歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
======附件=======
======附件=======
今晚，美股休假。但呢個星期美股嘅走勢，我覺得非常關鍵。現水平，如能企穩再上，好多股票將會出現「上樓梯」嘅形態，會係買入機會，後市可以繼續睇好。
但如果出現一啲向淡形態，咁就要小心，後市美股有機會完全轉向。以下，我用QQQ 去解釋呢幾個情況。
QQQ，之前嘅止蝕位係$251.32。最理想嘅情況，係佢喺現價已經能夠企穩，然後再向上升，咁不但止蝕位會上移至上週五低位$271.80，而且，現價更會係買入時機。
但若出現以下兩種情況，就要小心。
第一種，係QQQ股價直插至$251.32。雖然，我覺得機會唔大，但喺一個咁紛亂嘅時期，有啲嘢係never say never，若然真係出現呢種情況，處理上會比較困難，因經過咁大嘅跌幅，啲股票點都會有個好強嘅技術性反彈，但呢個形態，係典形熊市一期後嘅反彈模樣，之後見頂再落，就已經係熊市二期。只係，我認為現階段出現呢種形態嘅機會唔係咁大。
第二種，較為嘅正路形態，係大市於現水平反彈，但缺乏動力，喺不久後就再次跌穿上週五低位，咁樣嘅話，後市會有相當大嘅機會要繼續回調。但呢種形態，較易處理，我哋只要留意住上週五嘅股價低位就已經可以。
而嚟緊呢個星期，我會特別留意三個ticker。第一，係QQQ，亦即係三大指數最強勢嘅納指。其餘兩個，係AAPL 同TSLA。
呢兩隻股票，同樣地係之前非常強勢，當然，近日跌幅都好大，但到星期五後段已能企穩反彈，反映仍受到資金追捧。但假如短期內，兩隻股票都失守上週五低位，美股嘅後市走勢，我會相當擔心。
現時，由於市況未明，未能作出股票推介，但到星期三，可能情況會比較明朗，到時再同大家分享有無值得買入嘅股票以及止蝕價。