【莫家強】揀股票嚟買,一定要揀強勢股

港股,純粹睇指數,一啲都唔弱。朝早,曾經跌過,但大概9:45am已經能夠企穩,執筆之時,指數已經倒升。不過,下跌股票數目仍然遠超上升股票。 呢個就港股現時既情況。有部份股票係強既,但大部份都仲係好弱,所以揀股票嚟買,一定要揀強勢股。 >>>>>>>>>>>>>>>>>>>>>>>>>>>>> 至於美股部份,今日有少少唔同。點唔同呢? 我想介紹一隻ETF畀大家,個code 係CHIH,但呢隻ETF,主要都係買港股入面既醫藥股,最大成份股分別係1093、1177、2269。 無架,如果你有一隻心水既醫藥股,當然你可以直接喺香港買。但如果你係睇好成個醫藥板塊,但又唔知揀邊隻最好,又或者想買多幾隻分散風險,咁你既另外一個選擇,就係走去美國股市,買ETF。 有咩好處?美股係以一股做單位,入場費極低。而且,如果你想分段買,或者分段沽貨,美股都會靈活好多。 而港股最大既問題,就係呢啲產品,自己都唔做好,反而喺美國股市仲做得好過你。所以我哋既港交所,真係走失咗好多生意。 呢隻ETF,鍾意香港醫藥股既朋友,絕對值得留意。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】完全係典型既托市格

港股既情況好簡單,就係托大股,沽細股。一睇幅「市場熱圖」,成件事就會好清楚,左邊既大股升,右邊既細股跌,完全係典型既托市格。 托市,唔一定代表個市就快會跌。相反,如果啲大戶仲有好多貨要沽,指數可能仲會平穩向上多一段長時間。不過,就切記唔好「追落後」。你走去買啲落後股,就即係幫啲大戶,接哂佢哋唔想要既劣質股票。總之就係,買,就買強勢股。 至於美股,經常都係提住隻蘋果,無辦法,大股之中,暫時真係以佢最強。但無所謂,現階段就繼續享受住蘋果既升幅先,到之後情況有變,先再轉其他。到時,再update。 期權方面,港、美都一樣,記住,Long Call係要做喺一啲可以「大升」既股票之上。微升既股票,你做Long Call唔會有用,但只要隻股票可以大升,咁期權內既槓桿就會將你既回報倍大。 咁咩為之「大升」? 複雜既講法,視乎引伸波幅高低,隻隻股票都唔同。簡單既講法,最低限度一個月要升到10%以上啦。如果你連隻股票升10%都無信心,就唔好Long Call喇。 總括而言,近期,唔同地區既股市都係睇升架喇,淡倉,完全唔會考慮。要開淡倉,就留意住有邊啲股票,連個市咁好都升唔起,到個市升幅中止,呢啲就係我哋開淡倉既目標。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】最近創咗一年新高既地方

  一直都講,環球經濟好好。如果唔好,就唔會有咁多股市升。 美股,當然已再度轉強。再講MSCI指數,最近創咗一年新高既地方,也括法國、意大利、日本、荷蘭、俄羅斯、瑞士、台灣。好多地方既股市,其實走勢都好靚。 我唔會睇少嚟緊有機會出現既環球股市升浪。特別係一啲最強勢既股市,未來12個月,可能會升到你唔信。但係,上星期講過,唔好期待會雞犬皆升。事實上,係應該只會有一少部份股票能夠大升,但只要你揀得中呢啲股票,回報肯定會非常理想。 >>>>>>>>>>>>>>>>>>>>>> 蘋果,講咗好耐,大股之中,最睇好既係佢。我知道好多朋友都已經上咗車。策略,好簡單。只要隻股一直升,就要放膽去揸。 切記,唔好明明已經揾到隻好股,但都只係賺雞碎咁多就落車。唔改好呢樣嘢,畀隻幾好既股票你都無用。 蘋果,不經不覺,股價已經上到去255蚊以上。我自己睇,中長線有排都未升完。 有朋友問我股價睇幾多。 我無呢啲專欄式既目標價提供。但反而,我想大家明白一個concept。一隻有盈利前景,賺既錢會愈來愈多既股票,佢既目標價係會不斷提高。你硬係要set個目標價,其實無意思,最多只係會增加你落錯車既機會率。 無架,隻股一直升,咪一直揸囉。到時,去到高位,股價走勢轉弱,咪食餬走囉。但係,如果情況順利的話,蘋果股價既大漲小回格局,係有機會維持一兩年以上。總之,跟住策略做,如果分析正確,呢一兩年,大家可以賺到既回報,就會相當理想。 最後,值得一提,恒指升幅唔錯,但東亞銀行(0023)既股價仲要下跌。 點解成日要講住隻東亞銀行?就係要話俾大家知,如果你係揀咗隻衰股、弱勢股,個市升,係可以唔關你事。 學返好啲concept、tune返好你既心態、留意返你應該留意既股票,跟返好策略,只要你每樣嘢都做返好,你既投資回報就會反映。 暫時寫到呢度,如有特別情況,再同大家講。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】我想講情況偏偏相反

