【漁民系列】漁利投資日記 Day 22

11月24日周二。今日大家最關注的，就係SPDR黃金ETF出咗止訊號。如果睇圖，收市跌穿了1347.306止水平，RS向下，OBV穿晒底，走勢惡劣，從做trade角度應該先斬為敬。不過，從資產配值角度，既然我持有黃金的目的唔係炒來炒去，而係作為組合裏的一種保險，經歷過今年3月股債雙殺，升升跌跌我都不畏懼了，等機會再加GDX。

行業方面，無咩突出板塊，唔少強板塊例如運輸、食品飲料、金屬與採礦、汽車都在高位整固。有個別股份走勢比較強勁，例如理文造紙（2314）。軟硬件有Vtech（0303）升6%、偉仕佳杰（0856）升10%較為突出。工業製品除咗信義系，積沉板（1888）唔覺唔覺已上番12-13蚊水平，佢阿媽建滔（0148）更貼近52周高位。

今日按照計劃，以開市價21.1元追了一注中國重汽（3808），今日股份成交比擒日還多，反映有資金追捧。之後手機傳來通知，勝獅（0716）在0.52入了一注。還記得船長千叮萬囑，所有股都會調整，千祈唔好高追，所以我就set咗GTC order博低撈。今次買入價雖然唔太靚，但換着以前下下忍唔住高追再止蝕，我自覺已有一丁點進步，希望可以不斷提升啦。

今日ASM太平洋（522）出左破訊號，更升穿250天線收市，而RS及OBV向上，升勢有機會持續。不過，睇番往績，ASM太平洋在香港最近兩次都輸約12%離場。觀察住先。

今日無咩特別嘢，寫住咁多先。

============

了解更多：股市漁夫系統 免費試用

股市漁夫是一套高績效的選股系統，系統運用技術分析配合統計學製作出不同指標顯示短、中、長線的港股表現；較一般指數更能反映真實市況，對分析後市走勢有絕對的優勢。股市漁夫選股系統透過精密的方程式去找出股票強弱勢頭，全天侯自動分析個股走勢、突破股、大市評論及視頻等功能。莊博士獨家的運算方程用 「破勢」、「止賺」把機會向用戶展示。漁夫選股系統更有不同種類之篩選股票準則來提高勝算。

 

莊志雄博士為股市漁夫創辦人及香港大學專業進修學院客席講師，並在Now 財經台合作主持《名家給力場》。
股市漁夫是香港財經媒體，而股市漁夫選股系統由莊志雄博士及成家博客Homeblogger團隊共同研發，2018年 11 月11日正式推出，此前莊志雄博士曾任職《信報》研究部主管，並先後於和記黃埔、AXA安盛、永泰地產有限公司、永道管理顧問有限公司（Coopers & Lybrand）等不同類型企業及上市集團擔任管理顧問、財務及市場分析工作，涉及範疇包括資產管理、地產、電訊及電子商貿等。