【莫家強】指數,我自己唔會睇得太淡

一陣會出匯豐做節目,今日早少少出post。 先講港股。 指數,我自己唔會睇得太淡。因為,內地要維持指數穩定,其實好容易,只要放少少水,重點托高十隻最大權重股,指數就已經無得跌。 不過,下跌股票數目偏多既情況,從來無變。除咗揾啲少數強勢股嚟買之餘,亦可揾啲弱勢股造淡。喺香港股市入面,大把衰股,如果股票期權有開價的話,不妨造淡。 至於美股,蘋果今晚收市後會出業績。上堂時我都講過,美國投資者係非常重視業績。而如果出嚟既業績偏離預測,啲股票係會有機會大升大跌。中細價股,有機會即時上落20%以上。以蘋果既size,大概會上落4%左右。 中長線而言,我好睇好蘋果。蘋果既生意愈做愈好,諗住長線投資既朋友,我覺得唔使擔心,業績後我會update大家對蘋果既睇法。但玩短線既朋友,要預計蘋果股價會有波動。 識玩期權既,有多一個機會。 業績前,蘋果今個星期到期既期權,引伸波幅遠遠高於較後同期日。呢樣嘢,喺業績後,就會修正。上次Snapchat同Visa都賺到,今次蘋果都有呢個機會,熟識期權既朋友,要留意住。 今晚期權班正式開班,報咗名既朋友到時見。 另外,12:30PM,http://xn--money18-hc5kp88a.com/ 睇直播,我會同匯豐Billy 同大家分享輪證部署。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

【莫家強】耳機更加係現時唔同公司既必爭之地

蘋果即將推出Airpods Pro耳機,香港售價係$1999。 唔係賣廣告,但相對於手機,耳機更加係現時唔同公司既必爭之地。 手機,差唔多架喇,你點變,都好難再令大家爭相換機。基本上,只要循序漸進地提昇機能,變足市場既換機需求,就已經算係合格。 相反,耳機,仲有大把發展空間。而且,profit margin 可能比手機仲要高出好多。 另外,蘋果既盈利增長點,仲有係不斷推出一啲新既增值服務。只要呢樣嘢做得好,蘋果既股價會有排升。呢樣,亦係我睇好蘋果既原因。 我知好多朋友都已經上咗車,我既建議係,只要股價走勢繼續向好,大家就要貪心啲。只要美股一日唔出現股災,佢喺股價會可以長連超過一兩年以上。 更外一隻我好鍾意既大戶,大家都知道,係Microsoft。喺雲端業務上面,似乎係佢行得最穩定。而且,佢既CEO Satya Nadella係一個好聰明既人。與其要同其他公司去競爭,佢好識得將競爭對手化成合作伙伴,變相令公司未來成功既機會增加。 事實上,自佢於2014年上任CEO至今,Microsoft既股價就升足咁多年。仲有無得升?我相信又係有排升。 Visa 走勢已好轉,Mastercard,等埋業績,我再同大家講。前者,set 好位,我覺得已經可以買返。後者,唔想博既,就等業績後先再玩。 至於港股,留意住企穩後成交會否減少,出現啲個情況,後市更難再升。但無論如何,造淡最好瞄準弱勢股。弱勢股三個要點,1) 下跌趨勢;2) 早前升市中反彈乏力;3) 市跌立刻跟跌。 乎合以上三點,又有造淡工具的話,就係我哋開淡倉既目標。大家不妨自己嘗試尋寶。   風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】美股指數又再有發力跡象

