【莫家強】呢一個係環球嘅股市升浪

今日不在office,長話短說。 大概上年11月,我都同大家講,如果你嘅眼界唔係淨係留喺港股,咁你就會應該會睇到,呢一個係環球嘅股市升浪。 有啲朋友,甚至會睇過我用Metastock 掃俾大家睇,原來好多國家嘅MSCI 指數都係喺度破緊頂。 意義喺邊? 就係呢個唔會係走勢陷阱,而係真升。 呢篇文章,我想好簡單咁講兩個重點。第一個,升市莫估頂。 其實同樣地,如果有一隻升得好好嘅股票,有人同你講:「升咗咁多,無得再點升㗎喇。」呢句其實都係估頂。 你一有呢個思想,我就算俾你買過Apple,你肯定都會一早走咗,賺唔到呢咩錢。你睇吓,昨晚Apple 已經升到上309蚊。 我都覺得隻蘋果升得好痴線,但最重要你嘅策略要做啱,「佢繼續升,你繼續揸。唔好估頂。」 而且,呢啲股票只要股價走勢稍為轉差,就已經好覺眼,你肯走係一定可以走得到。所以,無嘢好驚,佢繼續升,你就放膽揸啦。有啲朋友,我知喺隻蘋果度都賺得相當唔錯,恭喜哂。希望嚟緊可以再賺更多。 至於第二個重點,就係叫大家,唔好睇少下一個調整嘅威力。 當你睇返以往嘅情況,邊度喺股市都係,喺最癲嗰吓升勢出現之前,通常都會先有一個好深嘅調整。最經典,就係港股2007年8月17日,我哋叫做嘅大奇蹟日。 喺之前,恒指已經調整咗近三千點,然後喺「817」嗰朝早,恒指半日假再跌過千點,好多人都對個股市嘅前景完全失望,清倉離場甚至反手造淡,但點解叫做大奇蹟日呢?就係下午恒指由低位數19386點,反彈至20387點收市。然後,喺10月31日,恒指就升到最高31958點嘅牛市高位,兩個半月時間升近13000點,跟住成個牛市就玩完。 唔知道歷史會唔會重演。但點都好,做定心理準備,假如下次嘅壞消息唔係今次美伊衝突咁即日攪掂,大家真係唔好掉以輕心。 另外,學好點玩Long Call同Debit Call Spread呢啲有限風險嘅策略,會幫到好多手。 美股,繼續睇好,情況有變再update大家。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

【莫家強】唔好睇消息既本身

我成日都講,唔好睇消息既本身,要睇市場對消息既反應。 有朋友問:「反應,要睇幾耐?」 好難講。有時,你要睇耐啲;有時,好快就知道結果。例如今次,根本你睇到成個市既表現,最多加埋Trump Trump個live,你都知道市場根本無擔心過。我既做法好簡單,如果見個市都好似當無事發生,咁咪無事發生囉。 我又無水晶球,我只不過係識一個方法可以令我賺錢既機會增加,風險減少,而呢個方法用四個字就可以總結 – 順勢而行。 Apple、Microsoft、S&P Global 呢啲股票全部都升返哂,升,咪繼續睇好囉。 好,另外講多樣嘢。 做投資,居安思危係好,但就切忌杞人憂天。唔最好既就係,當一隻股票正在一直上升既時候,你就不斷去幫佢揾睇淡既理由。蘋果,如果你成日都驚,240蚊又話估值高會跌,260蚊估值高會跌,280蚊又話估值高會跌,300蚊又話估值高會跌,咁結果會點呢? 最後,舉例,佢升到上420蚊,然後回落至380蚊,咁你點都會有一次估得中佢會跌。但咁又點先?你走去380蚊去買。 投資唔係咁架。做返好順勢而行,揀返哂啲質素好既股票去投資,成件事就會唔同。當然,如果你能研究到一啲股票升跌既pattern,提升買賣技巧,再識得點玩期權,你既優勢就會更大。 但我既睇法係,如果你既投資心態攪唔啱,咁你識啲咩技巧都無用。 美股,暫時無嘢要擔心,繼續睇好。有特別事發生,再update大家。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。    

