中產先生「淨身」方案

中年中產:  你好,諗樣兄,我和太太和11歲兒子現居於三房單位,兩公婆現年40,人工分別為5萬多和4萬多,現金50萬。自住樓現估值630萬,欠120萬,加按後可得320萬。現在想買入兩層400萬樓作收租用途,目標係60歲前有三層FULL PAID樓(包括現在的自住樓)作退休用途,有以下想法:1)現在先買一層,等樓市再下跌30%以上再買第二層 (風險比較高)2) 幾年內等樓市下跌20%買一層,再跌才買第二層,如再跌而有餘錢或再入第三層(風險低,但損失幾年租金收入)  如果選擇2,我會將一半新按揭做mortgage-link,其餘一半可以做什麼保本的投資來抵消按揭的利息?   答案: 我相信中產兄唔會介意我用中年黎形容佢,至於是否中產諗樣已去信財政司司長辦公室,睇下佢能否合符中產之定義。姑且先叫讀者為一個中年中產。唔好以為咁叫係冇意思,你到中年理財方法與年少不同,中產可以錢搵錢但窮人無左六千蚊連開飯都成問題。Well,中產兄個案與我之觀感,是家庭儲蓄水平頗低,家庭月入人中近十萬而現金水平只得相等於五個月人工。當然家家有本難唸的經,亦有可能中產兄沒有披露他在股票方面之投資。現在用所知資料,將此個案為大家分析一下。    中產兄令我諗起友人提及佢奶奶鬧佢老爺之一段說話,話佢到退休之年就對左兩件事: 1.娶左佢2.買左間樓。Well,我相信中產兄不得不承認佢之前如不作「樓奴」,今日「邊度都唔使去」。點解? 好明顯如果唔係間樓升左兼可加按到3.20mil,佢退休年齡(或達成財務自由)可能要再遲十年。當然香港是危機處處的,錢易黎但亦越唔見使! 買樓收租固然好,因為租金會隨通賬升跌,而自動對沖通賬風險。如果中產兄支出不大,勉強可行反地心吸力策略,即每兩年買個小單位用平均價而入市。現因支出比重大,唯有行番普羅大眾之法,即靠自己time the market。    Time the market冇可能100%成功,如你是樓市長線投資者,趁後生借落筆美金,時間可以沖刷走你欠下之債務。現因要time the market,如中產兄現在買入單位放租,不是良策。應先盡力加按,及將單位趁機轉至單人名下(如果是聯名),可以老婆有樓係手及老公存放套到的現金,現存債券基金或人幣存款以待良機。將原有單位轉至單人名係要配合政府新辣招,個人名義購第二套房是要交雙倍從價印花稅的,不如先將中產先生「淨身」,下次買樓可有兩好處,一可以九成上會,二可以避免雙倍從價印花稅。當然新買樓做九成上會唔可以租出,唯有到時決定會否將原有物業出租,自己搬入新樓。    中產先生建議選擇方案二,至於現時按出之3.2mil現金,每月提供約HKD10000元之月入,應可做到。惟需線下詳談,在此不在產品介紹。另外可能有人問中產先生明明有錢,點解下一次買樓都要做九成上會咁「孤寒」呢? 諗樣之建議是後生可以先借錢,攤分廿年慢慢還。到年六十歲退休時,其實萬餘元之供款根本買不到什麼,租金更會升至幾萬元一個月添。到時租間劏房可能要以萬元計,你將日本yen紙個錢碼套番係現時香港就估到遠期後之情況啦!

Read more

我的投資秘笈(答)

