^^【期權短評】莫家強期權短評 (2017/03/07)

風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。 【期權短評】莫家強期權短評 (2017/03/07)

Read more

^^【期權短評】莫家強期權短評 (2017/03/06)

  有朋友問:「點睇個市平定貴?」     其中一個最簡單既方法係睇市盈率。以下呢條連結,係恒生指數有限公司提供既恒指市盈率數據。     http://www.hsi.com.hk/…/dl_…/reports_stat/monthly/pe/hsi.xls     最早既數據由1973年5月開始,即係44年前。用哂咁多年既數據計一個平均數,數值係14.33倍。平均數既意思,簡單黎講係唔算平亦唔算貴。上月底恒指既市盈率係12.75倍,仲喺平均數以下。     咁幾多倍先算貴?以前學投資,睇過有一個粗略既指標,話20倍以上就叫「泡沫」,先算得上係貴。2007年10月,恒指月低收報31353點,當時既市盈率係24.26點。1999年12月,市盈率仲去過27.88倍。     不過,大家要留意返,依家既港股同過去幾十年有好大分別。今時今日,恒指都幾難上得返20倍市盈率。計一計條數,以現時既盈利水平,20倍市盈率係37240點。     我自己既睇法,恒指市盈率雖然唔算得上係好準確既指標,但都有一定既參考價值。其中一個最大用處,係可以幫助我哋揀合適策略,有機會再同大家分享多啲。     最後,個市有少少好轉跡象。聽日再講吓有咩可以做。     風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。 【期權短評】莫家強期權短評 (2017/03/06)

Read more

^^【期權短評】莫家強期權短評 (2017/03/03)

  【 #期權短評】     暫時無太多update,長話短說。       今朝同個朋友傾計,佢話睇唔通個市點走,問我應該點做?好簡單,睇唔通就唔好做嘢住。     呢一刻,最重要係睇吓自己個倉會唔會揸得太多貨,會既話就減少少啦。相反貨唔多,就唔好自己嚇自己。近兩年港股個莊好鍾意「陰」散戶,成日都係做到個市好好,之後就跌;做到個市好差,之後就升。今日之前,恒指已經連造6支陰燭,擺明係示人以弱,但係呢啲隨時係佢哋「呃貨」既技倆。     至於短期個市點走,啲訊號太亂,我暫時唔估住。下個星期等市況明朗啲再講。   風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

^^【晚間財經│視頻】聶振邦 x 莫家強 (2017/03/02)

(以上純屬個人分享,並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。)

Read more

^^【期權短評】莫家強期權短評 (2017/03/02)

「美股咁樣升法,港股都企唔穩,係咪好難再大升?」 唔止一位朋友今朝問我呢個問題。我既答案好簡單:「係。」 不過,我想大家收多一個重點。依家個市好難估,千祈唔好跟車太貼,亦都唔好出出入入太多,好易早招。用啲唔使睇市太準都賺到錢既方法,大家就會輕鬆好多。 呢排好多朋友問我點睇我市,我都會答:「唔識睇。 咁又唔係真係唔識睇,但係我睇到既係唔同既因素打哂大交,有啲睇升,有啲睇跌,有啲唔係睇升又唔係睇跌,咁你叫我點可以推論得出一個明確方向。無明確方向,最直接既表達就係唔識睇。 不過,我可以講,到暫時呢一刻為止都唔似太跌。真係要太跌,大戶唔係俾咁多時間大家慢慢走貨。恒指跌1000點可以,跌2000點以上應該可能性極細。 我會再睇住個市,睇法有變再同大家講。知道我既睇法,應該就會明白點解我既主要策略係賺時間值。 做5月、6月期權,無錯效果係會慢啲,不過只要大家睇耐少少,回報就會出現。 P.S. 2月15號講過既「上升裂口大陽燭」,今日有朋友講返,俾張圖大家研究吓。聽日再講風險管理。     話就話個市唔似大跌,不過有得呢啲高開倒跌既情況,我一定唔會撈底住。呢個紀律,曾經多次令我避免輸大錢。 另外少少經驗分享,撈底加注,我一定會等到市況平穩,自己心態「強壯」既時候先做,咁樣先有機會坐大浪賺大錢。 怯住買貨,一定唔會敢坐貨,博中都唔賺得多。相反,個市一跌就會好易被人震走啲貨,輸既機會好大。賺又賺得少,又容易輸,真係無謂。 問吓自己,依家係唔係真係咁值得撈底先?如果唔係,睇定啲先做嘢啦。   風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。

Read more

^^【期權短評】莫家強期權短評 (2017/03/01)

