專貴的homebloggerhk讀者，對不起。就算你們的樓市股匯問題已隔星期未覆，今回也要讓位了。諗樣最近亦忙於把稿文更改，仍想抽空在此分享個人經歷。
可能是諗樣「大鄉俚」，少年時kie過奇幻漂流，咁大個仔都未見識過如此景象，是三五成群之學生哥搵阿姐睇相。本人對掌相飛星學說從不抗拒，但凡新居入伙都會拜齊四隻角，旨在求個安心。但對於幾個學生哥放學圍埋阿姐問乜問物，實在有感不是味兒。
坐在middle class café等人的我，無聊時將視線收窄於右下方，看到學生哥共三個，圍住阿嬸聊些什麼。起初我認為是阿姐受薪教功課，但阿姐又講又做，學生哥點頭後再顯著緊張發問神情，我開始覺得阿姐同該位年青力壯之小伙子，於人煙綢密的油尖旺區，有著個耐人尋味之勾當。為了滿足好奇心，甘願像昨天記者們以身試lift，冒著飛墮十八層之風險，手握剩餘兩到四滴咖啡之grande紙杯，坐埋佢地對面用santino的角度望住三男一女，務求就算被發現都唔會被圍毆致死。
講開又講，點解middle class café入面之杯量是用grande而唔係large呢? 諗樣之理解，就係「厠紙」同「一次性大腿內側專用環保順滑圈紙」之分別。又一次證明，middle class係有middle class之專用字。你而家比成萬蚊個仔讀幼稚園，如果佢仲係教large、middle、small呢d咁簡單既字句，證明佢唔能夠幫你子女融入middle class。萬一教得唔好，第時你個仔同你講佢夢想係成為large class，咁就真係large撚鑊! 教育之本質，是為了某個目的，至少是為了大家改善生活的。
發完牢騷，聽返小記經歷。學生哥輪問阿姐，先問學業再講流年運程。你睇相片見阿姐係紙上寫了又批，用六合之法解釋為何李同學流年運程不太順利，再配合八字批命論盡同學未來十年之光景。諗樣無資格質疑阿姐之專業性，但心中確實不高興。現今之年青人，真的絕望到要搵八字批命問前途嗎? 定或年青人心中之多煩及紊亂，是本樣活多佢十幾廿年都未曉的!?
八字批命是門學問，筆者有同年朋友在學時利用閒時鑽研當中法門，此事沒有不妥。就算約高見手用自己所學和人切磋一番都沒問題。令筆者覺得奇怪是，筆者觀察學生哥絕對唔係同阿姐切磋，只係急於想知道「餘生」運程如何，難道時下香港年輕人的命運，不是牢實地掌握在自己手中嗎?
回想自己，當年極是迷茫。十年前幸得好心老闆收留有糧出仲要請食晏，勉強撐到沙士後遇上另一機遇，得以重生。現在人生似在衝浪，兼顧多樣亦要保持平衡。今日夢想還在，逐步實行。但講返自己在學時，真是未想過要找師傅看流年、問前程。 相信看倌為學生時所做的事算是最有把握，最少變數了。考試高低分，讀十本書總有回報。老細唔鐘意你，佢可以答係本人興趣。我深思為何香港仔十五二十時，結伴求神問卜，浪費美好年青光陰呢?
有此現象，一怪父母，二怪政府。在此帶出訊息，希望各位父母大彈當今教育制度有幾唔妥時，先看自己有幾用心將正確之人生觀灌輸與子女。近年在網上廣傳的「仔鬧老母」、「十蚊利是之怨咒」等，可歸納為道德論理上之不當，所作所行，影響身邊所有人心情。比讀唔成書更令人激心。
有父母更將責任推諉與學校老師，在現今香港各行各業都變得服務化後，學生及家長被漸學校定性為消費者是必然。但諗樣論點認為這做法不正確的，在校享有貼身服務，他日對你投身社會有何幫助? 更是扭轉家長送子女去學習是為了改善生活此目的。父母過份關懷子女、另一方面傾向不相信老師們的專業，此兩點最要正視，更減低了子女成材之可能。
萬一上學被大多數港人認定是消費過程，筆者只好早日移民。他日一班少爺兵，手上無法面前無路，如何在港打拚? 更莫說要香港重拾昔日光輝，又說什麼拒絕赤化了。
父母十分緊張自己子女，在國民教育引起之風波可見。要仔女成材更可貢獻社會，家長要收起髒話，老師唔再「接客」。老師們請多尊敬自己職業，更不要搬弄什麼卓越例子說明時下年青人勁到可以攞七個獎學金! 要年青人更善用自身光陰，責任在你我。
在此撰文一篇內容盡是由心出發。唔同意可直接刪除，沒有手尾。捉錯別字者亦不用在此浪費時間。最要多謝係已經寫低了千字問題之讀者，你們又要忍耐多幾天了。
