【期權教室】莫家強期權短評 (2016/10/27)

  【#期權短評】 同星期一短評比較,期指跌左大約200點,但20000 Put嘅價格不但無升,仲微跌1點。Short Put仲未使輸錢。   相反行使價21600點以上嘅Put,價格就明顯升咗。做呢啲行使價嘅Short Put,就已經要輸錢。呢個就係點解我哋做Short Put嘅時候,行使價要揀到咁遠。   另外一件好緊要嘅事,係跌市唔好加注。呢個係紀律,Short Put最緊要穩陣,愈跌愈加,一旦遇上比較深嘅調整就會好危險。   個市嘅走勢絕對唔好,但如果Short Put張數唔多,20000點Short Put暫時又無乜好驚。除非跌到去21500點,就可能要開始戒備。    

Read more

【期權教室】莫家強期權短評 (2016/10/26)

    [#期權短評] 今日市跌,但係騰訊股價仲企得穩。呢啲股票,通常到大市回升嘅時候,會升得更多。 買強勢股就有呢個好處,市跌隻股未必跌,市升隻股會有得升。Long Call的話,呢一點更加要遵守。 上過堂嘅朋友會知道點揀股票。揀好股票,下一步就係要等有「上升動力」。之後,就可以入市Long Call。 至於做騰訊Long Call,行使價揀少少價外就可以。太價外既期權,引伸波幅會高好多,變相啲期權金都會貴好多,無咁抵買。 Long Call想賺多啲,重有一啲技巧,聽日再講。  

Read more

【期權教室】莫家強期權短評 (2016/10/25)

  【#期權短評】   上過堂嘅朋友都知道,我好鍾意 #騰訊(0700)。   呢隻股票最特別嘅地方,係佢嘅估值一直都好貴,但又長升長有。半年前,課堂上用佢嚟做例子,都只係170蚊左右,依家已經二百幾蚊。話唔定下年仲可以上到三百蚊以上。   如果大家都好似我咁,覺得騰訊仲有得升,咁就要學下點樣去做Long Call。因為呢個策略可以幫我哋賺到好多錢。   做騰訊Long Call,行使價唔使揀得太遠。騰訊現價係$214.60,我會揀215或者220。點解咁揀?關引伸波幅事,聽日再講。   利申:有騰訊嘅期權倉位,睇好。   對期權有興趣又唔知點入手?我哋將期權由唔曉講到你明!  

Read more

【期權教室】莫家強期權短評 (2016/10/24)

  【#期權短評】 呢一刻嘅引伸波幅,雖然唔算好高,不過總算足夠俾我哋做3000點以上價外嘅Short Put。行使價揀得遠,賺錢嘅機會就會更高。 11月到期,20000點Put,價格為19/20點,沽出一張大權的話,不計使費可以賺$950。按金為$18710,回報率大慨5%。 如果個市唔跌,11月中左右就可以收割,再做其他野。 不過,想賺大錢當然要靠Long-side策略,聽日講。    

Read more

【期權教室】莫家強期權短評 (2016/10/20)

  【#期權短評】 今日想講一件事,聽日隨時停市。 本來個市企穩返,我都諗緊好唔好再加Short Put。但睇返個風,真係好似打得好正,聽日休市機會好大。 我地休,但外圍股市唔會休。 有咩影響?Touchwood,如果美股連跌兩日,星期一返嚟,我哋個市可能會有啲震盪。 既然已經有倉喺手,呢一刻我唔會太急加注。 利申:有騰訊(0700)SP + LC。  

Read more

【期權教室】莫家強期權短評 (2016/10/19)