>>回問題及上部份答案   但在投資方面,筆者是保守派的。睇數據、計機率,希望用贏多輸少之方法倍大自己辛勞所得、盡快達成財務自由最令人「爽快」。你是音樂發燒友嗎? 筆者認識一位uncle早年開廠努力淘金、將早年賺到金錢合理地分配、創造被動收入。現時在觀塘開設試音室,得閒請筆者上去飲杯咖啡。坐在大梳化聽著一首又一首試碟歌,真正認識何謂高音甜中音準,而uncle將改善喇叭效能變成自己工作、開設廠房及零售店出售不同檔次之玩樂套件,真正將興趣融入了工作,亦不需要為退休冇糧出而煩惱。   需然uncle之事和讀者暫時是風長牛不相及,但萬丈高樓由地起,在年青時先擁有正確之理財觀念,實可令你早日完成不同之財務目標。理財第一步,就是先要有資本,儲錢除可令你早日有錢作投資外,亦令自己習慣去規則自己生活、從而規劃人生。有人話人生不需要規劃,但筆者認同適量之規劃,是「預期控制」之一種。你先對未來有個諗法而控制了自己和父母之預期,到時少失預算便少些波動情緒吧!   讀者應該都知自己係收入上有咩弊病,仲咁落去難同銀行借錢。想比廿萬首期而借九成按揭上會,如果保持住無糧單又無每月出糧之銀行記錄,相信財務公司先會借出錢。至於佢講30歲前買落二百萬付物業出租及投資是講買一間樓定兩間樓呢? 暫昤未明。筆者建議他們做月供股票投資,沒有年期限制但手繽費會比你一筆過買入一手股票貴。當中之原因為股票在港是一大熱門投資物品,十分方便買入,又十分多人於股票中輸錢。輸錢之於因大多源於自身的貪婪與恐懼。大多數人於輸錢時的痛苦感受遠比贏錢時之快樂強烈,所以「寧願贏小一蚊,都唔想輸一蚊」。因此出現不少股壇阿嬸贏錢就急急放、輸錢就死磨難磨的現象。筆者敢肯定用人頭計,香港大部份股票「投資者」都是輸錢的!   但為何筆者叫讀者以身犯險,月供股票呢? 因為在港股票投資者眾,「還掂都比人呃、不如趁早來個教訓」。當然筆者滿心希望讀者買股票賺錢的,但如不幸蝕本,在廿幾歲之齡不算是壞事。筆者最怕係四十幾歲人走去第一次學人買股票,工作多年當然累有資本,但對於股場又不為熟悉,一輸就金額以百萬計,係餘下人生未必能把虧本追趕回來。   雖然在homebloggerhk筆者大談買樓之道,但不代表筆者不推薦股票。其實外幣樓房股票黃金各有各好處、就像是家中之鏍絲批、較剪、鋸同刀。你的做法便是因應時機找對工具去完成工作,好像你找牛肉刀去剪紙,劈左成朝都做好,寅係疚由自取。但凡有讀者問邊種投資工具最好,我都會copy & paste,將筆者之諗法同佢再度分享。   至於投資當中之收費,實在要留意的。坊間中很多投資工具,其實都由幾種基本之投資工具演變出來。產品發行商在演變之中「抽水」多少,便是你需留意之地方。投資最好是簡單易明、低收費,筆是是認同的。

Read more

我的投資秘笈(問)

本人今年27歲,月入約$14000,男友是自由工作者,無固定收入,平均每月與本人相約。工作2年,戶口內各存10萬,一直沒有做任何投資項目。現時每人每月各存5千,目標希望在30歲身前有能力買下2百萬內的物業出租及投資。因為二人一直沒有任何投資經驗,一直想不到用甚麼方法把戶口的錢滾大一點。 希望投資的年期是在2-3年內,不想存到退休才收到回報。亦考慮到風險及手續費問題,究竟股票,基金,債券,那種投資方項比較適合我們呢?   答: 對於稍有投資經驗之讀者,可能本篇要忍耐一下,事關要講返投資上基本之原則。年青人總是嚮往自由,行為由心出發。好多老一輩都話時下後生「唔長進」,筆者認為是人大了,責任感重了而所作不能隨心而行,固你見到不少長輩對後生斥責,說他們的行為無規範、不負責任。其實在新創建、貢獻社會方面,實在需要一些新穎之諗法、及勇於冒險者去完成。   但在投資方面,筆者是保守派的。睇數據、計機率,希望用贏多輸少之方法倍大自己辛勞所得、盡快達成財務自由最令人「爽快」。你是音樂發燒友嗎? 筆者認識一位uncle早年開廠努力淘金、將早年賺到金錢合理地分配、創造被動收入。現時在觀塘開設試音室,得閒請筆者上去飲杯咖啡。坐在大梳化聽著一首又一首試碟歌,真正認識何謂高音甜中音準,而uncle將改善喇叭效能變成自己工作、開設廠房及零售店出售不同檔次之玩樂套件,真正將興趣融入了工作,亦不需要為退休冇糧出而煩惱。   需然uncle之事和讀者暫時是風長牛不相及,但萬丈高樓由地起,在年青時先擁有正確之理財觀念,實可令你早日完成不同之財務目標。理財第一步…… >>按此看下部份答案

