振英哥的說話，依然有水準。在電視旁看著，感覺到他真能給予人希望，說做就做的! 話現時香港樓價高企，其實高低只是比對，何不說香港人現時收入過低，買唔起至少三四百萬既蝸居呢?
收入過低?? 即刻整你一個「最低工資」，可惜效果係點? 過去一段時間有見「看更阿姐」人工微調上一萬蚊後，野食跟住貴左幾多大家都知。數字人生，阿Lam唔係冇教你。
阿Lam係林子祥，唔係張智霖chilam!! 由於本篇對象以年青人為主，有需要講得明白一點。對於梁特首講新予的房屋政策，亦都一樣。佢係第一份施政報告，說到大家最關心的資助房屋，話可以係2012-13年度起5年內落成約75,000個新公屋單位，在2018年起的5年內，至少新增10萬個公屋單位。你收貨嗎? 止到痕嗎?
如果你真係冇痕，其實下次首長可講老人福利政策，諗樣試比個意見: 「建議現時香港七十歲或以上之老人，老人特惠金由2013年開始計起廿年內，至少增加20倍。」我相信此老人政策同房屋政策一樣做得到! 問題係班老野到時等唔等到，特首到時又坐唔坐到…
再次重新，本篇文章唔係話咩講大話，「大話精」之類! 我最喜愛和諧，大家做野咪成日嘈! 本篇主旨係想增長大家漢語文化上之視野! 而家香港無論老嫩都比人話中文差，就係衰在唔識將用詞包裝好再出街。例如形客雌性人類只得靚、爆、索三個字，多一滴都冇! 想住公屋 !?? 睇施政報告學下野，做好份工望自救好過啦!
基於筆者長居於香港，引用香港人一般既諗人心態，「五年比75000你」係不等於「每年15000」既! 仲極有可以臨尾「爛尾」添! 比話一出筆者諗法係政府已露底，或打定底，佢根本冇可能咁快比到公屋你! 至於加強回收公屋或更改地積比率，都係只講而冇定下硬指標既承諾。總之，你交稅、佢起樓，大家知大家有做野，至於幾時交貨，睇下邊個有運行先吧!
p.s. 細字: 佢一開頭係選舉應承大家目標係每年起三萬五個單位
更多精選文章按此-> : 三十歲擁有兩間樓