【莫家強】期權短評 – 股票既贏輸模式好簡單

股票既贏輸模式好簡單,買入股票後,股價上升,就贏錢;股價下跌,就輸錢。但玩期權,有一個優勢,就係可以做到升跌都贏錢。識得呢種玩法,個人認為,幫助好大。 點解咁講? 最近keep住有朋友睇淡港股後市,問:「咩價位可以做Long Put?」 但其實除咗Long Put之外,仲有其他更好既策略選擇。呢度,先講Long Put既好處同唔好處。 附圖係今日既恒指期權報價。即月期指,報28939/28941點。做Long Put,「最大路」既買法,就係揀少少價外既即月期權,例如係28400點Put。 呢個位,期權金要244點。買一張大權,50蚊一點,即使要俾$12200。咁買法,好處有兩個。第一,輸極最多都係$12200,就算你估市估得好錯,都係最多只會輸呢個數。第二,假如俾你估中咗方向,恒指大跌,加埋「漲窩」,要賺幾倍以上回報,都唔係無可能。輸最多輸100%,但贏可以贏200%、300%,甚至更多。呢個就係值博率既來源。 不過,如果你問我,Long Put未必係現時最好既策略,因為,輸錢既機會好高。 以上例子,假如恒指到月底結算跌唔低過28156點,事實上投資者都仲要輸錢。長期做Long Put既最大問題,就係好容易令人輸到放棄,用真正值得博既時候,就再無動力去博。 我認為,更好既做法,係可以先利用高贏面既期權策略,做到市升照贏錢,但市跌贏更多既局面。 善用期權可以大幅提高贏錢機會既特性,就可以做到呢點。直至他日恒指出現明確跌勢,再加埋現時賺到既錢以小博大,博中的話,回報率就會更高。呢個,亦係我自己現時運用於港股既做法。 有朋友PM問期權班資料,呢度都容許我賣下廣告。新一輪期權班會喺8月6號開始,連續3個星期二舉行。 今個星期六,7月6號,會先有免費期權新手班。我會同大家分享點解識用高贏面策略咁緊要。又如果博中方向,期權最多可以賺到幾多倍回報,仲有一啲買賣期權既小貼士。 有興趣既朋友,可於以下連結報名。報咗名既朋友,到時見。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。    

Read more

【莫家強】期權短評 – 港股中線,我會繼續睇跌

今早,恒指雖然微升,但明顯睇到,大市成交已回落至低位,港股半日成交額只有344億元。 呢個情況下,港股唔會升得去邊,中線,我會繼續睇跌。但短線,變數太多,難以預測。所以,期權策略,我仍然會繼續做住一啲又有時間值賺既方法先,務求可以升又賺,跌又賺,待大市有明顯方向,再作其他部署。 至於有朋友好擔心3間中國銀行違反北韓傳召令既事件,認為如果美國追究,幾間銀行隨時執得。 我既睇法係,特朗普好可能又會將呢件事,變成談判既一部份。好似,之前既中興一樣。 事實上,特朗普當時絕對係有能力令中興倒閉,但佢無咁做。中興股價,亦已較去年低位回升返好多。今次,3間銀行既前景,我自己又唔係咁擔心。 反而,我擔心既係,有唔少熟悉內地金融既行家近月都同我講過,好多內地私企其實一早已經係資不抵債。 另外,內地企業債違約既情況,都正在不斷惡化。評級機構惠譽指出,現時中國私營企業債務違約率約為4%,以國際水平而言已不算低。如再惡化,都咪話唔大件事。 詳細情況,我唔多講,人家可以自己google「內地企業債違約」。 但債務問題,永遠都係,未到臨界點,可以一直都無事。不過一爆,後果將一發不可收拾。 都係轉玩美股,安心好多。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

【莫家強】期權短評 – 擔心內地金融機構不穩既消息

  G20,我覺得唔係最值得大家關心既事。反而,一啲內地金融機構不穩既消息,先令我最擔心。 如果大家有睇到,招行(3968)現下跌逾8%,原因係有私募基金公司,涉嫌走數,全間公司消失無蹤。類似事件,我預期,將陸續有來。 港股,我一直都話,短期可以有反彈出現,但要徹底轉跌為升,可能性不大。我個人倉位,港股,早已一股不留,轉玩美股。 就算美股已經升咗咁多,如果想穩陣,現時,我都仍然會建議大家轉玩美股。 想再穩陣啲,可以買公用股。 鬥短線,當然,公用股既回報唔會係最亮麗。但鬥長線,識得揀股的話,回報係可以非常吸引。而最重要,係公用股會比一般股票穩陣好多。 總之,玩緊港股既朋友,小心風險啦。最壞既情況,可能未到。 關於美股公用股,一陣出post 再講。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。      

