發覺在「盛女愛作戰」出街後，維基多了新詞彙(詳見諗樣網圖)，潮語「你個朋友真係好很Florence」，「條友勁Mickey」不絕於耳，有見周邊朋友近期一定同你講「盛女」，
其實應該點去看待呢個節目呢?
Florence是錯的嗎?
正所謂人靠衣裝，佛靠金裝，Florence不修邊幅既打扮，再加上富有家庭出身引致不現實想法存在於中年，令佢身處一場完美風暴。大部份女仕靠靚靠儲靠實力博命力爭上游，佢就係度發白雪公主夢，呢樣已成功引爆女仕們的妒忌心。再加上佢講野前後相矛盾，話左唔睇外表又要嫌個講師老成，打跨佢比受眾堅持自我既形象，真係令佢死多一成。男人見到佢既尊容確實唔開胃，因為男人天生就要「睇樣先行」。男女左右夾擊令Florence無地自容，令佢婉拒大部份電台訪問節目。
如果一定要答Florence既處事態度是對或錯，筆者認為佢係於說話與行為自相矛盾一事確實有錯。如果叫群眾決定，我地要交比「市場」。其實有人需要易物既地方就有市場，而定價同成功易物係全部市場參與者互相博奕之後既結果。Florence係節目後期終於搵到佢既摯愛「大圍吳彥祖」，該男七年前參加過港男但未入選，而今次出鏡更在尾聲狠批Florence。相信對抱有之前想法究竟是對是錯，留比當事人自己判斷。
請把鏡頭移向自己
綜合Florence既病徵，佢只不過患左「不切實際候群症」。好似我公司既同事，佢話打工只求滿足基本生活需要而不愛爭名逐利，佢話唔想隨波逐流咁努力工作向上爬，話呢套野唔適合佢。認為爭到上位都係枉然，為佢自己散漫既工作態度掩飾。到上頭有個升職機會輪唔到佢，佢又嘈點解唔係佢。宣稱懶唔係佢升唔到職既問題，只不過係老細唔識欣賞。又或者不斷投訴個制度唔公平，如果係美國公司，佢一早升左等等。好似Florence既人其實係你同我身邊都會出現，及不限於戀愛問題上既處理。係觀看「盛女」之後，請大家反省自己，有時有沒有做出過火的行為。
Mickey、昌哥D friend
一個禿頭四十來歲既男性照樣可以散發出魅力。一個人談吐的風格、語氣、從字句裡流露出來的學識、衣著夾埋個樣貌先至係你比別人既觀感。你睇下著哂名牌logo上身既同胞可以單憑衣著令自己魅力大增嗎? 在此寄語未夠三十既Mickey請別因你頭髮既問題而失去自信心。再唔係搵個髮型師「度一度」個頭型，可以既係夏天「剷青」佢仲型仔。
網上有個句子令筆者認為可以在撐Florence同鬧Florence之間取到個平衡，實為一句公道說話:「發現自己的不足，決心改變當然是好事，但目的不是為了取悅別人，而是令自己變得快樂自信，人自然會美麗吸引。」無論你單身，拍緊拖或已婚，請你正面看待這節目，為將來美好生活而付出努力。
文章範疇漸廣，請到facebook看更多伸延閱讀(以下圖框)，當然請like諗樣網以表支持 !