔敢博。 好喇,12月19號星期一,應該係今年既終極deadline。咁佢又講過,公布日子之後,都要一兩個星期先真係開到。我就當佢要一個星期,咁即係話,最遲12月12號點樣都要公布。過左呢日,基本上今年就九成九開唔到。 今年開唔到,下年先開,照計就要等農歷年後。攪攪下,可能最快都要下年三月先攪得掂。 據我所知,好多公司都無好認真對待深港通。但係,準備好哂果啲就慘喇。果班員工,幾個月都唔知有乜好做。 我個講座,講深港通投資機會果part,可能都要轉教點做Long Put。 無乜點,如果恒指升得到上23000點以上,我應該都會走好多貨。等12月初如果再無消息,就開始部署淡倉。 暫時仲有一段日子,睇下有幾多估中,有幾多唔中啦。   智取期權 – Alex Mok

Read more

【期權教室】莫家強期權短評 (2016/11/22)

  【#期權短評】 我知道,有好多朋友心底裡都唔係好滿足於淨係賺Short Put。好,我就滿足下大家,講Long Call。 有人問,做Long Call平均一個月可以賺幾多錢?我答佢,做得Long Call就唔係睇平均數,係要逐鋪計。一鋪可以賺3倍;連中兩鋪就9倍;連中三鋪就27倍,如此類推。 首先,講點樣賺到3倍。 下星期二到期,23000 Call,價格為51點。假如期指既結算價能夠去到23204點,期權既價格就會變成204點,啱啱賺300%。換句話說,只要期指升多大慨5百幾點,就賺到300%。 Long Call既另外一個好處係風險有限。就算估錯,唔計使費,最多都只會輸51點,唔會多過呢個數。 少少心得,玩Long Call要輸得起,無後顧之憂,咁先可以賺到大錢。呢啲心態方面既嘢,聽日再講。     【期權教室】莫家強期權短評 (2016/11/22) 智取期權 – Alex Mok

Read more

【期權教室】莫家強期權短評 (2016/11/21)

【#期權短評】 你做過,你就會明白點解我咁鍾意做Short Put。 係,你可能會覺得賺得少,我最初都覺得係。不過,當你慢慢開始玩,盈利開始累積,你就會發現呢個方法既可愛之處。每個月都有錢落袋,就算唔係太多,都係一件好開心既事。 18400 Put,得返10/11點,同上星期二比較已無左一半。換句話說,Short Put已經賺左一半時間值。等佢再穩陣啲,就可以加注,再賺多啲。 用呢種玩法做Short Put,贏錢非常容易,機會率極高。不過,有一個concept我地一定要攪清楚,咁樣唔代表風險低。 事實上,好多人玩Short Put,長遠都係要輸錢。最大問題,係佢地唔識得做好風險管理。所以,喺課堂上我經常都強調Short Put要做得穩陣,呢個先係長遠致勝之道。   【期權教室】莫家強期權短評 (2016/11/21) 智取期權 – Alex Mok

Read more

【期權文集】莫家強:Psychology,Trading Tactics,Money Management (2016/11/20)

我嘗試將封面譯做「心態」、「策略」和「資金控制」。連埋個書名,即係話要三樣野都做得好,先有資格「以炒賣為生」。   我強烈感受到大家對後市既擔心。因為,有五位同學差不多同時間whatsapp我,問個市聽日點睇。 大市的確係有啲弱,之但係,夜期都只不過係跌緊100點左右,咁快就驚,其實係反映緊有一啲問題存在。呢啲問題,係香港傳統投資教育既「成果」。 之後,我諗起呢本書,我覺得會俾到一啲啓發俾大家,幫大家跳出舊有思維,解決果啲問題。   封面有三隻字,psychology,trading tactics,money management,我嘗試譯做心態、策略、資金控制。連埋個書名,即係話要三樣野都做得好,先有資格「以炒賣為生」。   本書好值得睇,我好耐之前睇過。有中文版,有好多網上資料,大家有興趣可以揾下。   呢三樣野,環環相扣。譬如你既策略唔work,成日輸錢,你就會好易驚青,跟住就亂咁落注,原有既策略就會愈做愈差,造成惡成循環,一直輸落去。   所以,好重要既係,首先大家要用一個賺到錢既策略開始玩。初學期權既朋友,我一定會教大家先以細注做SPH。呢個策略,做得細就會賺到錢。係,有啲朋友會嫌賺得唔多。不過,要能夠開始賺錢係成件事既第一步。賺開,有本事既就會愈賺愈多。   過多一段時間,等所有必要既特質都開始鞏固,你就可以將我既方法改成你哋自己既方法,繼續賺落去。   最後,我勸大家唔好再估一日半日既升跌喇。今日個市,跌過,升過,依家升少少,估黎都無用。捉緊一個中線既trend,用合適既策略去做,咁先係賺錢既方法。    

