歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
=========附件==========
=========附件==========
以上呢個表，係一啲係初步測試列表入面，分數最高，而且喺過去一個月升勢又好穩定嘅股票。
嚟緊，只要市場上有呢啲股票存在，我都會post 畀大家睇。呢個係我最近研發到，用嚟揾平穩上升股票嘅方法。再望以下兩幅股票圖，大家就應該更清楚呢種股票嘅類型。
但點解要揾呢類股票？
好處有兩個。第一，平穩上升嘅股票，贏錢機會通常較高，好多我過去好成功嘅推介，都係用呢個方法揀出嚟。呢類股票嘅升勢，通常都會有持續性，坐住佢，只要佢哋嘅上升軌跡不變，我哋只要繼續持有，就能夠賺到相當不俗嘅回報。
第二，風險會低好多。因為，就算隻股票唔跌，只要橫行一段時間唔升，其實我哋已經可以察覺到隻股票出現咗「一啲問題」。再加上嚴守住止蝕位，投資風險就會進一步減低。
以上嘅SPGI 以及ADBE，我都睇好，前者可於大概$318到$333水平部署買入，以$290.08作止蝕位，後者可於$394 至$410 部署買入，以$361.44作止蝕位。
另外，大股之中，可留意AAPL，可於$319至$332 位置部署買入，以$300.21作止蝕位。
另外，其實最近好多平穩上升嘅，都係ETF。特別係一啲科技ETF，好多都升得好靚。
或者有朋友都會留意得到，喺買入個別股票時，有機會因為隻股票上落幅度過大，撞中止蝕位被震走，因而錯失獲利機會。要減低呢啲情況出現嘅機率，轉玩ETF，絕對係一個唔錯嘅選擇。
當然，ETF嘅走勢，好難好似個股嘅爆發力咁強，但相對而言，投資難度亦會低好多。我自己嘅做法，係大概5成以上嘅投資份額，都會係ETF，其餘嘅就會伺機買入一啲我認為有潛質大升嘅個股。特別係一啲成交較大，又有期權嘅ETF，我自己更鍾意玩。
以上列表中嘅ETF，只要大家打開幅股票圖去睇，就會見到係佢哋嘅升勢係非常穩定，而大部份都唔係距離止蝕位太遠，可以吼位買入。
總之，跟住止蝕位玩，風險就唔會太大。
另外，要講吓隻TYL。
呢隻股票，我好鍾意，但最近因為公司高層沽貨，令股價受壓。此股如不跌穿$343.00，可繼續持有，但如跌穿就要走。
最後，提提大家，每週美股研究報告新開咗facebook群組，會有更多資訊，敬請加入。如有問題，亦可電郵至 [email protected] 畀我。星期三再講。