被業主落鑊的小螞蟻求救 #1487

諗Sir你好!

 

本人睇你嘅blog已經幾年,亦已上了你嘅收息101,對你嘅獨到見解深感敬佩,來信希望你能夠為小女子指點迷津,萬分感激!

 

背景資料:

月薪 8萬

現金 300萬

股票 100萬

物業市值 500萬 尚欠300萬 (已轉弟弟名以騰空本人物業數目)

 

供樓1.2萬 (父母與弟弟同住)

租樓9千 (與男友一人一半)

每月平均開資3萬(包括使費,旅行,交稅)

 

兩年租約快到期,業主應該會加租,冇樓在手的我努力搵樓,可惜樓價持續攀升,究竟我點做先最好?

 

選擇如下:

  1. 買一間市區兩房自住(看過樓了,約八百五十萬先睇得上眼,但係覺得唔值)
  2. 買一間新界兩房五成按揭租出(唔想犯法)
  3. 買一間英國樓出租(男友為英國人,我們幾年後會移居英國,他也正在英國物色物業)
  4. 租住市區兩房
  5. 投資債基

 

諗法如下:

Option 1(最想的option, 因為有settle down 的感覺);

Option 2+3+4;

Option 2+4+5;

Option 3+4+5;

 

熱窩上的小螞蟻

 

answer:

未有樓睇得上眼,主要是市場決定未將某些資源配比讀者。若決定不妥協唔加租由原居搬走,較可取方案是用債基疊增去增加收入,然後以息抵租,捱過兩年,反正850萬市值既樓而家月租兩萬都唔使,而買同一市值既樓印花稅要30萬,轉命的印花稅已夠租樓1.5年,兩年後讀者或已打點搬去英國。

 

唔計倫敦核心地段,英國樓誠然是相對平的,但買前需先留意稅項。英國第二大城市,一般說法是伯明翰,亦有另一方勢力指是曼徹斯特,近年北京開招了曼徹斯特直航航班,令當地樓市更有承拓。同以往文章一樣,筆者認為如閣下需要找地方儲存資產,加上有仔女想去英國讀者,考慮買英國樓是可以的。法制及實用性,加上世界資金儲存中心的地位,都係英國樓可帶比你。但如要英國樓大升就冇可能。不過若要賺價,何不買股票呢? 你有十蚊,可切做一蚊買股而七蚊買樓,咁就各投資物各司其職。要一間樓租值好更要升得快,只屬一廂情願,而SALES就揸住呢個點猛咁同你講大陸泰國馬拉樓「範範掂」! 近月筆者公司都開辦了英國樓的講座,你想比生意我地做可以留意下次開辦時間,講者係「英國人+廣東話」,唔係筆者自己。在眾多國家只選英國,相信大家明白的,我地實在唔想轉channel講馬拉話或者攪到樓市短片成個「有線中國組」咁樣,先謝出席首次講座的同學支持。

IMG-20171219-WA0017

 

至於讀者除了拎100萬出黎「債基一下」月月收$10k去補貼租樓,係香港買多間樓是可以的! 五成上會係新界買間兩房,400萬入手月供約$7200,扣埋雜費月袋3k應可以。但由於不想踩界唔考慮八成出租,咁就只好葬二百萬去月換3k。其實買樓睇既唔係即時現金流,更重要是通賬長遠可貶走債項,令人越供越輕鬆之事。搵好後講把100萬股票放走一半,雖可能令讀者錯過2018大時代,不過大時代呢d野,留比有需要博既人去做啦。讀者起碼工資唔係低,無需要博。安排後有多一間樓及債基月入,已產出正現金流13k/月,補些少夠佢租兩房,兩年後過英國可能未適應無野做,亦可利用正現金流去頂一下生活,考慮呢點比攪呢5個Option不斷match更重要。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室