歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
==========
執筆之時，美國總統大選正在點票中，雖然最後結果仍未能確定，但估計特朗普能夠勝出嘅機會較高。
之前，Biden 於民調一直領先特朗普，但過去幾週美股就一直下跌。如今特朗普有機會再一次喺逆民調結果嘅情況下勝選，美股期貨亦即時有反應向上大升，的確，我認為大家要同樣做好大家反跌為升的準備。
今日這篇文章，會講現時要觀察的要點，以及如何部署。星期五，到結果塵埃落定，亦見到股價真實走勢嘅時候，再同大家講確實有邊啲股票同板塊可以買。
先係整體大勢。
美股嘅牛市，由2009年開展，至今已運行達11年。2018年前，基本上係平穩向上，無乜變數。之後，雖然都仍能上升，但走勢已開始反覆，確實已有熊市將近來臨的意味。
通常，喺熊市來臨之前，牛市最尾段會有一大升浪，然後才會告終。但問題係，3月至今嘅升勢，會否已經係呢次嘅最後大升勢，呢一點係最大嘅變數。
不過，簡單講，就係嚟緊個市，有大升亦有大跌嘅可能。呢句說話，如果畀只係會買賣股票嘅投資者嚟講，似係廢話。但若然大家有玩期權，答案嘅係要部署Long Call。
玩Long Call，要玩得細，但要識揀槓桿高嘅去玩。咁樣，輸就最多輸少少，贏就可以贏多多。而下一步，係點樣去揀股票。
當然，最好就係要睇埋實際個市嘅反應，但呢樣，唯有星期五先可以再同大家講。但比較穩陣嘅，係用玩納指ETF (Ticker: QQQ) 或者係XLK。後者，持有AAPL、MSFT 各超過兩成比重，照計只要個市肯升，呢兩隻就唔會漏咗去。
有機會，我今晚自己會買入少少Long Call。大市繼續升，就會再加注，呢個就係我嘅做法。不過，一切都要睇股市嘅反應。如果都係升唔起，就博入一注細細注，輸咗就算。總之，就係順勢而行。
暫時，確實例子畀唔到太多，星期五再講。