Read more

【莫家強】投資策略入面有四個字好重要…

喺我既投資策略入面,有四個字好重要,叫做「捨難取易」。 我喺做法好簡單,我會先以Metastock去篩選出升勢最平穩既股票。 咩叫做平穩?就係佢喺股價,喺絕大部份既時間都會上升,但又唔會升得快。升得太快,未必係好事。試想像,你未上車,如果隻股票已經挾咗上去,咁你去追貨,就有機會喺一個過高既價錢買入,影響回報。 但如果隻股票一直係以一個平穩既速度上升,咁你就唔會有呢個concern。 我追求既,唔係要隻股短線內升得多,而係要佢平穩上升得嚟,升既時間夠長。例如,可以持續三、四年以上,一直上升。 而呢啲能夠長線上升既股票,一般都會係比較優質,基本因素較好既股票。你買既時候,你買大注少少,你都唔會有任何擔心。 回報率,當然都重要。但假如隻股票,你係驚到買都唔夠擔買得大,只係敢雞仔注去買,咁我就算俾你一年賺100%,又如何? 而且,你唔可以安心買得大,長年都只能維持喺雞仔注既階段,咁你又真係可以靠佢哋致富咩? 我寧願你買返一啲你真正相信既公司。Apple、Microsoft,當然我成日都講,如果出現股災,我都會走。但喺正常情況下,你揸住呢啲股票,你係會可以好放心,會訓得著覺,而且佢哋長遠既回報絕對唔差。 所以,大家真係要諗清楚,你買股票既目標係咩。目標清晰,你就會知道你要向邊個方向去揀股票。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。    

Read more

【莫家強】一個令賺錢變得容易既關鍵

一個令賺錢變得容易既關鍵,兩個字,趨勢。 趨勢愈穩定,賺錢愈易。上升趨勢又好,下跌趨勢都好,只要有適合既投資工具,就可以順勢而行。 我做呢行,我最明白。我以前都係,今日話睇好,過兩日個市轉差就話睇淡,無錯,個市變咗睇法梗係會唔同,但結果就係 – 睇你評論既朋友會無所適從。 點解Apple、Microsoft呢啲會咁易賺到錢?因為,個策略你會好容易就跟到。好耐喇,一直都只係叫大家「升就繼續揸」,但只要跟住做,根本就唔會有任何犯錯既空間,個個都會賺到錢。 再者,有趨勢既股票,假如狀況有變,你會好容易就察覺得到。 假如,Apple、Microsoft他日經營前景有變,股價下跌,你係無可能唔會知道,你肯走一定走到。買呢啲股票,其實你既風險仲低。 至於恒指,無明顯趨勢出現,其實將來佢會點走,絕對唔易估。 係咪成日都聽啲專家講話「炒股唔炒市」或者「炒市唔炒股」,但聽完都唔知佢哋講咩? 其實又係好簡單。如果個市有趨勢,但啲股票反而上落不定,你就玩個市啦。但依家既情況剛好相反。恒生指數無出現趨勢,但好多股票反而趨勢明確,所以,你可以揀啲有趨勢既股票嚟順勢而行。 最後,報咗名期權新手班既朋友,今晚見。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

【莫家強】升勢根本就係非常平穩

新一年,先祝大家新年進步。 2019年,如果講美股既話,升勢根本就係非常平穩。全年,可以話係無風無浪咁上升。相對嚟講,賺錢算係相當容易。 但2020年,未必係咁。 美股,我相信今年會有一個「泡沫升勢」,啲最強勢既股票將會升到你唔信。但過往出現呢個升勢之前,通常都會先有一個好深既調整。 道理好簡單。大戶想要挾高個市,肯定會盡量先震走哂啲散戶,等少啲人可以跟到上車,咁佢哋能賺到既錢先會係最多。 所以,大家一定要識得點樣處理風險,要做到可以無後顧之憂,咁把握到呢個升勢既機會先會係最大。 今年,我認為期權策略既重點,係刀仔剧大樹。即使,你用一啲有限風險既策略,去博以倍數計既回報。 Specifically,有兩種策略,你一定要學好點做。第一個,係Long Call。第二個,係Debit Call Spread。 唔係要學識點做,而係學好點做。 呢兩個策略,做得好既話,升市你會賺到好多錢。但就算不幸地遇上股災,佢係可以完全排除你會輸大錢既可能性。 正如以上所講,可以做到無後顧之憂,你心態就會強,贏錢既機會自然就大好多。 至於,有朋友問我,今年係唔係買基金既時機? 我唔知點解佢會問我。但基金,你要問清楚兩樣嘢。第一,如果你真係喺短期內沽貨,佢要幾多日先可以執行到你既指令。第二,要攞錢走,有幾多收費。 我唔知,我唔係基金條例既專家,但你要知道一旦股災出現,係所有股票都一定要走。如果你買既投資產品,係無呢個選擇,其實你係將自己擺喺一個好危險既位置。 股票,最大既優勢,就係你要沽貨,即時你已經可以沽哂。你肯走,一定可以走得到。 最後,今年,我相信可以用八個字概括:「風險更高,機會更大」。但如果我哋啱兩三個重要既投資決定,今日既回報將會遠勝上年。 有特別情況,再update大家。 下星期一既期權新手班,坐位有限,要報名盡快報喇。正式課程,將會喺一月中開始。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】2019年即將完結,做一做展望