Read more

【紅猴股評】看重大家樂(341)的高息多於增長

大家樂(341)於上週五(6月14日)中午公布全年業績,我隨即套入資料到財務摘要分析表(有興趣可到此文末深入了解),除了收入不前外,其他各方面也做得很好,便保守假設其來年盈利升幅,預測其估計區間,剛好下午高開的股價正回落,便待其到達合理估值才買入,當天收市還收其下。不過市場經過一晚消化後,股價於接著一週便如脫彊野馬,全週上升12.6%,「估計區間」可謂再建一功! 大家樂(341)是否增長股,收入過去數年還可緩慢增長,但至今年3月的去年度,收入只可按年持平,下半年更按年倒退,發生地還在主力的香港市場,相信源自開到通街都係的冰室/冰廳這些新版茶餐廳的競爭實屬不小。不過,管理層抵著越升越高的最低工資,做好成本控制,尤其是毛利率回復以往下半年響明顯較高的優良傳統,令每股盈利按年高升29%。不過,大家樂剛經歷連續三年的盈利倒退,而只較控制成本控換來的盈利上升未必有持續性,餐飲市場競爭數激烈下,我未夠信心大家樂的未來盈利仍可持續增長,所以不會視之為增長股。 現時投資組合的策略是「要買便買增長股,要穩加配高息股」,大家樂不計特別股息的每股派息連年上升,因現金足夠加上現金流強勁,此情境應可保持,上週五買入時仍有4%股息率,將大家樂定義為高息股下,也因此決定將其納入投資組合。       (利益申報:筆者為持牌人士,於執筆時,筆者或相關人士或客戶,持有大家樂(341)) (以上純屬個人研究心得分享,並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。)    

Read more

【紅猴股評】Hypebeast(150)持續是增長股好例子

投資組合若要做到「穩中求勝」,便需有防守股,也要有進攻股,防守可選高息股,進攻則要增長股。投資增長股有何好處?怎樣找到增長股?遲些再和大家分享,至於什麼是增長股?最簡單定義是收入及盈利持續增長,公司質地也理想,剛布全年業績的Hypebeast(150)便是一例,此文末是業績分析摘要,有興趣可深入了解。 看綜合損益表,收入及盈利正高連增長,收入按年升75%,毛利升64%,若撇除轉主板相關支出等非經常性收益,除稅前溢利按年升59%。數碼媒體及電子商務兩大業務皆出色,國內業務收入增長最快,按年升126%,佔比已超過香港,但主要收入仍來自美國。資產負債情況理想,是次為首度派息,雖屬象徵性但為好開始。惟存貨增幅較大,不過存貨週轉仍只是約50天,可控但需留意未來發展。股東權益回報率(ROE)有30%,低負債加有淨現金。 至今年3月年度股價範圍在$0.47至$1.1間,相對市盈率區間在14至32倍,若撇除轉主板相關支出等非經常性收益來計算,區間會更低。假設是年度核心盈利有30%增長,不算進取,以30倍市盈率計,期間估值可至$1.33。以現價$0.83計,預期市盈率約19倍。 若要對增長股有更深入了解,學懂怎樣分辨和投資增長股,及怎樣運用估值區間去把握增長股的機會,切勿錯過一個去蕪存菁,實用度100分的課程:「投資增長股及估值區間實戰運用課程 (Jul 2019)」,按此可得到更加資料。         若要對增長股有更深入了解,學懂怎樣分辨和投資增長股,及怎樣運用估值區間去把握增長股的機會,切勿錯過一個去蕪存菁,實用度100分的課程:「投資增長股及估值區間實戰運用課程 (Jul 2019)」,按此可得到更加資料。  (利益申報:筆者為持牌人士,於執筆時,筆者或相關人士或客戶,持有Hypebeast(150)) (以上純屬個人研究心得分享,並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。)    

Read more

【莫家強】近年嚟香港上市既,係乜嘢公司?