Read more

初哥買樓疑難(答)

>>按此看問題   初哥第一個問題係買入哪個價錢的樓,先會不被call loan一Q清袋。其實你抵押品價值不及你所借款項,銀行即有權CALL LOAN。但自住物業不必太擔心,只要你續有錢還,沙士幾年不曾見有CALL LOAN個案發生。假設你只借一百萬,但如間樓有本事跌到90萬你都係負資產緊,在你買樓之前,係假設你冇重大負債及卡數下,兩口子月入為52K,自住房可承擔每月供款至總入息50%的按揭借貸,即$26000可用作還按揭而當中可借2.65mil*2.6=6.89mil。睇開blog都知2.65mil之出現係因為在年息口2.15%之假定下,每一萬還款可借入HK$2.65mil,而近日收緊按揭壓力測試為+3%,本文暫不將此因素計入。因為冇可能建議初哥用近乎壓力爆煲之金融去供樓。   係旺市只用一半實力買樓之建議下,佢地最好購入6.89mil一半之假值之樓房,即約3.4mil之樓宇。當然初哥建議買3.3mil之下價值樓宇更佳,因印花稅可比少一點。而應該係何價位入貨擁有一定系數,筆者認為係樓價比高位回落至少一成時,做七成按揭上會已可令該系數大大提高。因回顧過往九七跌得又急又快之時,樓價一年多跌了四成,所以你係回落一成時再比三成首期上會,….   ……….已隱其餘內容   (內容已放入出版新書「樓換樓」,請在2013年7月19日後到各大書局購買) 或網上和筆者認購請email: [email protected]  

Read more

初哥買樓疑難(問)

諗樣兄,  小弟閱讀貴網頁已有一段長時間,感謝諗樣兄分享所見所聞和看法,小弟獲益良多。唯尚屬樓市初哥,希望獲諗樣兄指點一二,不勝感激!  實不相瞞,小弟行年29,與女友同年,分別與家人同住。兩口子月入分別30k及22k,儲蓄合共40萬。扣除家用,及投資保險等不能取消的定期供款,每月共可儲2萬左右。二人打算今年內先買樓,在上水、粉嶺、屯門或元朗上車,買300萬左右的樓,下一年再結婚。本來一早已物色心儀物業,無奈樓價飛升,心儀物業一年內由290萬轉眼升近400萬,唯有退而求其次找300萬以下的盤。二人但求安居樂業,唯極其擔心買樓後遇樓市調整,萬一銀行call loan,影響結婚預算,結婚即成泡影,後悔莫及。  在此請教諗樣兄,  (1) 到底應該買入哪個價錢(e.g. 2.5m – 3.3m) 的樓,才比較安全,不被call loan一Q清袋? 傷腦筋的是,樓價平和遠離本區市中心的樓,怕它防守太差,跌市時跌得又急又快。樓價貴及近本區市中心的樓,買入後已所餘無幾,一有閃失,慘過六柒。  (2) 如果十分進取,買入佔近300的樓,買入後要預留多少錢作緩衝?  (3) 另外,聯名(而非單名)買入的樓,Call loan的風險會否減低?  萬分感激!  樓市初哥 >>按此看答案

Read more

為樓傷感情賣樓要醒定(答)