Read more

【期權教室】莫家強期權短評 (2016/11/18)

  【#期權短評】   繼續講「溝貨」,先由心態講起。   首先,記住一個好簡單嘅道理,一日你仲有錢買貨,就算個市差,你都就仲有板斧處理。相反,一旦資金用盡,個市又唔就,到時你想救倉,難喇。因為你已經用哂所有可以用嚟救倉嘅籌碼。   好多人坐唔起股票,解唔到蟹貨,最大最大既原因係太輕言「瞓身」。你瞓得身,嗰鋪一定要贏。就算你有set止蝕,瞓身撞埋止蝕度都肯定損傷累累。   跟住講策略。我試過好機械式咁,每跌8%買一注,但效果唔好。因為隻股走勢差,你會照樣係咁買,係咁坐。但如果隻股轉勢做好,你又可能因為未到買入價而錯失機會。所以,要溝貨一定要睇住個股價嘅走勢黎做。   簡單而言,第一注,可以大膽啲。第二注,就要開始小心。第三注,要更穩陣。呢個topic好大,遲啲再講。   再講SP + LC。我嘅騰訊SP,其實做左好耐,好高位做。當時我既諗法係,我好鍾意騰訊,但係嫌貴,所以用呢個方法買。股升,就睇位食LC。股跌就挨到尾,用$200接貨。   未有貨嘅朋友,見到騰訊轉勢,就做啦。SP可以揀低啲,揀一個你願意接貨既水平。用呢個方法,因為SP有buffer位,無咁易接到成手貨,會安全好多。仲有一啲竅門,容許我將來聚會再詳細講。   呢一刻我仲未做野,想等埋月尾,睇下使唔使接貨先再算。如果無得接貨,呢啲位,我一定會再做SP + LC。   講真,你想騰訊跌到更低位俾你買到,都唔係咁易。人地業績無問題,仲係高速增長緊。用啱策略,趁低就應該吸納。(我承認我係有的盲目睇好騰訊)    

Read more

【期權教室】莫家強期權短評 (2016/11/17)

  【#期權短評】   一陣我想介紹本書俾大家,依家先講 #騰訊(0700)。   記住,業績好壞並唔係最重要。我哋真正要留意既係,業績後股價嘅表現。   業績係滯後資訊,是好是壞都已成過去。股價表現,則關乎大戶對公司未來嘅睇法,更值得我哋關注。   暫時,騰訊嘅股價表現好明顯麻麻。不過唔使太急下定論,俾多幾日佢,情況可能有變。   策略方面,我有11月200蚊Short Put,如果要接貨,我會接。但係,如果騰訊股價升返上去,唔使接貨,等Short Put既時間值賺完,我一定會再加注做好。   至於如果騰訊繼續跌,我哋有兩樣野可以做,第一係「溝貨」,第二係做「Spread」。兩樣都做好,一年應該可以消化到騰訊既3成跌幅,即係低位見$140都未必一定要輸錢。   溝貨,用處係降低成本價。所以,一定要做到呢個效果先應該溝。否則,會愈溝愈危險,聽日繼續講。   P.S. 大行目標價 update,普遍微跌。(Source: Bloomberg)      

Read more

【期權教室│視頻】莫家強一期一會 (2016/11/16)

    #致富教室頻道 星期三呈獻: Homeblogger X 莫家強 20161116-一期一會 #大市與騰訊 想知道除左股票有咩投資選擇? 想知道期權有邊d投資技巧? 就要每個星期四六點準時留意一期一會喇!

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室