買樓要俾啲掙扎! #2057

Hello 諗sir

 

本人剛剛26歲，18歲開始工作，我定既目標，係為首期打工。

儲了65萬，知道港樓價實在太高，首期無望。

 

於25歳買了30萬保險，及要供25年保險(年供$4萬)，之後要比$5,000家用。

但家裏發生了一些問題….

 

所以今年要幫家裏供樓，每月要比1萬，要比足11年，但不是我名字。

現手上餘下35萬，想變大d，買一間屬於自己的名既樓。

 

本人是一位教樂器的老師，自知依份工作，較難上車，亦收入不穩定。

每月平均收入1.8萬(疫症前)及至少儲1萬，有時會更多，

因為每個月的星期也不同，有時有四個星或者五個星期，

如星期六/日多了一個星期，人工自然會多2-3千，因為六日較多學生。

 

剛教的時候只有數千完，除後的日子，經過不斷的進修及努力。

所以份儲蓄，真的好慳才可以儲到。

 

疫症前，要返的日子比較多，所以3-4千到。

疫症下，洗費2-3千，都係用來車錢，食飯。

父親幫了細佬做擔保，因為細佬份工按到，而媽媽是自僱人士，

所以我已經沒有人可以幫我按到，父親還有一年就退休，又聽説唔會按依層幫我供樓。

 

我和家人關係一直不錯，但我都唔知點講好，

父親一直覺得我人工得8千至1.1萬多，但這個數已經是2013-14的人工，

不斷叫我等公屋。連我賺多啲，佢都唔比。

 

我這裏說一下，我不是看不起公屋，

只是我覺得，年輕人有氣有力，點解我要等公屋？我要靠我雙手，令我生活環境變好。

 

所以由唔知邊一年開始，我冇再理佢咁無理既原因，

某一天，我不斷接job，面試。

 

我弟則是運輸業，在一間大機構工作2萬，20歲開始工作。

所以我一直覺得奇怪，點解我弟就私樓，而我一直被叫等公屋。

 

我有諗過，疫症後和家人説，可否供返$5000,因為1萬來說，我負擔真係好大，又儲唔到錢，保險除時都供唔到。

 

如我今年說到，10月應該還剩25萬，當然我依家都還有工作，但人工大不如前了，

(現在1萬頭，因為有很多學生也暫時停學了。眼見疫症下，我也不忍心那麼早説。

 

最後，因為我的工作時間較短，通常教下午3:00-8:00，所以早上會較清閒，

只有星期五至日會較忙，所以如可能疫症後會多打一份兼職。

 

我夢想屋當然是，愈大愈好，但自知自己賺錢能力不高，

但至少有三房兩廁吧。我份工作，新樓不用想了。

 

希望諗sir賜教，來緊會報101收息，希望諗sir 愈來愈多門生。

等我手頭上充足一下，會報的 thx.

 

我也有看，你有很多門生成功例子，我也希望成為一份子。

我想了很久，真的拆唔到，究竟孝順幫手供，但我會儲唔到錢。

定打多份工，我就可以幫手供同儲錢，但我休息會變好少。

我的聯絡電話:92xxxxxx 

 

answer:
遇上個有志氣唔諗公屋既後生仔，決定抽空幫一幫佢。人生總是先苦而後甜，心裡不要太計較幫家人還債，要反利用此作為推進自己的動能，往後才會更上一層樓。

 

同時要知社會遊戲玩法，唔睇清規則就落場玩，白費氣力。無權無勢的，要看履歷。讀者教琴自僱，最大問題是工作經驗不易受承認，同時銀行亦唔會借錢比呢類人。人除了要做好自己搵錢能力，借貸力(Credibility)都要做好佢。做好借貸力就要靠過往履歷同工資證明，家陣你兩樣都無，老豆叫你等公屋我覺得是”fair comment”。

 

出身寒微而想上流，「休息會變好少」就肯定。後生連掙扎都未做過，他日你會好L後悔。

 

教琴的缺點: 無同事，近乎無客見，完全浪費廿幾歲擴大人脈圈同趁細識uncle既時機。

 

平庸人，會利用打工識落班同事一齊係行內上位。

 

叻既人，可以由白撞變熟絡，利用年紀比你大十年既人幫你更快上位。時興建立網絡平台，好多uncle都唔明唔識，後生做到些成績，同uncle打開話題困難比往時低。

 

