[期權短評] Short Put的死穴 (2017/08/14)

PhotoAlexMok-0

  引伸波幅上升,會令期權價格抽高,係Short Put既死穴。應付辦法,主要有兩樣,主要靠注碼控制,同有問題出現要肯定。     有時的確會走錯,但都無辦法。如果個市黎緊穩定返,會重新入市,雖然會蝕底少少,但好過損失太大無得追。     另外,講一講注碼控制。要唔想受引伸波幅影響太多,可以揀做股票期權,有幾多錢接貨,先開幾多Short Put。只要接得起貨,就算引伸波幅點升都好,都唔會有太大問題。因為,等到期權到期,無論引伸波幅幾高都好,時間值都會變零。     暫時,我比較擔心北韓局勢,Short Put適量地做係可以既,但就唔好做太多。一旦市況再轉差,會好麻煩。   https://www.facebook.com/optionwise/posts/1211202489026266     ( 風險聲明:筆者為證監會持牌人。以上內容純屬分享並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。以上分享並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。)  

Read more

[期權短評] 大市蘊釀暗湧,睇唔通宜先減注 (2017/08/10)

PhotoAlexMok-0

  有朋友問我後市點睇。老實講,未睇得通,暫時我覺得個市好亂,之後升定跌,唔可以咁快下定論。     但大市成交超過1200億,下跌股票數目超過1300隻,一定係有啲嘢。呢啲位,我更加唔會迫自己去估方向,因為企錯邊,可以好大件事。     放鬆啲先啦,減咗注碼就唔使太驚。做trade好簡單,睇唔通就唔好玩咁多住,到睇得通先再博過。估升跌係重要,但知進退都係一樣。     都係果句,如果真係有事發生,係唔會聞唔到味。但選擇點做,就視乎投資者自己既取態。       ( 風險聲明:筆者為證監會持牌人。以上內容純屬分享並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。以上分享並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。)  

Read more

【期權短評】引伸波幅有下調壓力 (2017/08/08)

PhotoAlexMok-0

【 #期權短評 – 引伸波幅有下調壓力】 唔同月份既期權,引伸波幅會有差別,有時留意多啲,勤力啲計下回報率,就知點樣開倉可以賺多啲錢。 另外,恒指由昨日開市至今,上落只有106點,以百分比計不足0.4%。如果情況持續,恒指期權既引伸波幅有權跌至10%以下。依家某啲月份期權既引伸波幅仲係偏高,未來兩三日,應會有下調壓力。Short Put未開夠倉既朋友,可以開多少少;開足倉既朋友,就繼續坐啦。 怕悶既,可以做少少Short Put,再做其他策略。但我自己,暫時都係主力做Short Put。計返啲數,回報率都相當唔錯。       ( 風險聲明:筆者為證監會持牌人。以上內容純屬分享並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。以上分享並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。)  

Read more

【期權短評】朝早跌市無啓示性 (2017/08/03)

PhotoAlexMok-0

    之前一直都講,朝早出現跌市,無乜啓示性,就算跌得幾急都好,都會彈得返上黎。呢個反而係博反彈既機會。但假如,11點過後,或者係下午時段,市況有轉差跡象,咁就要小心,可能係調整出現既先兆。   過去一個星期,我好明顯感受到多咗好多人睇好個市。唔係話多人睇好就要轉睇跌,事實上我都仲揸住好倉,不過,始終有呢樣嘢發生,唔可以唔提高警覺。   呢一刻,趁個市未有事,就應該要check吓自已有無overtrade。假如恒指又高位跌1000點,會唔會有事?之前恒指升咗咁多,跌1000點唔算係咩。但如果我哋連1000點既跌幅都應付唔到,就會好大件事。   暫時,我都仲係睇升,但俾個心理準備大家,隨時都有機會轉方向,到時再update大家。     ( 風險聲明:筆者為證監會持牌人。以上內容純屬分享並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。以上分享並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。)  

Read more

【期權短評】Short Put、Long Call 策略 (2017/08/01)

PhotoAlexMok-0

【 #期權短評 – Short Put、Long Call 策略update】 如果過去一段時間,大家都只係做Short Put同Long Call,依家應該幾開心。今日講一講要點樣做。   Long Call,最緊要係睇個勢,有勢上就可以繼續坐。只要個市或者啲股一直升,我哋就唔好理啲咩時間值損秏,賺到既錢會遠遠唔止時間值損秏既錢。心態既嘢,上堂講過,要靠自己。努力。   Short Put,繼續坐。五個月兩成回報,我已經幾滿足。如果個市繼續升,會再快啲可以賺到。等低位既期權變得安全,我就會再加注,再賺多啲。   有朋友問,Short Put有錢賺使唔使揾位食糊?唔使,亦都唔好。次次都提早走,長遠會賺少好多。總之,無危險就由得佢擺喺度,賺到尾,咁通常都會賺得最好。   ( 風險聲明:筆者為證監會持牌人。以上內容純屬分享並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。以上分享並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。)  

Read more

【期權短評】Short Put 5個月可賺兩成回報 (2017/07/31)