上星期都講過,環球唔少地方既股市都造好,對於好多話全球經濟不景既評論,我實在覺得莫名其妙。 美股指數又再有發力跡象。有朋友問:「你睇牛市仲會行多幾耐?」 個人估計,不會少於12個月。因為,我真係見到美國既經濟仲係好強,而且,好多Reits 同銀行股走勢都轉強,完全唔似會短期內轉入熊市。 當然,我自己已有exit strategy,就算估錯,都會有位走。但亦都係呢個原因,現時,我唔係好怕持有股票。 大股當中,最靚既,我仍然覺得係蘋果。中長線,我相信仲有排升。已經買咗既朋友,繼續持有啦。星期三收市後會出業績,到時睇情況,再同大家跟進。 另外一隻我好鍾意既大股,係Microsoft。佢啱啱攞咗美國國防部價值100億美金既雲端合約,今晚既股價勢必再創新高,keep 得到升幅,後市好大機會能夠再升。 至於Mastercard,今個星期都會出業績。Paypal、Visa 業績後既股價表現都OK,Mastercard業績後,話唔定可以為呢個板塊再注入上升動力。有特別情況再update大家。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。   風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】用期權玩返Visa

今日早少少出post。 有啲朋友,有得玩美股期權,早兩日我已經叫佢哋可以用期權玩返Visa。 Visa同Mastercard兩隻股票,基本因素極佳,長遠我完全唔擔心。只係,短線股價表現未得,所以正股未買住。但用期權,已經可以玩返。 收住時間值先,一邊賺住錢,一邊等佢既股價明確好轉,就追正股。用呢個方法玩,輸既機會好細。 Visa出咗業績,睇埋今晚股價既開市表現,後市既走勢就會明確一啲。 另外一隻,正股未買得,但啲期權好好做既股票係Roku。呢隻,啲期權金好多,收息一流。唔過於進取去做,風險唔高。 Paypal業績好,有啲走漏眼,但睇法不變,中長線我仍然會prefer Visa同Mastercard。 蘋果,仲有人問買唔買得。中長線仍然OK,但當然,依家先仲係考慮緊買唔買,timing梗係差好遠架喇。但只要唔股災,蘋果,我相信仲有排升。 Microsoft,有再度轉強跡象,鍾意又未有貨既,現貨買得。 Amazon,業績後跌咗落嚟,可能係好事。高位我就唔玩佢喇,低位如能企穩,可能會有投資價值。俾少少時間我,研究完,遲啲再講。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。   風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】簡簡單單揸住啲強勢股

熟識我既朋友都知,我傾向鍾意玩啲穩陣,長遠有升值潛力既股票。炒股,睇時機啦,如果個市係好到雞犬皆升,咁梗係炒啦。但呢一刻,肯定唔係咁囉。呢一刻,簡簡單單揸住啲強勢股,其實仲好。 港股,事實上強勢股票,真係唔多,但又唔係無。公路股,會係唔錯既選擇。例如,548、1052呢啲,其實收入長年都上升,股息率又高,加上咁多年嚟既表現,好明顯睇到,呢兩隻唔係攪攪震,呃投資者既股票。如果你係想收息,買呢啲真係好過買內銀。 總之,一啲有古惑嘢既股票,我都盡量會避免買。你避咗,贏錢既機會高好多。 至於美股,大股之中,現時真係以蘋果最好。今日,又見有大行提高咗蘋果既評級,會有助推動股價繼續向上。有貨,就繼續揸啦。 另外,Nike宣佈明年換CEO,股價有啲回落。新CEO叫John Donahoe,做過eBay,以及係現時ServiceNow既CEO。呢樣嘢,短期內有機會令Nike 股價出現波動。暫時睇,影響應該都唔會好大,但安全起見,要set好止蝕位,唔跌穿85.87,可以繼續揸,跌穿要走。 Visa 同Mastercard,自8月後走勢明顯減弱。但喺群組中,有期權做既朋友,我已經建議可以開始部署做嘢。你有期權,贏面會大好多。呢兩隻股票,基本因素極好,長遠唔使擔心,加埋期權去做,輸錢機會唔大。 至於正股,等埋Visa業績,再觀察正股反應,再決定下一步點做。 至於Paypal,質素不如Visa 同Mastercard,加上走勢差好多,暫時唔會考慮。   風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】新股快餐帝國(1843)