成日都有專家話環球經濟好差。 但如果真係咁差,應該周圍既股市都跌啦。但我想講,情況偏偏相反。 美股,唔使講,已再次轉強。另外,意大利、日本、瑞士、法國、台灣、俄羅斯既MSCI 指數,都創咗一年新高。 大家可以自己上網睇吓。睇過,你就會知道,其實環球經濟好強。 好喇,以下再講我對後市既睇法。 1) 美股,毫無疑問處於牛市三期。 2) 「上帝要你滅亡,必先令你瘋狂」,牛市完結前,通常都會有一段好急勁既升浪。 3) 但牛市尾段,唔會係乜股票都升。 4) 會係只有少數股票上升,但呢啲股係會升到癲哂。 5) 美股業績大部份都唔錯,都唔係每一隻業績好既股票,表現都好,某程度上應驗咗上一點。 6) 所以,大家買股,一定要買強勢股。 你明白我呢啲睇法,你就會明白,點解我會叫大家買貨;點解叫大家,如果隻股票升,要貪心啲,一直揸落去;亦點解,跌既股票,一定要止蝕。 美股牛市,我相信仲未玩完。不過,2年內,應該會完。 如果你問我exactly 幾時完,我真係答唔到你。不過,歷史就係會不斷重演,每次牛熊既走勢,都唔會完全一樣,但大概,都會係嗰個樣。當你花過心機去研究過往既走勢,嚟緊會發生既事,其實你會大概有個模樣。餘下既,就只要係跟住個策略去做。呢啲,就係我相信既嘢。 咁港股呢?港股既問題係,連一個完整既牛一、牛二都無,你唔使諗會有個健全既牛三。 點解港股會無咗個牛市?制度問題。大概係七、八年前,明顯地,制度開始崩壞。淨係我大家一個問題,過去八年,有邊隻嚟上市既股票,質素係好?你會數到幾多隻? 港股,唔係無好股票,但比例愈來愈少。如果你係高手,都一定會有機會贏,但大部份普通投資者,輸面好高。 以上既睇法,大家可以思考吓。 最後就係,都有人問,蘋果仲未上車,仲買唔買得? 中長線,我相信有排都未升完。最理想,當然係240蚊樓下買到啦,但佢會唔會跌,就唔知喇。如果你識得用期權,就會有多啲方法做,優勢更大。 不過,無論如何,一隻好股票,你量力而為咁去買,又有耐性睇長線,萬一跌,你又肯走,我睇唔到有太大風險。計好數,就買啦。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

【莫家強】今日集中講蘋果

我知有好多朋友都揸咗,今日,就集中講蘋果。 首先,我哋要明白,蘋果係一間正在轉型既公司。以往,佢既增長動力,主要係來自iPhone既銷售增長同埋提升售價。 但係,根本佢哋既管理層一早都睇到,呢條路已經行到尾聲,再行落去,蘋果唔會有前途。所以,佢哋做咗好多嘢,去為公司尋找新既增長動力。 好喇,因此睇業績,唔好再將重點放喺iPhone度。但咁要睇啲咩? 上堂嗰陣我都講過,唔好用倒後鏡去睇公司前景。要睇一隻股票,重點係睇佢既「動力火車頭」夠唔夠力。 蘋果既火車頭,我認為,非常夠力。 其中,Airpods既銷量,係所有無線耳機之中,排名第一。而呢樣嘢,好重要。 無線耳機市場,大家睇返啲數據,增長得好快。而無線耳機本身,會係喺5G時代入面,其中一樣最重要既產品。將來啲無線耳機可以做到既嘢,一定唔止依家咁。 而蘋果,已經喺呢個市場入面,佔據咗一個有利位置,對佢未來既發展,好有幫助。 幫啲咩? 真正可以令蘋果股價長久上升既動力,來自訂閱服務。即係,一訂咗,就要每個月或每年畀錢既服務。同一個product or service,只要可以轉成呢種收費模式,對公司既得益就會增加。 而蘋果,係推展呢樣嘢,做得相當出色。從佢哋既銷售模式,大家可以睇到,佢喺sell 產品既同時,其實係做咗好多嘢,將大家引入佢哋呢個盈利模式當中,令我哋會定期畀錢佢賺。如果你係果粉,你應該明我講咩。 對於蘋果公司既長遠前景,我非常睇好。 再者,就係全球唔少地區既股市,走勢都好好。美股之外,日本、台灣、意大利等等既MSCI指數,都喺今年高位。成日聽啲專家講話環球經濟好差,真係差既話,就唔會咁多股市都破頂。 無架,最重要就係,順勢而行。你揸到隻好股,下一步最重要既就係,隻股一直升,你要有決心一直揸落去,咁個回報先會好。蘋果,中長線嚟講,遠遠都未到價。唔好問我目標價喺邊,因為一間有盈利前景既公司,佢既目標價係會隨時間不斷上調。 如果情況不變,借股神畢菲特既一句說話, “Our favorite holding period is forever.” 買到一隻好股,唔好咁容易放走佢。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。    

