今日，想集中同大家講網購股。
呢個「行業」，如果你問我，我會話會好有發展潛力。但喺投資呢類型股票嘅時候，有啲要點你係要知道。
- 網購股絕不限於零售網店
一啲喺網上賣嘢嘅商鋪，其實只佔成個網購業嘅一少部份。如果你嘅眼界只係放喺零售網店，你會走失好多投資機會。
例如，喺IBUY入面，你會見到多零售網售網店外嘅股票。Netflix，係娛樂節目平台；GrubHub，係外賣平台；Paypal，係付款平台；Uber，係call車服務；Chegg，有少少補習概念，業務幾得意，有興趣大家可以上佢官網睇睇。
呢啲股，當中不乏有潛力繼續上升嘅公司，唔好走漏。
- 特別要留意隻股有無壟斷優勢
網購環境，可以令贏家贏得更盡，覇佔更大市場份額，形成壟斷優勢。本身呢樣嘢，對公司經營有幾大著數，相信都唔使多講。但大家要明白，要揀壟斷股，你唔一定要買Amazon呢啲巨企，只要一間公司可以壟斷到一個特定市場，喺地域界限減少嘅情況下，生意已經可以做到好大。
- 唔好投資落後股
網購行業，更加唔係要買落後股。你要揀嘅，係一啲已經揾到佢嘅winning formula嘅股票。
例如，一直講緊嘅Wingstop (WING)，就有呢個特質。
最後，有朋友想喺文章上載時有提醒服務，呢樣嘢畀少少時間我，我試吓去解決。至於有其他問題可以電郵至 [email protected] 畀我。下星期一再同大家分享更多有潛力大升嘅股票。