有朋友會知道，我最近正喺度研究三倍槓桿嘅ETF，用嚟提升倉位回報。我嘅想法，係
已Short Put賺返嚟嘅期權金，不斷地儲落去有三倍槓桿嘅ETF度。情況就係，你買一萬
蚊嘅ETF，股價上升嘅 話，佢就會有等同三萬蚊嘅上升動力。只要股價上升，回報就
會好靚。
Short Put，穩陣地賺時間值嘅方法，都教過大家。呢種策略，好處係容易贏錢，玩過嘅
一定唔會有異議。但唔好處，係唔可以做得太大，否則風險好高，單獨用呢種策略去
達，非常困難。所以有必要配合其他策略去做。
而三倍槓桿ETF，好處係佢有槓桿之餘，仲係有限風險。即係如果你炒孖展，或者期指
，你嘅最大損失金額，可能會多話你原先投入嘅金額。但買三倍槓桿ETF，你買一萬蚊
，佢最多都係輸一萬蚊。雖有槓桿，但無借貸，所以只要入市前計好數，就能夠控制
好風險。用賺返嚟嘅錢去買，更好。
不過，三倍槓桿ETF都有唔好處，就係「損耗」。
無槓桿嘅納指ETF (QQQ)，去年回報係46.24%。但三倍槓桿嘅ETF (TQQQ)，只有99.20%
回報，未足三倍。不過，我哋要明白呢個損秏，係來自股價嘅上落。去年以今，有兩
次大上大落嘅走出現，導致跟唔足。但如只睇近三個月嘅情況，就跟得足。
所以，揀三倍槓桿ETF嚟買，唔係唔得，但走勢上你要揀啲有平穩升勢嘅underlying 先
好玩。但無論如何，呢種工具我覺得值得大家去研究。特別係TQQQ，仲有開價好靚嘅
期權夾住去玩，玩得好有好大潛力。