  究竟,近年嚟香港上市既,係乜嘢公司?點解大部份呢啲股票,一兩年後,都變哂死股? 我既思想比較古老。我認為一間公司,要有穩健既盈利基礎,同發展到有咁上下規模,然後先應該有資格上市。 但近年既情況係,好多公司老闆,掉返轉,係視上市為賺利既途徑。間公司未賺到錢,未run得掂,又如何?短期條數,要整靚佢有幾難?盈利預測既嘢,講就得架啦,更加無問題。總之,上咗市,大股東就有錢賺,過咗海就係神仙,間公司往後幾年,再營運成點,已經唔重要。 過去幾年,一隻又一隻呢啲公司,好似完全暢通無阻咁,成功來港上市。 講呢樣嘢,事源有股票班同學問我,對新股思考樂教育集團(1769)點睇。借呢隻股,又講吓我既睇法。 不過,首先,我想問大家,如果想分析佢既基本因素要睇啲咩? 招股書? 你真係相信招股書上寫既嘢? 招股書要睇。但我建議大家,要再勤力少少,睇一啲招股書以外既資訊。對於大部份公司嚟講,好簡單,google個公司名,已經睇到好多嘢。 先講官方資料。呢間公司,成立於2012年。喺廣東省及福建省5個城市,截至2016年底,有28間學習中心;2017年底,去到49間;2018年底,54間;最新數字為61間。 規模唔大,但學習中心數目既增長速度,相當快。 不過,有財經記者,問咗佢哋既管理層一條好好既問題。收生人數增長未能追上擴展步伐,部分區域教室利用率僅為5成左右,問:「如何改善教室利用率低既問題?」 管理層話,呢個叫「爬撥期」,未來會發展更多內需產品及作更多市場推廣。咁既答案,其實同答你無嘢可以做,係無乜分別既。 再者,你收生都未攪得好,繼續開鋪,為乜? 再睇網上評論,你會睇到個brand一啲都唔響。然後,有人問呢間機構好唔好,佢竟然用自己帳號自己讚自己,話自己做得不錯。作為將要上市既公司,真係有啲弱雞。 呢間公司,呢一刻,真係已經ready上市? 當然,新股,頭兩個星期既升跌,同間公司既質素可以係全無關係。呢隻,我自己無興趣抽,但你要抽我唔會阻你。不過,以佢管理層既能力,我真係睇唔到點樣可以營運到過百間學習中心。時間一長,股價就會反映。 會唔會又係另一隻cap完水就理得你既股票,大家心裡自有答案。 一個股市強唔強,好睇啲公司可唔可以將價值注入股市。簡單講,就係如果每一間公司都賺到錢,又肯同投資者分享盈利成果,咁個股市就會愈變愈強。相反,隻隻都係嚟抽水,當然點都會有一啲人得益,但整體股市就會愈做愈衰。 港股,仲有一啲舊股票質素好好,但大家要識揀先好買。至於整體嚟講,繼續咁攪,唔會有咩前途。短線,跌咗咁多,未來有大反彈出現,實在都唔出奇。但中線,我睇得幾淡。 最後,睇吓可唔可以令大家接受以下呢個concept。 股票,唔係零和遊戲。一間正正經經做生意既公司,只要能夠每年賺錢,而又肯同股東分享成果,咁所有買呢隻股票既投資者,絕對係可以一同賺錢。買呢類股票,賺錢,容易好多。 近期唔少股價破頂既美股,我就係以呢個概念做基礎揀出嚟。愈多呢啲股票,個股市就會強。而且,呢個,我認為先係投資股票既本質。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】期權短評 – 反彈完,係咪可以造淡?

有朋友問:「反彈完,係咪可以造淡?」今日,就集中講呢樣嘢。 有睇開呢個專頁既朋友,應該都會清楚我既睇法。港股,我個人相信中線未跌完,要徹底轉跌為升,絕不容易。 但短線,我都講過,我唔會去估,因為實在變數太多。我既做法係,先用策略賺住時間值先,然後等機會出現,再決定下一步行動。如今,港股有一個唔錯既反彈出現,嚟緊就要開始睇實。 咁要睇啲咩? 1) 升既時候,成交夠唔夠?同會唔會持續增加? 成交,係有無錢重回股市既指標。如果嚟緊個市繼續升,而成交一直上漲,咁我都唔會盲目到夾硬開淡倉。不過,若今日之後既上升日子,成交好快就回跌,咁個市應該都唔升得去邊。到一啲阻力位,就可以造淡。 2) 上升股票既數目,夠唔夠多? 今日,ok既,上升股票數目話哂都有過千隻。但往後如果個市再升,會唔會仍然有咁多股票上升。 指數升,但上升股票隻數減少,就係一個大戶托沽貨既警號。大家都明,升市沽貨,中央政府會由得你。但喺大跌市中沽貨,其實內地唔係咁鍾意。所以,若見到之後指數一直升,而啲下跌股票數目不斷增加,就要好小心。 呢一刻,我自已未有太大行動。美股,賺得相當唔錯,破頂既股票,大家可以繼續揸。 港股,同上星期比,當然都睇返好少少。暫時,都係繼續收住時間值先。下一步點做,決取於以上觀察要點既結果。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【紅猴】[潛力增長股] 小型增長股盈利時(6838)的初步分析

