【期權教室】莫家強期權短評 (2016/12/14)

智取期權 – Alex Mok 12月14日 9:43 ·   我自己走左少少Call。     【 #期權短評】   噚日做得最靚既Long Call,賺左7成幾,超過預期,忍唔住手,所以走左啲。   有朋友問,好唔好反手做返Long Put?咁樣講,我又唔會好阻大家咁做,但係我想各位睇返個引伸波幅,已經升返啲,唔係好似之前咁低。依家再做Long Call、Long Put,值博率係有,不過一定唔會好似過去呢兩下做得咁爽。   呢一刻,個市又唔高唔低,我傾向睇定啲先再做野。有機會再通知大家。   休息吓,企後一步去睇市,到下次機會出現既時候,先會更加容易察覺得到。   另外,我成日都同大家講,唔好習慣每日估市。每日估市,寫市評,係財演既責任,唔係投資者應該做既事。每日估市呢個習慣係慢性毒藥,會令大家既判斷變得左搖右擺,EQ都會變差,最後就愈來愈賺唔到錢。   市係要估,不過,都要識得同個市保持少少距離。呢個係大課題,有機會再同大家分享。   最後,希望今日個上升裂口可以保持到。有裂口,我就識玩。  

Read more

【期權教室】莫家強期權教室 (2016/12/13)

 

Read more

【期權教室】莫家強期權教室 (2016/12/13)

  【 #期權短評】   啱啱低位,我再加左注12月22600 LC。   Long Call好處係有限風險。計好注碼,聖誕節前先睇22800點。成功的話,應該會有60%以上回報。到咗,再考慮之後點算。   呢啲位,如果騰訊(0700)肯幫下手,兩吓就到。當然,我好希望呢個情況可以出現。   點樣都好,都要講吓騰訊嘅處理方法。   騰訊個勢係差,但係跌幅其實一啲都唔大。以我自己第一注貨,$200蚊成本價計,都未跌夠8%。要追,其實唔難,只係要啲時間。   一個大家可以考慮既方法,係同時沽出兩邊少少價外既Call、Put,附圖既例子,共收$8.62。   如果我有10手,我可能會Short Call、Short Put各做3張。股價唔郁,就兩邊收時間值。跌既話,要接多3手貨,成本價$176.38。可以溝低少少成本價。   升嘅話,就沽返3手貨出街,沽出價$196.12。沽左,就重覆步驟,再升就高8-9蚊左右再沽;跌既話,就低8-9蚊左右買返。   呢個方法,技術要求唔高,最重要係有耐性。買貨、沽貨都唔可以太心急。但係,慢慢做,倉位就會愈來愈好。  

Read more

【期權教室】莫家強期權教室 (2016/12/12)

【 #期權短評】   如果我叫大家撈底,大家敢唔敢撈?   呢一刻,我所有既Long Put都已經平哂倉,食哂糊。另外,我仲部署緊博反彈。   如果大家記得我講過,依家個「莊」最鍾意陰人。大家睇得愈好,佢就跌;睇得愈差,佢就升。今日,港股唔單止跟唔到美股上升,仲要倒跌,有好多人都已經將個市睇到好淡。   假如恒指再跌多少少,跌穿埋12月5號個低位,大家一定會睇得仲淡。到時,我就會博反彈。   好喇,策略點做?   其實,個市咁跌法,引伸波幅都仲可以咁低,係一件非常難得既事。假如引伸波幅無變,穿完底,再跌多少少,就Long Call啦。   最後,呢幾個月乜野都好順,最唔順係隻 #騰訊(0700)。點攪?聽日講。  

Read more

【期權教室】莫家強期權教室 (2016/12/09)

  【 #期權短評】     俾我賣花讚吓花香先啦,匯豐講座當晚教嘅嘢係有啲料到㗎。12月17號,再分享多啲。     LP,大家睇位走啦。我成日都講,有錢賺緊,你鍾意點走都得。不過,最重要係我想俾大家睇到一樣嘢,期指只係跌左3百幾點,張LP已經賺左60%以上。但係前提係,你真係要識得玩。要學得好個策略,先會有呢個效果。     之前講過,今次係小試牛刀,下次有機會,再同大家講。     個市跌返落嚟,我又唔會再睇得太淡。總之,都係嗰句,引伸波幅低就值得玩LC、LP。港股,我覺得繼續會行上落市,如果引伸波幅不變,就逄高LP,逄低LC。  

Read more

【期權教室】莫家強期權教室 (2016/12/08)

啱啱做左即月23000點Long Put,價格244點。注碼用呢幾個星期賺既錢既一半,小試牛刀。一陣補短評。 [email protected]:19AM    

Read more

【期權教室│視頻】莫家強一期一會 (2016/12/07)

 

Read more

【期權教室│視頻】莫家強一期一會 (2016/12/07)

  #一期兩會 #跟進市況

Read more

【期權教室】莫家強期權短評 (2016/12/07)

  【 #期權短評】 引伸波幅跌到咁,有一樣嘢最唔應該做,就係再開Short Call、Short Put喇。之前開嘅無問題,呢一刻肯定已經賺得好好,大家鍾意嘅食吓糊又得,鐘意繼續坐都得,點做都可以。   但係呢一刻就唔好再開倉喇,尤其係12月既Short Call、Short Put。   點解?大家睇吓啲期權金,少到呢。換言之,做Short Call、Short Put,根本賺唔到錢。   再者,期權金咁少,行使價想做遠少少都唔得,變相按金會用得多之餘,輸錢機會又高。低回報、高風險,贏錢機會又唔係特別高嘅嘢,大家都唔好做喇。   相反,Long Call、Long Put,依家會好值得博。   俾個數大家,譬如做22800 LC,聖誕節前,期指升到500幾點,回報會起碼有一倍以上。如果做22800 LP,期指跌500點左右,回報仲會再多啲。   好彩嘅話,睇中唔止500點,回報可以更高。   都係喇,唔好睇少Long Call、Long Put可以賺到既回報。大家睇位做啦。  

Read more

【期權教室】莫家強期權短評 (2016/12/06)

呢個市,升唔係無可能,但係一定唔會升得長久。我自己等緊機會造淡。 港股依家無乜危機,最大問題只係無錢。我想大家留意多一樣嘢,試下google「錢荒」,睇下啲新聞。呢樣嘢,就係其中一個令港股升唔起既原因,比起意大利公投同埋深港通既影響,有過之而無不及。 中資缺錢,農曆新年前,都好難有得解決。 其次,係港股對歐美資金無哂吸引力。呢個係長遠問題,無得解決。舊時唔係咁,唔同地方既資金都會買港股。只要港股市底夠好,幾路資金就會互補。歐美資金唔夠力,中資就會補上,相反亦然。 但係依家,就算個市好地地,只要中資一無錢,升勢就要停。 無錢,無危機,個市就會行上落。主觀願望,我想個市再升多少少,之後就會造淡。 第一個位,我會睇23000點呢個心理位;第二個位,係23500點以上。 第一個位,係用黎小試牛刀;第二個位,如果升得到,先至係大茶飯。 最後,賺唔賺到錢,好視乎所用既方法。我鍾意做期權,因為只要策略用得啱,個位唔使好準都可以賺到錢。呢個係好大既優勢,做過大家都會明白。

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室