^^【期權短評】莫家強期權短評 (2017/02/13)

  【 #期權短評】   星期五晚講過,個市應該仲有得升,無好倉會好蝕底。不過,黎緊既升勢未必會好有力,而且真正「開車」既時間都好難估,所以我哋要揀啱策略,咁先可以坐貨坐得舒舒服服,贏面先會大。   另外都講過,「早起的鳥兒有蟲吃」,如果恒指朝早高開,而條件又合適的話,可以用Long Put走下位。   有朋友問,期指剛開市,會唔會擔心無開價?   附圖係今早9:20am,即月、下月恒指期權開價。當時,現貨都仲未開市,但恒指期權接近等價位置,開價已經相當緊密,大家唔使擔心無價做唔到買賣。   呢個亦係我鍾意做指數期權既其中一個主因。   最後,提醒大家唔使心急做淡。講過一啲轉勢既訊號,到時策略要變,再update大家。   風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。

Read more

^^【期權短評】莫家強期權短評 (2017/02/10)

    【 #期權短評】   今日,長話短說。   如果個市要大升,噚日就應該要黎料。但係近千億成交都升唔起,你就明白大戶根本唔係想個市大升住。當然,大市個勢仲係向上,上升睇法未變,只不過策略要變。   Long Call係睇大升既時候用。升得慢,或者升得唔夠多,都要輸錢,未必適合呢一刻既市況。所以,我會轉用一個贏面大好多既方法繼續睇升。今晚聚會再詳細講。   下午唔喺office,報咗名既朋友,今晚見。 風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。

Read more

^^【期權短評│視頻】莫家強期權短評 (2017/02/09)

  視頻時間:13:28  ( – 14:33 ) 風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。

Read more

^^【期權短評】莫家強期權短評 (2017/02/28)

【 #期權短評】 做5、6月既Short Put,效果比較慢,但喺依家既情況下,點都會比做3月Short Put安全好多。想賺穩定回報既話,呢個係無辦法之中既辦法。 3月恒指期權,等價位置,引伸波幅大慨得12.5%,非常低,所以期權金好少。距離結算仲有差不多一個月時間,價外1500點,22400 Put都只係得25點。做一張大權Short Put,唔計使費,最多賺$1250。不過,呢個位絕對有可能到,一旦穿位,可以輸好多。 而且,一張按金要$41160,計返條數,錢肯定賺得唔多,風險又高,無謂博。仲有,唔係要跌到22400點以下先有事。恒指跌1000點,都已經可以好大件事。 用5、6月期權,做好風險管理去收時間值,最低限度就算恒指要下試22000點,都可以守得住。 做收時間值既策略,控制得好風險,長遠就會賺到錢。聽日再講多少少關於風險要注意既地方。     15   風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。

Read more

^^【期權教室】莫家期權短評 (2017/02/08)

  【即Like智取期權】Facebook https://www.fb.com/optionwise/ 【 #期權短評】 個市就係咁,就算個大方向係升,但係一多人睇好就有機會「坐沉」。   坐沉既意思,唔係話個市從此就唔會升,不過通常就會chok上chok落。原因係,大戶唔會想有太多人搭順風車,到震完部分人落車,個市就有可能又升過。所以,我噚日都講,要預計個市會chok。   高手,加上跟得貼個市既朋友,自然會識走位,唔使擔心。其他朋友,就要學習點樣唔好咁容易被大戶震走。   第一樣要考慮既嘢,係個策略會唔會有機會令你輸好多錢?潛在風險愈大,就愈有機會被震走。相反,用有限風險既策略,例如Long Call,就唔使咁擔心。   有人可能會話,Long Call要輸時間值喎?   有啲錢係要俾既。你要肯俾時間值,先可以享受到有限風險之餘,又有機會賺到大錢。當然,如果大家熟識期權特性既話,就會知點樣可以俾少啲。   風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。

Read more

^^【期權教室】莫家期權短評 (2017/02/07)

