400萬投資方略(續)

>>按此回問題 >>按此看答案上部份    下部份答案: 上回提到四百萬之投資方案一,是將一百萬港元兌做澳元買入高質債券,三百萬換做人仔定期,係假設人仔同港幣不升不跌之下,爭取4.8%年回報率。此方案之弊病係萬一黎緊一年澳元兌港元下跌超過11.25%,即約由現7.95跌至7.0水平,及後跌破7就會連2.0%低水回報亦不保。   坊間你可以聽過不少類似之產品,如不跌破咩位就收高息,之後收低息,類似係由此原理衍生而來。但關鍵係澳元兌港幣係金融海嘯時低見4.6,萬一匯價暴跌就會「收埋息都回唔到本」,有冇辦法將此風險去除呢?   答案是沒有方法完全去除,但可部份去除。你只會獲得更多回報,在風險及不確定性之提高是必然的,除非市場運作效率差勁吧! 外匯股票定期一向是高效市場,更不容你在辦公時間用肉眼「偷雞」,要麼就高風險高回報,一係就用港紙收0.X%定期年息,至於你有市場內幕就不在此限了。去除方法為購入一個澳元兌港元之認沽期權,一般銀行沒得做的,你要去股票行問一問。記住係「買入」一個「認沽」,搞錯左好麻煩,而唔想煩就返回上篇用較簡易方法,風險亦不是很大。買入權証要比期權,你就用400萬本金之一萬幾千爽快地比吧,淨低三百幾萬放定息生息定可收回買入權証支出。當澳元兌港幣下跌認沽期權可補貼你匯價上之損失。 另一建議是不買入澳元債券,改做買澳元債券基金,但令你在澳元那(1/4)部份之投資變成不保本,有約一年可升可跌10%之可能。筆者自己就鐘意債券基金,反正今年跌,下年都很大機會升返。 運用期權都係買保險之一種,市面大部份保本基金都是用此原理運作。另外有些人問人仔唔一定兌港元升,更會下跌。筆者只可以講所有提供方案都是有風險的,本人亦只能在控制風險上盡力。

Read more

我的投資秘笈(答)

>>回問題及上部份答案   但在投資方面,筆者是保守派的。睇數據、計機率,希望用贏多輸少之方法倍大自己辛勞所得、盡快達成財務自由最令人「爽快」。你是音樂發燒友嗎? 筆者認識一位uncle早年開廠努力淘金、將早年賺到金錢合理地分配、創造被動收入。現時在觀塘開設試音室,得閒請筆者上去飲杯咖啡。坐在大梳化聽著一首又一首試碟歌,真正認識何謂高音甜中音準,而uncle將改善喇叭效能變成自己工作、開設廠房及零售店出售不同檔次之玩樂套件,真正將興趣融入了工作,亦不需要為退休冇糧出而煩惱。   需然uncle之事和讀者暫時是風長牛不相及,但萬丈高樓由地起,在年青時先擁有正確之理財觀念,實可令你早日完成不同之財務目標。理財第一步,就是先要有資本,儲錢除可令你早日有錢作投資外,亦令自己習慣去規則自己生活、從而規劃人生。有人話人生不需要規劃,但筆者認同適量之規劃,是「預期控制」之一種。你先對未來有個諗法而控制了自己和父母之預期,到時少失預算便少些波動情緒吧!   讀者應該都知自己係收入上有咩弊病,仲咁落去難同銀行借錢。想比廿萬首期而借九成按揭上會,如果保持住無糧單又無每月出糧之銀行記錄,相信財務公司先會借出錢。至於佢講30歲前買落二百萬付物業出租及投資是講買一間樓定兩間樓呢? 暫昤未明。筆者建議他們做月供股票投資,沒有年期限制但手繽費會比你一筆過買入一手股票貴。當中之原因為股票在港是一大熱門投資物品,十分方便買入,又十分多人於股票中輸錢。輸錢之於因大多源於自身的貪婪與恐懼。大多數人於輸錢時的痛苦感受遠比贏錢時之快樂強烈,所以「寧願贏小一蚊,都唔想輸一蚊」。因此出現不少股壇阿嬸贏錢就急急放、輸錢就死磨難磨的現象。筆者敢肯定用人頭計,香港大部份股票「投資者」都是輸錢的!   但為何筆者叫讀者以身犯險,月供股票呢? 因為在港股票投資者眾,「還掂都比人呃、不如趁早來個教訓」。當然筆者滿心希望讀者買股票賺錢的,但如不幸蝕本,在廿幾歲之齡不算是壞事。筆者最怕係四十幾歲人走去第一次學人買股票,工作多年當然累有資本,但對於股場又不為熟悉,一輸就金額以百萬計,係餘下人生未必能把虧本追趕回來。   雖然在homebloggerhk筆者大談買樓之道,但不代表筆者不推薦股票。其實外幣樓房股票黃金各有各好處、就像是家中之鏍絲批、較剪、鋸同刀。你的做法便是因應時機找對工具去完成工作,好像你找牛肉刀去剪紙,劈左成朝都做好,寅係疚由自取。但凡有讀者問邊種投資工具最好,我都會copy & paste,將筆者之諗法同佢再度分享。   至於投資當中之收費,實在要留意的。坊間中很多投資工具,其實都由幾種基本之投資工具演變出來。產品發行商在演變之中「抽水」多少,便是你需留意之地方。投資最好是簡單易明、低收費,筆是是認同的。

