四個銀行唔想批按揭比你既特徵 #2051

諗Sir 你好, 

 

以下是我們家庭情況: 

 

丈夫:  每月收入 33K, 幾年前買入一個東涌3房新物業,市值8M,  未還按揭3.7M, 每月還款17K, 租金收入18K

太太:  每月收入 55K, 未有物業, 但幫家人擔保了物業按揭 2M 

現金: 約 40萬

居住現況: 租住九龍區50年舊房, 租金為$25K

 

問題: 

1)  有意用太太首置額買一個物業, 作為收租. 依她的情況, 可買入多少樓價單位? 

2)  諗Sir 建議將東涌賣出,  換成市區3房物業嗎? 

3)  又或以太太單名在九龍買3房物業自住? 要儲多少首期?  

 

謝謝賜教! 

李生 

 

answer:

呢位朋友睇唔熟書發問，但筆者照答一下吧。年齡是影響一個人借到幾錢既關鍵，但讀者無俾。樓齡當然都重要，不過答本個案不太需要。最後有關太太單名買三房要幾錢首期? 首先已擔保他人的，九成上會唔使諗，就當佢無樓(住宅)係身，最多只八成。五年內用過香港按證服務的，批核機會預被削。有關可批到幾成同要幾多首期既，可在金管網頁找到。不過筆者好多時都要同經紀拎料，有時都要企係經紀個邊，鐘意呢批自己唔做功課喜愛問基本野既客。

 

進一步，你申請按揭之前要知自己有幾次chance，就好似打機前要知隻野可以「死幾次」?早訂策略吧。申請八或九成，用HKMC(香港按證)的，基本上只有一次chance，因你透過唔同銀行批按揭，過到銀行批六成個關，就會拎上HKMC過更嚴謹之要求。由於你經A銀行或B銀行最後只要係做七成或其上，都要拎去HKMC，所以你在A銀行衰了，轉B銀行隊上去批都係一樣reject，或成10幾個Q覆返黎，銀行都唔想掂你隻野。尤其是後生仔，買300-400萬樓的，要知借貸額已經細，如果你隻case好很煩，在賺得少而又煩之下，你明結果會點啦….

 

在不令銀行濫借，保障社會，而大家又可安居樂業之下，筆者隆重介紹四個銀行唔想批loan比你既現象

 

在申請表註明批核時間不夠

有時真係唔夠時間批，例如你星期五要成交，你星期三就拎黎，得兩日點批成千萬比你? 此情下職員為了免責、免被一旦獲知唔批而要撻訂輸一百幾十(萬)既客人斬，佢地會係份申請書咁寫。當然有時職員知個客唔夠(資)料批，例如的士司機想住幾千萬豪宅而又無一堆匯豐收息個隻，佢地都會咁寫定會預先「隔一隔」。至於對付唔想要既客…同理….

 

講明驗樓費客比

銀行肯借主因間樓有價值，而一間樓值幾錢係由戴德梁呢類估價行講既，而唔係銀行講既。所以好多時見到content farm一些文章話:「銀行決定是否兇宅」…其實一出手就知你係咪行家啦。當銀行認為呢單野唔實或無信心，會叫你簽名係戶口hold起2-3千作驗樓費。

 

唔清晰交待批核進度

批隻case要過loan department，再批pricing，再批MC(如果是高成數)，驗樓，出offer letter。但若你隻case無郁過，自然唔會詳細講到你知去到邊。當然叻而有心幫你既職員同按揭中介，會將上述步驟混合黎做，慳返時間。

 

將HKMC既回覆直接比你睇

呢個一般唔會，因為HKMC通常只覆銀行，唔會對客。然而有些人知道HKMC已落閘，不如直接比你睇埋佢點覆等你死心

 

同意近10年銀行RM(客戶經理)既質素下降了不少，這亦是銀行出唔起錢請人而引致，怪不得班RM。好似筆者仲做緊RM個陣，按揭私貸投資CIES有時開公司戶口都要做埋，開戶自己入殼全不電腦化，查冊可以係十間公司入面各再有十間公司咁複雜，有些開戶用二奶名去隱藏資產，攪到以為自己做緊私家偵探。

 

而家就簡單好多，好似行山銀行，成班淨係識推保險，稍為複雜些少就推比人。做香港大銀行最黃金時代係自由行一開始個陣，筆者當時都係跟個賺到錢既師兄去睇下樓，佢當時用分返黎既bonus full pay買左幾間沙田樓，之後就出去搞生意無憂啦。筆者遲兩年入行增長慢一點，撈到而家都仲要為公司班手足點出糧打點下。

 

講設讀者，現金頗少，賣完東涌又再買返，來回雜項佢願意付嗎? 因此一動不如一靜，縱使東涌區一般貨色。至於自己同太太總借貸力為(33000+55000)/10000*50%*2.59 ~ 1140萬。現已用370+200 = 570萬，可再借1140-570 ~ 570萬(如太太有先生擔保單名上)，此能力未足在市區買三房，西九主要屋苑三房細都1200萬，天水圍三房600餘萬。加上首期唔夠，不如將東涌樓加按打點首期再看下一步，太太亦能利用買樓003借貸力由無變有之法爭取收入將借貸力增加。

 

近日銀行開始活躍批貸，市面既平盤亦已被掃哂。想轉按或買樓借錢，可到買樓易按揭轉介公司，whatsapp 96991141搵陳生，有時申請HKMC，或者有第二次機會，呀陳生同佢班伙計知道點搞。做開批貸及買樓呢方面既人同你傾傾及申請，而唔係求其搵個文書小姐fax文件。

——

碌卡消費，收到月結單發覺使大左？WeLend A.I. 私人貸款比信用卡更低息。
WeLend A.I大額貸款新組合，一筆過申請大額現金流旁身，再享彈性延長還款期，年利率低至1.88%！立即申請，盡賺高達$12,000現金獎！
即刻申請：https://bit.ly/3CTgJN9 。即日過數！
忠告：借錢梗要還，咪俾錢中介；查詢及投訴熱線：3590 6396；放債人牌照號碼：0970 / 2021

 

**諗Sir收息101課程　即付即可網上學習第一至六堂**

※只接受修畢「收息101」的學員報名，本課程不對外開放！※

**諗Sir【買樓收租課程】**

．當閣下付費報名上課或參與本網站的免費書展/免費文章/免費或收費講座/付費專欄等即等同明白本網站/公司的【收生條款及條件】【私隱政策/個人資料收集聲明】【一般免責聲明】【課堂規則】
．報名【免費講座】請即填寫【免費講座報名表格】
． 缺席課程的學員，可 【申請補課 】( 免費課程除外)，一律安排於下一期上課
． 此外本網站/本公司/旗下導師及行政人員均有權拒絕【任何可疑之人仕】參與任何講座/書展/收費課程/收費專欄及進入本網站/本公司擧辦活動之任何場地而事前不作另行通知
．颱風│黑雨安排載於【收生條款及條件】第17項–

---

---

L1:網上學習(影片8月5日後放出網上修讀)

L2:網上學習(影片8月5日後放出網上修讀)

L3: 2020年9月12日(六)14.00-16.30

費用: $3330