派息保險扣埋管理費等於沒賺 #1917

學生編號:TELY5845

 

諗sir,本人28歲。月入19K,之前做過幾次投資都係輸錢,直至到諗sir課堂學到真野,見到方向。本人十分討厭一些唱歌叫口號的理財班,浪費時間及金錢,今次發問前想分享些錯誤經驗,警醒自己+或者人地受惠。

 

一直明白儲蓄投資是致富途徑, 開頭做月供股票,供左煤氣及比亞廸,幾年過來不但沒15%年回報,更蝕了錢慘過放入薄仔

早前保險經紀介紹派息基金,雖然派息達9厘,但管理費達3%, 近半年派息不斷下跌,最後賣走基金, 扣埋管理費等於沒賺

 

與父母同住, 將要結婚養家。好財同好友夾埋儲到近80萬,要買樓想問:

 

1.工作紀錄唔夠一年,就算有六個月收入紀錄,去大行申請按揭 係唔係唔洗諗?

 

  1. 有朋友做 autopay出糧,係唔係做三個月就得? 

 

  1. 如果我得三個月 autopay出糧紀錄,但我前份工唔肯出證明信,甘樣銀行受唔受?。定大行唔受,細行受?

 

  1. 同埋我諗住 autopay 係4萬8 人工,希望買600萬樓,但之前出糧紀錄是返 part time ,一年時間,由part time 到 有 4萬8人工,會唔會懷疑?

 

面對結婚,不容有失。

 

ANSWER:

先留意唔係上到會就得,讀者要評估佢之後能否供得起間樓,筆者真係唔想教你「過到骨」上會,然後引致倫常慘案。另外呢個blog沒犯法之教學,假聘任去獲取貸款一經定罪,扣埋假期坐兩年都應唔夠找數。讀者會唔會係朋友公司做下秘書,係NAR1表明下自己身份? 及做足秘書之責任將自己處理的文件於公司註冊處備份呢? 絕不要半桶水去做事情,要學就學好套功夫。

 

一般按揭申請份工未做夠半年都會被拒,然而有些細銀行肯鬆些少,但邊間就唔可以講。因為金管局或紓尊降貴睇本專頁,佢睇完去反轉該行,那筆的的舊同事開立之買樓易按揭轉介就難撈了。已告知讀者自己Whatsapp 96991141找陳先生處理。暫只處理付費學生個案。

 

做野夠半年,同autopay出糧三個月是兩回事。做野半年要證明的,銀行會叫你出公司信,但這個很少查。銀行側重睇你入息證明,支票出糧要半年,AUTOPAY三個月,公務員只一個月,現金出糧唔做。讀者如在朋友公司出到三個月AUTOPAY,等到過埋年朋友公司亦有入職證明,到時年頭銀行批貸又鬆手D,應可過關。至於今時第四季,銀行已不斷減回贈、加息、慢批去表示唔想接按揭。但銀行難在唔可以大叫按揭收檔! 只可為難無關係既人。因樓市如下跌銀行收的抵押品(樓)價值低了,就當唔壞賬公司盤數都有影響,所以唔做好過做。早前有些人大叫等大跌才入市,其實而家個市只係跌些少,已證此做法講易行難。

 

銀行接受一個人多於一份收入的,不過銀行見盡唔同類型客人,廿幾歲又月入48K的職業,唔做SALES既基本上估得到,所以預計讀者揸住40-50K月入去銀行借錢,要好去應對不少問題。當然銀行關係好些,問題可以寬些。

 

讀者一定要買些流通量高而又易租出的,保證自己無錢都有租客幫手供樓。當然如有富爸爸,那可不理。例如買單幢樓單位可空置很久,此情會引致資本少者唔夠錢供樓。第日富有才買些獨特單位收藏未遲。48K月入加埋女友,估計可借6-7百萬,九成上會間500萬樓借400餘萬較合情理。600萬樓對讀者有點辛苦及怕用盡手上現金作首期。

 

保險一向愛困死你的錢濫收費,係現時ETF管理費只0.3%或更低,而隨時可出入市場的基金只收1%之情下,保險一年收超3%係好很貴的費用。其實投資相連類的保險收費項多而難明,傳統壽險則不用逐項披露收費,所以回報高的保險都不出現在此兩類。不少人掛羊頭賣狗肉,用收息字眼招徠而最尾錢入唔到客人袋。至於股票只合短時間快速出入市的投資取向,而唔係乜都唔理月月供的。股票就是盤生意,一盤生意放長睇,長遠會變得平庸,所以學好買賣股票決策才去炒股吧。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室