PhotoAlexMok-0

【 #期權短評 – Short Put 5個月可賺兩成回報】   上星期六的課堂,最主要既重點,係想俾大家睇到原來Short Put回報都可以相當唔錯。只要大市唔好有股災出現,5個月都可以賺到兩成回報。咁大家就明白,點解我自己都唔再點買股票。   呢排,恒指波幅指數升返好多,期權金多咗,識得玩既話,做Short Put都可以賺得好好。   至於市況,只要11點後仲係繼續維持現有秩序,咁應該都仲會繼續慢慢升。有朋友鍾意做Long Call,我覺得都可以。只係,我自己鍾意做Short Put多啲,純粹喜好問題。   但睇淡,未係時候。Long Put,贏面唔高;Short Call,風險高,更加唔好做住。到我認為可以睇淡既時候,再update大家。         ( 風險聲明:筆者為證監會持牌人。以上內容純屬分享並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。以上分享並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。)  

Read more

【期權短評】後市震盪會增加 (2017/07/26)

PhotoAlexMok-0

  有朋友問,點解轉做Short Put?因為,我覺得呢一刻個市比較難估後向。   之前講過,Long Call同Short Put兩種策略都可以做。Long Call,贏既地方係潛在回報高,一賺錢就可以賺好多。不過,除非個市既升勢好勁,否則唔容易贏。   Short Put,贏既地方係容易賺錢。單靠呢個策略,唔足以令我哋發達,但玩得好既話,回報都會相當唔錯。暫時,我覺得後市比較難估,其中一個原因係開始多咗人睇升。   個市,都未會大跌住。但一多人睇升,震盪通常會多返啲。唔係單邊升市,做Long Call既難度會增加,相反,Short Put無乜嘢,只要時間一值過去,就會有錢賺。但做Short Put,要再講,最重要係要控制好風險,咁長玩就自然會贏。     ( 風險聲明:筆者為證監會持牌人。以上內容純屬分享並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。以上分享並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。)     2017/07/25  

Read more

【期權短評】 做Short Put,風險管理先係關鍵 (2017/07/25)

PhotoAlexMok-0

  有朋友問,我啲Short Put行使價最低做到幾多點?我答,7000點,12月到期。     7000點有幾低?附圖係國指3年既日線圖。最低位係7499點,喺「大時代」後既股災出現。以現時既情況,5個月內要跌到呢個位,我覺得無乜可能。而且,回報率唔差。我今個月頭開倉,如果賺哂,半年會有20%左右回報。     7000咁遠,咁咪賺硬?的確,贏到既機會相當大,不過,無嘢係100%。我成日都講,做Short Put,無人會賺唔到錢,因為用呢個方法賺錢真係好易。但係,識玩同唔識玩,分別就係,當股災出現既時候,一個會無事,一個會輸身家。總之,記住,做Short Put長玩要贏,關鍵在於風險管理。     星期六,舊生分享會,我會詳細講用國指期權Short Put既方法,報咗名既朋友,到時見。     風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。     ( 風險聲明:筆者為證監會持牌人。以上內容純屬分享並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。以上分享並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。)  

Read more

【期權短評】繼續賺Short Put (2017/07/24)

PhotoAlexMok-0

繼續賺Short Put     暫時既情況,大市好難大跌。正如上星期video所講,個市走法好單調。朝早,有機會下跌,呢個係撈底睇升既機會。然後,個市就會開始橫行,一直到收市。其間,恒指既上落幅度,通常都會少於150點。上個星期,5日都係咁。   呢種模式如果繼續,有兩種事會發生。第一,指數仍然會繼續緩慢破頂;第二,就算有調整,幅度都唔會好大。     呢排,我自己既Short Put都賺得唔錯。Short Put既好處,係唔使太過理會個市,只要做好風險管理,慢慢等時間過去就有錢收,係比較懶既賺錢方法。做指數Short Put,現時我會傾向做國指期權,因為期權金較多,回報較高。但相對於恒指期權,要更加適得處理風險。   總之個市一直唔變,我既策略就會繼續以Short Put為主,慢慢收住時間值,等有機會再博。     ( 風險聲明:筆者為證監會持牌人。以上內容純屬分享並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。以上分享並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。)            

Read more

[期權教室] Long Call 跟進 (2017/07/20)

PhotoAlexMok-0

Long Call 跟進     今日講恒指Long Call。之前有朋友入咗即月26600 LC,有啲已經食咗餬,有啲仲留住,問應該點做?     以上周五短評既價格計算,現價有57%回報。但玩過既朋友就會明白,張Long Call既價格會變得好快。恒生升多100點,回報就過倍;跌返100點,利潤就可以全部蒸發。     呢個策略既好處係,輸,最多輸100%;贏,可以贏200%,甚至更多。指數升得愈多,賺既錢就會愈多,沒有上限。至於壞處,係時間值損秏。假如個市一直橫行,期權會一日一日減值,特別係即月期權,時間值損秏會更快,望住個價下跌,大家可能會有壓力。     Long Call好講心態。如果今次Long Call既錢,係早前賺返黎既利潤,呢一刻持倉心態仍然舒服既,不妨考慮同佢坐到尾。假如恒指仲有幾百點升,回報會再倍數上升。但如果真係心郁郁想食糊既,就食啦。老實講,心態未攪好,係未ready可以賺大錢,但咁都無壞,呢樣嘢無得急。     心態,有兩樣嘢可以練返黎,一係輸過大錢,一係keep住贏錢,令信心增加。信心未夠既朋友,可以轉返用贏面較高既策略,再賺多啲錢,心態自然就會增強。     ( 風險聲明:筆者為證監會持牌人。以上內容純屬分享並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。以上分享並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。) — — 本帖文不設留言,索取文章的讀者, 請直接前往 莫家強粉絲專頁【智取期權】 fb.com/optionwise 留言。 — —

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室