歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
當然，相比於買入個別股票，買ETF，若然係鬥短線回報，係會慢少少。但用另一個角度去睇，買ETF卻有另外一啲好處。第一，股價走勢會平穩好多。第二，贏錢會容易啲。
好多強勢ETF，股價升幅係就係好大，不過，喺升嘅過程中，往往都會夾雜住「大上大落」，假如我哋有能力坐得穩，問題都尚算不大，但若中途被跌幅震走，就會對回報扣成影響。事實上就算係TSLA、NIO呢啲升得好勁嘅股票，都仍然會好多戈要損手輸錢。如果你都有呢種經歷，或者唔想要花太多時間去跟住啲股價上落同止蝕止賺位，玩ETF可能係對你嚟講更好嘅選擇。
然後，以下就同大家分享一吓ETF市場最近嘅變化。
先係最熱門，我哋好多朋友都有揸住嘅ARKK。好開心見大家都賺得咁好。ARKK，如今係香港，我相信都無乜人唔識。但識唔識唔係重點，重點係你嘅概念有無tune得啱，可以令你一直持有住呢隻ETF，賺足佢嘅升幅。
我成日都講，繼續升要繼續揸，唔好咁易放手，就係呢個意思。賺到嘅朋友，再次恭喜大家，但亦請繼續謹記，只要ARKK仲係維持住升勢，就唔好估頂，要keep 住繼續坐，要走嘅時候我會再通知大家。止蝕位無update，距離現價太遠，有新位再提供。
撇除嘅有槓桿同反向嘅選擇，ARKG算係過去一兩個月入面，表現得最好嘅ETF。始終佢啲股票係牽涉到Genomics，呢類一般上落都係好大，令到ARKG 嘅升勢不及ARKK 平穩，但升幅就有過之而無不及。
買邊隻，定兩隻都買，大家可以自行揀選，但兩隻都係好嘅ETF。現時，ARKG嘅止蝕位喺$90.60，唔跌穿都係要繼續揸。
賺購ETF (Ticker: IBUY)，又係升得好勁，無乜嘢跟進，都係繼續揸住，要走再同大家講。
最後，除咗啲成日提住嗰啲ETF，大家最近亦可留意一眾有Cybersecurity 字眼嘅ETF。啱位可以直接買，想博，則可以用ETF作名單去揀選股票。
例如係CIBR，等回調有位買入我再跟進。以下嘅持股名單，大家都可以用嚟揾股票。
另外BUG、IHAK 同HACK都係同類ETF，都值得大家留意，篇幅所限未能一一細看，但大家應該都識得方法去揾。
最後，嚟個預祝，Merry Christmas。已接近年尾，特別係呢幾個月，希望大家都賺得唔錯，希望呢個勢頭可以延續落去。加油。