諗樣兄你好: 本人於2010年睇錯市賣了荃灣2房自住樓,當時未知問題嚴重性仲諗住跌市再買翻,點知一等就3年,樓價越貴就越唔敢買。太太亦因未能擁有自己單位,要租樓而唔開心,時不時為此引發爭執。眼見2013年樓市都唔覺有回落跡象,實在感到迷失,到底應該保留實力等跌市再入一個甚至兩個單位,定係唔好再等再忍,耗盡所有彈藥去買翻2010年250萬,而家要500萬嘅3房單位呢?   唔買,太太又成日埋怨好難頂落去。買,又好似立即蝕咗250萬咁。現提供資料如下,希望諗樣兄能提點一下,等本人唔駛再為樓而影響家庭感情,冇晒生活樂趣。   本人與太太均為40歲,月入各$35,000,合共$70,000。因兩人皆要供養父母,每月七除八扣只可儲$20,000左右。本人為文職市場銷售,太太任職保險。育有二兒分別為4歲及2歲。賣了自住樓後加埋積蓄約有200萬,當中有約50萬做人民幣定期,其他資金因怕萬一樓市下跌時機到未能靈活取回唔敢投資,放在銀行收港元定期好低息。現時以$12,000租住深井一3房單位,業主今年好有機會加到$14,000但同區及荃灣想買普通3房已叫價過500萬,仲要冇盤睇。500萬樓下有盤都係質素頗差的。   太太好希望大仔升小學前買入自住樓安居樂業,不用擔驚受怕要搬來搬去,但我根本講唔到俾佢聽嚟緊兩年係咪真會跌市可買。我身邊都有唔少朋友賣咗自住樓有類似情況,男人四十,同聲一哭。相信我嘅困境並唔係個別情況,請諗樣兄幫手度一度,睇吓本人有冇生路可以翻身? 千萬個唔該晒!   唔想為樓傷感情的人上   ANSWER: 既然太太咁想買樓,不如你比首期佢負責借錢,大不了之後供樓共同負責,佢做業主加借款人,你做擔保人。咁做係為左令太太認真考慮現時買樓風險,因層樓跌左你們是要一齊上身的。另外用太太名可令你於將來樓市下跌時自行買樓,及做九成按揭上會,係新辣招下此乃靈活走位之策。   男人四十,同聲一哭。試圖估市升跌而不做對沖,無論係股市或樓市都要受嚴懲。你們的最大借貸力為3.5*(2.65mil)=9.2mil,現時買入三百餘萬之大兩房只消耗購買力之30%-40%,條數仲計得掂。請你去海濱花園或深井睇一睇,近四百萬仲有交易。有些不實用之三房如荃灣華都花園或麗城花園大兩房你考慮過沒有?大兩房如冇工人應該夠住。至於你想係荃灣買樓齡新之三房,冇五百萬是沒有可能的。   現時買入三房打算長住實在消耗你們太大購買力,萬一下跌即會好傷。請和太太商量下列方案: 1.先買兩房而搬入去自住,唔使再被逼遷,當將之前贏左既錢買間「細細地」樓房快手供完佢。2. 買入兩房收租而自己租住荃灣三房,以租養租為求減低加租及樓市再升對你們之壓力,更解決住屋大細問題。   用方法一可以做到九成上會,更可只做八成按揭慳返些少按證公司保費,八成上會年期廿年還款應不會得出勁貴之保費。如選方法二只可做七成按揭或更低,搵個有錢業主希望佢唔好租你一年後又趕走你賣樓。   無講方法一或二,都可令你淨低過百萬現金係戶口,閒放戶口太浪費,可買入之前筆者提過的債券基金,又或中電股票收息,保守派年息收約4%,一年上下波幅避多為10%之內,算是穩健投資,此舉令你月入平均多$4000,減低供樓壓力。如你還未放心,可同銀行開立靈活按揭戶口,你借3.50mil最多可放入借款之一半,存款可收回等同你按揭息率之利息,即如你按揭銀行收你年息2.1%,你可以放入3.5mil/2=1.75mil,收2.1%息。近乎零風險。   在此勸喻各位,如果賣樓所賺金錢少於你工作十年儲到之金額,而你又只得一間自住樓,在「博」之前請諗清楚。  

