【 莫家強 】期權短評 – 恒指不弱,但下跌股票數目多

 

俾五幅股票圖大家睇,四幅係港股,一幅係美股。冧把、代號,唔特別講喇,集中講方法。

港股市況,較兩個月前,當然好轉咗。但如果大家睇下最近個市,應該會睇到,就算係恒指上升既日子,下跌股票既數目,都會比上升股票既數目多。

即係點?

大戶,只係挾小部份股票。而呢個玩法,2017年已經試過一次。當時,最強勢既股票,股價可以好似坐火箭咁一直上升。但亦有為數不少既股票,升都唔升吓。

而方法會決定大家既回報。鍾意揸強勢股既朋友,會賺得唔錯。但鍾意買落後股既,就會睇住個市升,但自己就一啲錢都賺唔到。

有一啲股票,已經上返上升通道,我會睇位買返。而買呢類型股票既好處,係你會有一個不斷上升既止蝕、止賺位。股價回跌就走,唔會輸太多;股價繼續升就坐,回報可以好勁。

港股我會買,但美股其實有更多選擇。有個別公司,揸住啲超強勁既business model,盈利基本上每年都會上升,而且無咁大政策風險,更加抵玩。

風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

 






本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室