即刻買到樓既方法 #1300

昨日已計出讀者如儲返3年錢,再將現時資金投入地產相關股份對沖樓市升幅,應可在三十歲入手大埔中心。同時應承今日比3個錦囊佢。

 

昨天讀者問題:

「你好,我係你DV3963既學生,上完你既堂我真係獲益良多,但有有D課堂上既內容我就有D唔明白,所以來信向諗SIR請教,希望諗SIR能夠抽空解答。

 

小弟行年27,人工21K,女友14K。同女朋友都有個共同理念希望可以合力係今年內賺/儲夠$800,000去完成我地既目標,現階段我地既現金總值為HKD 270,000左右,未計基金退保。車係完成左大約33%,到年尾加埋我地既儲蓄 (13100+6900)*9=HKD 180,000,最多都係得HKD 450,000,距離目標都仲有一半…」

 

但若真係等唔到30歲,有咩激進既方法可以考慮?

 

1.借信用卡現金分期

借錢方法多蘿蘿,你有無搞清邊個打邊個? 可能你心諗:「都係借錢,只要息低就得啦!」其實是錯的,因為唔同類型貸款,都可以有些借後需mark落信貸資料庫、有些就唔需要。換言之,有些借貸係唔會影響你日後買樓可借金額的。

 

另外,計出影響幾多是另一環節。一個人爭卡數15萬、同一個爭私貸15萬攤三年還既人,邊個借貸力會受影響多d? 如以人工30k黎計,邊件事會削減借貸力之48%? 另一件係29%?

 

當然,信用卡透支可以好高息,但用信用卡現金,再配合交到剛剛好又唔超額之文件,申請按揭時Approval確實可網開一面。留意有些文件唔交會引來懷疑,但交足又會令人露底,這些會與買樓同學慢慢探討。

 

既然有貸款係唔落資料庫,或就算落左未婚妻的資料庫都好,先生只要自己無借錢而搵未婚妻作私貸,即可增加首期金額。身為擔保人的未婚妻當然TU都會被查閱,不過查核無身為業主的先生咁嚴,如此一來,夫婦夠幾十萬首期確實有位走。讀者夫婦儲到近五十萬而只離八十萬目標不遠,用此方案可以搭夠。

 

2.打親戚主意

正所謂「你出名佢投資」,年青人只要肯出賣名額用首置上會,親戚就可以透過你名付10%首期買樓當投資。就當姪仔打八折交租比阿叔,減埋供樓仍可用幾十萬去槓十倍博個樓市向上升幅。這真係一家便宜兩家著。

 

當然姪仔交租唔供樓,財務實力無提升。只當係賣左自己個首置名額去享有私人空間、或打折租金。

 

3.夾錢買樓

樓房可分權擁有。例如三個朋友每人佔33%都可以,但留意三個朋友夾份買樓,那就一次用掉三個首置名額。補一個概念: 買樓或開聯名戶口,箇中的聯同持有人不需要有親屬關係的,但保險就一定要,至少要係老闆下屬或債主債仔既關係。

 

報紙有講,幾個後生仔係元朗夾錢做劏房,一個500萬大洋房偷偷地九成上會,每人夾16萬首期,就當裝修每人夾多八萬,劏6間租金收成33K(其實500萬可以出荃灣買,唔只30K租,可以更多),而供樓只係450/259*10000 = $17XXX/月,收租扣埋供樓仲有16K淨,每人攤到6K,等於自己補多3000即可係元朗租一整個單位。

 

咁即係儲到20餘萬,自己再補3千零就可以降決婚後住屋問題。兄弟如無父蔭,可以一齊試下。
總之,辦法總比困難多。還掂你上有高堂又未歸西,總要積極面對問題!








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室