Read more

股票組合重組(答)

 >>按此看問題 恆指三個月升幅約為10.8%(21526-23444)   現值比重(total=$625300) 股價三個月變幅 ~beta 5 匯控 175100(27%) 75.75-87.55(+18%) 1.8 13 長實 85500(13%) 77.95-85.50(+9.6%) 0.88 166 新時代能源 4000 0.9-0.99(+11%) 1.02 883 中海油 78700(12.5%) 15.96-15.74(-1.4%) n/a 1105 星島 23000(3.6%) 1.08-1.15(10%) 0.92 1211 比亞迪 32000(5.1%) 19-32(+68%) 6.0 1299 友邦 31050(4.9%) 28-31.05(10.8%) 1.0 1733 永暉焦煤 12200(1.9%) 1.18-1.22(3.4%) 0.32 2128 中國聯塑 59500(9.5%) 4.2-5.95(41.6%) 4.0 2601 太保 60200(9.6%) 23.85-30.1(26.2%) 1.6 3800 保利協鑫 21800 1.93-2.18(12.9%) 1.04 3988 中國銀行 42020(6.7%) 3.11-3.82(22.83%) 2.15   […]

Read more

股票組合重組(問)

諗樣先生:本人持有下列股票組合已捱了一段頗長時間,以現在的組合請問應該如何處理呢?雖然你很少談股票,但仍希望 諗樣先生趁此新春能夠給我寶貴的指導及意見,指點是否應該繼續持有或全部沽出,捱了幾年才等到現在當然想等到平手,但又怕它轉勢再給它緊緊地綁住,希望諗樣先生幫忙分析,舒解我的困擾,謝謝!       #5 $96.70共2000股, 193400 #13 $78共1000股, 78000 #166 $.35共100000股(20合1後尚持有4000股), 35000 #883 $17.60共5000股, #1105 $2.72共20000股, #1211 $55.40共1000股, #1299 $26.00共1000股, #1938 $2.73共20000股, #1733 $4.72共10000股, #2128 $6.50共10000股, #2601 $34.05共2000股, #3800 $4.15共10000股, #3988 $4.27共11000股, #8161 $.305共128000股, #8192 $.33共80000股(10合一時用0.015買了80000股,現時持有16000股) 謝謝! 敬祝身體健康,得心應手 小二上 >>按此看答案  

Read more

點解每兩年買間樓? 樓市下的平均投資法 (答)

->>按此看問題 偉哥:    是的! 大部份人買股票都係輸錢為主。要獨有慧眼加上高心理質素先可在股海淘金。根據諗樣之前「身無分文,必須賭博」既道理,如果你必須在短時間搵舊大錢,放在股票或期指市場博一博是必須的! 否則以偉哥既portfolio,就好似三國故事中荀攸進言曹操一樣,曹操勢大人多,只要堅守及囤糧,假以時日,只會比吳蜀日益強大,同佢地距離只會越遠。所以偉哥只要做好工作,將錢放係有意義既地方,要上岸不難,當然要做老闆或成大富,又要一番拚博。      股票或基金每月平均投資法差唔多大家都聽過,但係樓宇平均買入呢? 相信冇咩人提及。其一當然係香港多買賣完整業權既物業,二黎樓根本冇得拆開黎買。施老闆成立中原領先指數本可衍生更多樓房買賣工具(如散買),但樓宇買賣透明度不高令指數認受性被質疑。偉哥要平均咁買樓房,實在要手頭有番咁上下實力先掂。      沙士升到而家既威力  細心睇偉哥問題就知廿倍回報點黎。一間係沙士值1.1mil既樓而家升到3.0mil。如果你當時用十萬本金做九成上會,你而家賬面賺二百萬,真係好和味。所以投資最緊要睇時機,但係時機確實冇人肯定捕捉到,不如keep住投資係樓市,升同跌都有租收。      *本日再貼文,請在下方LIKE/LOGIN收看全文章