Read more

為樓傷感情賣樓要醒定

諗樣兄你好: 本人於2010年睇錯市賣了荃灣2房自住樓,當時未知問題嚴重性仲諗住跌市再買翻,點知一等就3年,樓價越貴就越唔敢買。太太亦因未能擁有自己單位,要租樓而唔開心,時不時為此引發爭執。眼見2013年樓市都唔覺有回落跡象,實在感到迷失,到底應該保留實力等跌市再入一個甚至兩個單位,定係唔好再等再忍,耗盡所有彈藥去買翻2010年250萬,而家要500萬嘅3房單位呢?   唔買,太太又成日埋怨好難頂落去。買,又好似立即蝕咗250萬咁。現提供資料如下,希望諗樣兄能提點一下,等本人唔駛再為樓而影響家庭感情,冇晒生活樂趣。   本人與太太均為40歲,月入各$35,000,合共$70,000。因兩人皆要供養父母,每月七除八扣只可儲$20,000左右。本人為文職市場銷售,太太任職保險。育有二兒分別為4歲及2歲。賣了自住樓後加埋積蓄約有200萬,當中有約50萬做人民幣定期,其他資金因怕萬一樓市下跌時機到未能靈活取回唔敢投資,放在銀行收港元定期好低息。現時以$12,000租住深井一3房單位,業主今年好有機會加到$14,000但同區及荃灣想買普通3房已叫價過500萬,仲要冇盤睇。500萬樓下有盤都係質素頗差的。   太太好希望大仔升小學前買入自住樓安居樂業,不用擔驚受怕要搬來搬去,但我根本講唔到俾佢聽嚟緊兩年係咪真會跌市可買。我身邊都有唔少朋友賣咗自住樓有類似情況,男人四十,同聲一哭。相信我嘅困境並唔係個別情況,請諗樣兄幫手度一度,睇吓本人有冇生路可以翻身? 千萬個唔該晒!   唔想為樓傷感情的人上 ANSWER: 既然太太咁想買樓,不如你比首期佢負責借錢,大不了之後供樓共同負責,佢做業主加借款人,你做擔保人。咁做係為左令太太認真考慮現時買樓風險,因層樓跌左你們是要一齊上身的。另外用太太名可令你於將來樓市下跌時自行買樓,及做九成按揭上會,係新辣招下此乃靈活走位之策。   男人四十,同聲一哭。試圖估市升跌而不做對沖,無論係股市或樓市都要受嚴懲。你們的最大借貸力為3.5*(2.65mil)=9.2mil,現時買入三百餘萬之大兩房只消耗購買力之30%-40%,條數仲計得掂。請你去海濱花園或深井睇一睇,近四百萬仲有交易。有些不實用之三房如荃灣華都花園或麗城花園大兩房你考慮過沒有?大兩房如冇工人應該夠住。至於你想係荃灣買樓齡新之三房,冇五百萬是沒有可能的。   現時買入三房打算長住實在消耗你們太大購買力,萬一下跌即會好傷。請和太太商量下列方案: 1.先買兩房而搬入去自住,唔使再被逼遷,當將之前贏左既錢買間「細細地」樓房快手供完佢。2. 買入兩房收租而自己租住荃灣三房,以租養租為求減低加租及樓市再升對你們之壓力,更解決住屋大細問題。   用方法一可以做到九成上會,更可只做八成按揭慳返些少按證公司保費,八成上會年期廿年還款應不會得出勁貴之保費。如選方法二只可做七成按揭或更低,搵個有錢業主希望佢唔好租你一年後又趕走你賣樓。   無講方法一或二,都可令你淨低過百萬現金係戶口,閒放戶口太浪費,可買入之前筆者提過的債券基金,又或中電股票收息,保守派年息收約4%,一年上下波幅避多為10%之內,算是穩健投資,此舉令你月入平均多$4000,減低供樓壓力。如你還未放心,可同銀行開立靈活按揭戶口,你借3.50mil最多可放入借款之一半,存款可收回等同你按揭息率之利息,即如你按揭銀行收你年息2.1%,你可以放入3.5mil/2=1.75mil,收2.1%息。近乎零風險。   在此勸喻各位,如果賣樓所賺金錢少於你工作十年儲到之金額,而你又只得一間自住樓,在「博」之前請諗清楚。

Read more

留意屋苑區內之檔次(答)

>>按此看問題 希望經過今日政府2條辣招後,你睇中類型單位之業主會減價。對於未有物業係手既你,印花稅唔會加,按揭成數唔會減。但業主既減價會否持久呢? 今次政府主要打擊第二套房按揭,印花稅原本比3%就要加到6%,當中加幅相信業主有能力轉讓比買家,因最基本問題未解決: 盤源少,你唔買仲有人買。   恆生聲稱以網上銀行為準,唔係真的。佢都係唔想煩做單舊樓按揭而矣。如果你想估高d,唯有人手去估。去銀行幫你手或按揭服務公司更有效。至於上按證公司,如果你係買自住樓而唔係套現,咁就唔使估幾間價咁多而又以最低者為準的。   係一出新招首個禮拜,最有希望執死雞。希望有心態弱既業主減價而沽。但黃村新村為區內排次最低之屋苑。係區內為黃埔新村<海濱南岸<黃埔花園<海逸<半島豪庭,海濱南岸樓齡細但係當初為居區,間格只有幾個,唔似黃埔花園有大有幾有千呎單位,所以海濱南岸呎價「拉極都拉唔起」。   紅磡雖然好,放眼香港仲有其他不錯地區的,返紅磡都是15mins車程。諗樣寧願你係均價較低之地區,購入一個檔次較高之屋苑,都好過你買入個檔次近乎最低之屋苑,何況除了價升得慢外,治安較差又係另一個問題。寧頭借多些少買個德福細單位,或搬遠些少住得更好。

