【 #期權短評】 玩Long Call、Long Put，如果每張價位只有200點左右，我好多時候都未必會set止蝕。 但係做Long Straddle或者Long Strangle，情況唔同。買哂兩邊，投入的金額必然會更大，所以假如市況發展未如預期，就有必要揾位離場。今日講一講處理方法。 咋日做既Long Straddle，同時買入行使價23000點Call、Put，最大風險係455點。呢455點，唔會一下子輸哂，通常係會因為時間值損秏而慢慢咁輸。 而接近等價既期權，愈近到期日，時間值會損秏得愈快。所以，到最後幾日，如果個策略仲係賺唔到錢，我就會計數走人。   唔玩最後幾日，兩邊期權加埋好大機會可以拎返百幾點以上，大慨係1/3既本金。   到時，我會等期指稍稍偏離23000點先做，咁會可以再輸少啲。   呢個月，我會睇到下星期五。最理想既情況，當然係期指可以升穿23400點，或者跌穿22600點，咁樣一邊期權所賺到既錢，都肯定已經足夠抵銷時間值損秏。   以過去幾個星期既波幅，贏既機會仍然係比較大。     風險聲明：筆者為證監會持牌人。以上內容屬筆者個人意見，不構成投資建議，並不代表本網站意見。投資者於投資前必須充分了解產品風險，自己的財務狀況及投資目標，並諮詢專業顧問。

  【 #期權短評】 呢個方法，係同時買入接近等價既Call、Put。效果係，只要期指向任何一邊方向進發，我地都可以賺錢。   做之前，要睇兩樣嘢。第一，係啲期權夠唔夠平；第二，係仲有幾耐到期。呢個方法唔算難明，大家睇一睇個例子就會明白。   即月行使價23000點，Call要買246點，Put要買209點，總共為455點。呢個就係最大既風險。點先輸到呢個數？   1月尾結算價，如果喺正23000點，兩邊Call、Put都變零，咁就會輸哂。   但係，只要期指向任何一邊走，愈偏離23000點，就會對我地愈有利。例如，期指升至去23500點，張Call最少會值500點，就算張Put輸盡，都有錢賺。同樣，期指跌至去22500點，效果都會一樣。   咁有幾大機會贏？俾個數大家參考吓。   上個星期，期指高低波幅有762點；前一個星期，波幅有574點；再前一個星期，波幅有530點，再再前一個星期，波幅有960點。   依家距離結算，剛好有兩個星期，只要期間有一吓大升大跌，就已經可以獲利。   呢個方法，唔係成日都適合做。但當大家真係熟識期權特性既話，就會知道幾時做最值博。   風險聲明：筆者為證監會持牌人。以上內容屬筆者個人意見，不構成投資建議，並不代表本網站意見。投資者於投資前必須充分了解產品風險，自己的財務狀況及投資目標，並諮詢專業顧問。  

  【 #期權短評】   收到好多朋友既鼓勵，首先多謝大家。放心，我唔單止無事，仲好開心有大家撐。我保證，將來既聚會分享，我一樣會咁比心機做，次次教堅料俾大家。   另一樣我好開心既係，有幾位都講，今日睇完個市，明白點解我話要做Short Put。   係，Long Put失利係事實。但今日大家就知道，Long Put要止血，又真係一啲都唔難。因為，Long Put有一個特性，就係睇中方向果陣，delta會一直增加，錢會愈賺愈快。相反，睇錯方向果陣，delta會一直減少，錢會愈輸愈慢。適當做少少對沖，就已經止到血。   只要唔係訓身，啱時機細細注做，Long Put 就算睇錯邊，都唔會好難處理。   不過，Short Call既話，就係另一回事。如果你做咗Short Call，又就黎入價，甚至已經入咗價，依家都會幾麻煩。以23000點Short Call為例，暫時delta係0.45，即係期指每升100點，Short Call就要輸多45點。如果期指再升多200點，delta 就係升至0.59，升100點就要輸多59點，錢會愈輸愈快。   睇睇個期權既價格，你就會明白我意思。Short Call企錯邊，要救倉，難度高好多。   同樣係睇淡，兩種策略既效果同風險都有好大分別。   另外，有朋友問，可唔可以加返Long Call，變做Long Strangle。可以。依家引伸波幅比之前仲低，做Long Call、Long Put都有值博率。聽日詳細講。     風險聲明：筆者為證監會持牌人。以上內容屬筆者個人意見，不構成投資建議，並不代表本網站意見。投資者於投資前必須充分了解產品風險，自己的財務狀況及投資目標，並諮詢專業顧問。