今日市場既其中一個焦點,係新股快餐帝國(1843),喺上市首日就被瘋狂操控。先申報,我自無掂呢隻股票,但有咩理由,10點半前,隻股俾人炒到上天,最高升過187%,但唔夠一個鐘,11點幾,已經跌返哂落招股價。好喇,賺完你錢,散完貨,股價就橫行,擺明就係已經cap哂水,拍埋pat pat走人。 只可以講,近年喺香港,類似既做市行為愈來愈無底線。你係專業炒家,當然無問題。但假如你只不過係普通投資者,真係要小心。人哋控制哂好多嘢,如果佢哋真係可以全無底線去揾投資者笨,就咁衝入去玩,好易輸大錢。 香港股市,再唔執返好個制度,只會愈攪愈衰。 跌市,又有朋友問東亞可否造淡? 我自己睇,股票再跌穿底既機會好大。識策略既話,控制好風險的話,可以做。 至於美股,指數尾市轉弱,好多股都轉弱。但其中,Home Depot可以抗跌,呢隻OK。蘋果,都無問題,尾市先叫做跌0.23%。Nike 都OK,都只係跌0.64%,唔差。 但V、Mastercard,呢個幾月一直都話唔係睇佢哋,噚日跌幅相當大。但呢樣係好事。我會希望,呢兩隻股票可以快啲喺低位企穩,再展升勢,咁我就會買返。但暫時,都係繼續睇住先。 最後,今晚有期權新手班,報咗名既朋友,準時7:30見。   風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】大戶好明顯散緊啲衰股出街

先講港股。 恒指雖然能夠微升,但成個市場,上升股票只有581隻,下跌股票就有848隻,跌既股票比例好多。我既解讀係,大戶好明顯散緊啲衰股出街。 成個市,暫時唔係咁差,但有一樣嘢,就一定唔好做,呢樣就係「追落後」。 你仲買落後股,就即係幫啲大戶接哂佢哋唔要既股票。好多呢啲股,質素好有問題,就算將來個市好返,佢哋都好難長升。所以,唔好買。相反,趁大戶未沽清貨,仲要偶爾托高股價,我哋就可以吼住機會開吓淡倉。 美股,大股之中,呢一浪其中一隻最靚既係蘋果,有貨就繼續揸啦。 另外,都keep住有朋友問Mastercard 同Visa 點睇。 呢一浪,明顯唔係佢哋最強。中長線去睇,無問題。你揸住佢哋,都唔會輸錢,但就係無力升。當然,你識得玩美股期權,用嚟收時間值,呢兩係會係非常唔錯既選擇。 講開美股期權,可以留意Snapchat。呢隻股,喺今日美股收市後會公佈業績。點解講佢?因為佢隻期權既引伸波幅極多,短期等價既期權,去到170%,所以期權金超多。識得玩,細注博吓呢啲期權,其實都幾好做。博中既話,3日已經可以賺股票價格6%以上既利潤,回報相當唔錯。唔建議太大注玩,但因為期權金咁高,細注玩賺既錢都已經唔少,加上唔使冒好大風險,值得玩。 最後,美股指數似係開始上喇。不過,相比起上一浪,真係明顯少咗股票可以跟上升幅,所以大家買股票,更加要買強勢股。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】港股,大戶係托住指數

