1st 第一層樓買入注意點 #1871

皆因希望諗SIR能盡快抽出解答所以準備標題: <<80後新婚夫婦不急生小朋友>>

 

我倆新婚都是39歳 ,因為經濟問題沒有打算生小朋友。

我每月入全職 $22000 +freelance 平均$2000

老公每月入全職$20000

 

本人 現金 40萬       老公 沒有儲蓄

          股票 11萬。    剛剛還清債務

          定期  5萬

            共56萬

 

因與老爺奶奶同住700萬之居屋是老爺名,住暫時沒有大問題,他們在2018剛用私樓換的,賣樓盈餘作退休之用。但不想打他們兩位老人家主意。

 

老公需每月付5000家用

我們想為將來打算想買1st 第一層樓,

但資金有限 , 又沒有物業。

因為遲起步遲結婚,所以急找門路剛報讀諗sir的101及103 也買了小本收息王

希望能抽出指點一下 謝謝

 

answer:

讀者夫婦借貸力為(22000+20000)/10000*2.59*50% = 544萬。先講收入唔高自然路崎嶇, 金權為主的好處就是按提供服務及其稀有性去分配資源(資金),諗sir只能提供一些時下付出有限風險,換到資源的效率較好之方法。但若收入無論低或高都可被諗sir「救贖」,那根本無「派4000蚊但等到死都未有這回事」。大家亦不用那麼抬舉,筆者無能力作神跡。

 

想進步,就一步步黎,咩事都係,大事不可一步求成。544萬借貸力加50餘萬資金,買400餘萬樓可以,首期只需40萬,單名買。如真首期唔夠或恐怕買樓後資金乾涸,可利用私人貸款。一般人買樓前若自己借私貸,銀行批按揭時會不信任借貸人之首期來源為儲蓄之陳述,一旦被打成首期是借返黎,按揭申請就唔會批。但,借p-loan很令借貸力被削,可考慮其他類型貸款,借之學問在買樓001有授。讀者應自己借而太太單名買,或掉轉,但不可自己借首期又自己買。去到呢度一定要講:「借錢有風險,唔想借就勤力d搵錢full pay佢」。

 

買第一層樓需由大屋苑開始,單幢樓成交量少忙令人易買難放,一旦返唔到錢最難為初階買樓現金唔多既人。大屋苑另一重點是易租出,樓有租收才有價值,筆者近月收番一間屋,樓下看更一見到我就問:「有人想租,有冇興趣?」當然看更都想收下利是,會積極。是否合法,第時傾。當你知你間屋易租,你就唔會為左快手租走而放棄自己選租客的條件,那就不易令租霸入屋。很多人中租霸,一是屋位置差或管理公司問題少人問津,自己慌了亂租比人。二是間屋裝修錯誤,例如省錢省得過份連渠既裝入水平都唔計較,可能唔知市價,講價講到裝修師傅都唔happy,最後屎水停留令屋有味,難租走。三是業主自己屎忽,例如租客搬入前想做些合理之維修,可能整返些電器,業主份內事都唔做,令經紀半放棄此業主,最後只比些衰客你同你玩「一deal焦土」。因此,業主有咩責任? 有咩唔係責任,請學清楚。

 

至於選取樓房,最重要是肯定業主揸實全個業權,令買家唔會跟手尾啦,這在買樓001查冊那教學會提及。次之睇樓,心法是: 睇屋外的事情比睇屋內更緊要! 屋外的事有唔妥你冇權改,屋內的事你點裝修都得! 講兩招基本: 係住宅大堂不少人留心睇大廈會否維修? 其實大廈維修問題不大,只要準買家同業主債好誰負責支出,寫明係合約,就可以。另外肯定裝修唔會嘈到你自己就可。反而在住宅大堂或其出面,有否警察更簿很應留意,有更簿,依筆者經驗,尤其油尖旺,商住樓樓下的比率明顯多,這也是一個訊息。至於你話買樓驚漏水,要業主係約上簽名話無漏水,其實無用。因為二手樓的漏水是進行式當中,爭在滲穿未。反而你要mark死該業主過去一段時間有否被鄰居投訴漏水,或被邀約做滲水測試,這些才有根有據。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室