【 #期權短評】 識我既朋友都知道,我做Short Put既手法比好多人都保守。因為,我曾經輸過大錢,所以我知道做Short Put做得唔好既後果。 有一個concept大家一定要攪清楚,做22400 SP,唔係要恒指跌穿22400點先會輸錢,跌近都已經可以好大件事。假如恒指喺月中之前就下試23000點邊緣,22400 SP都唔係咁易守得住。 行使價揀得遠,可以有效降低風險,提升贏錢既機會。不過,咁樣仍然未夠。呢一刻,我會建議個策略「起碼」要守到2000點既跌幅,咁樣賺時間值就會變得容易好多。 不過,要做到呢個水平,有好多嘢要考慮,聽日再講。   風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。

Read more

^^【期權教室】莫家強期權教室 (2017/02/28)

係呢個原因,我叫大家唔好做3月Short Put。如果做咗22400SP,同今朝比,一張輸多$1000。 如果恒指一個星期跌1000點,咁就真係不堪設想。   風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

^^【期權短評】莫家強期權短評 (2017/02/27)

【 #期權短評】     個市都係上上落落,無乜特別嘢update。     之前上堂講過,呢啲位,我唔會股票揸太多;Long Call、Long Put等有方向再博過,依家呢啲窄幅上落市,暫時都唔會做;賺時間值既方法已經做咗,只要恒指唔好太快跌穿22000點就得。慢慢跌既話,可以守到21000點以下。不過,做得呢類策略效果唔會咁快出現,要有耐性,現階段都係只有等。     另外有朋友問,做國指Short Put,行使價要揀幾遠先安全?     行使價揀幾遠,只係其中一個因素。另外一個重點,係指數既成分可唔可以令風險分散。呢樣嘢,國指係比較差。     基本上,成隻國指有6成以上比重都係中資銀行、保險股,太過集中,好容易因為一個單一消息就大升、大跌。做Short Put既話,安全程度一定要扣分。不過,由於引伸波幅又高啲,回報都會高少少。     但係對於初學者黎講,做恒指Short Put,一定會比較穩陣。         風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。

Read more

^^【期權短評】莫家強期權短評 (2017/02/24)

  我比較少喺FB教大家做Short Put。除非係好有信心可以賺到,咁就無乜所謂。但係,做Short Put有個問題,就係一旦輸起上黎可以輸得好甘。假如開倉前無plan好點樣控制風險,出事途中又唔識處理,就會好大件事。   最簡單,如果要俾人Call孖展,識既人就會知道一定唔可以入錢補倉。唔補倉,就一定唔係無險風險。入錢,就有得繼續輸,最後輸幾多無人知。     另外,就係有啲情況係唔適合做Short Put,唔適合做就唔好做。例如,依家做3月Short Put,就係唔適合。     大權Short Put,每點$50,想賺過千蚊一張既話,行使價就要揀到去22200點。收22點,唔計使費,每張可以賺$1100。Check一吓按金,由於行使價唔算太遠,按金要$35360,回報率3.1%。     但係最大問題,做22200點Short Put,buffer得1800點左右,實在講唔上係穩陣。假如期指喺3月頭之前就下試23000點,之後大半個月只淨返唔夠1000點buffer,就會好難挨。再差既情況,係引伸波幅上漲,風險仲會更高。     呢種市況,都有相應有利既策略可以做,但一定唔好就咁做Short Put。下星期一再講。     風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。

Read more

^^【期權短評】莫家強期權短評 (2017/02/24)

【 #期權短評】 + 【期權初哥聚會 】     我比較少喺FB教大家做Short Put。除非係好有信心可以賺到,咁就無乜所謂。但係,做Short Put有個問題,就係一旦輸起上黎可以輸得好甘。假如開倉前無plan好點樣控制風險,出事途中又唔識處理,就會好大件事。     最簡單,如果要俾人Call孖展,識既人就會知道一定唔可以入錢補倉。唔補倉,就一定唔係無險風險。入錢,就有得繼續輸,最後輸幾多無人知。     另外,就係有啲情況係唔適合做Short Put,唔適合做就唔好做。例如,依家做3月Short Put,就係唔適合。     大權Short Put,每點$50,想賺過千蚊一張既話,行使價就要揀到去22200點。收22點,唔計使費,每張可以賺$1100。Check一吓按金,由於行使價唔算太遠,按金要$35360,回報率3.1%。     但係最大問題,做22200點Short Put,buffer得1800點左右,實在講唔上係穩陣。假如期指喺3月頭之前就下試23000點,之後大半個月只淨返唔夠1000點buffer,就會好難挨。再差既情況,係引伸波幅上漲,風險仲會更高。     呢種市況,都有相應有利既策略可以做,但一定唔好就咁做Short Put。下星期一再講。       風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室