【莫家強】期權短評 – 市況似乎係企穩咗

港股,連續兩日「十點半」都能企穩,上升股票數目又多於下跌股票,市況似乎係企穩咗。但有幾多上升空間,就好難講。 始終,股市要升,最後都要講企業盈利能否增長。現在既情況,係美國已經佔有中美貿易戰既主導權,特朗普無可能接受一個不對美國佔優既方案。換句話說,即使傾得掂,結果對中國嚟講,都唔會係好有利既情況,好多企業既盈利前景,點都會受影響。 另外,真係不得不配佩服特朗普,為自己一步步提升對股市影響力。今時今日,佢一聲話加關稅,就已可以令中港股市即時大跌。雖然美股都有跟跌,但特朗普更厲害既係,一句中美談判只係「小爭吵」,美股就立刻升返上嚟。佢控制股市既手法,愈來愈純熟。 美股,真係比港股強勢太多。好多強勢股票,已經將近再次突破歷史新高。 最後,分享多少少我對投資既睇法。 短炒股票,絕非「正和」既遊戲,。即係有人贏,就一定有人輸。要贏,出路係,你一定要比對手優勝。 但如果大家係長揸優質股票既話,情況就唔同。 咩係優質股票?就係佢上市,唔單止唔係昆大家水,仲要係公司有錢賺,會用嚟回饋投資者。例如係,領展(0823)。長線持股既投資者,係每一個都可以賺錢。長期持有優質股票,先係可以令每一個投資者都賺,最正路既投資方法。 今晚有股指通道選股策略班,會教點樣用「基本」同「技術」因素揀好股。報咗名既朋友,準時7:30PM見。  

Read more

【莫家強】期權短評 – 「10點半」,走勢對辦

「10點半」,走勢對辦,上升股票亦多於下跌股票,無記錯係呢幾毎星期既第一次。短期內,有機會再反彈多啲,如果大家係睇短線既話,可以睇住即月期指價格,如收市前可企穩喺28100點以上,就走走位。 中線睇法,則不變。 之前上堂講過,我會好鐘意同啲賺大錢既朋友傾計。你同啲賺錢既人傾計,你會聽到對你有幫助既心態,以及做法。同得幾個同樣賺大錢既人傾計,揾到佢哋既共通點,你就知應該要點做最好。 其中有兩點,想分享一下。 第一,佢哋好多都係,如果最多輸既金額已經limit咗,包咗底,咁佢哋就唔會太在意一啲短線上落。第二,一旦佢哋有一個目標,而決定因素未變,就會堅持落去。 最後,我真係建議大家睇下美股。如果美股今次能夠企穩再上,有唔少股票將會再破歷史高位。美股,比起港股,強勢好多。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問  

Read more

【莫家強】期權短評 – 唔好對港股存有期望。

  同噚日既建議一樣,造唔造淡,大家自己決定。但如果係想平倉離場,增持現金,就做啦。 港股,已經愈來愈唔對路。無人可以確實咁講股災嚟緊會否出現,但如果真係發生,我都唔會太意外。 玩期權,有一樣嘢,我叫做「紀律」。紀律既重要性,會喺任何預測之上。簡單講,就係哪怕只有10%機會出現股災,有啲策略已經唔可以做。假如已經做咗,輸緊錢,都最好計數離場。例如係價外naked short put。 就算對沖做得唔好,今日輸既錢,應該都唔會太多。但係,只要恒指再大跌一日,虧損已經可以倍數咁上。唔走,冒既風險好高。 我分享過,我好多年前輸Short Put既經驗。我只係想講,好彩,我輸既時候好後生。但過程,非常慘痛。 近年,我無再輸過大錢,包括之前既大時代後股災,同熔斷機制崩潰。原因,就係任何事,我都會以紀律行先,有跡象出現股災,我就已經會開始行動,保護自己。 Long Call、Long Put、Debit Spread,你可以博錯。計好數入市,唔會輸得死人。 但有啲策略,輸一鋪,已經可以好大件事。總之,大家小心。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問  