Read more

【莫家強】指數,我自己唔會睇得太淡

一陣會出匯豐做節目,今日早少少出post。 先講港股。 指數,我自己唔會睇得太淡。因為,內地要維持指數穩定,其實好容易,只要放少少水,重點托高十隻最大權重股,指數就已經無得跌。 不過,下跌股票數目偏多既情況,從來無變。除咗揾啲少數強勢股嚟買之餘,亦可揾啲弱勢股造淡。喺香港股市入面,大把衰股,如果股票期權有開價的話,不妨造淡。 至於美股,蘋果今晚收市後會出業績。上堂時我都講過,美國投資者係非常重視業績。而如果出嚟既業績偏離預測,啲股票係會有機會大升大跌。中細價股,有機會即時上落20%以上。以蘋果既size,大概會上落4%左右。 中長線而言,我好睇好蘋果。蘋果既生意愈做愈好,諗住長線投資既朋友,我覺得唔使擔心,業績後我會update大家對蘋果既睇法。但玩短線既朋友,要預計蘋果股價會有波動。 識玩期權既,有多一個機會。 業績前,蘋果今個星期到期既期權,引伸波幅遠遠高於較後同期日。呢樣嘢,喺業績後,就會修正。上次Snapchat同Visa都賺到,今次蘋果都有呢個機會,熟識期權既朋友,要留意住。 今晚期權班正式開班,報咗名既朋友到時見。 另外,12:30PM,http://xn--money18-hc5kp88a.com/ 睇直播,我會同匯豐Billy 同大家分享輪證部署。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

【莫家強】耳機更加係現時唔同公司既必爭之地

蘋果即將推出Airpods Pro耳機,香港售價係$1999。 唔係賣廣告,但相對於手機,耳機更加係現時唔同公司既必爭之地。 手機,差唔多架喇,你點變,都好難再令大家爭相換機。基本上,只要循序漸進地提昇機能,變足市場既換機需求,就已經算係合格。 相反,耳機,仲有大把發展空間。而且,profit margin 可能比手機仲要高出好多。 另外,蘋果既盈利增長點,仲有係不斷推出一啲新既增值服務。只要呢樣嘢做得好,蘋果既股價會有排升。呢樣,亦係我睇好蘋果既原因。 我知好多朋友都已經上咗車,我既建議係,只要股價走勢繼續向好,大家就要貪心啲。只要美股一日唔出現股災,佢喺股價會可以長連超過一兩年以上。 更外一隻我好鍾意既大戶,大家都知道,係Microsoft。喺雲端業務上面,似乎係佢行得最穩定。而且,佢既CEO Satya Nadella係一個好聰明既人。與其要同其他公司去競爭,佢好識得將競爭對手化成合作伙伴,變相令公司未來成功既機會增加。 事實上,自佢於2014年上任CEO至今,Microsoft既股價就升足咁多年。仲有無得升?我相信又係有排升。 Visa 走勢已好轉,Mastercard,等埋業績,我再同大家講。前者,set 好位,我覺得已經可以買返。後者,唔想博既,就等業績後先再玩。 至於港股,留意住企穩後成交會否減少,出現啲個情況,後市更難再升。但無論如何,造淡最好瞄準弱勢股。弱勢股三個要點,1) 下跌趨勢;2) 早前升市中反彈乏力;3) 市跌立刻跟跌。 乎合以上三點,又有造淡工具的話,就係我哋開淡倉既目標。大家不妨自己嘗試尋寶。   風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】美股指數又再有發力跡象

