80後百萬富翁買樓部署#503案偽專才

您們好!!!

本人八十後, 現有計劃如下, 想請教專家們的意見是否可行, 或有沒有地方改善, 十分感謝幫忙!

現況:
–        八十後, 全職中
–        與父母同住九龍東公屋, 故計劃在九龍東買樓婚後自住
–        父母5年後退休

財務:
–        月入:本人30K + 女友20K
–        借貸/儲蓄:沒有借貸, 與女友月儲25K (包括保險), 2014修畢學位後可加強儲蓄
–        流動資金:現與女友合計約1M (以股票+人幣定期為主, 現開始賣出股票轉為現金儲蓄)

–       2014年後會以保守為主, 故以人幣定期或其他現金方案為主

 

計劃:

–       現計劃2015年末與女友結婚, 婚後會生BB

–       因錯過過往數年的入市機會, 現打算以本人名義2015年左右買$3.5M樓2房結婚自住, 2015年時以約1.2M做30%首期, (包括雜費, 律師費等), 70%上會, 分25年, 期望以15K內每月供樓.

–      以現時私樓樓價來看, 3.5M不能在九龍東買入2房(~500尺)的私樓, 會考慮2房居屋, 亦希望到時政府有政策幫忙 <雖然希望不大>或2015年樓價下跌些

–     買入自住樓後, 兩夫婦繼續工作, 並計劃在未來10年儲起1M作第二層樓之用 <以太太名義>

以上簡單計劃希望未來20年後做到有一屋自住一屋放租, 供養父母及照顧BB, 本人明白可能太理想, 當中可能生病, 轉工, 被炒, 經濟起伏等風險產生, 但基本是本人的大方向.

 

小弟問題多多, 煩請專家抽空解答.  謝謝!!!!

答案

讀者是一個80後百萬富翁,雖然一百萬係同女友合共儲得,但在現時各大名牌推銷,就連筆者出席近年開始少去的婚禮都發現花球係要用agnes.B既,就知道自己是幾跟唔上潮流。而兩人共儲得現金百萬已算合格! 相信讀者心情都有點忐忑不安,錯過幾年前入市機會,現有百萬現金但又冇樓係手,對政府政策幫助已經希望不大,那應如何打算呢?

 

可能因為地產商新樓宣傳策略有效,讀者已覺得3.5mil已不能夠在九龍東買入兩房私樓啦! 更想打算買入居屋。以讀者現時人工再加上進修成果,再加添人工後的財政狀況實不應作居屋考慮。因居屋只作自住,第日加按難、賣出又難,只不過近年有白居二政策令價格台高,只要有能力買私樓都應選擇私房,因為你付出的價錢可買到個完整的業權。

 

另一批人話我同樣價錢買居屋可以住大些少,那要看你人生觀如何。如你肯現在住細些少或遠些少去換取間易按易放既樓,此舉定必令你他日想一拆二、二變四時易作預算。

 

比起計劃「2015年婚後再生BB,2015年時以約1.2M做30%首期」,讀者更需要的是作點實事,親身去睇下九龍灣、土瓜灣、或觀塘舊區內3.5mil之兩房質素如何。更應睇定4.5mil範圍的,時常更新看心水單位何事到價。建議年輕人唔好等需要買樓時先走去睇樓。你早作點努力部署,識個可靠既經紀可幫你執到件平市價5%既單位,早知買賣流程可避免不必要之麻煩,當中已來回廿萬,勝過你每朝早起返6個月工。

 

如兩位同意,第一層樓用單名買是配合現行政策的,致使第二間樓又可以用九成上會,用盡槓桿。只要買入第一間樓唔摸頂,買第二間樓一般唔使等10年。你留意供樓是有還本的麼? 加上自己儲蓄有助你十年內樓換樓。20年後做到一屋自住一屋收租在讀者而言沒太大難度,要只謹慎理財便成。可以20年做只做到兩樓在手,除非是兩間house,否則不見得有好日子過,違背你在2015年同女友結婚時會許下好好照顧佢之誓言(當然你可在心靈上補足)。所以讀者應先作點睇樓實戰,更了解自己的投資目標及理財方案。而其他投資亦一樣,可以八成保守而兩成炒下股票。至怕係再過幾年讀者婚後洗完錢才發覺要急起直追,將全數金額心急投放高風險資產後一鋪清袋。

 

講到呢到你會問:「點會清袋咁傻仔呀? 只好說男人喜歡說自己英雄事跡,而將自己輸到阿媽都唔認得既事情隻字不提。」










本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室