無線節目「盛女愛作戰」出街兩個禮拜後已播映完畢。MeiLing係商台節目上講佢經營既香港婚姻介紹所而家一日收到成4000單入會查詢，如果好似八卦周刊咁講Mei姐收一個會員要$「六皮野」。即係 一日 入面，呢4000人有五分之一入會都收成港幣四仟八佰萬! Mei姐你睇到呢篇文既話請你睇下有無空位搵筆者當個助手，以好「疏導人潮」。
係節目出左街一個禮拜之後見到公司內不少盛女悉心打扮，茶水間少了女同事高談闊論的聲音，女生舉動變得更為優雅，令公司環境變得豁然舒適。相比有人叫停播，其實唔睇唔代表唔存在，筆者對比節目睇法正面，對一些說法例如「節目的目的不是為了替她們找真愛，只是要為她們找結婚對象」、「整個節目就是一個大型的廣告雜誌，製造需求，硬將女人sell比男人」、「倒模的價值觀已經叫人倒胃」、「盛女愛作戰愚弄女性是給男人看的節目」不敢苟同。
「整個節目就是一個大型的廣告雜誌，製造需求，如果單身主義成主流，那麼甚麼speed date、婚姻介紹所及近年流行的wedding planner都要吃西北風了，而少人結婚了，酒樓、酒店、婚紗攝影、蜜月旅行等的生意自然都少了，牽連甚廣，有沒有想過，為何我們的社會這麼喜歡推廣「結婚」這個觀念？」
如果單身主義成主流，單身退休金儲蓄計劃，老死扮仔送終服務，三個女人買姑婆屋配對輔導必定成為新興行業。商業活動係會跟潮流而改變，唔推廣「結婚」，一定有第樣野sell你。之前撈蜜月旅行咪轉工去扮仔送終囉。單身人多左朋友聚會都多左啦，因為人點都要搵些少野做，酒樓一樣有生意。另外點解要咁抗拒「盛女愛作戰」sell野? 咁總好過你比人hard sell你。其實而家睇套戲入面主角用既電話都係iphone贊助架啦，都係軟銷手法之一。
希望同意我(以上)這番話的朋友，也不要再看此節目了
無線已經拍緊盛女績集添食。 其實每逄話題涉及每人在社會上的被認同性均受歡迎，因人渴望被認同，比對起錢更渴望，佢又想八卦下點解佢唔受認同。聰哥有成廿億身家仲要去爭甜甜份遺產，渴望被認同肯定是推動佢咁做既重大因素。結婚同買樓係2012年都廣泛認同要做既動作，所以早年電視台播出既樓奴系列都一樣咁受歡迎，而家講拍拖結婚都係同一條Q。電視台利用呢條Q去引起剩女、蜜運女、毒男之間既紛爭去谷收視真係唔好。所以如果你認為節目故意引起紛爭而獲取私利唔睇佢筆者同意，但係你話佢怒sell你野唔睇佢就不認同。
「節目的目的不是為了替她們找真愛，只是要為她們找結婚對象」
筆者已婚，認同人所講「同女人最尾結婚既普遍都不是真愛，但係佢係一個可以比到幸福你既男人」。所以女人到「剩年」絕對係想搵個結婚對象。節目係幫「盛女」做緊正確既動作。找尋真愛請留待16歲既小妹妹去做。如果無線同佢地五個盛女講我地要搵個男人好似韓劇咁同你勁愛一場，係無物質既情況之下，最尾佢CANCER死，我地會ZOOM埋你點拖住佢隻手一齊死，恐怕佢五條女都閃左啦。思琦妹上左幾日娛樂頭條就係因為佢後生就搵左個平實結婚對象，老左先黎搞個真愛仲要「有涵」，成個process同廣大民眾既預期掉轉左咪「出事」囉。
「倒模的價值觀已經叫人倒胃」
呢點筆者係同意既。 又要搬天與地入面Dr. Dylan既名句出黎: 「你睇吓我地呢個世界，睇下我地呢個城市係乜野樣，除咗錢呢個字之外，我地已經分辦唔出是非黑白，我地每個人都被環境訓練到，好似倒模出嚟咁。鍾意食同一樣既嘢、鐘意同一樣電視節目、支持同一種政治立場，信奉同一種生老病死的做人方法。」筆者認為政府過份信奉經濟自由主義，盡不干預社會上的商業運作，人民可自由發揮點去賺錢，老闆可以出盡方法貪婪咁賺錢。政府就將公屋商場、博物館、公共事業「頂手」出讓，減低政府支出。搞到食快餐就收咁貴，屋村檔就勁加租。而一個個盛女為求自保當然倒模咁愛財子、信奉同一種做人方法及擇偶條件。盛女倒模地愛財係咩都唔理既政府係收左你稅之後交貨既產品。
「盛女愛作戰愚弄女性是給男人看的節目」
相信筆者身邊同事係呢個節目都得益不少，起碼的起心肝去打扮，重新注意下自己言行舉止。如果風氣擴散開去，香港會變成一個淑女遍地，優雅既城市。人本不愛被愚弄，Florence說鐘意男人欣賞她的內涵佢絕對可以堅持已見，不過有所堅持必有所失。你堅持工作都會犧牲家庭啦。所以請各位男仕女仕觀看節目時吸收人地既錯處，反省自己的缺點，不要冷嘲熱諷。好似你成面暗瘡，又要去笑Florence既殘樣，呢種做法最唔要得。
每個人都是獨特的，強把自己成功一套用在每個人身上，會
由三十樓 跳落街最可行既方法係降落傘，呢個係好多人用過而成功既經驗。細過學行路阿媽都係用最多人用既方法教你行路，所以佢先唔去「威斯康辛洲既藝術學院」搵套最美感既行路方法教授你。你當然可以選擇徒手由三十樓爬落街。一定有人試過無事不過較少數。況且節目都有了解過每個盛女所需。節目已經播完，大家係時候重新出發。很多主動而又思想正面既「盛女」已重新「作戰」! 你睇MeiLing個網load唔到就知好多人做緊野啦!! 更需要努力既係男人，因為下一章講毒男隨時殺到埋身! 無論你單身，拍緊拖或已婚，請你正面看待這節目，為將來美好生活而付出努力。