打攪了，今日抽黎同樓房買賣無關既報導一則，問下大家意見。話說膠登同臉書流傳Yammie小姐的「啟示」一則: 如果令你經濟困難不好意思，的也不是開善堂。派帖前問你一句，要是真的給五百人情就下要來了! 同場呼籲光明頂陶才子用本周時間討論一下比人道德上有否問題，合乎禮教乎?
雖然引起四方圍剿，亦有該小姐的朋友斷然「絕交」，叫Y唔使請佢飲了。幫Y小姐咀既稱讚此做法直截了當，坦然得很。當時人亦不下十次重複佢唔係為錢，咁講只證事主辯才不高，引黎天下圍攻而已。但有一事可以肯定，就係Y小姐決定請咩人，用錢銀上回報所衡量的比重著實不少。
錢差唔多係人都想留多兩個係身邊，而結婚其實可以係好簡單既事。但一眾marketing高手已將結婚要靚衫，結婚要擺酒，結婚要有面子重重咁打入你父母及一對新人腦裡面。有調查發現，結婚時用既錢越多，婚姻可維繫時間竟然更短! 實際雙方同意，知道財力有限，唔擺十幾廿圍酒都可以結婚。如果女家堅持要十幾圍酒及大量禮金而不果，只可怪個女仔一早搵錯對象，浪費青春怪不得人。問題，總是出在某人逼某人做咩野一環節上。所以換轉黎講，今日你情場失意，可能係你解決問題既開始!
所以諗樣認為，男女得出結婚擺酒既結果，實在係雙方深思熟慮後所決定。如擺酒中途發現有財政問題而對來賓所比人情有所要求，實在不妥。當然有另一種classic既人你總遇過，就係為擺酒「跑數」而亂派帖炸人之經典「渣滓」。其實大家既該等人仕早有盤算，今日你為跑數而不顧面子派帖子，他日大家對你為人遠恭而避之，結論係得不償失。
結婚擺酒可是十幾萬上落，有人為此大費心神，從中避免蝕錢，可以理解。但由上段提及你book得場派得帖就預在有所支出咁話，你夾硬在心中建立個expectation認定某人應該比幾錢人情實在不妥，如講到出聲更加不齒。就好似你新年收到「兩蚊雞」利是咁，雖然同你心中expection大為出入，但相信冇父母會教仔女當面鬧佢掛!?? 就算唔鬧佢而自己心中臭罵，你都係搵自己笨。
係賓客方面，其實香港人事忙，又或者娛樂好多。其實有朋友肯唔陪老公老婆或打少鋪機黎「睇你場戲」已經需要感激。惡言相向前企係賓客方面想一想，其實人地比左幾百幾千你仲要「冇左成晚」時間，付出都唔少的。係星期一至五都忙到庳既香港，你係星期六日擺酒估用人地私人時間更為罪惡。所以請唔好猛咁話為左唔好令對方經濟上「辛苦」，收帖者亦應感謝邀請者一番好意，此為結婚「長大成人」的重要一步。