呢個時候，正好適合做個總結，睇吓過去幾日呢個trade既情況。   22400 LP，呢一刻係115點，同我既買入價比較，輸90點左右。用買股票既觀念去睇，以百分比計，輸4成幾當然好似好多。但玩得Long Call、Long Put，我必須講呢啲係極平常既事。所以，我先強調一定要細注玩。注碼控制，係呢個方法最有效既風險管理既策略。   另外一個做法，係大注玩，定止蝕位。但係Long Call、Long Put有一個特性，睇錯市，初段會輸得最多，後段會愈輸愈慢。大家明白delta既變動，就會明白我既意思。   所以，靠止蝕，你唔會避到輸得最甘果一段，未必會輸少咗。但缺點係，假如個市先升後跌，你就會無左賺錢既機會。   有朋友提出時間值既問題，呢一點佢講得好啱。Long Put如果睇中市，你鍾意睇幾長都得，揸到結算都得，時間值唔會係問題。但係方向一錯，時間值既影響就會浮現，所以唔好死坐。   雖然我叫大家要有輸哂既心理準備，但都唔代表我會乜都唔做，由得佢輸哂。   今日做少少低位既Short Put，就可以有效減少時間值損秏既影響，甚至有機會有時間值賺。咁樣會令個策略變得無時限性，就算恒指遲啲先跌都有機會賺到錢。另外一個好處，就係可以保留反敗為勝既機會。   另外，我想講一個比諭，睇開波既朋友應該好容易會明白我想講咩。 無論一隊波幾勁都好，都無可能贏哂所有比賽。但要贏聯賽冠軍，38場比賽，可能贏30場就已經足夠有餘。   我既目標唔係要每鋪都贏，而係要長遠，好穩陣咁贏到合理既回報。 之前提過既做法，暫時結果可能唔係好靚，但係大家試吓諗吓，就會明白我點解會咁做。   最後，大家寫俾我既嘢，我都有睇有諗。而且，有一點我都幾自豪，就係我覺得我既投資技巧仲一直進步緊。希望我同大家都可以一齊愈做愈好。   風險聲明：筆者為證監會持牌人。以上內容屬筆者個人意見，不構成投資建議，並不代表本網站意見。投資者於投資前必須充分了解產品風險，自己的財務狀況及投資目標，並諮詢專業顧問。

  【 #期權短評】   Long Put既最大缺點，係有時間限制。太遲先跌，可能會因為時間值輸得太多，變咗賺唔到錢。   咁有無方法可以睇跌，但唔使理咁多時限呢？   有。之前有位都問過我相同問題, 叫Chris。當時，Chris令我覺得佢係一個好叻既人，因為佢係唔單止係問我點做，仲直頭拎埋個方法，問我可唔可以咁做，而個方法仲要係work。   呢個方法好適合依家既市，可以同大家分享一下。   首先，基本慨念，LP 係睇大跌，愈快大跌就愈好。但係，如果之後大家覺得個市跌唔落，呢個就係處理方法。   做法係，1份LP，2份行使價更低既SP。例如，之前做咗1張22400LP，見跌唔落，就可以補兩張21800 SP。唔一定要補得哂所有時間值，只要足夠令LP輸少一截已經可以。   個市幾時跌到咩位最好？風險大唔大？   我暫時講到呢度先，留啲空間俾大家理解。有問題再答。   風險聲明：筆者為證監會持牌人。以上內容屬筆者個人意見，不構成投資建議，並不代表本網站意見。投資者於投資前必須充分了解產品風險，自己的財務狀況及投資目標，並諮詢專業顧問。

  【 #期權短評】 我教玩Long Call、Long Put，其中一樣同其他人最唔同既地方，就係我會教大家唔好set止蝕。   「唔set止蝕？咁咪好危險？」   耐唔耐都有朋友會有呢個反應。但係大家要知道我點解要咁教。   首先，如果set咗止蝕，今朝期指試過升百幾點，又走唔走先？你一走就輸咗，就算個市跌返落黎，都唔再關你事。咁樣做，一定會令贏錢既機會減低。呢個就係set止蝕既最大缺點。   咁唔set止蝕會唔會好危險？   玩得Long Call、Long Put，我地一定要有心理準備，買得幾多就有機會輸幾多。所以，任何情況下，都唔可以訓身玩。買得細，風險自然低。Long Call、Long Put要玩得安全，又可以賺大錢，竅門係細注高槓桿。聽日再講。   最後，個市點睇？   一日恒指仲係陰燭，我都仲會睇淡。今朝恒指高開上升，有朋友有啲擔心，問我點算？我同佢講，高開唔係問題，最緊要有得低收。每一次高開低收，都會令大市既蟹貨增加，令沽壓更重，更不利後市。況且，個市已經開始轉弱，要升都唔係咁易。   對於今次跌市，我都仲係好有信心，我估今日都仲會係陰燭。希望恒指跌到200點左右，俾我走一走位，咁之後就會更加易做。   如果我估錯，今日有機會出陽燭，收市前我再update大家點做。   風險聲明：筆者為證監會持牌人。以上內容屬筆者個人意見，不構成投資建議，並不代表本網站意見。投資者於投資前必須充分了解產品風險，自己的財務狀況及投資目標，並諮詢專業顧問。   03:50PM 少少update。   Long Put倉位，有跌勢既話，坐幾耐都得。但係如果跌勢遲遲未見，就可能要改變策略，唔可以任由時間值一日一日咁輸。   今日，總算係陰燭。以往，兩連陰之後，第三日通常最少都會跌一跌。就睇埋聽日。   如果恒指可以跌200點以上，就一天都光哂。跌唔到，就要做一啲策略調整，減少時間值損失。   睇埋今晚美股表現再算。   風險聲明：筆者為證監會持牌人。以上內容屬筆者個人意見，不構成投資建議，並不代表本網站意見。投資者於投資前必須充分了解產品風險，自己的財務狀況及投資目標，並諮詢專業顧問。    

