換新鈔2021銀行兩個趁機劏客策略 #2238
諗sir好 我是101TEDV78及103TEDP62學生﹐有問題想請教你﹕ 上堂時講睇DIVIEND PAYOUT RATIO睇具體係點睇?比較兩年既 DIVIEND PAYOUT RATIO?少左代表唔好? 債基AM CLASS 指什麼? 如果有約230萬HKD現金(不急用)﹐您會建議怎樣分配債基及債券﹐本人之前沒有交易過債券經驗﹐但希望分配到債基及債券上。 謝謝您的專業建議 蔡同學 ANSWER: 堂上提及是債基分兩個版，一個版是派息率未扣除年管理費的，另一個版是派息率已扣的。由於學生一般想知佢拎左例如100萬出黎，佢實收幾多? 所以正常是用已扣除管理費那個版。而銀行職員為求「笠客」，比客睇就多用未扣的，咁派落隻隻就派8-10%息，好睇又冇陳述虛假，而客都受落不過收錢時就知是另一回事。這好比地產經紀收盤時通常都叫客簽埋可+/- 20%叫價既聲明，方便佢地報平20%個盤價比客，例如1000萬既樓係廣告出820萬，睇落好抵但問到又另一回事。 由於地產個邊做得太濫，才會有地產鋪出黎叫「我要真盤源」。但亦很像一個負面宣傳，好似你特登出個節目講韓國其實大把人冇整過容一樣。銀行監管更嚴，職員只可用真確的資料再用自己方法演繹。很多人不是買了很差的產品，就是被牽著繞道，白花了不少手續費而錢又賺唔到。 至於債基確實有些是拎本金出黎派息比客，而唔係買債收息再將債既息轉比客。原因可能是基金經理買了下跌的債，引致派唔夠息而要拎本金去維持常有的派息率。亦都可能是買了美金債但要派歐羅息，近一年美金跌而兌返歐羅時少左，唯有沽緊D貨拎基金組合內既錢派息。 通常無拎本金出黎派息既債基，不時會得登整張派息比率去展示自己從本金派息之佔比是0%，讚自己叻叻豬。當然有系統去查，就是快速看基金年報及參考佢派息版單位長時間之單位走勢，這些在收息課會逐一展示做法。 230萬現金，主用債基。300萬或之上，好似昨天個案，可開始用直債。因直債雖保本但入場門檻要160萬一條，如你只200萬資金而拎160萬去買一間公司之直債，等於將投資組合集中在一間公司，此為大忌，間公司一有咩事你會驚同易被震走，即人地講既「持貨力弱」。投資前唔係睇邊隻會升，而是考慮一旦要賣呢項投資物出貨易唔易，同埋會否因一項投資而壓死我大半身家。尤如餐廳或學校出牌前主要考慮有否至少兩條走火通道，而唔係佢教得有幾好。 債基由2020年中至今主用亞洲債，留意亞洲債基金有些風險高而回報低，而我們在量度過風險及回報之後，將正確買法提出予學生，其一就是，又似昨天個案咁分三注同埋睇客觀數據5粒豆去買，昨天個案學生提及埋佢2020年3月輸錢時的處理，頗有參考價值，我地講贏之餘亦有人輸過，關鐽係一開波就比定逃生方法佢，輸都唔會輸大錢而家仲會能力加注。諗SIR早年在銀行工作，好似而家一月全公司都努力跑，基本上一定會叫客買野同埋用股票基金，希望博到個市升就叫客走貨同係農曆年派利是封時叫佢轉返一次，賺多次佣，變相個客用幾千或幾十萬去買一疊利是封。我幾肯定可以話:「本星期開始換新銀紙，去到BANK經理一定叫你將埋原本既貨沽去TAKE PROFIT，然後再叫你添資金加注買基金。保險唔急SELL住，到年中個市開始跌才叫客叫基金轉保險。何況保險上年生意好差，無大陸人，即係上年基數細今年要met到保險target唔難，咁梗係賣左基金先!」 再唔係，出個30%股票掛勾比你。十幾年前，我個客十蚊鬆接中國財險，到而家放都仲要輸一半，當年中可油幾隻保險股都好fit，大把人話長揸冇問題….今時三萬點而財險6蚊都未返到，中石油(857)就…. 拿我接手個陣佢已經有張掛勾，單財險唔係我叫佢掛架。客人就由港島半山，換樓去返九龍半山。所以你跟郭富誠咁去理財，我唔知你究竟有幾多架跑車可以輸先? 債基用番(A餐+黃金票據)，A餐唔槓都派7%，槓埋應過10%，用我地證券行槓後唔怕落TU，唔影響你之後借錢買樓。至於黃金票據派息10%(計埋比美國扣稅)，2020年3月大跌市都只係跌少過15%，而家升番哂。我地唔教你用BITCOIN賺大錢，亦唔教你快速賺1000萬退休，只係叫你做好「兩樓一份債」，過著一樓自住另一樓收租，加埋百餘萬買債基咁每月被動收入有25K-30K，今個月開始下個月就有息派到你戶口，有收入自己你可去好多地方生活。