上星期都講過,環球唔少地方既股市都造好,對於好多話全球經濟不景既評論,我實在覺得莫名其妙。 美股指數又再有發力跡象。有朋友問:「你睇牛市仲會行多幾耐?」 個人估計,不會少於12個月。因為,我真係見到美國既經濟仲係好強,而且,好多Reits 同銀行股走勢都轉強,完全唔似會短期內轉入熊市。 當然,我自己已有exit strategy,就算估錯,都會有位走。但亦都係呢個原因,現時,我唔係好怕持有股票。 大股當中,最靚既,我仍然覺得係蘋果。中長線,我相信仲有排升。已經買咗既朋友,繼續持有啦。星期三收市後會出業績,到時睇情況,再同大家跟進。 另外一隻我好鍾意既大股,係Microsoft。佢啱啱攞咗美國國防部價值100億美金既雲端合約,今晚既股價勢必再創新高,keep 得到升幅,後市好大機會能夠再升。 至於Mastercard,今個星期都會出業績。Paypal、Visa 業績後既股價表現都OK,Mastercard業績後,話唔定可以為呢個板塊再注入上升動力。有特別情況再update大家。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。   風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】用期權玩返Visa

今日早少少出post。 有啲朋友,有得玩美股期權,早兩日我已經叫佢哋可以用期權玩返Visa。 Visa同Mastercard兩隻股票,基本因素極佳,長遠我完全唔擔心。只係,短線股價表現未得,所以正股未買住。但用期權,已經可以玩返。 收住時間值先,一邊賺住錢,一邊等佢既股價明確好轉,就追正股。用呢個方法玩,輸既機會好細。 Visa出咗業績,睇埋今晚股價既開市表現,後市既走勢就會明確一啲。 另外一隻,正股未買得,但啲期權好好做既股票係Roku。呢隻,啲期權金好多,收息一流。唔過於進取去做,風險唔高。 Paypal業績好,有啲走漏眼,但睇法不變,中長線我仍然會prefer Visa同Mastercard。 蘋果,仲有人問買唔買得。中長線仍然OK,但當然,依家先仲係考慮緊買唔買,timing梗係差好遠架喇。但只要唔股災,蘋果,我相信仲有排升。 Microsoft,有再度轉強跡象,鍾意又未有貨既,現貨買得。 Amazon,業績後跌咗落嚟,可能係好事。高位我就唔玩佢喇,低位如能企穩,可能會有投資價值。俾少少時間我,研究完,遲啲再講。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。   風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】簡簡單單揸住啲強勢股

熟識我既朋友都知,我傾向鍾意玩啲穩陣,長遠有升值潛力既股票。炒股,睇時機啦,如果個市係好到雞犬皆升,咁梗係炒啦。但呢一刻,肯定唔係咁囉。呢一刻,簡簡單單揸住啲強勢股,其實仲好。 港股,事實上強勢股票,真係唔多,但又唔係無。公路股,會係唔錯既選擇。例如,548、1052呢啲,其實收入長年都上升,股息率又高,加上咁多年嚟既表現,好明顯睇到,呢兩隻唔係攪攪震,呃投資者既股票。如果你係想收息,買呢啲真係好過買內銀。 總之,一啲有古惑嘢既股票,我都盡量會避免買。你避咗,贏錢既機會高好多。 至於美股,大股之中,現時真係以蘋果最好。今日,又見有大行提高咗蘋果既評級,會有助推動股價繼續向上。有貨,就繼續揸啦。 另外,Nike宣佈明年換CEO,股價有啲回落。新CEO叫John Donahoe,做過eBay,以及係現時ServiceNow既CEO。呢樣嘢,短期內有機會令Nike 股價出現波動。暫時睇,影響應該都唔會好大,但安全起見,要set好止蝕位,唔跌穿85.87,可以繼續揸,跌穿要走。 Visa 同Mastercard,自8月後走勢明顯減弱。但喺群組中,有期權做既朋友,我已經建議可以開始部署做嘢。你有期權,贏面會大好多。呢兩隻股票,基本因素極好,長遠唔使擔心,加埋期權去做,輸錢機會唔大。 至於正股,等埋Visa業績,再觀察正股反應,再決定下一步點做。 至於Paypal,質素不如Visa 同Mastercard,加上走勢差好多,暫時唔會考慮。   風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室