2019年即將完結,今日,做一做展望。 但首先,第一樣嘢我想講既嘢係,唔好擺錯focus。 其中一樣就係,唔好擔心下年會出現股災。你真係要care既係,你點樣喺策略上可以確保自己,即使出現股災,都唔會輸大錢。 而最重要既就係四個字:「順勢而行」。 諗返今年年初,喺facebook上面都有人講過話:「美股升咗咁多,仲叫人買?」 但你仍然買睇到啲Visa、Mastercard、Nextera、Microsoft、Apple一直係咁升上去。 有人話美股估值貴,咁梗係貴啦,依家係牛市三期,點會有得估值平。但係,估值貴,唔代表個市就會跌。 牛市,係唔會因估值貴而完結。會令佢完結既,係「泡沫爆破」。不過,美股根本未有耐去到泡沬。如果你咁早就擔心股災,會令你好似2019年一樣,錯過哂成個升浪。 再講,環球股市,仍然繼續造好。過去5個交易日,以MSCI指數計,股市創一年新高既國家包括比利時、巴西、加拿大、丹麥、法國、意大利、荷蘭、新西蘭、瑞士等等。咁大規模既環球股市升勢,唔會咁易無聲無息就完結。我會相信,下年全球股市普遍仲會造好。但咁講,買,一定係買最強既股市。我自己,會繼續押注喺美股。 「上帝要你滅亡,必先令你瘋狂。」 下年,喺美股,絕對有機會出現一個升都你唔信既升浪。但升完,回落之時,你記住係要清貨,甚至用有限風險既策略,調頭造淡。 但最危險係咩? 「睇定啲先啦。」「個市好貴喎,回啲先買啦。」 你一有啲呢啲諗法,將來個市由最高位回落之時,就係你買貨既時候。而如果你真係咁做,我唯有祝你好運。 今年,我哋喺美股造得相當唔錯。下年,我相信只會更好。總之,學好策略,tune 好心態,做好準備就去努力把握嚟緊有可能出現既機會啦。共勉之。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】聖誕節將至,但大市成交未見有太大跌幅

聖誕節將至,但大市成交未見有太大跌幅,原因,可以係投資於港股既,絕大部份都係內地資金。 不過,升跌股票既比例繼續唔靚。暫時,恒指差不多係無升跌,但就有838隻股票下跌,卻只有673隻股票上升,明顯地「派發」弱勢股既情況並無停止。 對於美股,大家都我睇得好好。但有朋友問:「咁港股你覺得會升到去邊?」 我無話港股一定會升。事實上,喺得知港交所總裁小加連港交所股票都沽走之後,我會更加睇淡港股既前景。 當然,如果美股真係升得好勁,某啲港股都係會被帶起。但亦會有好多股票,係一啲都唔能夠受惠。 例如經常講開既東亞、翠華、TVB,美股升市,關佢哋咩事? 淨係大家可以睇隻東亞,恒指呢排升咗咁多,佢都可以就嚟又再跌穿底。又聽吓馬雲講,你就會知內地經濟依家係咩情況。總之,就順勢而行啦。 >>>>>>>>>>>>>>>>>>>>>>>>>>>>>>>> 至於美股,真係好強。超多股票,相繼破頂。 上堂我講過,除咗係學技巧之外,你係要俾時間我,等我可以不停用唔同既角度例子、數據去說服你,轉為買強勢股票。 買強勢股,有好多好處。 呢啲強勢股,好多時候都一啲質素既公司,長揸,你贏錢既機會好大。買強勢股,風險先唔高。 咩係風險高? 就係當隻股票轉弱,你都唔察覺,唔識沽貨離場? 你試吓隻蘋果,唔好話跌,只要佢有兩三個月升慢少少,你都已經會feel到佢有問題,跌穿位你一定識走。 係呀,佢既股價係已經升咗好多,但揸蘋果股票危險啲,定係揸TVB股票危險啲先?呢條問題,唔使我答啦。 >>>>>>>>>>>>>>>>>>>>>>>>>>>>>>>> 聖誕、新年,係西方節日,大家可以預咗,美股應該會開始變得淡靜。或者會有多少window dressing,但都要過年後先會見真章。呢啲時候出啲股票訊號,我都唔會睇得太重,都係會等假期過後再觀察。 亦先提早同大家講句Merry Christmas,希望大家都會有個愉快聖誕。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

