小陽春樓市速報

周未各大報章分別以「樓價大躍進」及「沙田細價樓瘋搶」為題,究竟咩躍進同點自處呢?   抄寫生果報的成交個案一談,留意破頂成交除了銀海外,其實均是實用面積700平方呎以下之樓宇,如果面積用宏觀比較看法,列出新高成交均是細價樓。而淨低既銀海,因單位是相連,固買家出高價收購亦不足奇。但有點幾可肯定,就係今次小陽春之聚焦盡放在細價樓。生果報不時在樓市報導時將讀者焦點放在看升既一方向(近來),但今次同大家黎個細價樓highlight算是正確的。   問題係? 細價樓猛咁升對後市有咩啟示?   筆者認為經過小陽春後,就算樓市唔跌都會停下來。而家決定去追價買樓既,不少買家係財力未足,擔心以後買唔到樓而夾硬上車之輩。筆者見有極少個案係財力充足而又選擇將資金投入住宅市場,但佢地都係將賺左既錢放番入去「玩」,極有能耐持貨長達十年。細價樓上升顯示連購買力較差之買家都焗住買樓,購買力已被消耗了一大部份,樓市需要在過年後下調。但今年比較特別,如習總新上場真係可以過完年既工作會議推比預期多之有利經濟措施,有可能升到第二季先跌。   至於你問:「唔比有錢人一野買十間細架咩??」筆者睇法係而家有錢買物業投資既,都會選工廈而放棄住宅市場。有米之人腦筋亦唔差,無啦啦比你SSD困三年,為乜呢? 樓市上半年會先高後低,直至年中居屋5000個白表近出籠,社會又作熱騰騰的炒作。睇下邊個發展商趕住撲水,利用農曆年假試圖出貨。   近日筆者專心整合blog中之文章,發現之前對樓市之評論,還蠻可以準的! 「三百萬上車盤」既出現,「低位於第四季」之斷言,真係衰野就開口中!   7/7/2012 按此到->>2012上半年樓市round-up: 三百萬樓下既放盤買少見少   http://www.homebloggerhk.com/?p=4686   23/8/2012 按此到->>下半年樓市展望: 十月已經開始調整   http://www.homebloggerhk.com/?p=4844   我相信比起出面班財演,諗樣都好有交代了。我仲唔使收錢添。

Read more

再談三十歲擁有兩間樓(答)

->>按此看問題   答: 其實阿勇你都好識諗,對於廿六歲既你有咁諗法加上手上現金都已經算「人上人」。起碼你知換左做「人仔」攞上大陸存高息定期係比較麻煩同受管制,另外你只要不斷將錢係唔同銀行攞黎攞去做新資金定期都已見3%年息,犯不著走上大陸賺多1%。 你儲多半年錢,睇下新特首有冇首置貸款或其他筍野益你先決定下年初買唔買樓。樓市成日話過完年有小陽春,反轉黎講就係聖誕至農曆年前係冇咩人買樓既,你可以趁呢段時間出去執死雞。 樓市係有循環,不過大家都估唔到幾時係高定低。以你而家資金比較難做包租公,想買一間樓就咁租出建議你儲夠最少六十萬。如果真係想趁而家買,有以下方法: 一係叫屋企人比你將間村屋按出去借幾十萬,用自己做擔保人。借三十萬分十年還都係二至三千蚊。有多三十萬cash即係有七十萬就鬆動好多。你可以買間細些少既,開頭租比人四年後收番黎再裝修結婚自住。可睇元朗蝶翠峰 ,一個細兩房賣約2.6mil,七成上計埋洗費同印花稅要七十餘萬先埋到單,會用去大部份手上現金。一係就target疊茵庭 ,二百萬左右可用六十萬按七成上會,印花稅只一百蚊,租出去有七千蚊收,供又係七千蚊,還左本金當儲錢。 方法二係買間新淨樓比屋企人同自己住,當做孝敬下父母,比一成首期二至三十萬上會,再租出村屋補貼供款。到自己結婚就搬返去村屋住,呢幾年再儲多幾十萬係三十歲出頭買多間樓,咁樣你可以係三十歲擁有兩間屋仔。當然! 係兩間未供完既屋仔,都算ok啦! 到四十歲第一間樓可以已提早k.o,另一間都供左一半。 總括咁講想做「包租公」冇咁易,不過你都好叻仔儲左一半買樓首期咁滯。其實方法二幾可取,孝順父母之餘又可以運用九成按揭先買一間,可以慳返資本到三十幾歲再買多間。弊處就係辛苦自己,成日住係村屋,不過識計數既人都知自住間樓最殘,最有投資價值個間租比人係數字上對自己最有利。「先享受」定係「先辛苦」各有捧場客,自己想想吧。     

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室