如何住公屋達十萬月入?#1812

 

諗Sir:

你好,已經幾年無寫信俾你,我由6年前開始跟諗sir,由公屋仔(https://homebloggerhk.com/7691/)去到揸住兩層樓(https://homebloggerhk.com/44846/),好似略有小成,唯今日又有問題想請教諗Sir你。

 

3年前,我跟諗Sir講,將手上單位加按,按咗150萬出嚟做債基。當時每月大約收25,000息。

上年我見樓價高,將手上兩層樓賣晒,套現550萬,扣返150債基,淨400萬。因為想同家人住得舒服啲,就買咗屯門藍地大屋苑村屋二樓連天台單位,樓齡十年,買入價620萬,做6成按,首期250萬,打埋厘印,再大裝修,手上得返50萬。

早兩個月我將淨低嘅50萬,同埋一直無用過嘅息,一次過再加碼放埋入債基,依家每個月收52,000。

小弟現時月入36,000,層樓月供約14,000,家用5,000,每月扣埋所有洗費,大約月儲7,000。

 

連埋每月收息,淨低約59,000。其實生活已經比以前好好多,呢度真係要多謝諗Sir,改變咗我人生。理應我係無煩惱先啱。

不過嚟緊會同女朋友組織家庭,應該會洗一筆,不過呢啲都唔係問題。而我同女友財政獨立,佢未有樓喺身。

 

講咗咁耐,其實我問題係,如果我一直將每月收嘅息儲埋,再每一年放入債基,隨後收嘅息就會愈碌愈大,咁計落40歲就應該可以每月收非常可觀嘅息。我應該繼續用呢個方法,抑或等有足夠首期,用女友名買樓好啲?收息好似好穩陣,層樓又夠住,如果齋一直收息唔再買樓,咁諗會唔會太不思進取?手上嘅組合又洗唔洗轉?

依家嘅我,好想快啲靠啲息,養起我+家人,早啲退休,同家人輕鬆生活。

不勝感激

前公屋窮書生

 

answer:

讀者將50萬連同呢幾年收左既息買入債基,槓完後如下圖有795萬(即本金約只需要2-3百萬),你睇到呢4-5年佢收左既息有幾「和味」! 雖然795萬係槓後既數,但槓前既數點都有幾百萬。這與年頭另一個案「三年獲利三百萬,學生應知進退」一樣,兩位舊生都穩定地達到想要成績。諗sir既學生完成課堂後好少KEEP住要搵諗sir(本學生都只6年三次),因為「個病」醫一下就斷尾,而唔係每月每季要派個NUMBER叫你比錢上堂個隻。

三年獲利三百萬個案:

https://homebloggerhk.com/86977/

讀者參考了收息101的債基B及A餐收息,由於B餐派息達18%而A餐近30%。在此先講讀者A餐的配置太多,應該同B餐(最頂個隻)倒轉。A餐一旦市跌會有較大波動,現時5粒豆已向予「細個邊」出發,大家應知要點。

 

誠然讀者的成功不源於諗sir,而係讀者肯比錢聽筆者收息課講正確既料去做正確既事。你要知免費的投資意見,就累你無左上面你應有的回報,就令你圈於每日搭車搭地鐵返工的死胡同。讀者其實人工只36k,但被動收入有成59k加有層樓係手,人工加收息超十萬,在港已算人上人。那到2019又有什麼煩惱,作第三次提問?

 

原來係讀者被成近六萬蚊一個月的收益「息誘」,打算之後把錢投債收息而唔再買樓。在此勸說讀者唔好,因為住宅同債基的最大分別,是債基派息十年唔會點變,但樓的租金會隨通賬上升。我地睇下下面張舊報紙,你見到金星樓$29000,此價唔係租值,而係兩萬九就可買起當時569呎的三房(當時約1970年),而當時電視機一部賣300蚊。即一間樓同一部電視機的價距爭100倍。

時至今日,一層樓賣成一千萬,租值就可約兩萬九。而電視機3千一部有交易,所以電視機與樓的差價由100倍升至3000倍! 證明住宅很有能力抵禦通賬升值大潮,而債冇呢個功能。雖上述例子利用長時間例子指出極端情況,旨在提出租金能升防退休較好之重點。

 

所以債基、直債、住宅各有特色,筆者唔會因要賣野而偏袒介紹。至於股票由於收息唔好,所以筆者少提。讀者後生現覺得靈活可隨時買賣的債基好,屬正常! 但買樓先苦後甜趁後生再種埋第二或三間將來佢會見到成效。由於讀者有錢即有條件等(跌),不妨等樓價跌低於高位20%才考慮用20%首期入手屋苑樓,等唔到就照收息。

 

另外債基可以按市況將部份持有單位賣走/加注,詳細點憑數據決定可參考「五粒豆」之法,或參考收息103同學專屬之會員片。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室