Read more

投資股票定基金好?(答)

->>按此看問題   首先多謝讀者歡歡幾次來文,本月諗樣外遊,回覆稍慢。究竟「投資股票定基金好」係一個好問題,本篇將自己諗法分享下。   投資梗係想嬴錢!(有部份手揸黑錢大佬除外),所以先講咩因素對投資賺錢最有影響。諗樣答案為投資者本人既心理質素。心理質素一詞太廣泛啦,為左客易講解,今次將心理質素解為兩個範疇:即1.有幾貪心2.有幾大膽,然後再將呢套理論塞落眾人度,應該符合到80%既民眾。人既心理太複雜,那怕只係搵一套符合99%人既理論,恐怕窮一生之力亦未尋獲。   諗將先將人分做四類,然後睇下基金定股票對佢較合適。股票交易成本低,容易買賣,升得快,故最受港人歡迎。基金一詞係本篇指市場佔最多份額既開放式主動管理基金,即係有基金經理個隻。其餘基金種類如交易所買賣基金、私募基金、封閉式基金不在此討論。基金交易成本比股票高,又比股票難買賣、升得慢,好處係比股票可投資更多海外市場,亦可透過基金用幾萬蚊投資原本一手賣幾百萬既債券,間接降低入場所需資金。   你問下自己如果買iphone5隨你放低幾錢都可攞機走咁你會放低幾錢? 同埋點先可以搶到最多iphone黎test下自己有幾貪心同大膽。或用自己方法。   1.     好貪心,又細膽 呢個類別好多人都係架! 但係又唔想認。如果你發覺自己買股票成日升少少就走,賺極都係粒糖而又輸間廠既! 你好可能係呢類人。投資醫治方法為買基金,最好仲要買有年期個一隻! 五年至十年儲蓄期為佳。基金因沽出難,有時仲要龐大交易成本,所以令人不願沽出。就因為咁貪心既人投資基金先可以食盡一個升浪,幫自己儲到錢。但歡歡都提過基金收費較貴,諗樣認為兩害取其輕,如果基金收費一年只係幾個%,諗樣寧願比左佢好過輸間廠。貪心既人一般唔想先比人搵笨,所以通常唔會選明碼實價收費較高既基金既。但要改變「贏粒糖輸間廠」既宿命,只有逆自己心意而行。其實貪心人一年買N次股票個收費仲多啦,佢睇下報紙又忍唔到手入市,成個月個傭可能比左成千銀(你知貪心人好少用五蚊傭個間既服務)。   2.     好貪心,又大膽 呢類人係推動社會既楝樑,貪心既好處係有源動力(真係greed is good!)。有膽色又肯博唔好堆沒佢,快手買股票。你最好三十歲前博盡佢,睇下自己係咪可造之材,咪搞到四五十歲人先輸哂成副身家。呢類人結果好極端,一係住大屋一係訓街。通常一夜成名既trader都係呢類人無端端咁黎。   3.     唔貪心,又大膽 你係呢種人就最好。你應該做到所有股票投資者回報既expected mean(平均)好些少。當然從未有人計過個mean係幾多,諗樣所察呢個係負數。唔貪心既人買股票成績一般較好,應該先學習股票既硬知識,再用自己既大膽係市場上一博。仲有,唔貪心既人會少留意財經貼士新聞,反而可以少受市場塗毒,更有獨立諗法。是的,貼士少睇為炒…   4.     唔貪心,又細膽 唔貪心又細膽,又唔想博又驚青,咁都係唔好搞咁多野。如果真係要係基金同股票二擇其一,不如買隻股債基金長揸啦,由外人同你決定揸幾多股同債,個人就free出黎開心咁過自己style.   可能你會問投資技術唔係好重要既咩? 點解唔提? 諗樣認為如果你唔識咁多野,咪搵一兩隻股票睇熟佢炒都得! 放低書本。真正幫你搵到錢既,係自己心理質素。至於歡歡講既「恒生股票,」、「收費」、「客觀既事實同數據作比較」,下篇再談。

Read more

收息用債券、賺價靠股票(答)