Read more

【紅猴】[增長股] 談談香港寬頻(1310)的業績及估值

(By Michael Kan – 增長股專家) 香港寬頻(1310)近日又很熱鬧,正式宣布完成收購匯港電訊(WTT)不久,又公布至今年2月的中期業績。我約一年前為客戶於約$10.8買入香港寬頻,股價升了後便在$12上下徘徊了大半年,一直持有不放,就是計到至今年8月年結的估值區間上限應可達到約$15。就這樣呆等了這麼久,收購WTT獲政府核實,股價終現強勢,向上突破,最高曾見$14.62(下圖來源:港股360),基本上達標。 昨天收市,集團公布中期業績(下圖來源:明報),提到收入及EBITDA按年上升,純利及可調整盈利按年下跌,又提到ARPU(每戶平均月費)按年增長,但將打減價戰搶市佔率,可謂有好有壞,五味雜陳。不過,我一直視香港寬頻為增長收息股,所以會聚焦在派息的相關事情,我信管理層,任何策略也是為了派到目標的股息,以滿足如大股東加拿大退休金計畫投資局等的意願。 集團建議派中期股息每股$0.34,較去年同期派每股$0.26增加31%,並預期下半年派息不會少於上半年,即最少每股派息$0.68,符合先前市場的預期。業績公布後,市場平均預期2019年度(至8月)、2020年度及2021年度分別為$0.687、$0.873及$1.017,按年增長分別為23%、27%及16%,吸引過另一增長收息股領展(823),以現價$14.04計預期是年度息率達4.9%,亦遠勝領展,當然電訊行業的競爭亦高上不少,因此估值會較低。 以過往兩年息率區間作參考,我預期是年度的估值區間為$11.3至$15.3,是年度至今低位$10.96,至今高位$14.62,低位已見,向上發展還有9%水位。但我會嘗試看遠一點,現時預期2020年度的估值區間為$14.1至$19.0,現價便忽然變得很吸引。  (利益申報:筆者為持牌人士,於執筆時,筆者或相關人士或客戶,持有領展(823)及香港寬頻(1310)) (以上純屬個人研究心得分享,並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。)  

Read more

【莫家強】期權短評 – 靠感覺做,好易中招

我必須好老實講,今朝早開市前,如果純粹憑感覺估市,我會估港股會繼續跌。而我相信,大多數朋友,都係咁睇。 當然,都會有人睇好,但唔會係多數喇掛。 靠感覺做,好易中招。一開市就沽期指,依家已經被挾。就係因為我自己舊時成日中招,所以先會同大家講,睇埋開市表現先決定做法。 今日,照睇港股唔會太差。但問題係,之後呢? 恒指跌咁少,好大程度係靠托騰訊。正常情況下,騰訊應該要跌超過1個%,但現時卻升超過2%。 不過睇返濶啲,市場上現時只有約3百幾隻上升股票,但有過千隻下跌股票,市況都係好差。 中線造淡,有值博率。但是否落注,我留返俾大家自己決定。但增持現金,暫時離場,我覺得唔會錯得去邊。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問  

Read more

【莫家強】期權短評 – 今次事件對中港股市有長遠影響

今次事件,我認為會對中港股市有長遠影響。 噚日睇新聞,訪問一個港商,佢話希望特朗普只係出下口術,攞談判籌碼,萬一真係加關稅,佢哋會好唔掂。 再者,喺特朗普開聲之前,資金已經有從港股流走既跡象。如果中美問題再度惡化,資金就更加唔會再回流港股,呢個係好大問題。 至於短期走勢,除非特朗普明確話唔加關稅,否則港股將難有起色。 另外,熟識我既朋友都知,我已經無揸港股,轉買美股。噚日做節目時都講,美股,完全唔使擔心。 識揀的話,好多美股既盈利增長基礎都好好。而其中一種,我自己會比較鍾意買既,係一啲有國際性壟斷優勢既股票。 試想想,如果有一間公司,業務喺世界上多個地方都做到有一定位置,難被取代,佢對於政治不穩的抵抗力,會強好多。 例如,個人持有既Visa(V),就係屬於呢個類別。呢隻股票,唔會係短線升得最多果種,但用作長期持有,回報應該能令大家滿意。 Visa既股價,我估計好快又會再創歷史新高。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問  

Read more

【博立】[與管理層會面] 澳優乳業(1717)Q1業績佳 盈喜公佈

今天港股因特朗普突然變面而大跌,眾多股票大跌,組合也因而少不免收到拖累。但是我認為最佳的應對方法還是繼續持有核心好股票,也趁股市回調的機會買入好股票,方是應對之道。 我們組合內的持股有不少也交出遠比大市好的表現,譬如昨天提及的香港寬頻(1310)及今天剛公佈盈喜的澳優乳業(1717)。 澳優近來股價表現強勢,相信是市場早預期第一季度業績將會不錯。我也在中午盈喜公佈後,第一時間聯絡財務總監了解細節,也將第一手資訊分享出來。 澳優第一季度盈利大幅增長(遠高於收入增長),這主要是因為公司的毛利持續提升,同時費用減少(譬如早兩年影響業績的空運費用等)及稅務減少(旗下的羊奶粉公司去年確認能拿到高新科技稅率,只繳交15%稅率,去年Q1還未確定,因此今年Q1的稅項會大大降低。 管理層表示過去一年,公司每個季度也在財務數據上進步,而他們也有信心會持續做好。 至於產品方面,我問及今年以來產品有否提價,管理層表示還在考慮中,未有定案。 而且國內的增值稅VAT已於今年4月1日從16%減少至13%,這也將會提升Q2起每個季度大約1%的淨利潤率。 總的來說,暫時我還看不到澳優的增長勢頭有任何放慢的跡象,我會耐心繼續持有,享受股價上升帶來的回報。自我們於2017年6月開始覆蓋澳優(當時首次買入為$4以下),我們一直是長期股東,也感謝澳優的管理層為我們數以倍計的回報。 (利益申報:筆者為持牌人士,於執筆時,筆者或相關人士或客戶,持有香港寬頻(1310)及澳優乳業(1717)) (以上純屬個人研究心得分享,並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。)  