投資增長股,成效當然事半功倍,至於怎樣找到增長股,當然也非易事,但凡事也要累積經驗,不斷學習,有志者事竟成。增長股有大有小,大的往往增長已成形,估值已高企,投資者期望股價可與盈利同步成長;小的往往增長未成形,但也未穩定,因此風險較高,不過估值不高,投資者期望股價可與盈利同步成長之餘,期開估值也提升,股價上升幅度便越高。 今天和大家分析的是工業股盈利時(6838),可視為小型增長股,為什麼?先看其近年股價(圖片來源:港股360),近三年穩步上揚,近日更未太受市淡影響,不過風險在股份流通量不高,成交有時會較稀疏,股價波幅或較大,業績一不理想,若想減持或需跳價才可沽出。 另外,下表可見近兩年收入及盈利增長理想,配合股價升勢。 可是,留意上表的話,可見2016年收入及盈利呈倒退,此為小型增長股業績不穩定性的風險。看下表不同業務的收入,當年主業錶帶呈倒退,其後重拾升勢;時尚飾物當年倒退更大,重要性開始下降;手機外框及零件當年剛起步,未能抵銷其他業務的跌幅,但其後持續高增長,去年重要性已貼近錶帶。 看下表不同地區的收入,當年剛好錄得來自台灣的收入,佔比亦越趨重要。 看下表的資產負債狀況及營運現金流,集團財務健康,現金充足,近兩年派息比率為47%,以現價$2.68計,息率約5.4%。   盈利時這隻小型增長股值不值得投資,最重要看其近兩年的增長能否持續,待我得到更多資訊,再和大家分享。  (利益申報:筆者為持牌人士,於執筆時,筆者或相關人士或客戶,未有持有上述股票) (以上純屬個人研究心得分享,並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。)  