【即Like 智取期權】https://www.facebook.com/optionwise/ 【 #期權短評】   始終用Short Put,賺錢比較容易,好多朋友都好鍾意做。不過,之前一個月,期權金實在太少,無肉食風險又高,所以我既睇法係唔好做住。   但係,唔知各位有無睇到,最近啲引伸波幅已經由低位升返好多,等啲期權金再漲多少少,我哋就可以重開Short Put。   3月恒指期權,等價位置,引伸波幅大約係14%。呢個數,仲算係低,但又未至於低得好過分。如果大家想要「偷步」做少少Short Put,我覺得都OK既,不過數量唔好太多。因為,只要等到個市跌多一吓,引伸波幅再升多少少,到時做就會著數好多。   另外,都要提一提大家,呢兩日好明顯多咗好多人睇好後市,有咁既情況,大市通常都會chok好多。暫時,我仍然會繼續睇升,Long Call亦都會保留。始終呢個策略風險有限,我唔會太擔心。但係,如果大家用既策略係有機會輸好多錢既話,就唔好太掉以輕心,要小心風險。     風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。

Read more

^^【期權短評】莫家強期權短評 (2017/02/06)

【即Like 智取期權】https://www.facebook.com/optionwise/ 【 #期權短評】   玩期權,要識得揀行使價同埋期限。今日,講期限。 香港上市既期權,到期日係每個月尾二既交易日,所以一定係接近月尾。   港交所有資料,詳細列出每個月既到期日係邊日。例如,2017年2月既期權,會喺2月27日到期;2017年3月既期權,就會喺3月30日到期。離到期日愈遠既期權,簡單黎講,係同黎睇較長遠既升跌勢。相反,離到期日愈近既期權,就係同黎睇短線。   我有騰訊(0700)同中移動(0941)既好倉,Long Call部分都係2017年4月到期。4月到期,離到期仲有接近三個月,可以睇耐少少。只要隻股有得升,就算擺兩個星期,都好大機會有錢賺。   即月到期既期權,就唔係咁擺得,做Long Call既話,就要隻股票短期內上升先可以賺到錢。不過,睇中方向既回報率會係最高。   今日,個市終於開車,內險股有料到,希望可以維持得到。有信心個市短期升到,可以做即月Long Call。    風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。

Read more

^^【期權教室│視頻】莫家強期權教室 (2017/02/02)

  START FROM 15:40   【期權教室】莫家強期權教室   (2017/02/02) 【即Like 智取期權】https://www.facebook.com/optionwise/ 【 #期權短評】   風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。

Read more

^^【期權短評】莫家強期權短評 (2017/02/01)

  【 #期權短評】     先祝大家新年進步,身體健康,萬事順利,雞年大發。   好喇,長話短說,講正題,早啲出post。有好多朋友都問,今日有冇嘢可以做?其實,我自己做咗少少股票期權,就講吓我做咗啲乜。   大家都知道,我好鍾意騰訊(0700)。上年11月,我曾經用過200蚊接貨,之後隻股繼續跌,我就一直挨價。直至上星期結算,先Short Call俾返一半貨出去,賺少少錢走人。   然後,今日我再同時做SP、LC。咁樣做,長遠就可以將持貨既成本價一直降低。   Short Put用黎賺期權金,再用呢啲期權金做Long Call,咁就可以一邊慢慢賺時間值,一邊睇好隻股票。呢個都係我其中一個最鍾意做既策略。   大跌,就低位再接貨;大升,有LC,回報會唔錯;升跌唔多,就賺少少時間值。   呢個做法,要有耐性,同埋要對隻股票有一定信任。但係,只要慢慢睇住啲期權價格黎做,而隻股票中長線又有得升的話,回報將會相當唔錯。   風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

^^【期權短評】莫家強期權短評 (2017/01/27)

  【 #期權短評】   今日得半日市,長話短說,早啲出post。   噚日,有好多朋友問可唔可以Long Call。今日個市回返少少,我覺得都OK既。不過,依家買得,大家都預咗會擺過年架啦,所以有必要知道時間值要損秏幾多,方便計數。   2月23600 Call,假設個市無升跌,引伸波幅又唔變,假期後時間值會縮減13.4%。   當然,如果期指有得升300點以上,呢啲時間值損秏就唔算係啲咩。   至於新年後點做?我會睇實啲引伸波幅、盤路,到時再分享。依家個市,其實都有少少似港股大時代果陣,如果真係有機會出現既話,今次一要會做得比上次更好。   祝大家雞年好運。   風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室