又冇疫苗！又係星期一！係呀，星期一，東正教星期一呀（＊）
劇情回顧下，最初係上兩個星期一輝瑞有隻疫苗，話90%有效，不過要零下70度儲存，特殊凍櫃，道指大升1600點。然後到上個星期一，到Moderna話又有疫苗，94.5%有效，仲可以零下20度儲存，大少少嘅診所應該做到，道指照升，但就少好多。然後又再上星期一，又返返輝瑞，話自己隻嘢唔止90%，測多次係95%先啱！多你少少咁啦，爭在未話可以常溫下儲存 撈落牛肉飯度食。
好啦，到剛剛周末，美國FDA批咗Regeneron隻療法，侵侵用過。唔止，到昨日（又係星期一！），就到Oxford AstraZeneca！雖然話得70%，但夠平！同埋可以屋企冰格放都得！
咁，發展到而家，點少得偉大嘅俄羅斯戰鬥民族呢。俄羅斯呢隻，「上次話得92%」。可惡也！點撚做嘢的？餵你去做黑熊點心好未？（其實應該冬眠中）再測過！結果今次再測，有95%，同美帝睇齊啦，黑熊仍在冬眠。
另外，話只係10蚊美金唔使，平過埃汾Patreon，嗚，頂爛市。
不過，魔鬼在細節啦。普京自己都冇打，原因你懂的。「主因以他所處的位置，不適宜嘗試仍屬測試階段的產品。」。陣間打完手震按錯核彈掣就唔好啦。
又，中國嗰啲冇晒聲氣嘅？不過唔得唔好夾硬嚟嘛，其實以上呢堆疫苗呢，即使平時唔係anti vaxxer嘅，我估都唔少人有啲保留。姐係，「打咗有得去日本嘅，我老死都打！」。但將心比己，有仔女嘅，就未必急住畀佢地做白老鼠了（雖然唔係，但都係會咁諗），呢啲嘢唔使鬥快嘅。
（＊）我亂作的。不過，俄羅斯嘅十月革命，係指俄曆。公歷係十一月。
============
了解更多：股市漁夫系統 免費試用
股市漁夫是一套高績效的選股系統，系統運用技術分析配合統計學製作出不同指標顯示短、中、長線的港股表現；較一般指數更能反映真實市況，對分析後市走勢有絕對的優勢。股市漁夫選股系統透過精密的方程式去找出股票強弱勢頭，全天侯自動分析個股走勢、突破股、大市評論及視頻等功能。莊博士獨家的運算方程用 「破勢」、「止賺」把機會向用戶展示。漁夫選股系統更有不同種類之篩選股票準則來提高勝算。
莊志雄博士為股市漁夫創辦人及香港大學專業進修學院客席講師，並在Now 財經台合作主持《名家給力場》。
股市漁夫是香港財經媒體，而股市漁夫選股系統由莊志雄博士及成家博客Homeblogger團隊共同研發，2018年 11 月11日正式推出，此前莊志雄博士曾任職《信報》研究部主管，並先後於和記黃埔、AXA安盛、永泰地產有限公司、永道管理顧問有限公司（Coopers & Lybrand）等不同類型企業及上市集團擔任管理顧問、財務及市場分析工作，涉及範疇包括資產管理、地產、電訊及電子商貿等。
