上星期，美股情況相當混亂，好幾隻無乜基本因素支持嘅股票，例如係GME、SNDL、AMC股價被炒到上天，且成交量冠絕全市場，而其餘股票好多都要出現調整。但隨著呢啲股票開始回跌，市場好似又重新有啲動力。而其中一個表現得最好嘅板塊，係Biotechnology。
最簡單，大家可以留意住ARKG。
雖然佢嘅股價都有跌，惟跌幅唔算太大，而且其實早在上星期已率先反彈，昨日更出現裂口上升。現價可以買入，只要唔跌穿止蝕位$98.38就可以繼續持有。
另一隻好強嘅ETF 係XBI。
當你望到呢隻ETF，上星期唔單止無點跌，而昨日股價已可率先破頂，咁你就知呢個板塊有幾強勁。止蝕位係$148.88，又係唔跌穿就可以繼續揸。而再畀大家睇吓佢嘅持股。
個別買Biotech 股票，股價通常上落都會好大，好難玩。但買ETF，走勢就會平穩好多。
而當然ARK Invest 都有所轉強，幾隻現價都可以買。但除咗ARK之外，我想同大家介紹另一隻買入創新股票嘅ETF，Ticker 係FFTY。
FFTY 揀選嘅股票，準則包括高盈利增長、高銷售增長、高邊際利潤，以及高資本回報率。
呢隻ETF 嘅止蝕位係$42.79，現價可買，唔跌穿止蝕位可繼續持有。
然而，雖然市況有所回穩，但我都會有啲位要跟從，萬一跌穿就要走人。而其中值得我哋留意嘅，係納指100指數ETF (Ticker: QQQ)。
論美股三大指數，近年都以納指表現最好。雖然過去數月，表現都被創新股票ETF 蓋過，但用作為判定大市強弱嘅指標，都有一定效果。
上次於去年9月尾，QQQ都有一次跌破止蝕位，往後雖未有大跌，但以11月前走勢都仲係反覆，到其數先再步入平穩升勢。美股，的確可以暫時睇返樂觀，但如QQQ跌破止蝕位$312.76，就要再次小心。