Read more

【莫家強】期權短評 – 維他奶、日清、Beyond Meat

近月,好多人鐘意維他奶(0345)。噚日上堂,我又講過日清(1475)。之前,又有人問過Beyond Meat (BYND)。今日,三隻股票,一齊講。 呢類公司,我會好睇重一樣嘢,就係佢哋ready-to-consume 層面既銷售,做得好唔好? 即係點?我用例子答。 維他奶,做得超好。基本上,我哋買盒維他奶,或者係檸檬茶,就已經可以即時飲用。咁樣講,好似好理所當然。但假如,佢既包裝設計得無咁好,又無附送飲管,飲落無咁方便,你會唔會買少咗? 再者,你想飲凍既維他奶,便利店已經雪凍咗俾你。冬天,你要飲暖既維他奶,佢哋又會有個暖櫃暖俾你。又有自動售賣機,又邊到都買到,即買即飲,維他奶喺ready-to-consume 層面既銷售,做得超好。呢樣嘢,幫佢哋賣多好多貨。 。。。。。。。。 日清,主打產品,係出前一丁。老實講,我早排先揾到幾包過咗期既出前一丁。大家都知,出前一丁既食用期好長,擺到過期,即係話我有好耐時間都無喺屋企煮過一丁。 但我有食即食麵,通常都係出街食。因為,出街食,有人煮埋俾你之餘,仲要有餸,或者可以叫炒丁,我自己炒得唔好食。 淨係擺喺超市賣,唔夠。有茶餐廳都幫你賣一丁,你會賣多好多。 但呢樣嘢,日清做得未夠好。起碼,好多餐廳都唔係用出前一丁,係用頂好大光麵。但假如,日清可以做到,茶餐廳唔單止用返一丁,仲要feature埋,喺餐牌大大幅圖幫你sell唔同配搭、煮法既一丁,我肯定,佢會賣多好多貨。 另一產品,杯麵,同樣道理。Ready-to-consume,即係你要有多啲地方,有夠熱既熱水,有食具,有個企位俾客人食。 我哋都做過學生。舊時讀書,放lunch,我不時都會去便利店食杯麵。 大家都明,今日,一個學生餐,平極都要30蚊。一個杯麵,加嘢飲,十幾蚊攪掂,慳返既錢,可以買自己嘢。你做到俾人ready-to-consume,賣貴少少都好,學生們都會識揀。 。。。。。。。。 Beyond Meat,有朋友話,食植物肉係大趨勢,間公司會好。唔一定囉。 無錯,食植物肉係一個差不多必然會發生既大趨勢,但就算係咁,你唔會知道,邊間公司先係呢個浪潮既最終贏家。 但今日,Beyond Meat,你放超級市場賣,sorry,我唔會買囉。除非,你能夠叫麥記幫你出個包,我就應該都會試吓。試過,唔伏,又幾好食又唔係太貴的話,我會繼續食。 Beyond Meat 公司既出路,我認為最直接,就係同國際連鎖快餐店結盟,建立好ready-to-consume層面既銷售渠道。做得到,間公司既市值,有機會上升百倍、千倍以上。 不過,咁容易咩? 你一間新公司,又未有穩定盈利,同人傾,人哋點都會offer 啲harsh terms俾你。又或者,同你簽兩年約,學哂你啲技術,起你飛腳,又得。亦可以,跟住你個樣,自己研發。甚至,唔跟你既recipe 做植物肉,完全自己研發,但做得好食過你,以國際連鎖快餐店既財力、資源,都唔似係好難既事。 Beyond Meat,的確,若然能夠成功企穩陣腳,或俾人睇中收購,股價將有潛力升到飛天。但佢成功既機會,唔係超級高。 呢隻股票,大家可以用一個買獎券既心態去買。中咗獎,升100倍以上,都唔係無可能。而且,佢既好處係,佢係一張無期限既獎券。一日間公司未certified,一日都仲有機會派彩。 講多少少。我上堂講過,有科學家話,要解決糧食問題,就要食昆蟲。 Sorry,我一定唔會食,我個仔都唔會食。但我個孫,睇嚟就走唔甩。食蟲呢樣嘢,又係差不多肯定會出現既事。之不過,靠賣食用昆蟲發達、賺最多錢既公司,今日可能都仲未成立。邊個係呢個浪潮既最終贏家,暫時,仍然係未知之數。 上Youtube,睇返Amazon老闆Jeff Bezos 1999年做既訪問,你就會更加明白我以上講既嘢。Jeff Bezos 眼光之準,同果種可以掌握、帶動未來趨勢既能力,真係唔到你唔服。所以,佢做到全球首富。 但其實,有唔少趨勢、浪潮,我哋普通人都有能力睇得到。只不過,有啲浪潮,贏家明顯啲;有啲浪潮,贏家無咁明顯,變數好多。 但我哋可以,揾一啲明顯會受惠於一啲浪潮,又有「護城河」既股票,長期持有。就係呢個原因,你應該會明白,點解我成叫人揸啲最好既信用咭公司。 唔知大家鍾唔鍾意睇我呢類既股票分析文章。鍾意既,我就寫多啲。 利申:持有Visa 股票。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

【莫家強】期權短評 – 時間值損秏抵銷了今次跌幅

唔好意思,今早比較忙,遲咗出post,幾樣嘢,期權倉位、港股、美股,都分別講講睇法: 1) 期權倉位,4月中前開既好倉,影響好輕微。最主要原因,係時間值損秏抵銷了今次跌幅; 2) 4月尾後開既倉位,會有虧損。擔心後市會再跌,可加少量對沖。第一,可以減少風險;第二,如後市再跌,回報可能仲高; 3) 5月到期倉位,最近睇27800點;6月到期倉位,最近睇26800點,現水平加對沖,效果仍不俗; 4) 出現既損失,好大程度係由於引伸波幅上升,一縮窩好快就會轉虧為盈; 5) 做對沖,少注價內Put可減少引伸波幅上漲影響; 6) 港股,跌勢好全面。跌勢方面,傳統港資跌幅較小,中資股跌幅較大; 7) 美股,杜指期貨跌500點,跌幅2%,唔算好多。睇埋今晚開市表現先算; 8) 試過好多次,美股一開市,跌幅就立刻收窄。 有唔少朋友,今早問我之後個市會升定跌。 要喺一件突發事件出現後,立刻估升跌,賭博性好高。反而,我成日都講,最重要係睇係市對事件既反應。呢個,係要時間觀察。 今晚,如果美股無事,明早港股開市後又能反彈,企穩10點半,後市可能就已經完全無事。 現時,最重要既,係檢視一下自己既倉位,能否抵受未來兩三日可能出現既波幅,等自己可以冷靜觀察市況。 暫時,我唔會迫自己去估方向。但如果有明確方向,會再update大家。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問  

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室