->>按此看問題 其實靠大笨象股票收息真係唔妥,有幾慘烈問下大笨象既投資者就知,內銀股亦唔係隻隻派得疏爽。唔用感觀判斷,係數字上5號仔beta值唔係高,息只係比較吸引,投資人應可搵更佳投資工具取代靠5號仔收息。 你買大笨象可能因佢信譽超卓加上透明度較高既派息政策,可惜派幾多息根本任佢講,到不如買入幾隻房託加上ETF收息,免除大笨象之公司風險,或唔講5號總括而言,你買一隻股票去收息,要受公司之風險,有消息令你大升固然好,但係一日跌10%你收成年息都補唔返。所以要有股票般買賣既方便,又唔想掣錢大上大落只要收息,咁買交易所買賣基金、房託比利用單一公司既股票收息好。 另外都有基金做呢類野,佢地買一堆同地區或同國家既股票而每月或季派息比你。買該種基金幫你去除大部份公司風險更可每月收息,已知市場上有年息六厘選擇提供(每月派出)。最後梗係要講下諗樣成日提既債券,因你想筆錢收息,其實債券就係不二既理想公司。股票係幫你賺價既,應該利用股票對消息既敏感性去爆作從而炒作。 講左咁耐,建議S先生再審視現有portfolio,係總流動資金入面幾多錢想用黎收息,幾多錢願意用去追逐股票30%既上落。如果你答案係一半半,well,咁你咪一半放入債券收息,一半用黎趁低就入下建設銀行,咁分比較好。如果買股票資金願意接受更大波幅,買下中國建材係好選擇! 切記唔好再打電話上電台話自己買中建材係長線,自己係長線投資者! 最差既心態就係貪心想博短線,自己又唔認。 S先生係穩當投資人,不是諗樣上段個種。只要理順自己股債分佈後,耐心等待時機入市買樓。由於S先生有宿舍,所以不會正面受樓市大升打擊,比人猛加租。頂多出面既野貴哂,受通賬所累而銀紙冇咁好使而矣。入市區域宜參考諗樣前文: 一路向西論樓市,荃灣東涌一帶將受新基建而跑贏大市。將軍澳供應太多而灣仔區大多數舊樓,按揭未必做得長。但係舊樓尋寶係不少樓市老手既玩意,宜等經驗累積後而作之。 不計你現時所擁有投資及現金,保守去估你的借貸力約為9.65mil,在淡市出擊買兩間優質屋苑貨都可以了。現在你適宜得閒去睇下樓,除非個市跌到零三年咁反艇,否則筍貨係要靠自己先預備同勤力先搵到出黎。估計樓市像一個搖擺的鐘,2003年由特首加力向跌一方擺,到曾時代自然大力升向另一邊。往後波幅均不會超出2003年及往後高位所創的升跌百分比幅度。 另外請勿一注獨贏,有子彈都拆幾間樓買。因為之前住開宿舍,可能你要比人多睇樓先了解到座向、交通及居民質素對一個屋苑呎價走勢上影響。

Read more

來港投資有咩好? (答)

->>按此返回上篇看問題   HOMEBLOGGERHK近期有不少外國網友發問,令諗樣深表欣慰。讀者:「不是富人」已移居外地,相信是歐洲地區。回頭一望,絕對發現到「The beauty of doing investment in Hong Kong」! 首先hold住間樓唔使比稅,收租當然要比,不過稅率較低。 亦冇資產增值稅、臨死都唔使比人屈筆遺產稅。香港印花稅合理,買賣股票亦冇增值稅項,更加冇開微銷售稅。所以「不是富人」真係要越洋問一問,睇下點處理手上資金。 首先關於租給留學生之投資,此舉不少港人都錢去外國做此類安排。如讀者所述,未除稅之回報都只係五厘多些少,加埋當地資產升值潛力有限,其實未算吸引。香港現時樓市偏高,如讀者仲係持有香港身份證,可由以下途徑增加自己借貸能力。首先聯名持有家人之居所,筆者不明白你是在港物業定係外國,點都好如果間樓有爭錢你最好向銀行再做轉按以便除去借款人一名。如你擁有港人身份證,在外國銀行出糧是可以計作收入,在港銀行借錢的。不過要係auto-pay,有銀行statement,加埋僱用合約,計到約七成。即係你地兩人月入約港幣$45000,要打個7折即$31500,可每月作約$15000的供款。 係香港月供$15000應可借到約四百萬。現時基金五十幾萬,股票十幾萬,現金六十萬港元。建議使用獅子或渣打銀行服務,佢地只要存夠一百萬,可以免費將錢由香港戶口轉到歐洲戶口,又或調轉做都可! 近乎即日到匯,不過每日轉最多約五十萬港元。有此「武器」係手,你可以將一半錢轉做人仔定期,放係香港戶口收2-3%年息唔難。 強積金可以轉做股票,費事咁強迫啦。在港資產組合宜一半定期,一半股票,不用急於現時置業投資。以三十餘年歲更可七成股票/基金,三成定期。股票基金上年最佳市場應是印度,泰國,菲律賓,如有講錯還請指正。來年基金重點應是亞洲市場,日圓吹風下跌會鼓勵日人提款外出投資,等日圓跌定後再買番日圓。總之港人有時真係身在福中不知福,大陸人諗計黎張香港身份證,其實外國人亦十分想的! 可惜受政治所限,大舉招攬有質素外國移民看來不行。