Read more

留意屋苑區內之檔次(問)

諗樣兄你好:   小弟拜讀貴blog已久,獲益良多,先行謝過。   本人26歲,月入四萬,相當穩定(近乎公務員),無任何卡數or loan係身,有100萬cash可動用,想做8成按揭趁早買入自住樓。   現睇中黃埔新村一450呎(實用321呎)兩房單位。裝修不錯,想拍板買入。   惟業主非常狼死,開價388萬!(對上一次類似單位成交為358萬,仲高佢幾層)   我還價370萬,依然俾銀行估價低一截 (匯豐336萬,恆生344萬)   Agent表示問過Standard Chartered 話360萬一定無問題,再高就要拎份約去傾。   問題一:恆生聲稱以網上銀行為準,係真唔係? 問題二:點先可以估得高d? 問題三:agent話上MC,會以3間銀行估價最低者為準,又是否真有其事? 問題四:定轉移目標算了   謝謝諗兄!! 阿君上 ->>按此看答案

Read more

你的人工正每月遞減? 公屋少年篇(答)

>>按此看問題 譚仔年少儲落75萬,已經非常不錯。香港社會上大把譚仔呢類年青人,入息唔算高只係萬餘元,可能與現時教育制度不合,當然加上自己都有少少懶,致學歷不高亦算不上專才。雖然人生「開步」唔係靚,但仍懷著少許資本、躊躇滿志地為自己人生之正場鋪路。人生正場是三十! 係投身社會近十年後處事和人脈已累積了一點,是時候為自己往後要決定安穩地打工或承擔更多。作老闆要緊貼時事、寧活走位、生意做得大更要養活不少員工,其實跑數壓力唔細過電話美容保險SALES。     譚仔問題不在於諗買唔買樓、或點去買樓。反而應問自己人生如何策劃,讓買樓安排配合自己生人路向。先要去思考既問題為放身一博去攪生意否? 與及買樓是為家人同住或未來成家立室所用? 仲有你舊有公屋如出租比人,係要補地價的。補地價係用factor*現價計,點都要幾十萬而你要預筆錢。請勿挺而走險做非法出租。     首先諗樣認為你現時有生意諗法,不妨一試。做生意當然要識計數,而放棄現有工作走去全職攪生意係涉及機會成本之計算。年青人未有家庭壓力加上人工唔算高,應該放手一博。最好利用呢年一邊做生意,一邊等政府有冇年青人房屋資助計劃。你講之低成本門檻低之行業,即係冇技術含量要靠勤力搵錢啦,請你務必與客戶關係深化,否則做得起都好快比人搶左去做。     如果你有諗過之後再買多一間樓,即一人擁有兩間樓,你當然可以買樓邀請姊姊,或家人一起同住。但日後你成家立室會否難開口趕屋企人走呢? 除非你肯定姊姊會係某時間結婚搬走,否則你日後只會得黎更大麻煩。 在港之年青人,有幾個意見: 1.        唔好用咁多電話,開下口去識人,識人好過識字是真的 2.        試下諗你而家份工有幾好,每個月autopay有錢袋落你口袋係幾暢快 3.        係港元掛美金下,如果你老闆仲肯每年加你5%人工,你份人工實在都係逐個月遞減,因5%係名義上既上升,但在通賬下實質人工月月縮。平民消費品通賬一年不只升5%(你食包腸仔都加左幾蚊啦)。相反高消費品跌緊,阿爺而家唔比送禮唔比抽獎,冇人買咁多錶送比人。 4.        所以不進則退,請為自己做好危機意識。你話d樓貴到買唔到,係因為你人工跟唔到。如果你屋企儲左大批腸仔同米,而家成批貨貴哂你買樓仲輕鬆左。

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室