  【 #期權短評】 Long Put已做，即月行使價22400點，睇吓今次中唔中喇。   至於幾時買，幾時走，好難喺FB講到。所以，我做咗少少資料，方便大家睇位。   估中4百幾點，回報大約100%；估中2百幾點，回報大約50%；估中接近200點，回報大約30%。大家心裡有數，就容易啲set 止賺價。   我自己鍾意set定價先，因為有時真係跌一跌就反彈，唔set 定就會錯失機會。   當然都要睇風險。依家引伸波幅唔算高，加上期權接近等價，唔使太驚「縮窩」。   主要擔心既因素有兩個。第一，估錯市。蝕幾多，或者想吼高做，大家都可以睇到。LP 既好處係會愈輸愈慢，頭3百點會慘啲，之後就會無咁緊要。總之，計好數先好入市。   第二，輸時間值。一日大慨輸7點。唔想輸咁多時間值，可以做組合。唔怕輸時間值，可以直接LP。分別係，如果個市真係跌，LP會賺得最好。   最後，Long Put多少都要講啲運氣。Good Luck!!!   風險聲明：筆者為證監會持牌人。以上內容屬筆者個人意見，不構成投資建議，並不代表本網站意見。投資者於投資前必須充分了解產品風險，自己的財務狀況及投資目標，並諮詢專業顧問。

咁夜出post，因為機會可能一開市就出現，聽日先講會太遲：   1) 未上過我堂既朋友，記住，最重要既一點，個策略一定要係「有限風險」。例如，沽期指係無限風險，如果估錯市既話，輸幾多都得，唔好做。相反，有限風險既方法，最多輸五千就五千，一萬就一萬，入市前已經可以預計得到，用呢類既策略，好處係你會容易啲坐得穩，贏面先會高。   2) 點講都好，我地都係逆市睇淡。逆市，就要預左挨價，預左個市仲會升多啲。今次睇跌，我有信心，但你既信心未必夠我咁大。信心唔夠，就會有機會俾人chok 走，就算最後個市真係跌，你都會賺唔到錢。   3) 如果今次真係不幸輸左，我會肉痛，會唔開心幾日，但一定唔會有大礙。我呢兩三個月「估市」真係幾準，不過，唔好因為咁就信哂我，訓身黎做。我上堂教過，Long Call、Long Put 要賺大錢，唔係靠訓身，係靠過關。   4) 我腦海有諗過，好彩既話，我呢次LP賺完錢之後，會可以反手LC揸返上黎。連埋之前睇升既一下，個回報就會好勁。呢啲就係我所講既過關。要賺大錢又安全，以下三樣嘢，缺一不可：細細注開始＋方法＋運氣。   5) 呢種睇淡，我地係要同大眾做相反。出面愈多人睇好，我地就愈要睇淡。決定左做，就要預左同報紙、雜誌既意見唔同。所以，入市要做好心理準備，計好風險、注碼，一㩒完掣，就唔好再理人地點睇。   6) 最後，策略。最穩陣既方法，係22600點以上，再等陰燭先入市。但我自己都唔會咁等。今日，我已經做左少少LP。聽日如果期指高開多過100點，我會直接博陰燭，所以一開始就可以揾位LP。Take profit方面，有50%利潤，我會先獲利1/3，其餘2/3睇長啲。入市前，check 清楚，買既Put 引伸波幅唔好高過14.5%。   唔好意思，唔覺唔覺，寫到咁長。   埋尾總結，少少我既投資哲學：玩一鋪，唔會有人可以贏硬；玩一千鋪，贏既就肯定會係有實力既人。   大家努力！Good Luck！   風險聲明：筆者為證監會持牌人。以上內容屬筆者個人意見，不構成投資建議，並不代表本網站意見。投資者於投資前必須充分了解產品風險，自己的財務狀況及投資目標，並諮詢專業顧問。