50歲月入5萬儲5萬的個案 #1408

有幸能認識諗Sir,實在萬幸!

 

本人是買樓101及準收息101學生,可惜5月才認識諗Sir,但我的人生巳過了一半,希望可以用有限的時間及借貸力去做番好投資部署,輕鬆迎接退休生活。

 

本人46歲,月入$6萬;老公50歲,月入$5萬;月儲$5萬。

 

2012年買入現住3 房聯名物業,樓齡39年,現約估值$6.5M,年頭剛用老公名轉按欠銀行$2M月供$14K,因當時仲未認識諗Sir,請問老公還可以再做加按嗎?

 

另在年頭與家人合資,用家人名購買啟德2房樓花$9.7M,5成按揭分25年2人月供共$2萬。明年收樓後想搬入去住,並將現住樓租出。

 

另有股票$60萬,現金人民幣外幣紙黃金共$2M。

 

想盡快將現往樓1拆2轉到老公名,等待時機盡快用自己名再買入出租物業,請問這個方案適合本人嗎?或應利用債基方案更適合?

 

希望諗Sir 多多指教,感激不盡!中年人上

 

ANSWER:

 

月入5萬儲5萬一方向看是好,但另一方向引筆者懷疑是否工作太忙而令洗錢時間都無? 後生無時間洗錢係好事,老來當然要洗下錢買方便多享受人生。讀者兩次買樓決定都做得唔好,往後要花時「跟手尾」。2012年買39樓齡單位,預左下手接貨者做唔足30年按揭。例如只如做廿年,供款是否由15K變20K? 不少初次置業者沉醉於個人dream house夢,買樓只考慮個人因素而少看客觀事實。此房應在明年收樓或之前賣走,就當其間用萬餘元租服務式住宅待半年亦在所不惜。若讀者無小朋友,更不介意將傢俱先迷你倉再搬到第處住。何況收新樓時傢俱已備,只待大人你一野踏入。

 

將原居一拆二,主考慮是樓齡已舊,寧願賣樓全套錢。至於啟德新樓已買,就唔好諗究竟區份好唔好啦。讀者勝在入手三房,應是該區或全港都屬少供應之間格。九龍城區是全港一房間格供應之重點,好應避免在附近持相近格式。另外賣左樓老公同自己都冇樓在手,而啟德樓就用家人「人頭」即有,在讀者原本現金都夠之情況下(約260萬,如賣樓有多450萬),挾(60k+50k)/10000*2.59*50% = 424萬借貸力去買夠三間樓成一生三宅,實在容易。亦不需急買,逐間黎入。

 

唯一隱憂是擔心讀者理財執行力不足,而儲錢是否成功令人懷疑。手上60萬值股票加200萬(外幣、金、人仔)當中應有大部份是由加按自住樓所得。如屬實即是讀者過去廿年之儲蓄少得可憐,究竟50診能否洗心革面搵5萬儲5萬實在成疑。但由於時間有限,我地少查證。先講加按樓將錢入手外幣加黃金唔係「無死」,黃金只要返回1000-1100美金水平,現時買入者就輸20%。加上買黃金係無息派,與入手住宅或債券不同,金好難守。記住有息先有得守,無再生能力,就如成team都係老人,時間只會係敵人。日本就係咁情況。套用李根興一句,做生意最好是「貨」就算賣唔出,都會升值的。筆者同意。不少管理層「跑數」,就係同時間跑。所以你識將「時間」拉埋自己一邊,是致勝其一關鍵。

 

那有錢怎搞? 確實是收息。買金唔好而買股太博。由樓房所賺最好轉為債,兩者有不少共通點:

 

3B

由於讀者已有一樓,利用餘錢運用收息101之法,把400萬分段投放於債基再疊增,就當行穩陣的D餐收息12-15%,每月可增收入$40-50K,已等於多一個人打工。收番3-4年,買多間樓既首期都係度。呢3年就住係啟德收住息等埋下一間樓啦。

 

至於轉做REITs,第一是REITs有很多種,而持有物業類形不同,所以不可一概而論。債券需公司質素唔同,但固定派息及到期保本大致是肯定。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室