留意人脈要拓展，自己有實力同埋明解各方利益關係好重要。歷史上大把因共同利益而成為暫時朋友的例子，偉大既毛澤東主席同蔣介石都係廣州做過同事啦; 但極少因我同你做左朋友而夾硬去搵些利益的案例，後者多數有血緣關係才會出現。因此若閣下無才幹一味靠黏，你根本黏唔到。人地同你friend，都要覺得你有用先可以。

 

教琴唔好就客，改晚上6-9先教，搵份長工，才有履歷。如你想早收工早教琴，試下入職做郵差，佢地五點返工但好早放，時間好好用。再進取些，做sales，時間自由。讀者由18歲做野至而家，都係困局，又話狂接job但係都撈唔掂，即係方法錯，而唔係力度唔夠。成日只叫你比心機落力做既人，即係佢無策略，或者佢策略就係想老點你，讓你白花時間。

 

諗sir愛看阿仙奴(踢波呀)，舊領隊雲加，遇上戰績低潮就由4後衛改3後衛，改左又踢返十場好波。跟住又比你識穿左，唔怕…又改，轉用禾仔踢前都可以嬴返5-6場。做事做生意就係咁，近月唔比上真人堂，諗sir就改打法轉網上班，今個月公司生意仲多過上年未有社會運動之前，創12個月收入高位。而家收息101課程特別在星期六熱賣，俾完錢安在家中學債基、直債、保險點產出10%-15%年息，仲可以睇足n次唔明睇到明仲可以問，與上真人堂是各有好處。而我地係網上睇完video仲可以上返次真人班，魚同熊掌你拎哂返屋企。

 

當然過一季之後，預左做法再要調較，做好網上賣野，幫到自己，幫到林鄭同佢老公林兄弟，仲幫到國家! 變幻才是永恆，唔願變既人只會被時勢淘汰。

 

至於曼聯老費(費格遜)，即係雲格死對頭(宣傳定位上)，以更衣室開風筒聞名，即係踢得差佢個口就開你風筒狂爆。然而此作法對年輕人，確是有效。有些人時不時要飛去外地上鼓舞班，要motivation，都係同一原理。但當你再上一階段，你自己都可motivate到自己，唔需要再間唔中上鼓舞班「入油」。

 

用對方法，保持穩定輸出不受環境影響，為身邊吸納人材增加機遇，30歲前打好呢套拳，搵既錢應夠你搞咩3房4房。到你做左老闆，要為公司及身邊同事的前程做決定，那就是另一拳法。用人唔可以待薄人，人材有價，重要既人更不可用錢衡量。所以講到最尾，諗sir既課程係要收錢。諗sir現在亦會聘請一些畢業生作為地產代理，有底薪，義務幫手教下，幫手降低失業率，有意者可whatsapp 63832145。準備履歷。

 

保險唔好供，長痛不如短痛cut左佢。後生有份醫療，再唔係加些少定期壽險，已夠。年青人，炒賣可以錦上添花，但唔應該當做搵銀主力。當你學好做事及管人，你就唔使親手教琴，「休息會變好少」咁啦。或者學筆者年青時在銀行遇到的老闆咁講:「還掂你都係要辛苦去上位，不如趁後生比d力一野攪掂佢!」

**諗Sir收息101課程　即付即可網上學習第一至六堂**

※只接受修畢「收息101」的學員報名，本課程不對外開放！※

**諗Sir【買樓收租課程】**

．當閣下付費報名上課或參與本網站的免費書展/免費文章/免費或收費講座/付費專欄等即等同明白本網站/公司的【收生條款及條件】【私隱政策/個人資料收集聲明】【一般免責聲明】【課堂規則】
．報名【免費講座】請即填寫【免費講座報名表格】
． 缺席課程的學員，可 【申請補課 】( 免費課程除外)，一律安排於下一期上課
． 此外本網站/本公司/旗下導師及行政人員均有權拒絕【任何可疑之人仕】參與任何講座/書展/收費課程/收費專欄及進入本網站/本公司擧辦活動之任何場地而事前不作另行通知
．颱風│黑雨安排載於【收生條款及條件】第17項–

---

---

L1:網上學習(影片8月5日後放出網上修讀)

L2:網上學習(影片8月5日後放出網上修讀)

L3: 2020年9月12日(六)14.00-16.30

費用: $3330