Read more

資產配置大轉移(答)

連結->>按此看問題   可見如樓市大跌,「一半(46%)身家係樓市」既Albert實在十分之傷,當然大部份香港業主都一樣。而股票只估3%,定期及cash加埋多及51%。放開Albert關於樓宇既疑問,其實albert真係應多諗股票及債券投資。如果諗樣有呢個朋友,可能會有此對話: 因為cash已多至超過albert 100個月入面要用既家庭開支,所以albert可以將部份cash變做長期而保本的純債券,留意發行人風險。一般和黃、東亞銀行都係4.5%年回報以上之選擇,唯需放約5年年期。以albert大量現金黎講,放二百萬係港紙債券真係濕濕碎。人仔可以定期,其實可以物色更高息人仔債券,6.5%可期。原因係albert以45歲年紀實在可在有風險投資,而佢到中年都買咁少股票可見佢對股票市場興趣不大,或早已戒買。將人仔放係新世界類似既人仔債券,應該冇問題。 多改動後albert有15%總資產係港元債券收約4.5%年息,9%資產變做人仔債券,另15%放係2.15%mortgage link。仲有淨現金8%(38%-15%-15%),可以連同4%(cash allocated for shares)加碼買入股票,完成後股票佔總資產約20%。最終分配為24%債券,20%股票,46%樓房,10%cash,債券為albert提供$190000年派息。樓房不用急加碼,現時有屋住又有cash在手者宜等一下。 Albert確實要買多間樓,咁可以退休後至少一間屋住一間收租,可惜係政府多重加壓下,買樓投資既贏面不見多。當然albert可以有一個諗法,就係工廈投資。冇SSD而又可由現時活化中尋寶。當然由買賣住宅到工廈買賣,確實又另一個學問,希望可以解答到albert疑問。

Read more

買房託比買樓更佳??

->>按此到討論區發問 可能你都聽過人講:「我有個uncle炒股票好叻,成間半島豪庭就用佢炒股賺既錢買番黎。佢比過兩個number我,506我冇買點知升到傻左,所以今次813我買番幾手。另外佢話有d股票可以長唔放,好似823, 2778咁! 有錢就買d用黎收息,唔使成日睇住咁煩,派息都派成6厘。你而家買樓都冇收成6厘息啦!」 首先樓確實係香港人至愛,連衝量人炒股成唔成功都要用舊錢大到可買樓黎表明。Well,希望可以由本篇討論下港人在投資上幾個諗法。「比number」呢個term真係好神聖,每隻股票只要經「比個number你」呢個詞彙修飾一下,即刻變得有神聖感同吸引力! 另外比number一定要配合仙股用,因仙股市場係無理得唔可以用任何基本或技術分析去解釋。只能用民間口耳相傳一些關於該公司既謠言,而當股價稍有眉目大批民眾即可協助炒高爆上。 但係,炒仙股而發達既機會有幾大呢? 相信長睹必輸既理論適用。由於你唔係insider(即係該公司管理層或關連人仕),所以你買入該股贏錢既機會最好只係50%贏面。你玩幾鋪確實有連贏機會,但次數一多你必然輸返哂落去。所以除非你真係insider,否則都唔好指望靠股仔賺錢,恐怕賺個名牌手袋都難! 近排房託咁hit都因為823升到40蚊,但係奇在d人仲以為佢派息仲係6厘。首先諗樣認為你筆錢主打收息就唔好買股,主打賺價就唔好買債,每樣投資工具皆有其優劣而投資人需做就好適當運用其特性。就因為咁買房託請先留意佢現時派息率及價格。仲有買股一般好少可做高倍數槓桿借貸,買樓就可以,因為抵押品質素大有不同,此乃股樓其一大分別。係冇槓桿下,用40萬買股票只可以用該筆數留黎計6%息。而樓房提供五倍或至近十倍槓桿下,你比40萬首期後可以用400萬去近3%回報收租,分別好大! 當然風險係可輸到唔要間樓都甩唔到身。 最後,亦係聽過n咁多次,就係講呢個投資方法係你唔使成日睇住。其實投資都係一分耕耘,一分收穫。請唔好再相信咩買隻匯豐擺埋佢放十年呢樣野啦。一係比心機搵多d,一係就分些少時間睇下你既投資啦!

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室