  【#期權短評】 股票期權有84隻,賺唔賺到錢,好視乎我哋識唔識得揀邊隻嚟做。 做Short Put的話,揀股有兩個重點。第一,隻股票要穩陣;第二,引伸波幅要夠高。呢一刻嘅 #銀河娛樂(0027),我覺得都符合呢兩個要求。 識揀股票期權,賺錢會容易好多。 Short Put 嘅最大風險係要接貨。但係,因為引伸波幅夠高,所以我哋可以將接貨價調到好低。基本上,就算銀河娛樂既股價跌1成,都未到我哋個接貨價,我地都仲有錢賺。 其次,就算接咗貨,我哋仲可以做Short Call,繼續收期權金。 舊生聚會嘅時候講過,以銀河娛樂嘅引伸波幅,一個月後到期嘅期權,做等價Short Call,可以收接貨成本4%嘅期權金。呢個回報絕對唔少。 識玩嘅話,除非銀河娛樂股價一年跌超過3成,否則都可以唔使輸錢。低引伸波幅嘅股票期權,唔會有呢個效果。  

Read more

【期權教室】莫家強期權短評 (2016/10/18)

  【#期權短評】 都講咗個市非常古惑,嚇完你又升返上嚟,之後又可能再穿底嚇你。總之呢啲市,唔好玩太大,有壓力就好易會輸錢。反而細細注,賺錢唔係咁難。 呢一刻,個市仲未完全企穩,指數期權Short Put要學過先好玩。對於初學者,玩股票期權,風險會比較易控制。 今日,攞隻 #銀河娛樂(0027)做例子。 雖然隻股之前跌得好甘,但整體走勢唔差,加上今日有得升,後市表現應該會OK。 加上,期權嘅引伸波幅夠高,呢一點非常重要。 銀河娛樂現價為$30.05。做11月行使價27既Short Put,每手可收$0.40 X 1000 = $400。打和位係$27 – $0.4 = $26.6。 即係話,只要銀河娛樂11月結算嘅時候,股價唔跌穿$26.6都唔使輸錢。就算真係跌穿咗少少,問題都唔係太大,聽日再講。  

Read more

【期權教室】莫家強期權短評 (2016/10/17)

  【#期權短評】 今日恒指已經跌穿上星期四嘅低位,按照計劃,我會等個市再跌多一吓,等引伸波幅抽高,先會揾位入市做Short Put。 好喇,但係個市睇落又唔係太差。如果個市唔跌,仲要升返上去,點算? 的確有呢個可能。大戶呢幾年「古惑」咗好多,有好多次都係一跌穿個底,個市就升返上嚟。 之不過,跌市唔做Short Put,呢個係紀律問題,我一定會守。大家都知道,如果一做Short Put個市就大跌,個情況會有幾麻煩。呢個紀律,令我避過咗好多次危機。 但係,唔做得Short Put,又代表唔做得其他方法睇好。聽日再講有咩可以做。

Read more

【期權教室】莫家強期權短評 (2016/10/14)

  【#期權短評】 今日唔係講今日嘅策略,係講下星期嘅策略。 有唔少朋友問,好唔好先開11月嘅Short Put? 我答最好睇埋下星期一。 今日唔跌,星期一都唔跌,個市就會穩好多。仲有「佢地」有鋪癮,啲大鑊嘢好鍾意喺weekend爆出嚟。所以Short Put我今日就唔會做住。 我個倉最主要有Spread博反彈,有騰訊(0700) SP + LC,但注碼唔大。 但係如果個市再跌,我會大大注博反彈。有一種反彈叫做「報復性反彈」。如果恒指連23000點都跌穿埋,我會等22500點左右,就衝入市。 不過要記住,博,一定要用有限風險嘅策略嚟博。 簡單嚟講,個市企得穩就Short Put,企唔穩就等跌到好驚嘅時候博反彈。  

Read more

【期權教室】莫家強期權短評 (2016/10/13)

  【#期權短評】 覺得跌過龍,可以博反彈。但正如昨日堂上所講,要博,重點係要用「風險有限」嘅策略,否則會好危險。   睇升嘅有限風險策略,有兩種情況下最好用。第一高追升勢;第二逆市撈底。   10月Short Put,肯定仲有錢賺。張數多可以減下磅。張數少唔使驚,可以坐多陣,賺埋啲時間值。10月Short Put夠遠話,唔係重災區。   11月Short Put,我唔建議開住。等引伸波幅升多啲先開,會著數好多。有上堂嘅朋友應該知道爭幾遠。   如果Short Put行使價可以開到18000點以下,贏面就會高好多,要有耐性。  

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室