樓奴是下賤之說?

而家講買樓一定有人話供唔起,貴到離哂譜。其實人生盡是苦劫,你唔做樓奴唔代表你生活一定輕鬆一點。相反苦作奴隸肯先捱苦既,往往可以最早離開「難民營」。   呢個「難民營」有幾個特質: 工作時間超長,九點返到公司隨時九點先走得,訓醒又要返公司,每月出糧扣家用找分期已所剩無幾,最慘係唔知為乜! 難得晉升加人工都係幾千蚊,就算每年加的五千蚊人工我睇中間樓一年都唔只升六萬銀! 如果我係出面租樓、又要交稅,真係一個仙都儲唔到,年年就咁白費過!! (其實人生絕對唔係只得錢,可惜大家身處既難民營係世上最功利既地方)    係營中待得耐些少既又有另一睇法: 書已經讀哂MBA都做埋,有舊錢係手又唔係多到可以亂fing個隻。每年交稅比營長掠一筆之後都係儲多幾十萬,樓又狂升唔跌,股票呢年都賺唔到咩錢,營長班人先可以做到野? 壓低個樓市比個靚位我入貨?   其實錢志健先生早期文章:「買樓作投資,財富起步點」早有提及買樓係累積財富最穩當方法,方法好在適合大部份香港人使用。其實方法好簡單,不過很奇怪沒咩人提及。晉身小富方法只不過需要對抗你內心既弱點: 貪心。   股票點解咁多人玩呢? 因為好多人覺得股票搵錢快。諗樣同幾個股壇前輩傾計,發覺佢地買股票都要盡量戒除心理影響因素,及好有耐性咁去等某幾個機會出現。想快搵錢又係源於貪,而樓宇買賣剛好剋制到各位營友內心既貪念。   大家收花紅後有多少閒錢通常都諗下點樣消費、去邊旅行。社會上既廣告全部都叫你做呢樣野,如果唔係marketing班人點有飯開呢? 攞錢去買股票通常金額細容易贏,去到大茶飯一刻始終都未竟全功,倒不如將筆錢先放落間樓做首期,再作供樓變成強迫自己儲蓄既一種方法。   如果根本一間自住樓都冇,建議買間樓先自住。胡亂咁估樓市幾時下跌自己趁平入最危險,因耐力不足既人可以會係樓市真係最瘋狂一刻忍唔到手買貴樓。   投資物業最唔好的地方就是需時很久才見到成效,中間的過程很悶,非十年以上不會看見成效,但期間左鄰右里,親戚朋友投資股票,熱鬧非常,又認購新股,又收認股權證,原來這些是遊戲,最後是要付出費用。想「悶聲發大財」定係搵自己錢去「趁熱鬧」,閣下自決。    係各國政府開哂機咁印銀紙下,你當初欠下銀行既按揭債務好快會被貶掉。其實買樓上會就好似同美國政府坐埋同一條船: 錢可以爭住你,最緊要利息低唔駛點還息,第日美金根本唔值錢我怕你何來? 供樓永遠係頭十年最辛苦,有人話供樓要成三十年為作苦作樓奴,諗樣認為點解唔趁後生為自己日後退休累積多點資產。而兩手空空踏進退休之年,實在是無奈而又最奴隸化既生活。 請到諗樣網like fanspage表支持!

Read more

供30年樓係樓奴?

係做左咁耐agent之後,billy發覺同客人做唔成生意最多人問有兩個問題。問題之一就係「供咁耐樓我唔想做樓奴!」究竟供得越耐,係咪「奴役」越長呢? 銀行一般提供5至30年既按揭供客戶選擇,息率跟最優惠利率調節。我地首先將息率假設在今時今日約2%不變。借三百萬港元: 十五年期月供 $19000總利息約$470,000 選擇三十年期 $10978總利息約$980,000 即係如選三十年每月還款額少近半,但利息接近多一倍。要等三十年先可以清還債項,咁係咪傳統智慧教落越快清還越好? 當然唔係,最大原因係你借左既「只係」港元,如果香港銀行提供美元借貸的話,筆者會更樂意去做,現時未有時間去citibank查詢是否有該服務,如讀者知悉請在此留言告訴大家。因為港元兌美元1%的差價絕對抵得上美元正在暴跌的購買力。 通脹已殺死了貨幣。自美國於1971年取消金本位制之後,通脹係其後三十年慢性毒殺貨幣,八十年代十幾萬買間樓,而家幾百萬都未必買到樓。同一道理,選三十年按揭每月用成萬蚊供樓,他日萬元都唔夠架車你入油。所以你成日聽班「老野」同你講後生買間樓,慢慢供,越供越輕鬆就係咁解。有冇諗過15年後港幣的購買力,會同而家既yen(日圓)差唔多? 即係日本城會變做「100yen店」?你冇100蚊都唔使旨意買到個水杯! 何況現時在日本100yen都變哂「120yen店」了。 你會問有冇咁跨? 請放心美國政府會幫你一把的。係下年三月德國個angela走人之後,美國更可連同歐洲黎個「印銀紙大合唱」,實行「有錢今朝洗,煩惱留下世!」港紙仲係同美金掛勾,輸入性通脹必然在港發生。如果我係未上車既,我認為現行既經濟模式係會不斷推升實物資產價格的,請把握不同地區內的社會動盪或政治事件令樓價調整時入市,但大跌確實未見催化因素。 現時美國樓市已有不少港人或「大款」在名校區附近買樓收租,所以你話如果「香港政圈」肯「齊心」去發展醫療同教育產業,社會會真正「和諧」一點,可促進經濟及幫輕老人問題,提供外來資金令在港居民得益。 如果息率上升到5%呢? …..   ……….已隱其餘內容 (內容已放入出版新書「樓換樓」,請在2013年7月19日後到各大書局購買) 或網上和筆者認購請email: [email protected]

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室