【莫家強】其實走錢既情況相當明

今日不在office,早啲出post。 有人問我,對港股前景點睇,我話唔睇得太好。佢問點解? 我話,其實走錢既情況相當明顯。如果你識啲人既話,你會知道好多有錢佬都開始遠離港股。其中,可能包括小加。 有句說話,叫做「身體最誠實」。如果你話港交所既股價升到去好高位,而你沽貨,我覺得都仲講得通。但港交所既股價落後成咁,都要沽貨,仲要係持股量由0.08%降至0.03%,即係沽左大半,呢個由小加身體發放既signal,重要過佢講既千言萬語,佢點睇港股後市,好明顯啦。 >>>>>>>>>>>>>>>>>>>>>>>>>>>>>>>>>> 但美股,完全係另一回事,呢幾個月我都一直講,我會睇佢繼續上升,直至泡沫爆破。 短期,可以加多樣嘢,博佢會有window dressing。 Window dressing既意義,在於金融員工可否出多啲花紅。例如,最直接,有啲基金會有表現費收,如果基金年結價格愈高,收表現費愈多,員工份bonus自然就愈大份。 但港股會唔會有window dressing? 梗係無啦。大部份港股基本今年表現都好差。唔好話推高股價,除時年尾,佢哋會由得個股價下跌,等下年個「起步點」低啲,會容易啲做到好回報。 不過,無論如何,博就博美股啦。 >>>>>>>>>>>>>>>>>>>>>>>>>>>>> 免費美股期權教學群組,聽晚就截止加入,專頁置頂有個post,有入group連結,有心學既,所有人都歡迎。但過咗時間,就唔會開放報名。 Anyway,今年喺美股既回報,絕對收貨喇。下年,如果真係出現我講既美股牛三最後升浪,我哋所賺既錢,將會比今年更多。學好技術,tune 好心態,大家一齊把握好呢個機會啦。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。      

Read more

【莫家強】好多專家都掛喺口邊話「環球經濟好差」

今日早少少出post。 大概過半月前,當出面好多專家都掛喺口邊話「環球經濟好差」,我就同你講,其實好多股市都破緊頂。除左美國,日本、台灣、加拿大、德國、法國、比利時、意大利、愛爾蘭、以色列、俄羅斯等等既MSCI 指數,喺上月都曾經創過一年新高。 「股市先行於經濟數據」,近日,我哋終於開始聽到啲專家話,經濟數據有所好轉。 呢個就係問題。如果你係靠睇經濟數據去買賣股票,我話俾你聽下一步會點。 「你有機會喺下一個股災中,輸大錢」。 美股,之前一直都講,將會步入牛三最後升浪,2020年,會升到你唔信。幾個月前我開始講呢樣嘢嗰陣,唔知大家點諗。但今日,呢樣嘢,正在一步一步實驗。 只要你揸啱股票,下年,你會賺到好好既回報。但之後點?美股會出現泡沫,然後爆破。所以,你要識走股票。 唔好再聽新聞炒股票喇。聽新聞炒股票,係「令你變得目光短淺既最佳訓練」。日日分析新聞,你中股災既機會就會增加。 要睇big picture。 如果我既估計準確,下年,我哋將會先再賺一舊大錢。然後,就要睇住一啲泡沫爆破既跡象。有既話,就開始走股票。走完,食完糊,最重要一步,就係頭也不回,暫停玩股票一年。呢啲,到時再講。 >>>>>>>>>>>>>>>>>>>>>>>>> 好喇,最強既兩隻大股,蘋果同Microsoft,繼續揸就可以。 如果倉位,可以再分散少少,就更好。上個月派過一篇文章,講過5隻升勢最穩定既股票,表現都唔錯。 兩隻信用評級股,都繼續睇好,希望升勢未來可以加速。 仲有好多我叫「C餐」既股票,同學都可以博下。 總之記住一樣嘢,唔好怕追強勢股。只要隻股轉勢時,你有策略去走,就唔會有危險。相反,買落後衰股,仲危險得多。 都係未理解到既話,問自己一條問題。做蘋果定TVB既股東,邊樣先係危險啲? 今年,喺美股既表現相當滿意。明年,若然真係估中行牛三最後升浪,就只會更好。大家,要做好準備,去把握呢個機會喇。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

