【莫家強】每週初步測試 (20200914)

歡迎大家加入新開設「美股研究報告」會員專用 Facebook 群組

https://www.facebook.com/groups/386563215606501/

======附件=======

OP21-gfEXCELdg-20200914

======附件=======

呢個星期,做研究嘅時候,發現真係好難揾到啲股票去買。唔係完全無升嘅股票,但第一,數目的確唔多。第二,好多近日升嘅股票,都係一啲之前跌得好差嘅衰股。所以,我自己其實唔係好敢下注,暫時,我會建議揸多少少現金,等機會出現再買。不過,當然,研究都會繼續做,等大家都可以知道,仲有邊啲股票係升得好。

 

近期仍然睇好嘅,有以下呢幾隻股票。

 

第一隻,係Nike (Ticker: NKE)。

 

 

對於香港嘅朋友嚟講,呢間公司,大家肯定都唔會感到陌生。佢算係少數較大型嘅股票之中,近日走勢算係理想嘅一隻。如想買入正股,我認為現價都有值博率,止蝕位為$110.21,只要唔跌穿就可以繼續揸。但要留意,下週Nike會出業績,以此股嘅規模,業績好股價有機會單日上升4%-8%,業績差的話,都有機會以相若嘅幅度下跌。

 

另外,若懂得買賣期權嘅朋友,亦可運用Long Call 策略,以小博大。

 

下一隻走勢唔錯嘅股票,有Canadian Pacific Railway (Ticker: CP)。

 

 

長遠嚟講,CP 係一隻上升趨勢非常平穩嘅股票,過去幾十年,股價都維持住上升勢頭。而短期走勢,都做得相當唔錯,呢類股票,我個人比較鍾意。現價可以買入,只要股價唔跌穿$282.77,就可以繼續持有。

 

然而,隨此之外,有好多股票,走勢都真係唔算靚。

 

好似係AAPL,走勢已明顯轉弱,近日就算係市況有所回穩,但佢都仲係無力反彈。

 

 

TSLA,走勢略為無咁差,但同之前嘅強勢比較,已經係兩回事。仲有好多早前帶動大市上升嘅科技股,近日嘅表現都相當失色,喺呢種情況下,我對美股往後嘅表現,都唔敢睇得太過樂觀。

 

暫時,我自己會揸多啲現金,等大市嘅資金流有明顯走向,再決定下一步應該點做。而好多時,賺錢真係唔急得,現階段要有耐性,到有更好嘅投資機會出現時,我會再通知大家。

使用諗Sir獨家按揭進階計算機,Powerteam成交實例請到:https://buyhouse.com.hk

wtsapp icon top