  先講港股。 其實情況好明顯,大戶係托住指數,沽其他貨。點樣睇到呢樣嘢? 好簡單,當你見到啲指數一直升,但keep住都係下跌股票既數目多過上升股票,呢個就係托市沽貨。 點解要托指數? 因為要製造一個假象,俾人感覺個市好好,否則就唔會有人入市買貨。大戶要沽貨,一定要有足夠買盤承接,如果唔能夠令人有意慾買貨,佢想散貨,都唔會散得到。 咁點樣可以做到? 好簡單,頭10隻最大既恒指成份股,已佔整個指數既6成以上份額。即係,只要能夠托高呢10隻股票,要指數上升,並非難事。而結果係,佢去沽其餘既股票,都會變得容易好多。 咁策略要點部署? 托市沽貨,唔係利淡指數既訊號。指數,或者有機會好長線企穩。但係,你會見到一啲弱勢股票持續沉底。所以,可以對準呢啲股票,用適當既方法造淡。 例如東亞、中鐵呢啲市升都升唔起既股票,只要指數轉返差少少,佢哋既股票好大機會又會再破底。 至於美股,買返哂貨,總之,跟住策略做就可以。我自己,好有信心我揀既股票中長線仲會有排升。 較穩陣而我又睇好既,有蘋果公司。蘋果,已經睇到佢好成功咁轉至一個新既business model。睇戲收你幾十蚊一個月,打機收你幾十蚊一個月,雲端儲存又收你幾十蚊一個月,引下引下你又買多佢一兩樣產品,佢既平台又可以幫佢吸引到好多優質既合作伙伴,公司既前景,實在好靚。除非出現股災,否則我相信蘋果既股票會有排升。 大股當中,呢隻,我好鍾意。 咁當然,有唔少中價股都好靚,但風險較高,呢度唔特別推介喇。但無論如何,好多美股都開始有力再升,總之就跟住策略做,set 好止賺、止蝕位就放膽啦。環球經濟,其實唔係咁差,試吓睇少少,睇到既嘢就會唔一樣。 今日講到呢度,有特別嘢再update大家。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。    

Read more

【莫家強】美股,有再次轉強跡象

  噚日都講過,港股指數唔差,問題只係上升股票數目較少。美股,有再次轉強跡象,所以已經買返哂貨,往後,只要睇住啲股既表現,跟住策略做就可以。 但講到強勢,唔可以唔提日本同台灣。 首先講講,要投資日本同台灣股票,最簡單既方法,就係去美國股市,買佢哋既MSCI ETF。日本嗰隻,個Code係EWJ;台灣嗰隻,就係EWT。兩隻ETF,最近都創咗半年新高。 日本,之前我都講過,只要5G一鬥到產品階段,佢哋既經濟會增長得好快。日本工業,贏兩樣嘢。第一,係創意,你見佢哋有好多發明,你真係唔知道到佢哋點解諗得到。第二,係對產品質素既執著。講quality,歐洲最靚既「品牌」就係Made in Germany;亞洲,就係Made in Japan。 而喺日本既MSCI ETF 入面,最大嗰兩隻股票係Toyota同Sony,兩隻股既走勢都好靚,同樣地,兩隻都好有5G產品概念。唔識揀日本股,但都想投資喺日本,最簡單就係由ETF出發。 另外,台灣既MSCI ETF,升勢仲靚,主要受惠於半導體股上升。但半導體股上落好大,買得,要有心理準備。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。    

Read more

【莫家強】MSCI日本同台灣指數創咗一年新高

  成日聽日有人話全球經濟唔好,但我想講,MSCI日本同台灣指數,最近都創咗一年新高。 美股,都開始有再次開車既跡象,所以我都上返哂車。 美股的話,科技股有好多強勢股票。Microsoft,龍頭大股,固然OK。現價買入,未來12個月,我相信股價有機會上升逾30%。 想賺更多,當然就唔係買咁穩陣既大藍籌架啦。有啲中型既數據公司股,近排都keep住破頂,當然風險會較高,但股價有機會再升1倍以上。買邊類股票,大家可以自己選擇。 另外,關於家居既股票,好多都好強。有興趣,可以買啲優質REITS。但美國既REITS,類型好多,有商有住有貨倉有office,又分唔同地區,有機會再到大家分享點揾。但如果有啲住美國既朋友,絕對可以問吓佢哋嗰邊既房產市場狀況,揀啱地區,揀啱類型,贏面更高。 或者,之前講過既Home Depot,都升得好靚。 Apple,又係睇好。Apple,我認為已經揾到佢可以再長線發展既路,唔係再純粹靠賣iPhone,我覺得發展前景好靚。 再遲啲,又睇吓啲信用咭股可否再發力。走勢轉強,我會再追。 暫時講到呢度先,有更多發現,再update大家。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。    

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室