【莫家強】好慣常係急升、橫得、急跌

港股,策略上星期都講咗,假如見大市升幅減弱,就逐步減倉啦。每三個交易日,如果見個市都唔係好升得起,就沽啲貨,慢慢沽,真至沽清為止。 講指數,過去大半年,好慣常係急升、橫得、急跌。 所以,如果個市繼續升,啲貨可以繼續揸。但係,一變成係橫行或窄幅上落走勢,走吓貨絕無壞。 中美貿易戰,大家都明白,唔會咁快打完。中美既貿易爭拗,係一定會一直持續落去。如果因為呢兩日既升市,就諗到港股可以徹底轉跌為升,咁可能真係有啲天真。 >>>>>>>>>>>>>>>>>>>>>>>>>> 另外,真係唔好再買落後股喇。今日,港股既下跌股票數目,又再多返。好多弱勢股,都再度下跌。 我明白,啲升既股票,大家可能會覺得股價貴,未必敢買。但點都好,真係唔好因為咁而走去買落後股。因為,呢啲股價長期下跌既股票,背後好多時都係一啲完全無前景既公司 例如係,TVB。 上堂講過,我非常睇淡TVB既前景。今日簡單講講。 睇TVB呢隻股票,可以用2013年為界。2013年前,TVB係一間非常唔錯既公司。2013年後,持續崩壞。 記住一個特點,TVB係營運緊一門好燒錢既生意。生意好嗰陣,當然無問題,但生意一差,兩個情況會出現。第一,會死得好快;第二,一錯過咗某個時機,就好難再救。 TVB,以往賴以成功,係佢既壟斷優勢。但睇有無壟斷,記住,唔可以就咁睇市場份額,係要睇佢既效果。大家可以用以下呢句說話去分辨:「如果佢做得差,係咪啲客戶仲要畀錢你賺?」 TVB既客戶,從來都唔係觀眾,而係要落廣告既公司。所以條問題可以咁問:「如果TVB做得差,係咪啲公司仲要喺TVB落廣告?」 好多年前係,但近年已經唔係。我可以講,TVB既壟斷優勢已經所剩無幾,以佢咁燒錢既營運模式去睇,我相信已神仙難救。 「咁隻股票已經跌咗咁多,會唔會已經抵買?」 我諗當你睇完佢幅股票圖,見到佢既股價跌足6年,呢條問題你應該都知答案。 >>>>>>>>>>>>>>>>>>>>>>>>>> 衰既公司,只要盤生意一直營運得衰差,咁佢既股價要跌幾多,跌幾耐都得。同樣地,好既公司,只要盤生意一直營運得好,佢既股價亦都係要升幾多,升幾耐都得。 既然講開壟斷,又講下Microsoft。 淨係一樣嘢,就算你唔鍾意Microsoft,你又可唔可以真係完全唔用Microsoft既產品?你買電腦,同埋你公司部電腦,又可唔可人完全避哂用Microsoft? 無幾多人得喇掛。呢啲,就係壟斷優勢。 你睇隻Microsoft既股價,繼續破緊頂。如無意外,仲有排升,揸住既,繼續揸就可以。 總之,買返啲好既股票,你賺錢會容易好多。 最後,今晚期權課堂既免費介紹班,會講下年我哋啲期權要點樣部署。留意返以下地址,報咗名既朋友,今晚見。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室