11月23日周一。今日金屬股升到黐晒線，以當頭起去睇，宏橋（1378）、天工（826）、贛鋒（1772）、江銅（0358）及中國鋁業（2600）升幅介乎7.38%至13.22％，其中有好多都已升了一段，而小弟的期權以小博大亦大功告成，所以並無再追。不過，諗番轉頭，其實中鋁自己係有機會捉到，因為俄鋁（486）上星期已經爆了一棍，而中鋁喺11月11日出破訊號之後，一路都係上升成交多、下跌成交少的方式愈行愈高。基本因素方面，鋁價持續走強，連廢鋁價都被扯高，中鋁應有可博之道，而當時股價與破訊號水平距離不遠，制訂止蝕策略也較容易。不過既然miss咗，唯有最搵下一個機會。
如果睇中資股近期表現，簡直覺得幾乎凡係中國經濟復甦的相關周期股都會大升。今日出現破訊號的大市值股份中，有一隻中國重汽（3808），小弟覺得值得研究。先睇睇股價走勢，如果睇一年圖，今日較大成交收於20.75元，剛升離已整固咗兩個月介乎19.2至20.4元的成交密集區，整固形狀有啲似cup and handle的杯底；RS開始輕微轉強，OBV也向上。如果睇兩年圖，亦發現成交密集區全在下方，上面並無明顯蟹貨區。
基本因素方面，睇番新聞，中國重汽首10月滙總營業收入同比增長54%，利潤同比增長81%，2020年首三季度各經濟指標已全面超越2019年全年，話係中國重汽發展史上首次咁話。首10個月累計銷售整車37.4萬輛，同比增長60%。另外，年產能10萬輛整車的智能網聯（新能源）重卡項目已正式投產咁話。按中金上星期的報告計算，估計2020年淨利潤約61億元人民幣，對應7.7倍市盈率，而行業水平為10.8倍，有追上空間咁話。
再睇往績，不過不失，最勁一次升幅40.3%，最差一次則跌14.5%。船長話唔好盡信往績，所以小弟只作參考。小弟決定聽日先買一注，跌穿成交密集區底的18.5元止蝕位再放一注買盤以防stop hunting。
睇番中國重汽的多年對手濰柴（2338），走勢反而無咁靚，7月至今大幅上落，最近出止訊號反而係stop hunting買貨的機會，依家股價反而去番高位，唔知稍後會否也出破訊號，定係跌番落去繼續反覆。
組合方面，阿里（9988）CEO出來扮矮仔，股價應聲裂口彈番一下，憧憬阿爺高抬貴手鬆下章。蛇羮（1337）更創出新高。嘉里物流（636）則一如預期稍為調整，但成交好細，似乎係好現象。
今日寫住咁多先。
============
了解更多：股市漁夫系統 免費試用
股市漁夫是一套高績效的選股系統，系統運用技術分析配合統計學製作出不同指標顯示短、中、長線的港股表現；較一般指數更能反映真實市況，對分析後市走勢有絕對的優勢。股市漁夫選股系統透過精密的方程式去找出股票強弱勢頭，全天侯自動分析個股走勢、突破股、大市評論及視頻等功能。莊博士獨家的運算方程用 「破勢」、「止賺」把機會向用戶展示。漁夫選股系統更有不同種類之篩選股票準則來提高勝算。
莊志雄博士為股市漁夫創辦人及香港大學專業進修學院客席講師，並在Now 財經台合作主持《名家給力場》。
股市漁夫是香港財經媒體，而股市漁夫選股系統由莊志雄博士及成家博客Homeblogger團隊共同研發，2018年 11 月11日正式推出，此前莊志雄博士曾任職《信報》研究部主管，並先後於和記黃埔、AXA安盛、永泰地產有限公司、永道管理顧問有限公司（Coopers & Lybrand）等不同類型企業及上市集團擔任管理顧問、財務及市場分析工作，涉及範疇包括資產管理、地產、電訊及電子商貿等。
