==========附件==========
==========附件==========
首先，我想分享一個買入急升股嘅小技巧。以下，以兩隻股票做例子，第一隻係RingCentral (RNG)，第二隻係Chegg (CHGG)。
呢兩隻股票嘅相似之處，係佢哋都好有潛質能夠大升，不過，大家亦要預期，佢哋嘅股票波幅都會好大，所以，買賣時機要掌握得好好。
但點樣可以做到呢？
RNG，參考Stop%，你會睇到現價距離止蝕價達到24.40%，喺呢啲情況下，我會唔建議買入。
咁幾時買？
你可以等隻股票出現調整，然後再升嘅時候買入。到時，止蝕位將會更新，有一個距離較接近嘅止蝕位，會有助減低投資風險。
我會建議，如果現價距離止蝕位超過15%，就算你好鍾意隻股票，最好都係等調整完再升嘅時候先買入。
而CHGG嘅止蝕位，相比之下，距離更遠。呢隻股票，早前嘅升幅，受到業績支持，如果佢未來嘅收入仍能繼續增加，股票將仍會有好大嘅上升空間。
不過，現價買入，風險好高，而且假如股票真係急速回落，我哋亦好難決定去留。所以，亦可等佢出現整固後再上後先買入股票，到時，值博率會更高。
但記住，有兩個重點：
- 唔好等佢跌落嚟嘅時候買，要係跌完，再升先買，咁成功率先會較高。
- 唔好限住自己一定要買某一兩隻股票，咁樣只會令你錯失買入其他優質股票嘅時機。
實際操作上，你可以揀選符合以下條件嘅股票：
- Stop%介乎5%至15%之間；
- 過去5日同22日都錄得正回報；
- 股票處於雲上(Ichimoku = 1)；
- 排名較之前上升。
對於符合條件嘅股票，當然最好要再分析股票嘅基本面，如果本身公司係具備良好嘅基本因素，我認為能夠贏錢嘅機會就會好大。
另外，要適當地分散投資，並嚴守止蝕，咁投資風險就唔會太高。
至於有邊啲股票值得留意？
除咗以上提及過嘅兩隻股票以外，Nvidia (NVDA)、Paypal (PYPL)、Shopify (SHOP)，如未來出現調整再上嘅形態，可以買入。
Wingstop (WING)，走勢有再度轉強跡象，可現價買入。Lululemon (LULU)，亦可現價買入。
大股之中，可留意MSCI (MSCI)。此等大股，如配合適當期權策略去買，贏面更高。
另外，Tyler Technology (TYL)嘅走勢唔錯，都值得留意。
另外，如果有邊隻股票大家想知更多，歡迎電郵至 [email protected] 畀我。新版本嘅excel表，我希望會令我哋可以揀到好股票，同埋掌握適合買賣時機。
星期三，會繼續用ETF，同大家介紹一啲值得留意嘅行業板塊。