Read more

【莫家強】期權短評 – 時間值損秏抵銷了今次跌幅

唔好意思,今早比較忙,遲咗出post,幾樣嘢,期權倉位、港股、美股,都分別講講睇法: 1) 期權倉位,4月中前開既好倉,影響好輕微。最主要原因,係時間值損秏抵銷了今次跌幅; 2) 4月尾後開既倉位,會有虧損。擔心後市會再跌,可加少量對沖。第一,可以減少風險;第二,如後市再跌,回報可能仲高; 3) 5月到期倉位,最近睇27800點;6月到期倉位,最近睇26800點,現水平加對沖,效果仍不俗; 4) 出現既損失,好大程度係由於引伸波幅上升,一縮窩好快就會轉虧為盈; 5) 做對沖,少注價內Put可減少引伸波幅上漲影響; 6) 港股,跌勢好全面。跌勢方面,傳統港資跌幅較小,中資股跌幅較大; 7) 美股,杜指期貨跌500點,跌幅2%,唔算好多。睇埋今晚開市表現先算; 8) 試過好多次,美股一開市,跌幅就立刻收窄。 有唔少朋友,今早問我之後個市會升定跌。 要喺一件突發事件出現後,立刻估升跌,賭博性好高。反而,我成日都講,最重要係睇係市對事件既反應。呢個,係要時間觀察。 今晚,如果美股無事,明早港股開市後又能反彈,企穩10點半,後市可能就已經完全無事。 現時,最重要既,係檢視一下自己既倉位,能否抵受未來兩三日可能出現既波幅,等自己可以冷靜觀察市況。 暫時,我唔會迫自己去估方向。但如果有明確方向,會再update大家。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問  

Read more

【莫家強】期權短評 – 做spread,三樣嘢

第一, 如果可以將贏出既機會調升至8成、甚至9成以上,做買賣時輕鬆好多; 第二, 學懂風險管理既技巧,確保任何時候都唔會輸大錢,就更穩陣; 第三, 令有時間值損秏有利於自己,咁只要坐住啲倉位,就自然會有回報。 初學既朋友,總之就睇咗自己既倉位,有錢賺,就繼續做。 然後,慢慢地,當經驗累積,大家就會明白個方法賺錢既原因,以及操作竅門。之後,下一步,就係根據個人經驗,揾一個適合自己既注碼,一直有耐性做落去。做啱哂啲要求,長遠就能夠持續賺落去。 至於市況方法,明顯地,港股既資金正在流走中。有呢個睇法,係因為,一) 大市成交正在一直回落;二) 下跌股票數目持續高企。 就以今早為例,半日成交只得405億元,再創近日新低。而雖然恒指上升214點,但上升股票只有659隻,下跌股票卻有752隻。揸住既股票,如果仍然維持升勢,就無嘢要擔心。但假如閣下既持股,升市時唔升,跌市時卻跟跌,就早啲走咗佢啦。 相比之下,美股比港股強勢好多。好多強勢股票,喺3月之前已破歷史新高,而直至近日,股價仍然不斷上升。 股價升得多,唔係回跌既理由。真正令股價唔能夠再升,係企業缺乏長線盈利增長前景。呢個,亦係唔少中港股票正在面對既困局。   風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

Jack Sir【最多人問的期權問題】

綜合整理了一下 這幾年 我收到網上朋友最多有關於期權的問題,有些非常簡單,有些涉及多方面的因素考量,很難簡單回答,林林種種。 有時會甚至放棄回答,以避免愈答愈多的誤解。 整理出一部份如下: 1,在Group裡。看到很多師兄師姐們long都賺錢,而我卻一直虧損,為什麼? 2,從期權倉位某Put行使價出現大成交及OI增,是否大戶部署淡倉? 3,我有short put 倉,如跌入價內時,是否要立即平倉,避免接貨。 4,是否要準備足夠接貨金額,才做short put比較安全? 5,我可以用價內long來取代持股,行使價點選擇?幾多%為適合? 6,在結算日,股票期權是否用4點的收市價來結算? 7,我跟不同導師學習了兩年期權,但仍然不敢開始trade,因為發覺還有很多地方不明白。 8,spread做錯方向時是否應該如何對沖? 9,long倉虧損多少應該止蝕? 10,(IV)引申波幅與其他股份比較高的是否應該只做short ? 低IV的只做long ? 11,short 行使價選擇是否越遠越安全? 12,我聽朋友說, short 即月賺得快?long應該做遠月? 13,好淡分界線點樣定? 14,聽到很多Naked short破產的新聞,所以不敢做short,只做long 或spread 這個想法是否正確。 15,我沒有持有股份,可以做short call嗎? 16,資金不多,如何做到每個月穩賺的期權策略。 … 而你對於期權的問題又是是什麼呢? 《期權風險大,輸得起先好玩,新手勿試》 個人的交易方法「並不」適合大部分投資者,建議找到自己承受到的有效交易策略。 以上乃個人之操作日誌,並不構成推薦,建議或誘使買賣之行為,期權價格可能急升或急跌,過往之績效不代表將來之獲利保證,交易員隨時改變看法,投資人應自我評估風險。  

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室